Son illərdə ölkəmizə gələn müxtəlif səlahiyətli qonaqlar və turistlər şahidi olduqları reallıqlarla bağlı təəssüratlarını bölüşərkən ilk növbədə Azərbaycanda, xüsusən də Bakıda gedən genişmiqyaslı tikinti quruculuq işlərini qeyd edir və paytaxtımızı dünyanın ən gözəl şəhərlərindən biri adlandırırlar. Əgər nəzərə alsaq ki, qonaqlar dünyanın əksər paytaxtlarında olurlar, onda paytaxtımız haqqında söylənilən bu fikirlər həqiqəti tam əks etdirir. Paytaxt infrastrukturunun bərpası, yenilənməsi, küçə və meydanların estetik cəhətdən yenilənməsi ilə məşğul olan insanlara isə biz minnətdarlığımızı bildirməliyik. Bu baxımdan əhalinin və nəqliyyatın gündəlik istifadə etdiyi kommunikasiya qurğularının xüsusi diqqət və qayğı tələb edərək işlək vəziyyətdə saxlanılması da çox vacibdir. Tam əminliklə demək olar ki, əgər bu həyat əhəmiyyətli obyektlər bir gün belə işləməsə Bakıda həyat iflic ola bilər.
Bütün bu məsuliyyətli işlərin icrası isə Azərbaycan Avtomobil Yolları Dövlət Agentliyi 7 nömrəli Xüsusi Təyinatlı Yol İstismarı MMC kollektivinin (direktor cənab Eldar Məmmədov) üzərinə düşür. Qeyd edək ki, kollektivin xidmət etdiyi sahədə 63 yeraltı, 11 ədəd yerüstü piyada keçidləri, 25 ədəd nəqliyyat tunelləri, Heydər Əliyev adına Beynəlxalq Hava Limanı-Buzovna- Bilgəh avtomobil yolunda yerləşən nasos stansiyaları, o cümlədən 164 ədəd eskalator, 31 ədəd əlil arabası, 246 ədəd müxtəlif markalı nasos qurğusu və 21 ədəd generator vardır ki, onlar da gündəlik diqqıt və qayğı tələb edir.

Kollektivin işi çoxşaxəlidir və 2018-ci ilin yanvar-iyul aylarında müxtəlif obyektlərdə fibrobetonlar yeniləri ilə əvəz olunmuş, sıradan çıxmış işıq lampaları, plafonlar, projektorlar, istiqamətverici panellər, drenaj nasosları yeniləri ilə əvəz olunmuş, həmçinin, qrafikə uyğun olaraq, yeraltı və yerüstü piyada keçidləri, nəqliyyat tunelləri təmizlənmiş və zərurət yarandıqda yüksək təzyiqli su aparatları vasitəsi ilə yuyulmuşdur. Bu dövrdə görülən işlərin həcmi çox böyük coğrafiyası da genişdir.

Bu baxımdan, oxucularda görülən işlər haqında daha geniş təəssürat yaratmaq üçün təkcə 2018-ci ilin 7 ayında MMC tərəfindən Bakı şəhərinin müxtəlif rayonlarında həyata keçirilmiş təmir-bərpa işlərinin bəzilərini təqdim edirik:

28 May küçəsi Nizami kinoteatrının və Kukla teatrının qarşısında, Azneft meydanında, Bülbül prospekti ilə Zərifə Əliyeva küçələrinin kəsişməsində, Şəfa stadionunun qarşısında, Füzuli meydanında, Q. Qarayev prospektində, Dövlət Bayraq Meydanı, Azneft meydanında, Babək prospektində, Beynəlxalq Hava Limanı istiqamətində Koroğlu meydanı ilə Sabunçu dairəsi arasındakı 1490 metr məsafədə, İncəsənət Universitetinin qarşısında, Azadlıq və Ziya Bünyadov prospektlərinin kəsişməsində, Fövqaladə Hallar Nazirliyinin müvafiq göstərişlərində qeyd olunan tələblər əsasında Koroğlu Rəhimov və Təbriz küçələrinin kəsişməsində və digər çoxsaylı obyektlərdə mühüm təmir- bərpa işləri həyata keçirilmişdir.

Qeyd edək ki, kollektivin gördüyü işlər müxtəlif istiqamətli olduğu kimi, onların reallaşması bir çox hallarda qeyri-standart mühəndis-texniki yanaşmalar da tələb edir ki, direktor Eldar Məmmədovun ümumi rəhbərliyi, baş mühəndis Əhliyar Haqverdiyevin, sahə rəisləri Məhəmməd Xalacov, Bəhruz Darçınovun bilavasitə iştirakı ilə kollektiv tərəfindən yüksək səviyyədə reallaşdırılır. Burada fəaliyyət göstərən yüksək ixtisaslı ustalardan eskalator üzrə usta Qabil Əliyev, mexanik Emil Əliyev işə yüksək

məsuliyyəti və peşəkarlığı ilə seçilərək kollektivə nümunədir.

MMC-nin fədakar əməyi həmçinin Azərbaycan dövləti tərəfindən yüksək qiymətləndirilir. Prezident İlham Əliyev cənablarının Sərancamları ilə bir çox əməkdaşlar müxtəlif təltiflərə layiq görülmüşlər.Lakin kollektiv gördüyü işlərlə kifayətlənmir və daha yüksək nəticələr əldə etmək əzmindədir. Məsələn, hazırda yay fəsli olsa da, burada payız-qış mövsümünə hazırlıq işləri gedir.

Təbii ki, şəhər əhalisi onların rahatlığını və təhlükəsizliyini təmin edən bu insanlara minnətdardır. Elə bu sətirlərin müəllifi də komsomol dairəsi adlanan yerdə yerüstü piyada keçiddən hər gün keçərək işə tələsən zaman bu komfortu yararlanır.

Sonda məqalə Qurban bayramı ərəfəsində yazıldığına görə “7 nömrəli Xüsusi Təyinatlı Yol İstismarı” MMC-nin kollektivini başda direktor cənab Eldar Məmmədov olmaqla, təbrik edir, müstəqil Azərbaycanın çiçəklənməsi naminə onlara fəaliyyətlərində uğurlar arzulayırıq.

Tahir Heydərov

Ermənilər tərəfindən qanunsuz istismar edilən Kəlbəcər rayonunun Heyvalı kəndindəki (Drombon) dağ mədənində partlayış nəticəsində yanğın baş verib.

Paşinyan hər vəchlə Konstitusiyaya parlamentin özünü buraxmaq hüququ barədə müddəanı daxil etmək istəyir.

Ədliyyə naziri Fikrət Məmmədov avqustun 31-də Hacıqabul rayonunda vətəndaşları qəbul edəcək.

Acınohur düzündə təsərrüfat işləri aparan şirkət rəsmilərinin diqqətinə ceyranların yaşam şəraitinə təsir göstərən amillərə ciddi riayət olunması tapşırılıb.

ABŞ-ın Rusiyaya qarşı noyabrdan etibarən tətbiq edəcəyi yeni sanksiya dalğası neftin qiymətinin gətirdiyi üstünlükləri aşağı salmağa xidmət edəcək.

Millət vəkili Qənirə Paşayeva Tovuzun Qovlar şəhərində ali məktəblərə daxil olan gənclərlə görüşdə çağırış edib.

 

Hal- hazırda respublikamızda yol infrastrukturunda gedən inkişaf , görülən çoxşaxəli işlər real faktdır. Azəraftayolun sədri Saleh Məmmədovun  birbaşa iştirakı  və onun peşəkar kollektivinin  , o cümlədən Əflatun Qasımovun fəal iştirakı ilə həyata keçirilən çoxsaylı yenidənqurma və bərpa işləri təqdirəlayiqdir. 
 

Növbəti yol tikintisi hal- hazırda davam etdirilməkdədir. Belə ki , Pirşağı - Mehdiabad yolu əsaslı təmir olunur. Uzunluğu 7,2 km , eni 8 km olan yolda alt hissə asfaltlanır . Yol üzərindəki köhnə örtük qazılıb çıxarılıb ,  karbonat çınqıl örtüyü ilə doldurulmuşdur. 7 min paqon daşlar çəkilmişdir. Yol qırağında piyada zolağı , avtobus dayanacağı üçün ciblər hazırlanıb. 
 
İşlər 4 saylı Bakı Yol istismarı MMC tərəfindən həyata keçirilir. 
MMC-nin direktoru Musayev Fazil , yol icracısı Musayev Afər , sahə rəisi Bayramov Natiq hər daim iş başında , birbaşa işə nəzarət edirlər.

Azərbaycan Türkiyə-Rusiya yaxınlaşmasında maraqlı olmalı, bu məsələ üçün öz töhfələrini verməlidir. Ermənistan üçün Türkiyə-Rusiya ittifaqı ən xoşagəlməz ssenaridir.

Merkelin Cənubi Qafqaza səfəri həm region, həm də Almaniyanın tarixi üçün əlamətdar hadisədir.