 |
|
Əminəm ki, bu qələbə ruhu, əzm və məsuliyyət hissi ilə komandamız daha böyük zirvələri fəth edəcək. Bu yolda heç nə bizi dayandıra bilməz.
Bunu "Qarabağ"ın prezidenti Tahir Gözəl Bolqarıstanda "Ludoqorest" klubuna əlavə vaxtda 7:2 hesabı ilə qalib gəldikləri UEFA Çempionlar Liqasının III təsnifat nərhələsinin cavab oyunu ilə bağlı danışarkən deyib.
Funksioner Azərbaycan çempionunun uğurlarının davamlı olacağına inandığını vurğulayıb: “İlk növbədə, bu möhtəşəm qələbə münasibətilə hər kəsi ürəkdən təbrik edirəm! Bu matç hamımız üçün çox stresli, çox gərgin keçdi. Amma başda Qurban Qurbanov olmaqla, futbolçularımızın göstərdiyi əzm və fədakarlıq sayəsində bu çətin sınaqdan da üzüağ, başımız dik çıxdıq. Biz bir daha sübut etdik ki, birlikdə hər zaman uğura imza atmaq mümkündür. Biz bu qarşılaşmada sonadək mübarizə aparmağın nə qədər önəmli olduğunu gördük, yeni, maraqlı təcrübə qazandıq. Komandamızın meydanda keçirdiyi 120 dəqiqə və xüsusilə matçın əlavə olunmuş 30 dəqiqəsində göstərdiyi oyun, bunu yalnız yüksək səviyyədə fiziki hazırlığı, möhkəm irədəsi və böyük ruh yüksəkliyi olan oyunçuların edə bilməsinin bariz nümuməsi idi. Bu gün - iradə günü idi! Bu məqamda, Qurban Qurbanova belə bir fiziki gücdə olan komanda yetişdirdiyi üçün bir daha təşəkkür etmək istəyirəm".
Tahir Gözəl onları qarşıda bizi daha çətin və məsuliyyətli oyunlar gözlədiyini diqqətə çatdırıb. "Bunu başa düşürük. Daha güclü rəqiblərə qarşı mübarizə aparacağıq. Pley-offa vəsiqə qazanmaq böyük uğurlara doğru atılan addımdır. Başda cənab Prezident İlham Əliyev olmaqla, bütün Azərbaycan xalqını, komandamı və azarkeşlərimizi təbrik edirəm. Bizimlə birlikdə bu sevinci yaşayan, bizi burada tək qoymayan hörməti səfirlərimiz Leyla xanım və Hüseyn bəyə xüsusi təşəkkürümü bildirirəm. Həmçinin, matçdan sonra centlmenlik göstərən “Ludoqorets” klubunun prezidenti Aleksandr Aleksandrova komandamız haqqında səsləndirdiyi xoş fikirlər üçün dərin minnətdarlığımı bildirmək istəyirəm. Bu qələbə bizim üçün sadəcə bir addımdır. İrəlidə bizi daha böyük uğurlar gözləyir".
Qeyd edək ki, "Qarabağ" pley-offda Xorvatiyanın "Dinamo" (Zaqreb) komandası ilə üz-üzə gələcək. "Köhlən atlar" ilk görüşünü avqustun 20-də səfərdə, cavab matçını isə avqustun 28-də səfərdə keçirəcək.
Bu gün UEFA Çempionlar Liqasında III təsnifat mərhələsinin cavab görüşlərinə yekun vurulacaq.
Doğma meydanda 1:2 hesabı ilə məğlub olan təmsilçimiz, səfərdə qələbə qazanaraq pley-off mərhələsinə adlamağa çalışacaq.
Görüşü Simone Sozzanın başcılıq etdiyi italiyalı hakimlər briqadası idarə edəcək.
Qeyd edək ki, qarşılaşma Bakı vaxtı ilə saat 22:00-da başlanacaq.
13 avqust
UEFA Çempionlar Liqası, III təsnifat mərəhələsi
"Ludoqorets" - "Qarabağ"
Saat 22:00, "Huvepharma Arena"
“Azərbaycan Gimnastika Federasiyasının prezidenti Mehriban Əliyevanın sosial mediada paylaşımı bizi çox məmnun etdi. Çox xoşbəxtik ki, Mehriban Əliyeva bizi həmişə dəstəkləyir. Onun dəstəyi isə bizim üçün çox dəyərlidir”.
“Report” xəbər verir ki, bu sözləri “Paris-2024” Yay Olimpiya Oyunlarında beşinci yeri tutaraq tarixi nəticə əldə edən bədii gimnastika üzrə qrup hərəkətləri komandasının üzvü Güllü Ağalarzadə deyib.
O bildirib ki, insanların dəstəyi gimnastlara daha çox motivasiya verirdi: “Azərbaycan kimi ölkəni təmsil etmək asan iş deyil. Çox fəxr edirik ki, ölkəmizi Fransanın paytaxtı Parisdə keçirilən XXXIII Yay Olimpiya Oyunlarında layiqincə təmsil etdik. Biz çox əla komandayıq. Bu ölkəni təmsil etmək böyük məsuliyyət tələb edir. Beş ən güclü kollektiv arasında olmaq qürurvericidir”.
Komandanın digər üzvü Zeynəb Hümmətov da yarışda əsas hədəflərinin verilən tapşırıqları dəqiq yerinə yetirmək olduğunu bildirib. Onun sözlərinə görə, əsas məqsəd kompozisiyaları yüksək səviyyədə yerinə yetirməkdir:
“Çox yaxşı komandamız var. Artıq ilk beş kollektiv arasında yer almaqla hər kəsə güclü olduğumuzu sübut etdik. Fikrimcə mövcud komandanın üzvləri məşqləri yaxşı etsə, növbəti Yay Olimpiya Oyunlarında Azərbaycana tarixi medal gətirə bilərik”.
“Zirə”nin baş məşqçisi Rəşad Sadıqov UEFA Konfrans Liqasında rəqibləri olan Xorvatiyanın “Osiyek” klubunun çalışdırıcısı Frederiko Koppitellinin komandalar arasında keçirilən ilk oyundan sonrakı açıqlamasına cavab verib. “Qafqazinfo”nun məlumatına görə, mütəxəssis rəqib çalışdırıcının dediklərinin ona qəribə gəldiyini bildirib:
“Onun açıqlamasını oxumuşam. Dərhal mənə də pis təsir etdi, qəribə gəldi. İkinci hissədə aşkar üstün tərəf biz idik. Onların vurduğu qol da bizim top itkimizdən sonra baş verdi. Bəlkə isti-isti belə danışıb”.
R.Sadıqov həmçinin xorvatların heyətindəki erməni futbolçu Styopa Mkrtçyanın Bakıda meydana çıxacağı halda hansısa gərginlik yaranması təhlükəsi ilə bağlı sualı da cavablandırıb:
“Hansısa gərginlik istəməzdim. Hamımız əvvəl gərgin idik. İdman yarışlarında da belə olurdu. Bu gün hansısa gərginliyə ehtiyac yoxdur. Biz qalibik. Bəlkə onlar bizimlə qarşılaşanda, aqressiyaları olsun. Əvvəl rəqibin heyətində erməni olanda, düşünürdüm ki, qol vurmasın. Böyük zəfərdən sonra məndə elə hiss qalmayıb. Futbolçularıma da hansısa xüsusi tapşırıq verməmişdim. Komandasının aparıcı oyunçusudur. Sırf oyuna köklənməliyik. Həqiqətən önəmli oyuna çıxacağıq”.
Azərbaycan Fransanın paytaxtı Parisdə keçirilən Yay Olimpiya Oyunlarında medal sıralamasında 24-cü pillədə qərarlaşıb.
Hələlik komandanın aktivində 2 qızıl, 2 gümüş və 1 bürünc mükafat var.
Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Taekvondoçu Qaşım Maqomedov (58 kq), boksçu Alfonso Dominqes gümüş, yunan-Roma güləşçisi Həsrət Cəfərov (67 kq) bürünc medala sahib çıxıb.
Ukrayna (3 qızıl, 4 gümüş, 4 bürünc) 18-ci, İran (2 qızıl, 4 gümüş, 2 bürünc) 23-cü, Gürcüstan (1 qızıl, 2 gümüş, 1 bürünc) 42-ci, qardaş ölkə Türkiyə (3 gümüş, 3 bürünc) 61-ci, Ermənistan (2 gümüş, 1 bürünc) 66-cı sıradadır.
İlk "üçlük"də ABŞ (33 qızıl, 39 gümüş, 39 bürünc), Çin (33 qızıl, 27 gümüş, 23 bürünc) və Avstraliya (18 qızıl, 16 gümüş və 14 bürünc) yer alıblar.
Hələlik 86 ölkə mükafat əldə edə bilib.
Qeyd edək ki, Paris-2024 avqustun 11-də başa çatacaq.
Birinci vitse-prezident Mehriban Əliyeva Parisdə keçirilən XXXIII Yay Olimpiya Oyunlarında bürünc medal mükafatı qazanmış Azərbaycanın yunan-Roma güləşçisi Həsrət Cəfərovu təbrik edib.
"Bu barədə birinci xanım sosial şəbəkədə yazıb.
"Ura! Növbəti qələbəmiz! Azərbaycanın yunan-Roma güləşçisi Həsrət Cəfərov bürünc medal qazandı! İdmançımızı səmimi-qəlbdən təbrik edirəm! Azərbaycan azarkeşlərinə bəxş etdikləri sevincə görə bütün qaliblərə təşəkkürümü bildirirəm!", – o qeyd edib.
Xatırladaq ki, avqustun 8-də Azərbaycanın yunan-Roma güləşçisi Həsrət Cəfərov qırğızıstanlı rəqibi Amantur İsmayılovu yenərək olimpiadanın üçüncüsü olub.
Azərbaycan Fransanın paytaxtı Parisdə keçirilən Yay Olimpiya Oyunlarında medal sıralamasında 22-ci pilləyə yüksəlib.
"Report"un məlumatına görə, bu, taekvondoçu Qaşım Maqomedovun (58 kq) gümüş mükafat əldə etməsi sayəsində mümkün olub.
Hələlik komandanın aktivində iki qızıl və bir gümüş medal var.
Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Boksçu Alfonso Dominqes (92 kq) finala yüksəlməklə ən azı gümüş mükafatı təmin edib. O, mübarizəyə davam etdiyi üçün medal cədvəldə göstərilməyib.
Ukrayna (3 qızıl, 2 gümüş, 3 bürünc) 17-ci, Gürcüstan (1 qızıl, 2 gümüş, 1 bürünc) 32-ci, İran (1 qızıl, 2 bürünc) 43-cü, Ermənistan (2 gümüş, 1 bürünc) 55-ci, qardaş ölkə Türkiyə (1 gümüş, 3 bürünc) 58-ci sıradadır.
İlk "üçlük"də ABŞ (27 qızıl, 35 gümüş, 32 bürünc), Çin (25 qızıl, 23 gümüş, 17 bürünc) və Avstraliya (18 qızıl, 12 gümüş və 11 bürünc) yer alıblar.
Hələlik 80 ölkə mükafat əldə edə bilib.
Qeyd edək ki, Paris-2024 avqustun 11-də başa çatacaq.
Paris-2024 Yay Olimpiya Oyunlarında iranlı idmançı Amin Mirzəzadənin rəqibi Sabah Şəriətiyə etdiyi jest diqqət çəkib.
“Qafqazinfo” xəbər verir ki, o, Azərbaycanın yunan-Roma güləşçisi Sabah Şəriətini çiyninə qaldıraraq meydanda gəzdirib.
İdmançının bunu etməsinə səbəb, Sabah Şəriətinin karyerasını bitirməsi olub. Belə ki, iranlı güləşçi rəqibinin son görüşü olduğunu öyrəndikdən sonra geri qayıdaraq onun çiyinləri üzərinə alıb və dövrə vurub.
Qeyd edək ki, görüşün ilk hissəsi rəqibin 3:0 hesablı qələbəsi ilə başa çatıb. İkinci yarıda qaşından ciddi zədə alan S.Şəriəti tibbi müdaxiləyə ehtiyac duyub.
Yekunda rəqibinə 0:4 hesabı ilə uduzan güləşçimiz 5-ci yerlə kifayətlənib.
Azərbaycan Fransanın paytaxtı Parisdə keçirilən Yay Olimpiya Oyunlarında medal sıralamasında 23-cü pillədə qərarlaşıb.
Hələlik komandanın aktivində iki qızıl mükafat var.
Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar.
Boksçu Alfonso Dominqes (92 kq) finala yüksəlməklə ən azı gümüş medalı təmin edib. O, mübarizəyə davam etdiyi üçün mükafat cədvəldə göstərilməyib. Azərbaycanla birlikdə Serbiya da (2 qızıl) 23-cüdür.
Ukrayna (2 qızıl, 2 gümüş, 3 bürünc) 18-ci, Gürcüstan (1 qızıl, 2 gümüş, 1 bürünc) 28-ci, qardaş ölkə Türkiyə (1 gümüş, 2 bürünc) 54-cü, Ermənistan (1 gümüş) 58-ci, İran (1 bürünc) 69-cu sıradadır.
İlk "üçlük"də ABŞ (24 qızıl, 31 gümüş, 31 bürünc), Çin (22 qızıl, 21 gümüş, 16 bürünc) və Avstraliya (14 qızıl, 12 gümüş və 9 bürünc) yer alıblar.
Hələlik 76 ölkə medal əldə edə bilib.
Qeyd edək ki, Paris-2024 avqustun 11-də başa çatacaq.
Azərbaycanın yunan-Roma güləşçisi Sənan Süleymanov Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.
"Report"un turnirə ezam olunmuş əməkdaşının məlumatına görə, 77 kq çəki dərəcəsində yer alan idmançı 1/8 final mərhələsində Bolqarıstanı təmsil edən Ayk Mnatsakanyanla qarşılaşıb.
Görüş idmançımızın 2:0 hesablı qələbəsi ilə yekunlaşıb. S.Süleymanov 1/4 finalda Macarıstan təmsilçisi Zoltan Levayla üz-üzə gələcək.
Qeyd edək ki, Paris-2024 avqustun 11-də başa çatacaq. İndiyədək Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Boksçu Alfonso Dominqes (92 kq) finala yüksəlməklə ən azı gümüş medalı təmin edib.