 |
|
“Qarabağ”ın müdafiəçisi Bəhlul Mustafazadə millinin heyətindən çıxarılıb.
Buna səbəb futbolçunun zədəli olmasıdır.
Qeyd edək ki, komandamız UEFA Millətlər Liqasının qrup mərhələsi çərçivəsində oktyabrın 11-də Tallində Estoniya yığması, oktyabrın 14-də isə Bakıda Slovakiya seçməsi ilə qarşılaşacaq.
"Malmö" ilə oyunda xeyli sayda qol epizodlarımız oldu.
Bunu "Qarabağ" klubunun baş məşqçisi Qurban Qurbanov "Malmö"yə qarşı keçirdikləri UEFA Avropa Liqasının Liqa mərhələsinin II turunun oyunundan sonra baş tutan mətbuat konfransında deyib.
Mütəxəssis matçın nəticəsi ilə bağlı bunları söyləyib:
"Əfsus ki, məğlub olduq. Doğma azarkeşlər önündə məğlub olmaq istəməzdik. İkinci hissədə erkən qol buraxdıq. Bu bir qədər təsir etdi. Rəqibi təbrik edirəm".
Baş məşqçi heç vaxt həvəsdən düşmədiklərini söyləyib:
"Deməzdim komanda həvəsdən düşüb. Elə bir vaxtdır ki, bəlkə də psixoloji yorğunluq var. Heç vaxt həvəsdən düşməmişik. Müəyyən reallıqları qəbul etməliyik. Daha yaxşı oynaya bilərik. Belə oyunlarda həddindən artıq motivasiya olmalıdır. Düşünürəm ki, "Malmö" ilə oyundan sonra futbolçular da bunu bir daha anladılar. İnanıram ki, bu oyunun bizə faydası olacaq".
O, heyətdəki qapıçıların oyununa da toxunub:
"Qapıçılarla bağlı düşünəcək bir şey yoxdur. Onların hansı çempionatdan gəldiklərini nəzərə alsaq hər ikisinin bacarığı, böyük potensialları olduğunu deyə bilərəm. Şahruddin Məhəmmədəliyevin kollektivlə məşq üçün bir qədər vaxta ehtiyacı var. Düşünürəm ki qarşıdakı günlərdə daha da yaxşı olacaq. İndi ediləcək nəsə yoxdur".
Qeyd edək ki, "Qarabağ" - "Malmö" matçı qonaqların 2:1 hesablı qələbəsi ilə yekunlaşıb.
"Qarabağ" UEFA Avropa Liqasının Liqa mərhələsinin II turunda bu gün İsveç təmsilçisi "Malmö" ilə qarşılaşacaq.
Tofiq Bəhramov adına Respublika stadionunda baş tutacaq görüşün start fiti saat 20:45-də səslənəcək.
Görüşü Yunanıstandan olan hakimlər briqadası idarə edəcək.
UEFA Avropa Liqası
Liqa mərhələsi
II tur
3 oktyabr
20:45. "Qarabağ" - "Malmö" (İsveç)
Baş hakim: Anastasios Papapetru.
Tofiq Bəhramov adına Respublika stadionu.
Qeyd edək ki, Azərbaycan çempionu UEFA Avropa Liqasının Liqa mərhələsinin I turunda səfərdə "Tottenhem"ə 0:3 hesabı ilə uduzmuşdu. "Köhlən atlar" turnirdə növbəti matçını oktyabrın 24-də Bakıda "Ayaks"a (Niderland) qarşı keçirəcək.
Azərbaycan Premyer Liqasında 8-ci turun oyunları keçirilir.
Bu gün 2 oyun baş tutacaq.
Əvvəlcə “Zirə” “Kəpəz”i qəbul edəcək. Xala və qələbəyə həsrət olan Gəncə təmsilçisinin Zirədəki oyunda da şansları yüksək qiymətləndirilmir.
Digər oyunda isə “Neftçi” “Sumqayıt”la münasibətlərinə aydınlıq gətirəcək. “Neftçi” də bu gün qələbə həsrətinə son qoymağa çalışacaq.
Daha öncə “Araz-Naxçıvan” “Səbail”ə 3:2 hesabıyla qalib gəlib. “Şamaxı” – “Turan Tovuz” və “Qarabağ” – “Sabah” oyunları sabah keçiriləcək.
Azərbaycan Premyer Liqası
8-ci tur
28 sentyabr
“Zirə” – “Kəpəz”
Hakimlər: Rauf Cabarov, Eyyub İbrahimov, Şirmamed Mamedov, Əli Əliyev.
Zirə İdman Kompleksinin stadionu, 17:00.
“Neftçi” – “Sumqayıt”
Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə.
“Neftçi Arena”, 19:30.
UEFA Avropa Liqasının Liqa mərhələsinin II turunda baş tutacaq “Qarabağ” - “Malmö” (İsveç) oyununun biletləri bu gün, saat 12:00-dan etibarən satışa çıxacaq.
Klubun mətbuat xidmətindən verilən məlumata görə, Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 75 və 150 manatdır.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Azarkeşlər biletləri iTicket.az-ın satış məntəqələri (iTicket.az-da onlayn satış), Park Bulvardakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə edə bilərlər.
Qeyd edək ki, "Qarabağ" - "Malmö" görüşü oktyabrın 3-də, Bakı vaxtı ilə saat 20:45-də start götürəcək. (Report)
“Qarabağ” Avropa Liqasının Liqa mərhələsində mübarizəyə başlayır.
Ağdam təmsilçisi yeni formatda keçirilən yarışda bu gün ilk oyununa çıxacaq.
Qurban Qurbanovun komandası Londonda “Tottenhem”lə qarşılaşacaq.
Görüş Bakı vaxtı ilə saat 23:00-da başlanacaq.
23:00. “Tottenhem” - “Qarabağ”
London, “Tottenhem Hotspur” stadionu
Baş hakim: Villi Delajo, (Fransa)
2024/2025 mövsümündən etibarən yeni formatda keçiriləcək UEFA Avropa Liqasının Liqa mərhələsində I tura start verilib.
İlk oyun günündə 9 qarşılaşma baş tutub.
Maraqla gözlənilən oyunlardan biri Türkiyədə keçirilib. “Qalatasaray” doğma meydanda Yunanıstan təmsilçisi PAOK-un öhdəsindən gəlib.
İngiltərənin “Mançester Yunayted” klubu isə evdə Niderland təmsilçisi “Tvente”ni üstələyə bilməyib.
“Qarabağ” klubunun rəqiblərindən olan İsveçin “Elfsborq” komandası səfərdə Niderlandın AZ klubuna uduzub. “Budyo-Qlimt” (Norveç) isə evdə, azlıqda qalmasına baxmayaraq, “Portu”dan (Portuqaliya) üstün olub.
UEFA Avropa Liqası
Liqa mərhələsi
I tur
AZ (Niderland) – “Elfsborq” (İsveç) 3:2
“Budyo-Qlimt” (Norveç) – “Portu” (Portuqaliya) 3:2
“Mançester Yunayted” (İngiltərə) – “Tvente” (Niderland) 1:1
“Qalatasaray” (Türkiyə) – PAOK (Yunanıstan) 3:1
“Dinamo” (Kiyev, Ukrayna) – “Latsio” (İtaliya) 0:3
“Ludoqorets” (Bolqarıstan) – “Slaviya” (Çexiya) 0:2
“Midtyullann” (Danimarka) – “Hoffenhaym” (Almaniya) 1:0
“Nitsa” (Fransa) – “Real Sosyedad” (İspaniya) 1:1
“Anderlext” (Belçika) – “Ferentsvaroş” (Macarıstan) 2:1
Qeyd edək ki, Liqa mərhələsində I tura sentyabrın 26-da keçiriləcək 9 oyunla yekun vurulacaq.
"Qarabağ" sabah Londonda "Tottenhem" ilə baş tutacaq qarşılaşma öncəsi hazırlıqlara başlayıb.
AZƏRTAC xəbər verir ki, komanda bu gün "Tottenhem Hotspur" stadionda oyun öncəsi məşqini edib.
Qeyd edək ki, "Qarabağ"ın baş məşqçisi Qurban Qurbanov jurnalistlər üçün keçirilən mətbuat konfransında belə bir stadionda, azarkeşlərin qarşısında oynamağın komandanın hər bir futbolçusu üçün dəyərli bir təcrübə olduğunu deyib.
Bu gün futbol üzrə Azərbaycan Premyer Liqasının VII turunda "Qarabağ" "Neftçi"ni qəbul edəcək.
"Azərsun Arena"da baş tutacaq qarşılaşma saat 20:00-da start götürəcək.
Azərbaycan derbisini FIFA referisi Əliyar Ağayev idarə edəcək. Rəqiblərindən bir oyun az keçirən Ağdam təmsilçisi hazırda 12 xalla ikinci pillədə qərarlaşıb. Paytaxt klubu 4 xalla 8-9-cu yerləri bölüşdürür.
Turun açılış matçında isə "Kəpəz" "Şamaxı" ilə üz-üzə gələcək. Tovuz şəhər stadionunda reallaşacaq matç saat 17:00-da başlayacaq. Bu görüşün baş hakimi Cavid Cəlilov olacaq. Əvvəlki altı oyunun hamısında məğlub olan "sarı-göylər" sonuncu - 10-cu sıradadır. Qonaqlar isə 8 xalla altıncıdır.
Azərbaycan Premyer Liqası
VII tur
20 sentyabr
17:00. “Kəpəz” – “Şamaxı”
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı.
VAR: Rauf Cabarov.
AVAR: Vüsal Məmmədov.
Hakim-inspektor: Asim Xudiyev.
AFFA nümayəndəsi: Bəhram Qurbanov.
Tovuz şəhər stadionu
20:00. “Qarabağ” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev.
VAR: İnqilab Məmmədov.
AVAR: Namiq Hüseynov.
Hakim-inspektor: Ramil Diniyev.
AFFA nümayəndəsi: Zaur Hacı-Məhərrəmov.
"Azərsun Arena"
Qeyd edək ki, VII turun digər matçları sentyabrın 21-22-də baş tutacaq.
Bakıda təşkil olunan "Formula 1" üzrə Azərbaycan Qran-prisində ikinci günə start veriləcək.
İlk olaraq pilotlar üçüncü sərbəst yürüşdə iştirak edəcəklər.
Ardınca "Formula 2"də sprint yarışı keçiriləcək.
Günün sonunda isə birinci dərəcəli sürücülər sıralama turuna qatılacaqlar.
Azərbaycan Qran-prisi: İkinci günün proqramı
14 sentyabr
12:30. "Formula 1": Üçüncü sərbəst yürüş
14:15. "Formula 2": Sprint yarışı
16:00. "Formula 1": Sıralama turu
Qeyd edək ki, Bakıdakı yarış sentyabrın 15-də başa çatacaq.