 |
|
Qeydə alınan hesab bizi aldatmamalıdır.
"Report" xəbər verir ki, bunu "Qarabağ"ın baş məşqçisi Qurban Qurbanov klubun rəsmi saytına açıqlamasında deyib.
Təcrübəli mütəxəssis bu gün Avstriyada keçirdikləri yoxlama görüşləri ilə bağlı fikirlərini bölüşüb:
“Toplanışın 12 günü ərzində çox yaxşı işlər görən texniki heyətə və futbolçulara təşəkkür edirəm. Hazırlıq prosesinin sonluğu da yaxşı alındı. Bugünkü matçlar da əvvəlki iki qarşılaşma kimi dinamik, baxımlı keçdi. Qeydə alınan hesab bizi aldatmamalıdır. İki çox yaxşı komandaya qarşı oynayırdıq. “Əl-Şəbab"ın baş məşqçisi Paulo Souzanı öncədən də tanıyırdıq. Təcrübəli mütəxəssis Avropa Liqasında rəqibimiz olan “Fiorentina”nı çalışdırırdı. Bütün futbolçular 90 dəqiqə oynadı və sonadək tempi aşağı salmadılar. Yekunda yaxşı qələbə, yaxşı oyun və ümumilikdə inamlı hazırlıq oldu. Toplanışdan razı qaldım, komandamız çox yaxşı hazırlıq keçdi”.
Qeyd edək ki, "Qarabağ" günün ilk yoxlama görüşündə Xorvatiyanın “Slaven” klubunu 1:0, növbəti matçda isə Birləşmiş Ərəb Əmirliklərinin “Əl-Şabab” kollektivini 5:2 hesabı ilə məğlub edib.
Bu gün UEFA Çempionlar Liqasında I təsnifat mərhələsinin cavab görüşlərinə start veriləcək.
Oxu.Az xəbər verir ki, "Qarabağ"ın potenisal rəqibləri olan Cəbəllütariqin "Linkoln" komandası Malta "Hamrun"u ilə üz-üzə gələcək.
Qarşılaşma Bakı vaxtı ilə saat 20:00-da keçiriləcək. Görüşü fransalı hakimlər briqadasından Erik Utallier idarə edəcək.
Qeyd edək ki, Azərbaycan çempionu bu duelin qalibi ilə ilk matçını iyulun 23-ü və ya 24-də səfərdə keçirəcək. Cavab oyunu iyulun 30-da Bakıda baş tutacaq.
Azərbaycanın 16 yaşadək qızlardan ibarət basketbol millisi Avropa çempionatının C divizionunda final matçına çıxıb.
Evren Alkayanın yetirmələri həlledici görüşdə Kipr yığması ilə üz-üzə gəliblər.
Qarşılaşma millimizin 69:52 hesablı qələbəsi ilə yekunlaşıb. Azərbaycan yığması bu nəticədən sonra ardıcıl ikinci dəfə Avropa çempionatının qalibi adını qazanıb.
Qeyd edək ki, qrup mərhələsində Ermənistan millisini 86:59, Gürcüstanı 97:40, Kipri isə 68:45 hesabı ilə üstələyən gənc basketbolçularımız yarımfinalda Albaniyanı məğlubiyyətə uğradıb - 92:62. Yarış Cəbəllütariqdə keçirilib.
Futbol üzrə Avropa çempionatının final mərhələsi çərçivəsində İspaniya və İngiltərə milli komandaları qarşılaşıb.
Oyunun 47-ci dəqiqəsində Niko Uilyams İspaniya millisini hesabda önə çıxarıb.
Qarşılaşmanın 73-cü dəqiqəsində isə Koul Palmer matçda tarazlığı bərpa edib.
86-cı dəqidə isə Mikel Oyarzabal ispanları hesabda yenidən önə keçirib.
Bununla da İspaniya milli komandası Avropa çempionu olub.
Sabah saat 06:00-dan etibarən 14 iyul saat 22:00-dək Yasamal rayonu, Mətbuat prospektində (Mikayıl Müşfiq küçəsindən Ayna Sultanova küçəsinədək, Mikayıl Müşfiq dairəsi də daxil olmaqla) avtonəqliyyat vasitələrinin hərəkəti tam məhdudlaşdırılacaq.
“Yol-xeber.az” xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb.
Bildirilib ki, buna səbəb həmin yolda təmir işlərinin aparılmasıdır.
Futbol üzrə Avropa çempionatının yarımfinal mərhələsi çərçivəsində İspaniya və Fransa milli komandaları üz-üzə gəlib.
Gərgin keçən qarşılaşmada ispanlar rəqiblərini üstələməyi bacarıb - 2:1.
Oyunda hesabı 8-ci dəqiqədə fransalı Kolo Muani açıb.
Qarşılaşmanın 21-ci dəqiqəsində Lamin Yamal baxımlı qola imza ataraq tarazlığı bərpa edib.
Dörd dəqiqə sonra isə Dani Olmo komandasına qələbə qazandıran qolu vurub.
Bununla da İspaniya milli komandası Avropa çempionatının final mərhələsinə yüksəlib.
Qeyd edək ki, İspaniya millisi finalda İngiltərə-Niderland cütlüyünün qalibi ilə qarşılaşacaq.
Almaniyada təşkil olunan futbol üzrə Avropa çempionatında bu gün yarımfinalın ilk oyunu keçiriləcək.
“Günün yeganə matçında İspaniya ilə Fransa yığmaları üz-üzə gələcək.
Görüş saat 23:00-da start götürəcək.
AÇ-2024
Yarımfinal
9 iyul
23:00. İspaniya - Fransa
Serbiyanın Novi Sad şəhərində güləş üzrə U-20 Avropa çempionatı sona çatıb.
Bu gün sərbəst güləş üzrə 61, 74, 86, 92 və 125 kq-da medalçılar müəyyənləşib.
Camal Abbasov (57 kq) finalda rusiyalı Andrey Midlovetslə qarşılaşıb. 1:6 hesabıyla məğlub olan Camal gümüş medalla kifayətlənib.
Sadiq Mustafazadə (86 kq) finalda rusiyalı İbrahim Kadiyevlə güləşib. Milli üzvü güclü rəqibinə 1:9 hesabıyla məğlub olub və yarışı ikinci pillədə başa vurub.
Anar Cəfərli (97 kq) finalda rusiyalı Mustafaqadji Malaxdibirovla üz-üzə gəlib. Görüşə Anar yaxşı başlasa da, rəqibin silsiləvi “xaç” fəndindən xilas ola bilməyib. Belədə Anar da gümüş medalı boyundan asıb.
Yusif Dursunov (125 kq) təsəlliverici görüşdə italiyalı Martino Pilieroya “tuş”la qalib gəlib. Həmyerlimiz bürünc medal uğrunda ukraynalı İvan Miroşniçenkoyla gərgin mübarizədə sevinən tərəf olub-3:2. Beləliklə, Dursunov fəxri kürsünün üçüncü pilləsinə yüksəlib.
Almaniyada təşkil olunan futbol üzrə Avropa çempionatında bu gün 1/4 finalın son oyunları keçiriləcək.
Günün ilk matçı Düsseldorfdakı "Esprit Arena"da İngiltərə və İsveçrə komandaları arasında olacaq.
İngiltərə millisi 1/8 finalda Slovakiyanı 2:1 hesabı ilə məğlub edib. İsveçrə isə İtaliya yığmasından üstün olub - 2:0.
İtaliyalı referi Daniele Orsatonun idarə edəcəyi matç saat 20:00-da başlayacaq.
1/4 finalın son qarşılaşmasında Türkiyə millisi Niderlandla üz-üzə gələcək. 1/8 finalda Türkiyə yığması Avstriyanı (2:1), Niderland isə Rumıniyanı (3:0) məğlub edib.
Fransalı referi Klement Turpinin idarə edəcəyi matç Berlindəki Olimpiya stadionunda baş tutacaq.
AVRO-2024
1/4 final
6 iyul
20:00. İngiltərə - İsveçrə
Baş hakim: Daniele Orsato (İtaliya).
Düsseldorf, "Esprit Arena".
23:00. Niderland - Türkiyə
Baş hakim: Klement Turpin (Fransa).
Berlin, Olimpiya stadionu.
Bu gün AÇ-2024-də 1/4 final mərhələsinə start veriləcək. “Qafqazinfo”nun məlumatına görə, İspaniya meydan sahibi Almaniya ilə, Fransa isə Portuqaliya ilə üz-üzə gələcək. Sözsüz ki, bu qarşılaşmalar çempionatın ən maraqlı oyunları olacaq. Avropa mətbuatının gündəmini zəbt edən bu matçlar erkən finallar adlandırılır. Buna səbəb isə turnirin startından öncə favoritlər arasında 4 komandanın da adının çəkilməsidir.
Həqiqət də belədir. Komandaların həm heyətləri, həm oynadıqları futbol deyilənləri təsdiq etməyə əsas verir. Gənclərdən qurulan heyətlə gözəl futbol oynayan İspaniya yığması gələcəyin ulduzu sayılan Lamin Yamalla Niko Uliyamsın liderliyində adından söz etdirməyi bacarıb.
.jpg)
Almaniya millisi isə Yulian Naqlessmanın rəhbərliyi altında baxımlı futbolla göz oxşayır. Camal Musialanın çıxışı isə diqqət çəkməyə bilməz. Almanların gənc və təcrübəli futbolçuların vəhdətindən qurulmuş heyəti həm meydan sahibi olduqlarına, həm də gücünə görə favorit hesab edilirdi. Xüsusilə Toni Kroos kimi əfsanənin yenidən heyətə qayıtması azarkeşləri də ümidləndirir.
.jpg)
Fransa yığması isə ulduzları ilə öyünə bilər. Hazırda avropalı futbolçuların siyahısında ön sıralarda gələn Kilian Mbappe, Antuan Qrizman, Marcus Türam kimi futbolçulara inam böyükdür. Fransızların ehtiyat oyunçular skamyası da kifayət qədər zəngindir. Baş məşqçi Didye Deşamın sərəncamında fərdi keyfiyyəti ilə matçların taleyini həll edəcək futbolçular var. Mbappedən isə daha parlaq çıxış məhz bu mərhələdə gözlənilir. Kumiri Kriştianu Ronaldonun kapitanı olduğu Portuqaliyaya qarşı oynayacaq Kilianın bu matçda həlledici rol oynayacağı gözlənilir.
.jpg)
Portuqaliya yığması da ulduzlar yığını sayıla bilər. Hücum xəttində kifayət qədər zəngin heyət Roberto Martinezə seçimlərdə çətinlik yaratmaqla yanaşı həm də lazım olduğu zaman işini asanlaşdırır. Portuqalların heyətində superulduz Kriştianu Ronaldo ilə yanaşı Bruno Fernandeş, Bernardo Silva, Joao Feliks, Rafael Leao kimi Avropa qitələrində adından söz etdirən oyunçular var.
.jpg)
Statistikalar: İspaniya - Almaniya
Almaniya yığması rəsmi matçlarda sonuncu dəfə İspaniyanı 1988-ci ildə məğlub etməyi bacarıb. Həmin oyun AÇ-1988-in qrup mərhələsinə təsadüf edir. Həmin vaxt Qərbi Almaniya adlanan yığma Völlerin vurduğu qollar sayəsində ispanlara 2:0 hesabı ilə qalib gəlib. O vaxtdan bəri almanlar qələbəyə həsrətdir. Komandalar arasında keçirilən son 5 matçda da sevinən tərəf ispanlar olub.
2008-ci il Avropa çempionatında keçirilən qarşılaşmada İspaniya Fernando Torresin qolu ilə qalib gələrək kuboku başı üzərinə qaldırıb.
2010-cu ildə keçirilən dünya çempionatının yarımfinal matçında da ispanlar qələbəyə sevinən tərəf olub. Onlar 1:0 hesabı ilə qalib gəliblər.
2020-ci ildə baş tutan Millətlər Liqası oyununda isə prineylilər Almaniyanın qapısından 6 cavabsız top keçirib. Helə həmin analoji turnir çərçivəsində keçirilən digər matç 1:1 hesabı ilə başa çatıb.
2022-ci il dünya çempionatının qrup mərhələsindəki matç 1:1 hesabı ilə başa çatıb.
.jpg)
Statistikalar: Portuqaliya – Fransa
Əslində, burada portuqalları psixoloji olaraq daha üstün saymaq olar. Sonuncu dəfə tərəflər arasında keçirilən ən vacib qarşılaşma 2016-cı ilin Avropa çempionatının finalında baş tutub. Həmin həlledici qarşılaşma Kriştianu Ronaldonun zədələnib meydandan çıxması ilə yadda qalıb. O, görüşü yarımçıq tərk etmişdi. Buna baxmayaraq Portuqaliya Ederin qolu ilə fransızları öz ölkələrində məğlub edib qələbə qazana bilmişdi.
2020-ci ildə Millətlər Liqası çərçivəsində tərəflər arasında baş tutan iki görüşdən biri 0:0 başa çatıbsa, digərində Fransa rəqibini məğlub edə bilmişdi. “Xoruzlar” 1:0 hesablı qalibiyyətə sevinmişdi.
Tərəflər arasında baş tutan sonuncu görüş isə bolqollu olub. Vaxtilə ilə “Real”da komanda yoldaşı olmuş portuqal Kriştianu Ronaldo və fransız forvard Kərim Benzamın etdiyi dubllarla 2:2-lik nəticə qeydə alınmışdı.
İtkilər:
Burada fransızları bəxtsiz adlandırmaq olar. Yalnız onların heyətində bir futbolçu matçı buraxacaq. Deşamın sevimli oyunçularından Adrien Rabyo sarı vərəqə limitini doldurduğu üçün meydanda olmayacaq.