 |
|
"Formula 1 - Azərbaycan Qran Prisi 2024" yarışları zamanı azarkeş zonasına gətirilməsi qadağan olunan əşyaların siyahısı açıqlanıb.
Daxili İşlər Nazirliyindən verilən məlumata görə, yarışların keçirildiyi məkana, ictimai asayişə potensial zərər və zədə gətirə biləcək əşyaların yarışlar zamanı azarkeş zonasına gətirilməsi qadağandır.
Bildirilib ki, yarış zonasına spirtli içkilərin, heyvanların (Fiziki məhdudiyyətli insanlara yardım göstərən xidməti heyvanlar istisna olmaqla), su qablarının və hər növ içki qablaşdırmaları (Uşaq üçün olan və 500ml qədər termoslar istisna olmaqla), qidaların, içkilərin (Uşaq üçün olan istisna olmaqla), odlu silah, soyuq silah, digər qeyri-döyüş silah oxşarlarının, fişənglər, alovlandırıcılar, lazer işıqlarının, rolik, skeytbord, seqvey, velosiped, skuterlərin, soyuducu qutular (bərk və ya yumşaq), piknik üçün səbətlər, iri bel çantalarının, həmçinin təhqiredici bannerlər və əşyalar gətirmək qadağandır.
Həmçinin, tutacağı 1 metrdən uzun olmayan bayraqlar, çətirlərin, peşəkar video çəkən cihazlar, obyektivi 30 sm-dən böyük olan foto kameraların, provokativ rəmzlər və şəkillər; dini, siyasi ifadələr və şüarların, narkotik maddələr, reseptsiz psixotrop dərmanlar, meqafon və buna oxşar cihazlar daxil olmaqla səs gücləndiriciləri və musiqi alətləri, oturacaqlar və əyləşmək üçün digər ləvazimatlar (Fiziki məhdudiyyətlilər istisna olmaqla), dronlar və digər uçan cihazlar, zəhərlər, eləcə də toksik və alışqan maddələrin azarkeş zonasına gətirilməsi qadağandır.
Azərbaycan Qran-Prisində Formula 2 yarışları başladı.
İlk günün proqramı aşağıdakı kimidir:
11:00. Formula 2 : Sərbəst yürüş
13:30. Formula 1: Birinci sərbəst yürüş
15:00. Formula 2: Sıralama turu
17:00. Formula 1: İkinci sərbəst yürüş
Bu, 2024-cü il Azərbaycan Qran-Prisində ilk sərbəst yürüşdür.
UEFA Çempionlar Liqası, Avropa Liqası və Konfrans Liqası Azərbaycanın iki kanalında yayımlanacaq.
Bu barədə İctimai Televiziya (İTV) məlumat yayıb.
Avrokubok matçları "CBC Sport"la yanaşı, İctimai TV-də də göstəriləcək.
Qeyd edək ki, "Qarabağ" klubu UEFA Avropa Liqasının Liqa mərhələsində mübarizə aparır.
"Formula-1"də ən çox qazanan pilotların adları açıqlanıb.
Oxu.Az xəbər verir ki, ümumilikdə 20 sürücü, bonuslar istisna olmaqla, ildə təxminən 205 milyon funt-sterlinq qazanır.
Siyahıya isə hazırkı dünya çempionu Maks Ferstappen başçılıq edir. Onun illik qazancı 58 milyon dollardan artıqdır.
İlk onluq isə aşağıdakı kimidir:
1. Maks Verstappen (Niderland) - 58,859,503 milyon dollar
2. Lüis Hemilton (Böyük Britaniya) - 44,471,625
3. Çarlz Lekler (Monako) - 34,003,831
4. Lando Noris (Böyük Britaniya) - 19,616,498
5. Fernando Alonso (İspaniya) - 18,309,197
6. Corc Rassel (Böyük Britaniya) - 18,309,197
7. Serxio Peres (Meksika) - 14,387,194
8. Karlos Sans (İspaniya) - 11,771,877
9. Valteri Bottas (Finlandiya) - 9,155,717
10. Daniel Rikkardo (Avstraliya) - 6,539,174
Qeyd edək ki, "Formula-1"in növbəti mərhələsi sentyabrın 13-15-də Azərbaycanda keçiriləcək.
Bakıda keçiriləcək "Formula 1" və "Formula 2" üzrə Azərbaycan Qran-prisinin proqramı dəqiqləşib.
İlk olaraq ikinci dərəcəli pilotlar mübarizəyə qoşulacaqlar.
Yarış günlərində paytaxtımızda 26-28° isti olacağı gözlənilir.
13 sentyabr
11:00. "Formula 2": Sərbəst yürüş
13:30. "Formula 1": Birinci sərbəst yürüş
15:00. "Formula 2": Sıralama turu
17:00. "Formula 1": İkinci sərbəst yürüş
14 sentyabr
12:30. "Formula 1": Üçüncü sərbəst yürüş
14:15. "Formula 2": Sprint yarışı
16:00. "Formula 1": Sıralama turu
15 sentyabr
11:35. "Formula 2": Əsas yarış
15:00. "Formula 1": Əsas yarış
1-ci dərəcəli “Vətənə xidmətə görə” ordeni ilə ilə təltif olundum. Bu, qürurverici və sevindirici hissdir.
Bunu Paris-2024 Yay Paralimpiya Oyunlarında uzunluğa tullanmada qızıl medal qazanmış Azərbaycan idmançısı Səid Nəcəfzadə (T12 kateqoriyası) jurnalistlərə açıqlamasında deyib.
"Prezident İlham Əliyevə idmana və paralimpiyaçılara diqqətinə görə təşəkkür edirəm. İkinci dəfə paralimpiadada iştirak edirdim. Bu dəfə çempion ola bildim. Mənə dəstək olan məşqçilərimə, ailəmə, məşqçilərə, Milli Paralimpiya Komitəsinə, Gənclər və İdman Nazirliyinə minnətdaram", - deyə S.Nəcəfzadə bildirib.
Cənab Prezident İlham Əliyev ötən gün məni “Şöhrət” ordeni ilə təltif etdi. Bu, çempionluqlardan daha da önəmlidir.
Bunu Paris-2024 Yay Paralimpiya Oyunlarında uzunluğa tullanmada qızıl medal qazanmış Azərbaycan idmançısı Orxan Aslanov (T13 kateqoriyası) jurnalistlərə açıqlamasında deyib.
"Təəssüratlarımız çox yaxşıdır. Dünən özüm üçün yaxşı xəbər aldım. Çox sevincliyəm. Ölkə başçısına təşəkkür edirəm. Ürəyim doludur. Danışsam, çox vaxt aparacaq", - deyə O.Aslanov bildirib.
Azərbaycanın paralimpiya komandası, nümayəndə heyətinin üzvləri Fəxri xiyabanda Ulu Öndər Heydər Əliyevin məzarını və Şəhidlər xiyabanını ziyarət ediblər.
İdmançılar və rəsmi şəxslər Ümummilli Liderin məzarı önünə əklil qoyublar.
Qeyd edək ki, Azərbaycanın paralimpiya millisi Paris-2024 Yay Paralimpiya Oyunlarında 11 medal qazanıb.
Azərbaycanın paralimpiyaçısı İlham Zəkiyev zədəsi ucbatından Paralimpiya Oyunlarına yaxşı hazırlaşa bilmədiyini, bununla belə, ölkəyə medalla qayıtdığını bildirib.
Bu barədə idmançı onu hava limanında qarşılayan jurnalistlərə açıqlamasında söyləyib.
“Təəssüf ki, zədələrim ucbatından istədiyim kimi hazırlaşa bilmədim. Lakin buna baxmayaraq, vətənə bürünc medalla döndüm. Ümumiyyətlə, Olimpiadada, Paralimpiya Oyunlarında istənilən medal qələbə deməkdir”, – o vurğulayıb.
Birinci görüşündə fransalı rəqibinə məğlub olan idmançının sözlərinə görə, həmin qarşılaşmada “hakimlərin tərəfkeşliyini edirdi”.
44 yaşlı idmançı uğurunun sirrini də paylaşıb: “İnsan öz üzərində çalışarsa, hər şeyi mümkün edə bilər. Mümkün olmayan şey yoxdur. İşini sevə-sevə yanaşanda nəticə əldə edilir”.
Xatırladaq ki, Fransanın paytaxtı Parisdə keçirilən Yay Paralimpiya Oyunlarında yüksək nəticələr əldə etmiş Azərbaycan idmançılarının növbəti qrupu vətənə qayıdıb.
Tokiodakı nəticəmi təkrarladığımı görə çox sevinirəm.
"Report" xəbər verir ki, bunu Paris-2024 Yay Paralimpiya Oyunlarında paraatletika üzrə yarışlarda qızıl və gümüş medal qazanmış Azərbaycan idmançısı Lamiyə Vəliyeva jurnalistlərə açıqlamasında söyləyib.
O, qazandığı uğura görə xoşbəxt olduğunu bildirib: "Hisslərimi sözlə ifadə etmək çətindir. Azərbaycan Prezidenti İlham Əliyevə, Birinci vitse-prezident Mehriban Əliyevaya, Gənclər və İdman Nazirliyinə və Paralimpiya Komitəsinə təşəkkür edirəm. Dəstəyə görə hər kəsə minnətdaram. Onların inamı bizə stimul verirdi", – o vurğulayıb.
Xatırladaq ki, Fransanın paytaxtı Parisdə keçirilən Yay Paralimpiya Oyunlarında yüksək nəticələr əldə etmiş Azərbaycan idmançılarının növbəti qrupu vətənə qayıdıb.