 |
|
Şuşa 3x3 basketbol üzrə dünya qadın seriyasının mərhələ yarışına ev sahibliyi edir.
Bu gün yarışdan öncə maraqlı qarşılaşma təşkil olunub.
Dostluq şəraitində başa çatan oyunun yekununda Elm və Təhsil Nazirliyinin kollektivi qalib gəlib. Komandaların heyətlərində nazirlər Fərid Qayıbov və Emin Əmrullayev də yer alıb.
“Qarabağ” futbol klubunun baş məşqçisi Qurban Qurbanov Şuşaya səfər edib.
Bununla bağlı görüntüləri jurnalist Şakir Eminbəyli sosial şəbəkədə paylaşıb.
Görüntülərdə Qurban Qurbanovun Xankəndiyə binoklla baxdığı əks olunub.
Həmin görüntüləri təqdim edirik:
Bu gün UEFA Çempionlar Liqasında (ÇL) 2022/23 mövsümünün final oyunu keçiriləcək.
BAKU.WS xəbər verir ki, Türkiyənin İstanbul şəhərində, Atatürk Olimpiya Stadionunda baş tutacaq qarşılaşmada İngiltərə təmsilçisi "Mançester Siti" və İtaliyanın "İnter" komandası üz-üzə gələcək.
Qarşılaşmanı polşalı hakim Şimon Marçiniak idarə edəcək.
UEFA Atatürk Olimpiya Stadionunda keçiriləcək finalı təxminən 72 min azarkeşin canlı izləyəcəyini açıqlayıb.
Həlledici oyun bu gün, Bakı vaxtilə saat 23:00-da oynanılacaq.
Qeyd edək ki, Çempionlar Liqasının hələlik son qalibi İspaniyanın “Real Madrid” klubudur.
UEFA Avropa Liqasında (AL) 2022/2023 mövsümünün qalibi müəyyənləşib.
"Report"un məlumatına görə, Macarıstanın paytaxtı Budapeştdəki "Puşkaş Arena"da keçirilən final oyununda İtaliya "Roma"sına qalib gələn İspaniya "Sevilya"sı tarixində 7-ci dəfə titula sahib çıxıb.
Görüşün əsas vaxtı 1:1 hesablı heç-heçə ilə yekunlaşıb. İlk qolu 35-ci dəqiqədə "canavarlar" vurublar. Paulo Dibala fərqlənib. 55-ci dəqiqədə La Liqa təmsilçisi tarazlığı bərpa edib. "Roma"nın heyətində Canluka Mançini avtoqol müəllifi olub. Qalib müəyyənləşmədiyindən əlavə vaxt oynanılıb. Burada da hesab dəyişmədiyi üçün penaltilər seriyasından istifadə olunub. 11 metrlik cərimə zərbələrini daha dəqiq (4:1) yerinə yetirən ispaniyalılar turnirin qalibi olublar.
"Sevilya" bu qələbə sayəsində 2023/2024 mövsümündə UEFA Çempionlar Liqasının qrup mərhələsində iştirak hüququ qazanıb.
UEFA Avropa Liqası
Final
31 may
23:00. “Sevilya” (İspaniya) – “Roma” (İtaliya) - 1:1 (PENALTİLƏR SERİYASINDA - 4:1)
Qollar: Canluka Mançini, 55 (avtoqol) - Paulo Dibala, 35
Baş hakim: Entoni Teylor (İngiltərə)
Budapeşt, “Puşkaş Arena”
Qeyd edək ki, Əndəlusiya təmsilçisi daha əvvəl 2005/2006, 2006/2007, 2013/2014, 2014/2015, 2015/2016 və 2019/2020 mövsümündə Avropa Liqasında qələbə sevinci yaşayıb.
“Qalatasaray” tarixində 23-cü dəfə Türkiyə çempionluğunu qazanıb.
İstanbul təmsilçisi Super Liqanın XXXVI turunda “Ankaragücü” üzərində səfər qələbəsi (4:1) qazanaraq, 2022/2023 mövsümünün qızıl medallarını təmin edib.
Xallarının sayını 82-yə yüksəldən “cim-bom” ən yaxın izləyicisi “Fənərbağça”nı 5 xal qabaqlayır. “Bülbüllər” son matçda qalib gəlsə belə, liderə çata bilməyəcək.
Bununla “Qalatasaray” həm də 4 illik çempionluq həsrətinə son qoyub. “Aslan” axırıncı dəfə 2018/2019 mövsümündə kuboku muzeyinə aparmışdı.
Qeyd edək ki, “Qalatasaray” cari mövsümün son oyununu iyunun 4-də öz meydanında məhz “Fənərbağça”ya qarşı keçirəcək.
“Neftçi” yayda “Fənərbaxça” ilə qarşılaşa bilər.
“Bu oyunun Rusiyada baş tutma ehtimalı var.
Belə ki, Sankt-Peterburq şəhərinin təmsilçisi “Zenit” beynəlxalq turnir təşkil edəcək. Klubun rəsmisi Aleksandr Medvedev məlumatı təsdiq edib.
O bildirib ki, turnirə “Fənərbaxça”, “Srvenza Zvezda” və “Neftçi”ni dəvət ediblər. //Qafqazinfo
Səudiyyə Ərəbistanı Pro Liqasının 28-ci turunda “Əl-Nəsr”in formasını geyinən Kriştiano Ronaldo qol vurduqdan sonra etdiyi hərəkətlə gündəmə gəlib.
Portuqaliyalı superulduz qələbə qolunu vurduqdan sonra səcdəyə gedib.
Onun bu hərəkətinə komanda yoldaşları alqışlarla cavab verib.
Oyuna gəldikdə isə 2 top fərqi ilə geridə olan "Əl-Nəsr" matçda geridönüş etməyi bacarıb. Belə ki, rəqibi "Əl-Şəbab"ın qapısına 3 qol vurmağı bacaran meydan sahibləri qələbə qazanıb.
Qurban Qurbanov Beynəlxalq Feyr Pley Komitəsinin keçirəcəyi 2022-ci il Dünya Ədalətli Oyun Mükafatı mərasiminə dəvət alıb.
Fanat.Az xəbər verir ki, Beynəlxalq Feyr Pley Komitəsinin Prezidenti Jeno Kamutinin imzasıyla AİJA-ya məktub daxil olub.
Qeyd edək ki, Qurbanov 2022-ci ildə ədalətli oyun jesti üçün nəzərdə tutulan Pyer De Kuberten mükafatına və karyerası ərzində etdiyi feyr pley hərəkətlərinə görə nəzərdə tutulan Jan Borotra mükafatına AİJA tərəfindən namizəd göstərilmişdi.
AİJA-nın 1-ci vitse-prezidenti və AIPS Europe İcraiyyə Komitəsinin üzvü Nərgiz Mahmudzadənin Sports.az saytına verdiyi məlumata görə, Beynəlxalq Feyr Pley Komitəsi Qurban Qurbanovu Jan Borotra fəxri diplomuna layiq görüb.
Bu il "Jean Borotra World Fair Play Career" mükafatlarına dünyadan cəmi 4 nəfər layiq görülüb. Bunlar Qurban Qurbanovla yanaşı amerikalı Katrin Svitzer, italiyalı Marco Kalamay və macar Antal Dunaydır.
UEFA Çempionlar Liqasında yarımfinal mərhələsinin cavab oyunlarına start verilib.
"Turnirin ilk finalçısı İtaliyadakı Milan derbisində müəyyənləşib. Birinci oyunda "Milan"a 2:0 hesabı ilə qalib gələn "İnter" "Cüzeppe Meatsa" stadionundakı ikinci görüşdə də əzəli rəqibini məğlub edib - 1:0. Yeganə qolu 74-cü dəqiqədə Lautaro Martines vurub.
Simone İnzaginin baş məşqçi olduğu kollektiv bu nəticə ilə 13 ildən sonra yenidən Çempionlar Liqasının finalına yüksəlib.
UEFA Çempionlar Liqası
Yarımfinal, cavab oyunu
16 may
23:00. "İnter" (İtaliya) - "Milan" (İtaliya) - 1:0
Qol: Lautaro Martines, 74
Baş hakim: Kleman Türpen (Fransa)
Milan, "Cüzeppe Meatsa" stadionu
İlk oyun - 2:0
Qeyd edək ki, yarımfinalın digər oyununda İspaniya "Real Madrid"i İngiltərədə "Mançester Siti"nin qonağı olacaq. Bu komandaların Madriddə keçirilmiş ilk duelində heç-heçə qeydə alınıb - 1:1.
“Sabah”la “Beşiktaş” arasında keçiriləcək xeyriyyə oyununun başlanma saatı məlum olub.
Oxu.Az saytının əldə etdiyi məlumata görə, mayın 13-də Tofiq Bəhramov adına Respublika stadionunda təşkil olunacaq qarşılaşma saat 19:00-da start götürəcək.
Qeyd edək ki, matçdan əldə olunacaq bütün gəlir Türkiyədə zəlzələdən əziyyət çəkənlərə yardım üçün göndəriləcək.