Komanda yoldaşı Messinin yeni baş məşqçisi oldu

“İnter Mayami”nin yeni baş məşqçisi rəsmən bəlli olub.

Bu barədə Mayami klubunun mətbuat xidməti məlumat yayıb.

Komandanı Argentina U-20 millisinin sabiq baş məşqçisi Xavyer Maskerano çalışdıracaq. Onunla 3 illik müqavilə imzalanıb.

Qeyd edək ki, Xavyer Maskerano “İnter Mayami”nin kapitanı Lionel Messi ilə Argentina millisində və “Barselona”da komanda yoldaşı olublar.

Əliyar Ağayev UEFA Avropa Liqasının oyununa təyinat alıb

Azərbaycanın FIFA referisi Əliyar Ağayev UEFA Avropa Liqasının oyununa təyinat alıb.

AFFA-nın rəsmi saytı xəbər verir ki, o, Macarıstanda yerli “Ferentsvaroş” və İsveç təmsilçisi “Malmö” arasında keçiriləcək V tur matçını idarə edəcək.

Ə.Ağayevə Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək.

Noyabrın 28-də Budapeşt şəhərində yerləşən “Ferensvaroş” stadionunda keçiriləcək görüş Bakı vaxtı ilə saat 00:00-da başlayacaq.

"Qarabağ" ölkə çempionatları tarixinin rekordunu təkrarlayıb

“Qarabağ” klubu Misli Premyer Liqasının 2024/2025 mövsümündə 7-ci böyükhesablı qələbəsini qazanmaqla ölkə çempionatları tarixinin rekordunu təkrarlayıb.

Peşəkar Futbol Liqasının mətbuat xidməti xəbər verir ki, Qurban Qurbanovun baş məşqçisi olduğu komanda keçirdiyi 13 görüşün yarısından çoxunda 3 və ya daha çox top fərqilə qalib gəlib.

Bunadək 4 dəfə iştirakçılardan biri ilk 13 turda 7 oyunda rəqiblərini ağır məğlubiyyətə uğradıb. Buna nail olan ilk kollektiv Sumqayıt “Xəzər”idir. Komanda 1992-ci ildə belə uğur qazanıb. “Kəpəz” 1994/1995, “Neftçi” isə iki dəfə - 1996/1997 və 2000/2001 mövsümlərində 13 turda 7 dəfə böyük hesabla qalib gəlib.

“Qarabağ” son 24 ildə buna nail olan ilk komandadır.

Qeyd edək ki, Ağdam təmsilçisi cari mövsümdə “Araz-Naxçıvan”ı 4:1, “Kəpəz”i 3:0 və 5:0, “Neftçi”ni 4:0, “Şamaxı”nı 3:0, “Zirə”ni 4:0, “Səbail”i 3:0 hesabı ilə məğlub edib.

Fernandu Santuş Rövşən Nəcəfin görüşünə gedir: İstefaya göndərilir - DETALLAR

Futbol üzrə Azərbaycan millisinin baş məşqçisi Fernandu Santuş rəhbərlik etdiyi komandanın Millətlər Liqasındakı fiaskosundan sonra istefaya göndərilə bilər.

Publika.az-ın əldə etdiyi məlumata görə, tarixinin ən pis qrup turnirini keçirən və yekun nəticədə D Liqasına yuvarlanan yığmanın uğursuzluğu AFFA rəhbərliyini narahat edib. Federasiyanın prezidenti Rövşən Nəcəf uğursuz nəticədən əlavə, gələcək üçün heç bir ümid verməyən komandanın durumundan narahat olmağa başlayıb. Estoniya (0:0) və İsveçlə (0:6) görüşlərə qədər 70 yaşlı portuqaliyalı mütəxəssisi postunda saxlamağı planlaşdıran və ona DÇ-2026-nın seçmə mərhələ oyunlarında şans verməyi düşünən federasiya rəhbəri tənqidlərdən və narazılıqlardan bezərək fikrini dəyişməyə başlayıb.

Məlumata görə, Rövşən Nəcəf Millətlər Liqasındakı çıxışla bağlı Fernandu Santuşdan hesabat istəyib. Portuqaliyalı məşqçi hesabatı yaxın günlərdə şəxsən Azərbaycan futboluna cavabdeh olan şəxsə təqdim edəcək.

Görüşün bu günlərdə və ya yeni iş həftəsinin əvvəlində baş tutma ehtimalı var. Məhz həmin toplantıda Santuşun gələcəyinə aydınlıq gələcək.

Görüş zamanı baş məşqçi ilə yolların ayrılması müzakirə olunacaq. Bu məsələdə ən böyük əngəl Fernandu Santuşun müqaviləsindəki yüksək təzminat məbləğidir. Uğursuzluq fonunda portuqaliyalıdan kompensasiyanın azaldılması da istənilə bilər.

Qeyd edək ki, bu ilin yayında Fernadu Santuşla AFFA arasında 3+1 illik müqavilə imzalanıb.

Ronaldo "Fənərbaxça"ya gəlir? - FOTO

Portuqaliyalı ulduz futbolçu Kriştianu Ronaldunun Türkiyənin “Fənərbaxça” komandasına transfer olacağına dair iddialar yayılıb.

Ölkə.Az xəbər verir ki, bu barədə Türkiyə mətbuatı yazıb. Sözügedən iddialar sosial şəbəkələrdə böyük əks-səda doğurub.

Azarkeşlərin bir qismi bu transferi xəyal kimi qiymətləndirsə də, digərləri isə “Fənərbaxça”nın dünya miqyasında səs gətirəcək transfer edəcəyinə inanır.

Lakin bu iddialarla bağlı heç bir rəsmi açıqlama verilməyib. 

Qeyd edək ki, ulduz futbolçunun müxtəlif klublarla müqavilə imzalamasından əvvəl də oxşar fərziyyələr gündəmə gəlmişdi. 

K.Ronaldo hazırda "Əl-Nassr"ın futbolçusudur.

Billurə

 

 

 

 
"Barselona"dan Laportanın Bakı səfəri ilə bağlı paylaşım - Video

İspaniya təmsilçisi "Barselona" 137 milyonluq rəsmi İnstaqram hesabında klub prezidenti Xuan Laportanın Bakıya səfəri ilə bağlı video paylaşıb.

62 yaşlı funksionerin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində paytaxtda keçirdiyi görüşlərin yer aldığı video yayımlanıb.

Qeyd edək ki, bir neçə gün Bakıda səfərdə olan Xuan Laporta Azərbaycanda yeniyetmə futbolçularla görüşüb, Zəfər parkını və Ümummilli Lider Heydər Əliyevin məzarını ziyarət etmişdi.

Mahir Emreli göz yaşlarını saxlaya bilmədi - Video

Azərbaycan millisinin futbolçusu Mahir Emreli ötən gün İsveç yığması ilə oyundan (6-0) sonra müsahibə verib. 

O, jurnalistlərin suallarını cavablayarkən göz yaşlarına hakim ola bilməyib. 

“Məncə, futbolçular məsuliyyəti öz üzərinə götürür. Şəxsən mən götürürəm. Biz həmişə günahkar axtarırırq. “D” liqasına yuvarlanmaq isə faciədir”, - futbolçu cavabında bildirib.

UEFA Millətlər Liqası: Qrup mərhələsinə bu gün yekun vurulacaq

UEFA Millətlər Liqasında qrup mərhələsinə bu gün yekun vurulacaq.

Sonuncu - VI turda 9 qarşılaşma baş tutacaq.

Fernandu Santuşun baş məşqçisi olduğu Azərbaycan yığması ilə yanaşı, Türkiyə də meydana çıxacaq. Qardaş ölkənin komandası səfərdə Monteneqro ilə üz-üzə gələcək.

Niderland səfərdə Bosniya və Herseqovinanın, Almaniya isə Macarıstanın qonağı olacaq.

UEFA Millətlər Liqası

VI tur

19 noyabr

A Liqası

III qrup

23:45. Bosniya və Herseqovina - Niderland

23:45. Macarıstan - Almaniya

Xal durumu: Almaniya - 13, Niderland - 8, Macarıstan - 5, Bosniya və Herseqovina - 1.

B Liqası

I qrup

23:45. Çexiya - Gürcüstan

23:45. Albaniya - Ukrayna

Xal durumu: Çexiya - 8, Gürcüstan - 7, Albaniya - 7, Ukrayna - 5.

IV qrup

23:45. Monteneqro - Türkiyə

23:45. Uels - İslandiya

Xal durumu: Türkiyə - 11, Uels - 9, İslandiya - 7, Monteneqro - 0.

C Liqası

I qrup

23:45. Slovakiya - Estoniya

23:45. İsveç - Azərbaycan

Xal durumu: İsveç - 13, Slovakiya - 10, Estoniya - 4, Azərbaycan - 1.

D Liqası

II qrup

23:45. Malta - Andorra

Xal durumu: Moldova - 9, Malta - 6, Andorra - 0.

Qeyd edək ki, noyabrın 22-də UEFA Millətlər Liqasının pley-off mərhələsinin püşkatma mərasimi keçiriləcək. Tədbir İsveçrənin Nyon şəhərində, Bakı vaxtı ilə saat 16:00-da başlayacaq.

“Klon”da rol aldı, müharibədə Azərbaycanı dəstəklədi– Ronaldinyo haqqında bilmədikləriniz - Video

Geridə qoyduğumuz həftədə ən yaddaqalan məqamlardan biri də braziliyalı ulduz futbolçu Ronaldinyonun Azərbaycana 3 günlük səfəri idi.

Ölkə.Az futbol əfsanəsi haqqında bir sıra faktları təqdim edir:

Əsl adı Ronaldo de Assis Moreyra olan futbolçu 1980-ci ildə Braziliyanın Porto Alegre şəhərində ən təhlükəli bölgələrindən birində, kasıb ailədə doğulub. 
"Ronaldinyo" ləqəbi portuqal dilində "kiçik Ronaldo" mənasını verir və onu braziliyalı digər Ronaldodan fərqləndirir. 
Anası satıcı, atası isə gəmiqayırma zavodunun işçisi və həvəskar futbolçu olub. 8 yaşında olarkən atası ürəktutmasından vəfat edib. Bu ölümdən dərindən sarsılan Ronaldinyo karyerası boyu atasını “ona yol göstərən qüvvə” hesab edirdi.
Onun böyük qardaşı Roberto de Assisin də futbol karyerası olub və Ronaldinyonun inkişafında mühüm rol oynayıb.
Ronaldinyo futboldan əvvəl bir müddət futzal oynayıb və bu da ona təcrübə yığmağa imkan verib.
13 yaşında bir matçda vurduğu 23 qolla Braziliyanın 17 yaşadək futbolçulardan ibarət milli komandasının diqqətini çəkməyi bacaran Ronaldinyo 1997-ci ildə Misirdə keçirilən FIFA U-17 Dünya Çempionatında qalib gəlir.

Ronaldinyo gənclik karyerasına Braziliyanın “Qremio” klubunda başlayıb. Gənc yaşlarında müstəsna driblinq bacarığı ilə diqqəti cəlb edib.
O, karyerası boyu həmçinin “Pari Sen-Jermen”, “Barselona”, “Milan”, “Flamenqo”, “Atletiko Mineyro”, “Keretaro” klublarında və Braziliya millisində oynayıb.
Kiçik ronaldo millidə oynayarkən 97 matçda 33 qol vuraraq Braziliyanın ən böyük oyunçularından biri kimi geniş şöhrət qazanıb.
2001-ci ildə “Arsenal” Ronaldinyonu transfer etmək istədiyini açıqlasa da, o, Braziliya millisində çox az oyun keçirərək iş icazəsi ala bilmədiyi üçün sövdələşmə baş tutmur.

Ronaldinyonu tez-tez Pele ilə müqayisə edirdilər. Pele də dəfələrlə onu tərifləyərək futbolçunun özünəməxsus üsluba sahib olduğunu bildirib.

Karyerasının böyük bir hissəsində “Pepsi” ilə reklam razılaşması olan Ronaldinyo 2011-ci ildə “Coca-Cola” ilə müqavilə imzalayır, lakin bir xəbər proqramında onun “pepsi” içməsindən sonra razılaşma pozulur.
Futbolçu ilə bağlı maraqlı faktlardan biri də onun 2001-ci ildə " Klon" serialının bir epizodunda rol almasıdır.
2019-cu ildə ödənməmiş vergilər və pul cəzalarına görə, ona aid 57 mülk, o cümlədən Braziliya və İspaniya pasportları müsadirə edilib.
O, 2020-ci ildə ölkəyə girmək üçün saxta pasportdan istifadə etməsi iddiası ilə Paraqvay polisi tərəfindən dindirilib və qardaşı ilə birgə saxlanılıb. 6 ay müddətinə azadlıqdan məhrum edilən Ronaldinyo həbsdə futzal turnirinə qatılıb və komandası qalib gəlib.

Ronaldinyo və qardaşı Assis 32 gün həbsdə qaldıqdan sonra 1.6 milyon dollar ödədikdən sonra sərbəst buraxılıb. O, cəzasının qalan hissəsini Paraqvayın paytaxtındakı 4 ulduzlu hoteldə tamamlayıb.
Futbol əfsanəsi Şotlandiya Premyer Liqasında çıxış edən "Sent Mirren" klubunda icarə əsasında oynamağı düşünür, lakin adı saxta pasport qalmaqalında hallandığı üçün bu baş tutmur.
Ronaldinyo Vətən müharibəsi dövründə ölkəmizi dəstəkləyən xarici məşhurlar sırasındadır. Belə ki, 2020-ci ilin 29 oktyabrında Azərbaycan xalqının yanında olduğunu bildirib.
Ronaldinyo xeyriyyəçilik səyləri ilə də tanınır. Braziliyada imkansız uşaqlar üçün təhsil və idman imkanları təmin edən Ronaldinyo İnstitutunu yaradıb.
O, 2004-2005-ci illərdə FİFA-nın Dünya üzrə ilin futbolçusu, Avropada ilin futbolçusu, sonrakı illərdə qızı buts, qızıl top, 2012-ci ildə Braziliyada ilin futbolçusu, UEFA-nın ilin futbolçusu və ilin hücumçusu və s. mükafatlara layiq görülüb.
Braziliyalı futbol əfsanəsi bir neçə il Hindistanda futzal oynadıqdan sonra 2018-ci ildə 38 yaşında peşəkar karyerasını başa vurub.
Ronaldinyo təqaüdə çıxdıqdan sonra musiqi və əyləncə sektorunda da fəaliyyət göstərib. Onun lüks avtomobilləri müsadirə olunduqdan bir neçə ay sonra siyasi mahnıda bəzi sətirlər oxuyaraq rep karyerasına başlayıb. Hətta dicey kimi də səhnəyə çıxıb.

 

Mayk Tayson Cek Paul yarışı başa çatdı - Qalib isə... FOTO

Dünyanın səbirsizliklə və həyəcanla izlədiyi Mayk Tayson və YouTuber Cek Paul arasında keçirilən tarixi boks yarışı başa çatıb.

 58 yaşlı əfsanəvi boksçu Mayk Tayson tarixi boks matçının keçiriləcəyi Texas ştatının Arlinqton şəhərindəki 80 min tamaşaçı tutumlu ATT Stadionuna üzərində "Iron Mike (Demir Mike)" yazılmış gödəkçə ilə daxil olmasının paylaşımını edib və bu da qısa zamanda dünya mediasında ciddi reaksiyaya səbəb olub.

Yarış başlayan zaman Paul rinqə avtomobillə çıxıb. Ondan fərqli olaraq Tayson rinqə sadə bir giriş edib.

Yarışın nəticəsi olaraq, Cek Paul yarışın qalibi olub.

 

Xəbər lenti