 |
|
Ermənistan silahlı qüvvələrinin bölmələri avqustun 19-u saat 17:24-dən etibarən avqustun 20-si saat 00:25-dək Gorus rayonunun Xanazax, Basarkeçər rayonunun Aşağı Zağalı və Berd rayonunun Çinarlı yaşayış məntəqələri ərazisində yerləşən mövqelərindən Laçın rayonunun Cağazur, Kəlbəcər rayonunun İstisu və Tovuz rayonunun Əsrik Cırdaxan yaşayış məntəqələri istiqamətində yerləşən Azərbaycan Ordusunun mövqelərini fasilələrlə atıcı silahlardan atəşə tutub.
Bununla bağlı Azərbaycan Müdafiə Nazirliyi məlumat yayıb.
Bundan əlavə avqustun 20-si saat 01:23-dən etibarən Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri tərəfindən Şuşa şəhərinin Xəlfəli yaşayış məntəqəsi ətrafında yerləşən bölmələrimizin mövqeləri istiqamətində atıcı silahlardan fasilələrlə atəş açılıb.
Cavab atəşilə qarşı tərəf susdurulub.
Azərbaycan Ordusunun şəxsi heyəti arasında itki yoxdur.
Hazırda qeyd olunan istiqamətlərdə vəziyyət sabitdir, əməliyyat şəraiti bölmələrimizin nəzarəti altındadır.
Avqustun 20-si saat 01:23-dən etibarən Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri tərəfindən Şuşa şəhərinin Xəlfəli yaşayış məntəqəsi ətrafında yerləşən bölmələrimizin mövqeləri istiqamətində atıcı silahlardan fasilələrlə atəş açılıb.
Bu barədə Azərbaycan Müdafiə Nazirliyinin Mətbuat xidmətindən bildirilib.
"Cavab atəşilə qarşı tərəf susdurulub.
Azərbaycan Ordusunun şəxsi heyəti arasında itki yoxdur", - məlumatda qeyd edilib.
Qarayazı Dövlət Təbiət Qoruğunun əməkdaşları tərəfindən keçirilən nəzarət tədbirləri zamanı Kür çayının qoruq ərazisindən keçən hissəsində qanunsuz balıq ovuna cəhd edən şəxslər saxlanılıb.
Ekologiya və Təbii Sərvətlər Nazirliyi Bioloji Müxtəlifliyin Qorunması Xidmətinin rəsmisi Arzu Səmədova Yol-xeber.az-a bildirib ki, araşdırma zamanı brakonyerlərin Tovuz rayon sakini Amin Abdullayev və Ağstafa rayon sakini Biləndər Qurbanov olduğu məlum olub.
“Faktla bağlı təqsirkarlar barəsində qanunamüvafiq tədbirlər görülüb və onlardan qanunsuz ov alətləri götürülüb”.
Koronavirus daha bir mədəniyyət işçisinin ölümünə səbəb olub.
Yol-xeber.az xəbər verir ki, tanınmış gənc muğam ifaçısı Tuqay İsmayılov dünyasını dəyişib.
Onun bir müddətdir koronavirusa yoluxduğu bildirilir.
Quba rayonunda atasını xüsusi amansızlıqla öldürməkdə təqsirli bilinən 19 yaşlı Mətləb Şükürovun cinayət işi başa çatıb.
“Hadisə Qubanın Birinci Nügədi kəndində baş verib.
Kənd sakini Bəşarət Şükürova məxsus evdə onun üzərində çoxsaylı kəsilmiş-deşilmiş yaraları və zorakılıq əlamətləri olan meyitini aşkar edilib.
Məlum olub ki, Bəşarət Şükürovu öz oğlu, 19 yaşlı Mətləb Şükürov qətlə yetirib. Dəfələrlə atası ilə mübahisə edən Mətləb Şükürov növbəti münaqişə zamanı cibində gəzdirdiyi bıçaqla ona qətlə yetirib.
61 yaşlı Bəşarət Şükürov Rusiya vətəndaşı olub. Rusiyada sahibkarlıqla məşğul olan Bəşarət Şükürov hadisədən bir gün əvvəl Quba rayonuna gəlib.
Cinayəti törətməkdə şübhəli bilinən Mətləb Şükürov polis əməkdaşları tərəfindən saxlanılıb.
Mətləb Şükürov ifadəsində bildirib ki, atası Rusiyada başqa ailəsi ilə yaşayıb. İldə 3-4 dəfə onların yanına gəlib. Bir ay qaldıqdan sonra yenidən ora qayıdıb. Atasının ona, qardaşına və anasına qarşı münasibəti həmişə pis olub. Atası anası ilə ailə qurduqdan sonra onu Rusiyaya aparıb. Amma orada qadını mütəmadi döyüb təhqir etdiyinə görə anası kəndə qayıdıb.
Şükürov ifadəsinin davamında bildirib ki, atası Rusiyadan evə qayıdan zaman heç vaxt onun qabağına çıxmayıb. Atasının onlara qarşı pis münasibətinə görə dəfələrlə intihar etmək istəyib. Lakin anası və qardaşına görə bu addımı atmayıb.
Hadisə baş verən günü atası evə gələn zaman qardaşı ilə qorxularından otaqdan çölə çıxmayıblar.
Gəldikdən 10 dəqiqə sonra anasına qışqıraraq həyətdəki qarın nəyə görə təmizlənmədiyini və oğlanların nə işə baxdığını soruşub. Mətləb bir müddət əvvəl mağazadan aldığı bıçağı gödəkcəsinin cibindən çıxarıb mətbəxin qarşısına gəlib. Anasını yerdə uzanıqlı vəziyyətdə görüb onun öldüyünü düşünüb. Atasının üzərinə gedib ona yaşamağa haqqı olmadığını söyləyib əlindəki bıçaqla boğazından, ardıncada qarnından zərbələr vurub. Atası otağına qaçarkən arxadan bir neçə dəfə kürəyinə xəsarətlər yetirib.
Atasına əlavə bıçaq xəsarətləri yetirə bilməyəcəyinə görə eyvanda olan bel sapını götürüb yenidən otağa qayıdıb. Otağın qapısını bağlamaq istəyən atasının baş və bədən nahiyyələrinə zərbələr vurub. Zərbələrin təsirindən atası otaqdakı çarpayıya yıxılıb. Yanında oturub 4-5 saat ərzində ailəsinə verdiyi zülmdən danışıb. Sonra atasının öldüyünü görüb otaqdan çıxıb və anasına onu qətlə yetirdiyini deyib. Təxminən 15-20 dəqiqə sonra qohumları və polis əməkdaşları evlərinə gəlib.
Məhkəmə prosesi zamanı Mətləb Şükürov ittiham üzrə qismən təqsirli bilib.
Zərərçəkmiş şəxsin hüquqi varisi təqsirləndirilən şəxsə qarşı şikayəti və tələbi olmadığını bildirib.
Sonda məhkəmənin hökmü ilə Mətləb Şükürov Cm-nin 120.2.4 (xüsusi amansızlıqla qəsdən adam öldürmə) maddəsi ilə təqsirli bilinərək 14 il müddətinə azadlıqdan məhrum olunub.
Ermənistanın hərbi hissələrdən birində üç hərbçinin cəsədi tapılıb.
Yol-xeber.az xəbər verir ki, bu barədə Ermənistan Müdafiə Nazirliyi məlumat yayıb.
Bildirilib ki, bunlar 2002-ci il təvvəllüdlərində olan Murad Muradyan, Levon Harutyunyan və Qor Saakyanın meyitləridir.
1 saylı Şəhər Dəri-zöhrəvi Dispanserinin baş həkimi olmuş Rəşad İsmayılovun cinayət işi üzrə məhkəmə araşdırması başa çatıb.
Yol-xeber.az musavat.com-a istinadən xəbər verir ki, Bakı Ağır Cinayətlər Məhkəməsində külli miqdarda dələduzluqda ittiham olunan R.İsmayılovun cinayət işi üzrə məhkəmə araşdırması hakim Əfqan Hacıyevin sədrliyi ilə baş tutub.
Sonuncu prosesdə hökm oxunub. Hökmə əsasən R.İsmayılov 9 il müddətinə azadlıqdan məhrum edilib.
Qeyd edək ki, məhkəmə istintaqı dövründə Rəşad İsmayılov ittihamlarını qəbul etmədiyini deyib.
Məhkəmədə ifadə verən Rəşad İsmayılov bildirib ki, o, Sürəyya Qasımovadan pulu borc alıb.
R.İsmayılov qeyd edib ki, ittihamda bəhs olunan 280 min manat ona birdəfəyə verilməyib: "Biz onunla bir qrupda oxumuşuq. Pulu mənə saziş əsasında verib. Mənə xaricdən - "Pepsi Cola" şirkətindən 1 milyon 300 min dollar pul gəlməliydi. Mənim özümü də aldatdılar. Vüsal Əliyev vardı, o dedi ki, pulu almaqda mənə kömək edəcək. Buna görə ona pul verməliydim. Sürəyyanın əri də iki dəfə, elə birbaşa Vüsala pul verib. Pul Gürcüstana, oradan Azərbaycana gəlməliydi. Sonradan bildim ki, Sürəyyagil də altdan-altdan səsimi yazıb prokurorluğa verirmiş. Tutuldum, o iş də qaldı...".
Prosesdə Sürəyya Qasımova şahid qismində dindirilib. Söyləyib ki, R.İsmayılovla ünsiyyəti olub, bir-birlərinin yanına xəstə göndərirmişlər.
O deyib ki, R.İsmayılov ondan birinci dəfə 700 manat borc istəyib: "Pulu verdim. İkinci dəfə 1500 manat istədi. Yenə verdim. Sonra dedi ki, yüksək vəzifəyə gedirəm, mənə kömək elə. Mən də evdə nə vardısa, verdim. İllərlə yığdıqlarımızın hamısını - avro da vardı, dollar da, manat da. Demişdi ki, xaricdən alacağım var. İspaniyada biznesi olduğunu bildirmişdi. Ümumilikdə 280 min manat pul vermişəm. Bir avtobusumuz vardı, onu, "Pajero" maşınımızı satdıq..."
Amma Sürəyya Qasımova məhkəmədə bu pulları baş həkim təyin olunmaq üçün verdiyini demək istəməyib.
Məhkəmə istintaqdakı ifadəsini ona xatırladıb. Həmin ifadədə o bildirib ki, Rəşad İsmayılov özünün yaxın vaxtlarda səhiyyə naziri təyin ediləcəyini, onu da Koordiologiya İnstitutuna baş həkim təyin etdirəcəyini demişdi: "Mənə demişdi ki, özündə olan bütün pulları da bu məqsədlə yüksək vəzifəli adama verib. O adamın adını burada demək istəmirəm".
Sualları cavablandıran şahid bildirib ki, o, sinir xəstəlikləri üzrə ixtisaslaşmış həkimdir. Lakin o, Elmi-Tədqiqat Koordiologiya İnstitutuna baş həkim təyin olunmaq istəyirmiş.
Sürəyya Qasımova təsdiqləyib ki, həyat yoldaşı iki dəfə pulu Vüsal Əliyev adlı şəxsə verib.
Təqsirləndirilən sabiq baş həkimin Samir Şahbazov adlı şəxsdən də pul aldığı iddia olunur. Rəşad İsmayılov həmin vəsaiti də borc aldığını bildirib.
Baş Prokurorluğun mətbuat xidmətinin məlumatına görə, aparılmış istintaq-əməliyyat tədbirləri ilə Rəşad İsmayılovun həmin vəzifədə işləyərkən iş üçün ona müraciət etmiş şəxsə özünün yaxın vaxtlarda guya Azərbaycan Respublikasının səhiyyə naziri vəzifəsinə təyin olunduqdan sonra onu müvafiq tibb müəssisəsinə baş həkim vəzifəsinə təyin edəcəyi barədə yalan vəd verərək həmin vətəndaşın ümumilikdə 280 min manat məbləğində pul vəsaitini dələduzluq yolu ilə ələ keçirməsinə və vətəndaşı bilə-bilə qanunsuz hərəkətlərə görə rüşvət verməyə təhrik etməsinə əsaslı şübhələr müəyyən olunub.
İş üzrə toplanmış sübutlar əsasında Rəşad İsmayılova Cinayət Məcəlləsinin 178.3.2-ci (dələduzluq külli miqdarda ziyan vurmaqla törədildikdə) və 32.4, 312.2-ci (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə rüşvət vermə rüşvət verməyə təhrik etmə) maddələri ilə ittiham elan edilib və məhkəmənin qərarı ilə barəsində həbs qətimkan tədbiri seçilib.
Bakıda həyat yoldaşını bıçaqlayaraq öldürmək istəyən Abbas Abasovun cinayət işi üzrə istintaq başa çatıb.
“Yol-xeber.az” xəbər verir ki, Daxili İşlər Nazirliyinin 102 xidmətinə Sabunçu rayonunun Maştağa qəsəbəsində Fərqanə Abbasovanın həyat yoldaşı tərəfindən bıçaqlanması barədə məlumat daxil olub.
Hadisə yerinə cəlb olunan 14-cü Polis Bölməsinin əməkdaşlarına məlum olub ki, yaralanan qadın xəstəxanaya yerləşdirilib. Həmin ərəfədə cinayəti törədən Abbas Abbasov könüllü Sabunçu Rayon Polis İdarəsinə (RPİ) gələrək təslim olub.
Hadisənin baş verdiyi Maştağa qəsəbəsi, Xanlar küçəsi, ev 137-yə baxış zamanı dəhlizdə və yataq otağında qan ləklərinin olması müəyyən edilib. Evin eyvanında dəstəyi qara rəngli, üzərində xırda qan ləkələri olan bıçaq aşkar edilib.
Məhkəmə-tibbi ekspertizasının rəyinə görə, Fərqanə Abbasovanın bədən səthində beş ədəd kəsilmiş-deşilmiş yara izi aşkar edilib.
İstintaqla müəyyən edilib ki, Abbas Abbasov 2005-ci il ildən rəsmi nikahda olduğu həyat yoldaşı Fərqanə Abbasova ilə İmişli rayonunda birgə yaşadıqları müddətdə mütəmadi spirtli içki qəbul edib, sərxoş vəziyyətdə evə gələrək heç bir əsas olmadan qısqanclıq zəminində onunla mübahisə edib.
2019-cu ilin oktyabr ayında müalicə olunduğu İran İslam Respublikasından geri qayıtdıqdan sonra qadın Maştağa qəsəbəsində yerləşən ata evinə köçüb. Abbas münasibətlərinin yenidən bərpa olunmasına və barışmalarına təkidlə cəhd etsə də, Fərqanə onunla yaşamaqdan imtina edərək, boşanmaq istəyib. Arvadını qısqanclıq niyyəti ilə öldürmək qərarına gələn Abbasov qayınatasının evinə gəlib və bacısı Vəfa Abbasovanın gözləri qarşısında ona xəsarətlər yetirib. Arvadının almış olduğu xəsarətlərdən hərəkətsiz vəziyyətdə qaldığını görərək, öldüyünü zənn edib və hadisə yerindən qaçıb. Daha sonra Sabunçu RPİ-nə gedərək könüllü təslim olub.
Fərqanə Abbasova ailə üzvləri tərəfindən vaxtında xəstəxanaya çatdırılıb.
İş üzrə dindirilmiş Abbas Abbasov ifadəsində bildirib ki, həyat yoldaşını öldürmək məqsədi ilə bıçaqlayıb. Dəfələrlə onunla barışmasını xahiş etsədə Fərqanə buna məhəl qoymayıb onunla kobud rəftar edib. Bu səbəbdən də bezib cinayət törədib.
Məhkəmə prosesi zamanı Abbas Abbasov ittiham üzrə özünü təqsirli bilib.
Zərərçəkmiş Fərqanə Abbasova təqsirləndirilən şəxsə ağır cəza təyin edilməsini xahiş edib.
Sonda məhkəmənin hökmü ilə Abbas Abbasov CM-nin 29.120.2.4 (xüsusi amansızlıqla qəsdən adam öldürməyə cəhd) maddəsi ilə təqsirli bilinərək 12 il müddətinə azadlıqdan məhrum olunub.
Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən narkotik vasitə və psixotrop maddələrin qanunsuz dövriyyəsi, sosial şəbəkələrdə onlayn yolla satışı ilə məşğul olan şəxslərin məsuliyyətə cəlb edilmələri istiqamətində növbəti əməliyyatlar həyata keçirilib.
Bu barədə "Yol-xeber.az"a DİN-in Mətbuat Xidmətindən məlumat verilib.
Məlumata görə, Baş İdarə əməkdaşlarının paytaxtın Nizami və Yasamal rayonunda həyata keçirdikləri əməliyyatlar zamanı qaçaqmalçılıq yolu ilə ölkə ərazisinə gətirilən külli miqdarda narkotik maddələri qəbul edib hissə-hissə onlayn yolla əvvəlcədən deyilən ünvanlara qoymaqla satışını təşkil edən, həmçinin narkotik vasitələrin satışından əldə edilən çirkli pulların müxtəlif yollarla xarici ölkələrdəki banklara transfer olunmasına köməklik göstərən Xəyal Quluzadə, onun tanışı Aydın Kərimov və Zaur Məmmədov saxlanılıblar. Xəyal Quluzadə və Aydın Kərimovun üzərində şəxsi axtarış aparılan zaman onlardan 100 qrama yaxın, paytaxtın Nizami rayonunda yaşadıqları evdən isə əlavə 3 kiloqram 205 qram heroin, 794 qram tiryək, 2 kiloqram 400 qram marixuana və 1 kiloqram 30 qram metamfetamin aşkar olunub. Zaur Məmmədovun üzərindən və yaşadığı evdən isə ümumilikdə 11 kiloqram 650 qram heroin aşkar edilib.
Araşdırma zamanı müəyyən edilib ki, Xəyal Quluzadə, Aydın Kərimov və Zaur Məmmədov xaricdə yaşayan narkotacirlərlə əlaqə yaradaraq onlar üçün ölkə ərazisində narkokuryerlik edən yerli vətəndaşlardan ibarət şəbəkə yaradıblar. Bu şəxslər narkokuryerliyə cəlb etdikləri şəxslərə müxtəlif şirnikləndirici vədlər verərək onları ələ almağa çalışıblar.
Qeyd edək ki, Baş İdarənin əməkdaşları tərəfindən keçirilən əməliyyat-texniki tədbirlər nəticəsində şəbəkəyə daxil olan şəxslərin anket məlumatları dəqiqləşdirilib. Həmin narkokuryerlərin də saxlanılması istiqamətində həyata keçirilməsi nəzərdə tutulan əməliyyatlar barədə ictimaiyyətə əlavə məlumatlar veriləcək.
Baş İdarə əməkdaşlarının Yasamal rayonunda həyata keçirdikləri növbəti əməliyyatlar zamanı isə narkotiklərin qanunsuz dövriyyəsi ilə məşğul olan daha 3 nəfər – Elçin Məmmədov, Əzizbala Məmmədov və Zülfü Həsənov saxlanılıblar. Elçin Məmmədovun üzərindən 204 qram heroin, yaşadığı evdən isə 314 qram metamfetamin aşkar edilib. Əzizbala Məmmədov və Zülfü Həsənovdan isə ümumilikdə 6 qram heroin, 29 qram metamfetamin və 1 ədəd elektron tərəzi aşkar edilib.
Baş İdarə əməkdaşlarının Nəsimi rayonunda həyata keçirdikləri əməliyyatlar zamanı isə narkotiklərin qanunsuz dövriyyəsi ilə məşğul olan Mirvaqif Bağırov, Zərbəli Şahverdiyev və Qurban Yusifov saxlanılıblar. Bu şəxslərdən ümumilikdə 12 qrama yaxın heroin və elektron tərəzi aşkar edilib.
Baş İdarə əməkdaşlarının Nərimanov və Qaradağ rayonlarında həyata keçirdikləri əməliyyatlar zamanı da narkotiklərin qanunsuz dövriyyəsi ilə məşğul olan Ramin Abdullayev və Ələsgər Zərbəliyev saxlanılıblar. Ramin Abdullayevin üzərindən və yaşadığı evdən 126 qram metamfetamin və 221 qram heroin , Ələsgər Zərbəliyevin üzərində şəxsi axtarış aparılan zaman isə 50 qram heroin və 1 ədəd elektron tərəzi aşkar edilib.
Baş İdarə əməkdaşlarının Sumqayıt şəhəri Corat qəsəbəsində həyata keçirdikləri sonuncu əmliyyat zamanı isə əvvəllər məhkum olunmuş Vüqar Mehtiyev saxlanılıb. Onun üzərində şəxsi axtarış aparılan zaman 51 qram, yaşadığı evdən isə əlavə 2 kiloqram 30 qram heroin aşkar edilib. Araşdırma zamanı Vüqar Mehtiyevin Sumqayıt şəhəri və ətraf qəsəbələrdə narkotiklərin satışı ilə məşğul olduğu məlum olub.
Baş İdarənin Cənub Bölgəsində Regional Şöbəsinin əməkdaşlarının Astara rayonunda həyata keçirdikləri əməliyyat zamanı narkotik maddələrin qaçaqmalçılıq yolu ilə ölkə ərazisinə gətirilməsini təşkil edən rayonun Şahağacı kənd sakinlərindən ibarət mütəşəkkil dəstənin üzvləri saxlanılıblar. Nəticədə kənd sakinləri əvvəllər məhkum olunmuş Əlibala Məmmədov, Fazilə Rzayeva, Şəhruz Quliyev, Ramin Ağayev, Şəhriyar Mirzəyev və İsmayıl Mirzəyev tutulublar. Dəstə üzvlərinin hər birinin üzərindən və yaşadıqları evlərdən ümumi çəkisi 316 qram olan heroin və metamfetamin aşkar edilib.
Qeyd edək ki, adları sadalanan şəxslərin ətraflarında əməliyyat tədbirləri həyata keçirilən zaman onların xaricdə yaşayan və ölkə ərazisinə qaçaqmalçılıq yolu ilə narkotik maddələr göndərməyə çalışan narkotacirlərlə sıx əlaqələrinin mövcudluğu ortaya çıxarılıb. Araşdırma zamanı bu şəxslərin narkotik maddələrin ölkə ərazisində yayılması üçün kuryerlik edikləri və satışı ilə məşğul olduqları məlum olub.
Baş İdarənin Cənub Bölgəsində Regional Şöbəsinin əməkdaşlarının Lənkəran şəhəri və Biləsuvar rayonunda həyata keçirdikləri əməliyyatlar zamanı da narkotik maddələrin dövriyyəsi ilə məşğul olan Şahin Ağayev və Ramil Quluzadə də saxlanılıb. Şahin Ağayevinin yaşadığı evdən ümumi çəkisi 74 qram olan heroin, eləcə də metamfetamin, Ramil Quluzadədən isə 2 kiloqram 322 qram marixuana aşkar edilib.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb zəruri istintaq-əməliyyat tədbirləri davam etdirilir. Sonuncu əməliyyatlar zamanı Baş İdarənin əməkdaşları tərəfindən ümumilikdə 24 kiloqrama yaxın narkotik vasitə və psixotrop maddə qanunsuz dövriyyədən çıxarılıb. Saxlanılan şəxslərdən 19-u məhkəmələr tərəfindən tutularaq barələrində həbs qətimkan, 1 nəfər haqqında isə alternativ növdən olan qətimkan tədbiri seçilib.
Qeyd edilib ki, təqdim etdiyimiz sonuncu əməliyyatlar zamanı saxlanılan şəxslərdən bəziləri aktiv narkotik vasitə və psixotrop maddə istifadəçisidirlər. Müayinələr zamanı bu şəxslərin bir neçəsinin narkotik vasitə istifadə etməsi nəticəsində insan həyatı üçün olduqca təhlükəli olan hepatit və QİÇS virusuna yoluxduqları və daşıyıcıları olduqları müəyyən edilib.
Odur ki, sağlam gələcək naminə vətəndaşlara bir daha müraciət edərək onları narkotik vasitələrdən uzaq durmağa səsləməklə yanaşı bu maddələrin qanunsuz dövriyyəsi barədə əllərində olan məlumatları polis əməkdaşları ilə bölüşməyə çağırırıq.
Rusiya sülhməramlı qüvvələrinin nəzarətində olan Azərbaycan ərazilərindəki qanunsuz erməni silahlı birləşmələrinin əsgərləri bir neçə gün əvvəl Şuşanın Sarıbaba kəndini tərk edib gediblər. Nəticədə kənd hazırda müdafiəsiz qalıb. Virtualaz.org erməni KİV-lərinə istinadən xəbər verir ki, bu haqda “kənd icmasının rəhbəri” Artak Akopyan bildirib.
“Kənd müdafiəsiz qalıb. Şaiyələrə əsasən əsgərlərimiz mövqelərindən ona görə çəkiliblər ki, azərbaycanlılar da 3 kilometr geri çəkilsin. Amma hələlik heç nə baş vermir”,-o deyib.
Akopyanın sözlərinə görə, müəyyən vaxt Rusiya sülhməramlıları kəndi müdafiə etmək üçün gəliblər, amma sonra onlar da gediblər və daha geri qayıtmayıblar.
Sarıbaba (ermənilər bu kəndi “Yextsaoğ” adlandırırlar) kəndi Laçın-Xankəndi yolunun, yaxud Laçın dəhlizinin şimalında yerləşir, ona ən yaxın yaşayış məntəqəsi Göytala kəndidir.
Eyni adlı dağın ətəyində yerləşən Sarıbaba kəndində vaxtilə ermənilər məskunlaşdıqdan sonra onun adını dəyişdirmişdilər, kənd 1992-ci ildə işğal altına düşüb.