 |
|
Sosial şəbəkələrin erməni seqmentində yayımlanan videoda ölən erməni əsgərlərinin valideynləri İkinci Qarabağ müharibəsi zamanı övladlarının Hadrutda qəsdən ölümə göndərildiyini iddia ediblər.
Caliber.Az videonu araşdırıb və erməni əsgərlərinin valideynlərinin fikirlərini təqdim edib.
“Bizim məlumatımıza görə, uşaqları ora aparıblar, qəsdən ölümə göndəriblər. Hadrut 9 oktyabrdan Azərbaycan əsgərlərinin əlində olub. Buna baxmayaraq, uşaqlarımızı bilərəkdən ora göndərdilər. 143 postdakı əsgərlərə zəng edərək, onları aldadaraq, ora göndəriblər. Həmin nöqtəyə hücum ediləcəyini əvvəlcədən bilirdilər. Əmr səhər saat 9-da verilib, uşaqları isə gündüz (13:00-14:00 arasında) gətiriblər. Qısası onları ölümə məhkum ediblər. Onlar gələndə hətta heç kim tərəfindən qarşılanmayıblar. Əgər onları köməyə çağırsaydılar, qarşılanmalı idilər. Diviziyanı komandir qarşılamalı idi. Əgər özü edə bilməsə də, heç olmasa kimisə göndərməli idi”, - deyə valideynlərdən biri bildirib.
“Mən də bir neçə söz əlavə etmək istərdim: əsgərləri ora göndərərkən onlar anlamalı idilər ki, Azərbaycan və onların PUA-ları bütün səmaya nəzarət edir. Nəyə görə mühasirəyə düşəcəklərini bilə-bilə bizim uşaqlarımızı ora göndərdilər?”, - deyə qəzəbli halda ikinci valideyn bildirib.
“Onlar 100 faiz bunu anlayırdılar və bilərəkdən uşaqları ölümə göndərdilər. Görünür onları oraya çox “ağıllı” insan göndərib. Mənim fikrimcə, o, əsgər deyil, xadimə işləməlidir. İndi bu əmri verən şəxsin adı xatırlanmır. Onun kimliyi və harada olması məlum deyil. Bu komandir 100 faiz bilirdi ki, göndərdiyi əsgərlər geri qayıtmayacaq. Lakin bu əmri verib. Bu bir daha göstərir ki, onlar şüurlu şəkildə uşaqları ölümə göndəriblər. Bizdə belə bir təsəvvür var ki, bu qabaqcadan planlaşdırılıb. Ağlımıza başqa heç nə gəlmir. Onlar bizim uşaqlarımızı bu cür satdılar. Onları bilərəkdən öldürdülər”, - deyə üçüncü valideyn bildirib.
Sumqayıtda qadını boğub öldürməkdə təqsirləndirilən Kamran Quliyevin cinayət işi.
2020-ci ilin mart ayında Sumqayıt şəhəri 4-cü mikrorayon ərazisində yerləşən mənzillərin birində üzərində zorakılıq əlamətləri olan 23 yaşlı Günay Əliyevanın meyiti aşkar edilib.
Araşdırmalar zamanı onun həmin evdə 2019-cu ilin dekabr ayından kirayədə yaşaması məlum olub.
İstintaq əməliyyat yolu ilə hadisədən bir gün sonra şübhəli şəxs qismində Bakı şəhərində yaşayan 23 yaşlı Kamran Quliyev saxlanılıb.
İş üzrə dinririlmiş Kamran Quliyev bildirib ki, həmin gün Günaya onunla cinsi aləqədə olmaq üçün 30 və ya 40 manat pul verib. Amma buna baxmayaraq qadın əlaqədə olmaq istəmədiyini deyib. Bu zəmində aralarında mübahisə başlayıb. Günay onun ünvanına ağır söyüşlər işlətdikdə o əsəbləşib:
"Söyüş söyəndə dedim Günay məni kiminləsə səhv salma danışığını bil. Dedi əcəb eləyirəm. Mənimlə əlaqədə olmaq istəmirdi. Mübahisə eləyə-eləyə hamam otağına keçdi".
Kamran Quliyev ifadəsinin davaminda bildirib ki, Günayın arxasınca hamam otağına daxil olaraq onu divara sıxıb. Əlləri ilə boğazından tutub silkəliyərək sakit durmasını və onu söyməməsini tələb edib. Sonra Günayın ağırlaşdığını hiss edərək onu buraxıb. Günayın huşunu itirdiyini düşünüb və yerə yıxılandan sonra üzünə su vurub. Bir müddət sonra qadının ayılmadığını görərək onun öldüyünü bilib və qorxub mənzili tərk edib.
Kamran Qiliyev qeyd edib ki, Günay Əliyevanı qəsdən öldürmək istəməyib. Sadəcə sonuncu onu təhqir etdiyi üçün əsəbləşib əlləri ilə boğazından tutub silkəliyib.
Məhkəmə iclasında Kamran Quliyev ittiham üzrə özünü təqsirli bilməyib. İbtidai istintaq zamanı ona fiziki və psixi təsir göstərildiyindən yazılan ifadəni oxumadan imzalayıb. O, qeyd edib ki, Günay Əliyevanın mənzilinə martın 5-i saat 5:00 radələrində gəlib. Növbəti gün yuxudan saat 15:00 radələrində oyanıb. Günaya zəng edib mesaj yazsada o cavab verməyib. Hamam otağına keçəndə qadını yerdə hərəkətsiz vəziyyətdə görüb. Təcili tibbi yardıma zəng etmədən çıxıb gedib. Həmin gün aralarında mübahisə olmayıb.
Zərərçəmiş şəxsin hüquqi varisi bildirib ki, təqsirləndirilən şəxslə barışıb və ona qarşı şikayəti yoxdur.
Məhkəmə sübutlara əsalanaraq nəticəyə gəlib ki, Kamran Quliyevin törətdiyi əməl CM-nin 120.1(qəsdən adam öldürmə) maddəsi ilə düzgün tövsif edilib.
Sonda məhkəmənin hökmü ilə Kamran Quliyev 10 il 6 ay müddətinə azdlıqdan məhrum olunub.
Xəbər verdiyimiz kimi Xaçmaz rayonunda 1 nəfər evdə bağlı qapı arxasında köməksiz vəziyyətdə qalıb.
Fövqəladə Hallar Nazirliyinin "112" qaynar telefon xəttinə daxil olan məlumata əsasən, xilasetmə qüvvələri evin giriş qapısını açıb və orada aşkarlanan 1976-cı il təvəllüdlü Hacıyeva Ülkər Vəliyyəddin qızının meyitini aidiyyəti üzrə təhvil veriblər.
Qeyd edək ki, meyiti tapılan şəxsin Alıcqışlaq kənd orta məktəbinin direktoru, olduğu müəyyənləşib. Onun dəm qazından boğularaq dünyasını dəyişdiyi ehtimal olunur.
Faktla bağlı araşdırmalar davam etdirilir.
Ülkər Hacıyevanın fotolarını təqdim edirik: /metbuat.az
Xaçmaz rayonunda evdə qadın meyiti tapılıb.
FHN-in "112" qaynar telefon xəttinə daxil olan məlumata əsasən, Xaçmaz rayonunda 1 nəfər evdə bağlı qapı arxasında köməksiz vəziyyətdə qalıb. Çağırış ünvanına cəlb olunan Şimal Regional Mərkəzinin xilasetmə qüvvələri evin giriş qapısını açıb və orada aşkarlanan 1976-cı il təvəllüdlü Hacıyeva Ülkər Vəliyyəddin qızının meyitini aidiyyəti üzrə təhvil veriblər.
Qeyd edək ki, Ü. Hacıyeva Xaçmazın Alıcqışlaq kənd orta məktəbinin direktoru vəzifəsində çalışırdı.
İlkin ehtimala görə o, dəm qazından zəhərlənib.
Araşdırma aparılır.
Ətraflı məlumat veriləcək.
Bəzi sürücülər körpülərə yaxın ərazilərdə yaradılan təhlükəsizlik adacığında quraşdırılan siqnal nişanının tələblərinə əməl etmirlər. Bakıda bir sürücü həmin nişanın üzərindən keçərək onu həm sıradan çıxarır, həm də kobud qayda pozuntusuna yol verir. Üstəlik yol təsərüffatına da ciddi ziyan vurub. Sözügedən sürücü etdiyi bu əməli lentə alaraq sosial şəbəkələrdə paylaşıb. Artıq faktla bağlı araşdırmalara başlanıb.
Xəzər TV xəbər verir ki, etdiyi qayda pozuntusu lentə alan sürücü bununla fəxr edir.
Paytaxtın Ziya Bünyadov prospektində yol hərəkəti qaydasını pozan sürücünün videosu sosial şəbəkələrə müzakirələrə səbəb olub. Görüntüdən aydın olur ki, o, yolayrıcında sağ zolaqdan sol zolağa manevr edərək kəsişmə yerində quraşdırılan siqnal nişanlarının üzərindən keçir. O, bu hərəkətini lentə alıb və daha sonra sosial şəbəkədə paylaşıb.
Yol hərəkəti üzrə ekspert Elməddin Muradlı deyir ki, sürücü yağışlı havada kobud qayda pozuntusuna yol verməklə yanaşı digər hərəkət iştirakçıları üçün də təhlükə yardır. Ekspertin sözlərinə görə qayda pozan sürücü bu nişanın heç əhəmiyyətini belə bilmir.
Sözügedən hadisənin baş verdiyi əraziyə getdik. Şahidi olduq ki, bu va digər sürücülərin kobud qayda pozunuları təhlükəsizlik adacığına baxdıqda daha aydın görünür.
Qeyd edək ki, həmin nişanlar Bakı Nəqliyyat Agentliyinin sifarişi ilə Avtomobil Yolları Dövlət Agentliyinin əməldaşları tərəfindən quraşdırılır. Qurumun mətbuat katibi Anar Nəcəfli deyir ki, belə hadisələr zamanı həmin nişanlar sıradan çıxır. Bununla da qəza riski artırır.
Qeyd edək ki, faktla bağlı Bakı Şəhər Dövlət Yol Polis İdarəsinin əməkdaşları araşdırmalara başlayıblar. Sürücü barəsində inzibati qaydada tədbilər görüləcək.
Ötən gecə Bakı şəhəri Binəqədi rayonu ərazisində çoxmərtəbəli binanın üzlüyü qoparaq yola düşüb.
Publika.az” xəbər verir ki, S.S.Axundov küçəsi ilə Azadlıq prospektinin kəsişməsində yerləşən 16 mərtəbəli binanın bərk materialdan hazırlanmış üzlüyünün bir hissəsi qoparaq piyadaların intensiv hərəkət etdiyi yola düşüb. Lövhə yerə çılpılaraq parçalanıb və ətrafa dağılıb.
Xoşbəxtlikdən hadisə vaxtı ərazidə heç kim olmayıb, yaxınlıqdakı şəxslər ciddi xəsarət almayıb. Ərazidə hərəkət lentlərlə məhdudlaşdırılıb.
Qeyd edək ki, hadisənin baş verdiyi bina bir neçə il əvvəl tamamilə yanmış və 15 nəfər həlak olmuşdu. Bu hadisədən sonra həmin bina yenidən üzlənib.
Beynəlxalq Qadınlar Günündə Bakıda bir qrup aktivist qadının “8 Marş - Haqlarımız uğrunda” yürüşü sosial şəbəkələrdə geniş müzakirələrə səbəb oldu. Aksiyadan 1 gün sonra fəallardan biri Nərmin Şahmarzadənin yaxın çevrəsinə daxil olan Gülnarə Mehdiyeva, Bəxtiyar Hacıyev və digər aktivistlərlə mesajlaşmaları yayıldı. Həmin şəxsi yazışmalardakı psixoloji olaraq çətin vəziyyətdə olan yeniyetmə qadınlarla bağlı müzakirələr və şəxslər arasındakı intim söhbətlər də açıq formada paylaşıldı.
“Qafqazinfo”nun verdiyi xəbərə görə, tərəflər bunu montaj adlandıraraq hüquq-mühafizə orqanlarına müraciət etdiklərini bildiriblər.
DİN Mətbuat xidmətindən məsələ ilə bağlı “Qafqazinfo”nun sorğusuna cavab olaraq bildirilib ki, vətəndaş Bəxtiyar Hacıyev qeyd edilən halla bağlı nazirliyin 102 xidmətinə müraciət edib: “Müraciət aidiyyatı üzrə Yasamal rayon Polis İdarəsinin 27-ci Polis Bölməsinə yönləndirilib. Bəxtiyar Hacıyev bölməyə dəvət edilərək ifadəsi alınıb. Hazırda araşdırmalar davam etdirilir”.
Bakının Binəqədi rayonunda ağır yol qəzası baş verib.
APA xəbər verir ki, hadisə Biləcəri qəsəbəsində qeydə alınıb.
1992-ci il təvəllüdlü Zaur Əlizadə idarə etdiyi “BMW” markalı avtomobillə hərəkətdə olan zaman Bakı-Sumqayıt şossesində körpünün üzərindən avtomobili aşırıb.
Qəza nəticəsində sürücü Z.Əlizadə, sərnişin 26 yaşlı Emin Əliyev ağır xəsarət alıb. Digər sərnişin Şahin Məmmədov hadisə yerində ölüb.
Qeyd edək ki, yaralılar Zığda yerləşən Modul Tipli Xəstəxananın həkimləridir. Onlar sonuncu dəfə Z.Əlizadənin doğum günü məclisindən çıxıblar.
Bakıda yol qəzası olub.
Bu barədə Fövqəladə Hallar Nazirliyinin Mətbuat xidmətindən məlumat verilib.
Bildirilib ki, FHN-in "112" qaynar telefon xəttinə Bakı şəhərinin Binəqədi rayonunda “BMW” markalı minik avtomobilinin aşması barədə məlumat daxil olub.
Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan 1 nəfəri və 1994-cü il təvəllüdlü Mədətov Şahin Gülverdi oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.
Martın 10-da saat 09 radələrində Bakı şəhəri, Xətai rayonu, Sabit Orucov küçəsi 28 ünvanında yerləşən çayxanada xadimə işləyən Baxşiyeva Mahirə Hüseyn qızının üzərində çoxsaylı kəsilmiş-deşilmiş xəsarətlərlə zorakılıq əlamətləri olan meyitinin aşkar edilməsi barədə rayon prokurorluğuna məlumat daxil olub.
Bu barədə Xətai Rayon Prokurorluğundan məlumat verilib.
Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.
Aparılan ilkin araşdırmalarla zərərçəkmişin oğlu - 1990-cı il təvəllüdlü Baxşiyev Zamin Afərin oğlunun şəxsi münasibətlər zəminində aralarında yaranan mübahisə zamanı bıçaqla çoxsaylı xəsarətlər yetirərək Mahirə Baxşiyevanı qəsdən öldürməsinə əsaslı şübhələr müəyyən edilib.
Faktla bağlı Xətai Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Zamin Baxşiyev şübhəli şəxs qismində tutularaq istintaqa cəlb edilib, cinayətin predmeti olan bıçaq, həmçinin iş üçün əhəmiyyət kəsb edən digər maddi sübutlar müvafiq qaydada qablaşdırılaraq götürülüb.
Hazırda cinayət işi üzrə istintaq hərəkətləri davam etdirilir.