 |
|
Sumqayıt şəhərində qətl törətməkdə və oğurluqda təqsirli bilinən 1996-cı il təvəllüdlü Babək Atamalıyev, Hüseynağa Ağayev və Musa Cavadlının cinayət işi.
"Ölkə.Az" xəbər verir ki, qətl hadisəsi Sumqayıt şəhər ərazisində gecə saat 1 radələrində baş verib.
27 yaşlı Namiq Məmmədovun Sumqayıt şəhəri, 13-cü mikrorayonda üzərində zorakılıq xəsarətləri olan meyiti aşkar edilib. Fakta görə Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
İstintaq-əməliyyat tədbirləri nəticəsində qətlin Sumqayıt şəhər sakini Babək Atamalıyev tərəfindən törədilməsində əsaslı şübhələr olduğundan o, tutularaq istintaqa cəlb olunub. Məlum olub ki, Namiq Məmmədov doğulduğu gün qətlə yetirilib.
İş üzrə təqsirləndirilən şəxs qismində dindirilən Babək Atamalıyev özünü təqsirli hesab edərək ifadəsində göstərib ki, Sumqayıtda şadlıq sarayında ofisiant işləyib. Hüseyağanı 4-5 il əvvəl qardaşı Seyidin vasitəsi ilə tanıyıb. Musa ilə isə qonşu olub. Martın 22-də 17-ci mikrorayon ərazisində görüşüblər. Hansı mağazaya girəcəklərini əvvəlcədən planlaşdırmayıblar. Oğurluq etməmişdən əvvəl parkda spirtli içki qəbul ediblər. Ordan "Dünya" market mağazasının qarşısına gəliblər.
Yanından keçən şəxsdən bir ədəd siqaret istədiydə o, kobud şəkildə siqaretinin olduğunu amma ona verməyəcəyini deyib. Cavab Babəkə pis təsir edib və səbəbini aydınlaşdırmaq üçün Namiqi arxadan çağırıb kobud cavabının səbəbini soruşub. Namiq onu söhbətə tuta-tuta özü ilə aparıb. Musa ilə Hüseyağa isə arxalarınca gəliblər.
Namiq həyətə girən kimi, blokun önündə dayanan 4 qonşunu köməyə çağırıb. Qonşuların mübahisəyə müdaxiləsi vəziyyəti daha da ağırlaşdırıb.
Siqaret arzusunda olan şəxslərdən biri -1996-cı il təvəllüdlü Babək Atamalıyev üzərində gəzdirdiyi bıçağı çıxararaq Namiqə bir zərbə vurub. Qonşular qatilin arxasıyca düşsələr də o, əlindəki soyuq silahla hamını hədələyərək dostları ilə oradan uzaqlaşıb.
Namiqi öldürəndən sonra Babək və dostları növbəti cinayəti törədiblər. Qonşu məhəlləyə qədər qaça bilən şəxslər dükan yarıblar.
Babək Atamalıyev ifadəsinin davamında bilridib ki, hadisənin səhərsi günü Hüseynağanın tutulduğunu eşidib. Saat 14:00 radələrində könüllü olaraq polis bölməsinə gedib. Sorğu-sual zamanı oğurluq cinayətini onunla birlikdə törətdiyini etiraf edib. Orada bilib ki, Namiq Məmmədov onun vurduğu bıçaq xəsarətindən ölüb.
İstintaq orqanı Babək Atamalıyevin əməlini Cm-nin 120.2.2-ci (xuliqanlıq niyyəti ilə qəsdən adam öldürmə) 170-ci (yetginlik yaşına çatmayanı cinayət fəaliyyətinə cəlb etmə) və 177.2.1-ci(oğurluq qabaqcadab əlbir olan bir qrup şəxs tərəfindən törədildikdə) maddələri ilə, Hüseynağa və Musanın əməlini isə yalnız 177-ci (oğurluq) maddəsi ilə qiymətləndirib.
Məhkəmənin hökmü ilə Babək Atamalıyev 19 il, Hüseynağa Ağayev 3 il 6 ay, Musa Cavadlı isə 3 il azadlıqdan məhrum olunub.
Azərbaycana xaricdən daxil olan və ölkədə yaşayan şəxslərdən alınan nümunələrdə mütəmadi olaraq “Sars Cov-2” genom analizləri edilərək şübhəli variantlar təqib olunur.
Bu barədə Milli Hematologiya və Transfuziologiya Mərkəzindən bildirilib.
Milli Hematologiya və Transfuziologiya Mərkəzinin Genetik Diaqnoz Mərkəzində “Sars Cov-2” genom analizi edilən üç nümunədə 501Y.V1, B.1.1.7 (Britaniya variantı) aşkar edilib.
Qeyd edək ki, Azərbaycanda koronovirus əleyhinə istifadə olunan “Coronavac” vaksini yeni ştammlara qarşı da effektivdir.
Rusiyada yaşayan azərbaycanlı jurnalist Araz Axundov vəfat edib.
APA xəbər verir ki, Araz İsmayıl oğlu Axundov martın 17-də 77 yaşında Moskvada dünyasını dəyişib.
Tanınmış şərqşünas, ərəbşünas, jurnalist A.Axundov uzun müddət Livan, İraq və Suriyada çalışıb. O, son illərə qədər "Russia Today" Beynəlxalq Telekanalının ərəb redaksiyasında fəaliyyət göstərib.
A.Axundov həm də fotoqraf kimi tanınıb. 2011-ci ildə Moskva Millətlər Evində onun Azərbaycan və Moskvaya həsr olunan "Azərbaycan və Moskva Araz Axundovun gözü ilə" adlı ilk şəxsi sərgisi keçirilib.
Ermənilərin Şamaxıda törətdikləri soyqırımı hadisələrindən 103 il ötür.
18 mart 1918-ci il, səhər saat 6-da ermənilər Şamaxını mühasirəyə alaraq 10 top, yüzlərlə pulemyot və digər silahlarla şəhəri atəşə tutublar.
Bundan sonra şəhərin bir neçə məhəlləsində yanğınlar başlamış, şəhər əhalisi təslim olmağa məcbur olmuşdu. Şamaxıya daxil olan ermənilər şəhəri yenidən talan etmiş, az-çox salamat qalmış tikililər yandırılmışdı. Şamaxıda ermənilərin törətdikləri cinayətlər xüsusi qəddarlıqla həyata keçirilmişdir. Qətl edilənlərin qolları, qıçları, burunları, qulaqları kəsilib, gözləri çıxarılıb, qarınları yırtılıb, yandırılıb, işgəncə ilə öldürülüblər.
Şəhərdəki bütün məscidlər, onların nəzdindəki müqəddəs yerlərlə birlikdə yandırılmışdı. Həmin vaxt qəzada 120 kənd olmuşdur ki, bunlardan da 86-sı soyqırımına məruz qalıb.
“Piran-Şirvan” məhəllələri tamamilə talan edilmiş və yandırılmışdı. Şamaxı şəhərinin müsəlmanlar yaşayan hissəsinə tamamilə od vurulmuş, şəhərin 13 məhəllə məscidi və məşhur Cümə məscidi yandırılmışdı.
Şamaxı soyqırımı zamanı öldürülənlərin sayı haqqında müxtəlif məlumatlar mövcuddur. Bəzi məlumatlarda öldürülənlərin sayı 7 min, bəzilərində 8 minə qədər, bəzilərində 8–12, bəzilərində isə 40 minə qədər olduğu göstərilir. 1920-ci ildə mühacir ədəbiyyatında öldürülənlərin sayı bir mənbədə 12 minə qədər, digər bir mənbədə isə 17 min nəfər olduğu göstərilir.
Ekspertlərin arxivdəki aktlarda olan rəqəmlər üzrə hesablamalarına görə, Şamaxı qəzasının 53 kəndində 8027 nəfər azərbaycanlı qətlə yetirilmiş, onlardan 4190 nəfəri kişi, 2560 nəfəri qadın və 1277 nəfəri uşaq olmuşdur.
Bakının Nəsimi rayonunda iki qadın möhkəm döyülüb.
APA xəbər verir ki, hadisə Dəniz limanı yaxınlığında baş verib.
Naməlum markalı avtomobildə olan 2001-ci il təvəllüdlü Həmidli Nərmin Vəfadar qızı və 1995-ci il təvəllüdlü Züleyxa Quliyeva möhkəm döyülüb, daha sonra yol kənarında düşürülüb.
Onlar bədənin müxtəlif hissələrinin sınığı və əziyi xəsarətləri alıb. Yaralılar 3 nömrəli şəhər xəstəxanasına yerləşdirilib. Həkimlərin verdiyi məlumata görə, yaralılar xəstəxananın reanimasiya şöbəsinə yerləşdirilib.
Fakt araşdırılır.
Bakıda ağır yol-nəqliyyat hadisəsi baş verib.
Hadisə Binəqədi rayonu, Biləcəri qəsəbəsində qeydə alınıb.
Belə ki, diri toyuq daşıyan yük avtomobili idarəetmədən çıxaraq aşıb. Nəticədə içərisində toyuqların olduğu yeşiklər asfalta tökülüb.
Hadisə nəticəsində yük avtomobilinin sürücüsü ağır xəsarət alıb.
Bakı Nəqliyyat Agentliyindən bildirilib ki, yük avtomobili aşdığından Moskva prospektindən Biləcəri dairəsi istiqamətdə gedən nəqliyyat vasitələrinin hərəkəti məhdudlaşdırılıb. Avtomobillər Bakı-Sumqayıt yoluna yönləndirilir. Bu səbəbdən də paytaxtdan Xırdalan dairəsi istiqamətində nəqliyyat vasitələrinin hərəkətində sıxlıq müşahidə edilir.
Mövcud vəziyyətdə bu istiqamətdə müntəzəm marşrut xətləri üzrə avtobusların hərəkətində də çətinliklər yaranıb.
Faktla bağlı araşdırma aparılır.
Azərbaycanda bu gün koronavirus infeksiyasına 980 yeni yoluxma faktı qeydə alınıb, 309 nəfər müalicə olunaraq sağalıb və evə buraxılıb.
Bu barədə Nazirlər Kabineti yanında Operativ Qərargah məlumat yayıb.
Son sutkada 12 nəfər “COVID-19”dan vəfat edib.
İndiyədək ölkədə ümumilikdə 241 651 nəfərin koronavirus infeksiyasına yoluxması faktı müəyyən edilib, onlardan 231 370 nəfər müalicə olunaraq sağalıb, 3 298 nəfər vəfat edib, aktiv xəstə sayı 6 983 olub.
Son sutka ərzində yeni yoluxma hallarının müəyyənləşdirilməsi ilə əlaqədar 10 453, bu günə qədər isə ümumilikdə 2 726 470 test icra olunub.
Mart ayının ilk 15 günü ərzində dəm qazından zəhərlənmə ilə bağlı 21 müraciət olub.
Oxu.az xəbər verir ki, bu barədə 1 saylı Kliniki Tibbi Mərkəzinin (KTM) Toksikologiya şöbəsinin rəhbəri Azər Maqsudov məlumat verib.
Həkim bildirib ki, bu müddət ərzində dəm qazından zəhərlənmə ilə bağlı şöbəyə müraciət edənlərdən 16 nəfər stasionar müalicəyə götürülüb:
“Dəm qazından zəhərlənən 16 nəfərdən ikisi azyaşlı olub. Bundan başqa metil spirit ilə zəhərlənən 14 yaşlı oğlan da xəstəxanaya gətirilib. O, çox ağır vəziyyətdə olub, sağaldıqdan sonra evə buraxılıb.
Toksikologiya Şöbəsinə dərman zəhərlənməsi ilə 20-dən çox müraciət olub, onlardan 14 nəfər şöbəyə qəbul olunub. Səkkiz nəfər isə allergik reaksiya ilə şöbəyə qəbul olunub”.
Həkim fevralın ilk 10 günündə Kliniki Tibbi Mərkəzin Toksikologiya şöbəsinə qəbul edilən xəstələr arasında ölüm halının qeydə alınmadığını qeyd edib.
Koronavirus (COVID-19) infeksiyasının kütləvi yayılmasının qarşısının alınması məqsədilə tətbiq edilən xüsusi karantin rejimi ilə əlaqədar profilaktiki tədbirlər davam etdirilir.
DİN Mətbuat xidmətindən "Report"a verilən məlumata görə, Sabunçu rayonu ərazisində yerləşən restoranlardan birində nişan mərasiminin keçirildiyi barədə 12-ci Polis şöbəsinə məlumat daxil olub.
Polis əməkdaşları tərəfindən epidemiya əleyhinə rejimin, sanitariya-gigiyena və karantin rejim qaydalarına əməl etməyən restoranın inzabatçısı, xidmət personalı və təşkilatçıları barəsində qanunvericiliyə uyğun olaraq müvafiq tədbirlər görülüb.
Ümumilikdə 18 nəfər barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilib.
Baş Prokurorluq ehtiyatda olan general-leytanant Rövşən Əkbərovun həbs edilməsi bağlı xəbərə münasibət bildirib.
Qurumun mətbuat xidmətindən "Ölkə.Az"-ın sorğusuna cavab olaraq bildirilib ki, Rövşən Əkbərovun həbsi barədə yayılan xəbərlər doğrudur. Rövşən Əkbərov Baş Prokurorluğun İstintaq İdarəsi tərəfindən aparılan cinayət işi üzrə həbs olunub.
Qeyd olunub ki, ictimaiyyətə daha sonra ətraflı məlumat veriləcək.
Xatırladaq ki, mətbuatda Rövşən Əkbərovun həbs edildiyi və barəsində məhkəmə tərəfindən 4 aylıq həbs qətimkan tədbirinin seçildiyi bildirilir.