 |
|
Azərbaycan Ordusunun Vətən müharibəsində itkin düşən müddətdən artıq həqiqi hərbi xidmət hərbi qulluqçusu, əsgər Cəfərov Təbriz İlqar oğlunun nəşi tapılıb.
Report xəbər verir ki, şəhid bu gün Bərdə şəhərindəki Şəhidlər xiyabanında torpağa tapşırılacaq.
Qeyd edək ki, Cəfərov Təbriz İlqar oğlu 1995-ci ildə anadan olub. O, 2014-2016-cı illərdə həqiqi hərbi xidmət keçib. 2020-ci ilin sentyabr ayında Vətən müharibəsi başlayan zaman müddətdən artıq həqiqi hərbi xidmət hərbi qulluqçusu kimi xidmətə başlayıb. O, müharibənin şiddətli vaxtı Suqovuşan ərazisində gedən döyüşlərdə itkin düşmüşdü.
Allah rəhmət eləsin!
Oğuz rayonunun meşəlik ərazisində yanğın başlayıb.
"Report məlumatına görə, yanğın bu gün günorta saatlarında rayonun Xaçmaz və Mollalı kəndləri yaxınlığında, dağətəyi ərazidə baş verib.
"Report məlumatına görə, yanğın bu gün günorta saatlarında rayonun Xaçmaz və Mollalı kəndləri yaxınlığında, dağətəyi ərazidə baş verib.
Yanğının söndürülməsi üçün əraziyə Fövqəladə Hallar Nazirliyinin (FHN) Oğuz rayon Dövlət Yanğından Mühafizə Hissəsinin texnikaları və canlı qüvvəsi cəlb olunub.
Məlumata görə, yanğın hələ də davam edir.
Xaçmaz rayonunda həmkəndlisini qətlə yetirməkdə təqsirli bilinən Gündüz Məhərrəmovun cinayət işi.
Xaçmaz rayonunun Arzu kəndində 1972-ci il təvəllüdlü İlqar Novruzov həmkəndlisi Gündüz Məhərrəmov tərəfindən bıçaqla qətlə yetirilib. Qətlə səbəb tərəflər arasında yaranan mübahisə olub.
Cinayəti törətməkdə şübhəli bilinən Gündüz Məhərrəmov polis əməkdaşları tərəfindən saxlanılıb.
Təqsirləndirilən şəxs qismində dindirilən Gündüz Məhərrəmov ifadəsində bildirib ki, İlqar Novruzovu qəsdən öldürmək fikri olmayıb. 2015-ci ildən etibarən o, hər dəfə sərxoş halda qarşısına çıxanda onu təhqir edib. İlqarın ifadələrini içkili olduğuna görə bağışlayıb. Uzun müddət təhqirlərə məhəl qoymamağa çalışsa da Novruzov sanki onu qəsdən sövq edirdi ki, Gündüz onunla dalaşsın.
Artıq onun bu hərəkətlərinə dözə bilməyən Gündüz günlərin bir günü İlqarı yumruqla vurub.
Son bir ayda İlqarın hərəkətləri artıq onu dözülməz vəziyyətə gətirib çıxarıb.
Həm özünün həmdə ailəsinin təhlükəsizliyi üçün İlqarla görüşüb bu hərəkətlərə bir dəfəlik son qoyulması qərarına gəlib.
Bu məqsədlə Novruzovun yaşadığı daxmaya gedib:
" Ora çatanda İlqarın meyvə bağlarının arasındakı cığırla evinə tərəf gəldiyini gördüm. Onunla salamlaşıb qaldığı yerə getdik. Oturan kimi İlqar başladı araq içməyə. Bir az keçmişdi başladı məni yenə söyməyə. Durdum ayağa dedim daha bəsdi üzr istə məndən. Başladı yenə daha sərt söyüşlər söyməyə. Artıq əsəbləşib cibimdən bıçağı çıxardıb onun başından bir neçə zərbə vurdum".
Məhərəmov ifadəsinin davamında bildirib ki, İlqar zərbələrdən sonra heç bir təsiri olmadığı kimi onun üstünə cumub. Dalaşa-dalaşa maşının yolunun kənarına gəliblər. Orada İlqara bıçaqla daha bir neçə zərbə endirib. Axırıncı zərbədən sonra Novruzon yerə yıxılıb. Gündüz qana bulaşmış bıçağı cibinə qoyub və yaxınlıqdakı çayxanaya gəlib.
Axşam saatlarında polis əməkdaşları evlərinə gələrək onu şöbəyə aparıblar. Orda bilib ki, İlqar Novruzov çoxlu qan itirdiyindən xəstəxanada ölüb.
Məhkəmə prosesi zamanı Gündüz Məhərrəmov itiham üzrə özünü qismən təqsirli bilib.
Məhkəmənin hökmü ilə Gündüz Məhərrəmov 16 il 6 ay müddətinə azadlıqdan məhrum edilib.
Paytaxtın Xətai rayonunda karantin qaydalarına zidd olaraq toy mərasiminin keçirilməsi aşkalanıb.
Bu barədə "Ölkə.Az"a Daxili İşlər Nazirliyinin (DİN) Mətbuat xidmətindən məlumat verilib.
Xətai Rayon Polis İdarəsinin (RPİ) əməkdaşları tərəfindən keçirilən tədbirlərlə sanitariya-gigiyena və karantin rejim qaydalarının pozulması ilə müşahidə olunan toy mərasiminin keçirilməsi müəyyən edilib. Rayon ərazisində yerləşən şadlıq evlərindən birində profilaktik tədbir keçirilən zaman polislər obyektin sahibi Əhməd Əmiraslanovun dəfələrlə edilən xəbərdarlıqlara baxmayaraq insanların kütləvi şəkildə iştirakı ilə müşahidə edilən toy mərasimi təşkil etdiyi müəyyən edilib.
Polislər tərəfindən obyektin sahibi, xidməti personal, mərasimin təşkilatçıları və iştirakçıları barəsində qanunvericiliyə uyğun olaraq müvafiq tədbirlər görülüb.
Onlarla profilaktik söhbətlər aparılıb, xüsusi karantin rejim qaydalarına əməl etməyin vacibliyi bir daha diqqətə çatdırılıb.
Ümumilikdə toyda iştirak edən 63 nəfər barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilib.
Toy sahibləri mərasimin təşkilinə şərait yaradan şadlıq sarayının rəhbərliyi barəsidə Xətai RPİ 36-cı Polis Bölməsində araşdırmalar aparılır.
Vətən müharibəsi qazisi İsmayıl Hüseynova ağır itki üz verib.
"Qafqazinfo" xəbər verir ki, onun atası Məhəmməd Hüseynov ötən gün dünyasını dəyişib.
İ.Hüseynov bildirib ki, atasının beynində şiş olub:
"Bu səbəbdən də dünyasını dəyişib. Hələ ki, dəfn edilməyib. Atam 1964-cü il təvəllüdlü idi".
Qeyd edək ki, müharibədə qazimiz İ.Hüseynov hər iki gözünü itirib. O, Cəlilabad şəhərində yaşayır.
Bakıda intihar hadisəsi baş verib.
Report xəbərinə görə, “Azərsu” ASC-nin əməkdaşı, 1987-ci il təvəllüdlü Elxan Quliyev çalışdığı iş yerində - Səbail rayonu ərazisində yerləşən Su Kanal İdarəsində intihar edib.
Faktla bağlı Səbail Rayon Prokurorluğunda araşdırma aparılır.
Ağdam Rayon Polis Şöbəsinin (RPŞ) əməkdaşları tərəfindən rayonun işğaldan azad edilmiş, lakin minalardan tam təmizlənməmiş ərazilərə icazəsiz keçməyə cəhd göstərən şəxslərin qarşısının alınması istiqamətində tədbirlər davam etdirilir.
Daxili İşlər Nazirliyinin Mətbuat xidmətinin Bərdə regional qrupundan "Ölkə.Az"a verilən məlumata görə, Ağdam RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Ələmdar Şükürov Qərvənd kəndi ərazisindən işğaldan azad edilmiş ərazilərə keçmək istəyərkən polis əməkdaşları tərəfindən saxlanılıb.
Həmin şəxs saxlanıldıqdan sonra polis şöbəsinə gətirilib, müvafiq araşdırmalarla onun barəsində protokol tərtib edilib.
Bərdə rayonundan olan 9 və 6 yaşında olan bacı-qardaşı valideynləri atıb.
"Ölkə.Az" xəbər verir ki, bu barədə “Azərbaycan Uşaqları” İctimai Birliyinin sədri Kəmalə Ağazadə “Facebook” səhifəsində yazıb.
Onun sözlərinə görə, 71 yaşlı ata və 43 yaşlı ana iki azyaşlı övladları ilə vidalaşaraq onları sığınacaqda qoyub gediblər.
“Uşaqlar əvvəlcə “Səni Axtarıram” verilişinə aparılıb. Daha sonra bura gətirilib. Ata deyir ki, ana "səy"dir, ana deyir ata "qoca səydir". Bir-birlərinə "səydərək" deyən valideynlərin vicdansızlığının bədəlini kim ödər? Əlbəttə ki, bu iki uşaq”, - deyə Kəmalə Ağazadə bildirib.
Onun sözlərinə görə, bununla bağlı Bərdə rayon İcra Hakimiyyəti və digər müvafiq qurumlar məlumatlandırılıb.
Məsələ ilə əlaqədar Bərdə rayon İcra Hakimiyyəti ilə əlaqə saxladıq.
Qurumun Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın məsul katibi Əlzamin İsayev BAKU.WS-ə açıqlamasında bildirdi ki, bu barədə araşdırma aparacaq və nəticə barədə məlumat verəcək.
Son iki həftə ərzində yoluxanlar xəstəliyi daha ağır keçirir.
Bunu ARB24-ün "Gündəm” verilişinə açıqlamasında infeksionist Vüqar Cavadzadə deyib.
O bildirib ki, son vaxtlar virusa yoluxan şəxslərdə xəstəliyin əlamətləri daha tez özünü büruzə verib:
"Digər həmkarlarımın və öz müşahidələrimə əsasən deyə bilərəm ki, hətta cavan insanlarda da xəstəliyin ikinci günündə ağırlaşma baş verib, temperatur yüksəlib, saturasiya düşüb. Həmçinin əvvəlki aylarda yoluxma tempi zəif idisə, indi bu, daha sürətli baş verir. Ola bilsin ki, xəstəliyin ağır keçirilməsinin səbəbi virusun mutasiyaya uğramasıdır.
Bundan başqa əvvəllər xəstələr müalicəyə qismən də olsa, tabe olsalar da, son günlər bu müşahidə edilmir. Yüksək temperaturu olan xəstələrə hərarətsalıcı preparatlar təsir etmir. Onların qismən köməyi olsa da, qısa zaman sonra xəstələrdə yenidən temperatur dərəcəsinin qalxmasını və ağırlaşmalar olmasını görürük".
İnfeksionist onu da qeyd edib ki, gündəlik yoluxma sayı artıqca ölüm halları da artacaq.
Pirallahı rayonunda intihara cəhd hadisəsi baş verib.
APA xəbər verir ki, rayonun Səməd Vurğun küçəsində yaşayan 1996-ci il təvəllüdlü Zeynalova Fatimə Yusif qızı binanın 6-cı mərtəbəsində yataq otağının pəncərəsindən özünü yerə atıb.
O, təcili tibbi yardım xidmətinin köməkliyi ilə xəstəxanaya yerləşdirilib. Xəstəxananın həkimlərinin verdiyi məlumata görə, F.Zeynalovanın vəziyyəti ağırdır.
Faktla bağlı hüquq-mühafizə orqanının əməkdaşları tərəfindən araşdırma aparılır.