Daxili İşlər Nazirliyinin Mətbuat xidmətinin Lənkəran regional qrupundan "Yol-xeber.az"a verilən məlumata görə, Cəlilabad Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayonun Qarazəncir kəndi ərazisindəki evlərdən birindən oğurluq etməkdə şübhəli bilinən rayon sakinləri Mətləb Verdiyev və Samir Xəlilov saxlanılıblar.

Onların ev sahibinin olmadığı vaxt həmin evə daxil olaraq oradan 4500 manat pul oğurladıqları müəyyən edilib.

Oğurladıqları pullarla və kirayə götürdükləri bahalı avtomobillə sosial şəbəkələrdə videogörüntülər paylaşan həmin şəxslər çox çəkmədən polis əməkdaşları tərəfindən saxlanılıblar.

Aparılan araşdırmalarla M.Verdiyevin əlavə olaraq 1 yaşayış evi və 1 mağazadan ümumilikdə 620 manat nağd pul və 1 yardımçı tikilidən 500 manat dəyərində təmir-tikinti alətləri oğurladığı müəyyən edilib.

Faktlarla bağlı araşdırma aparılır.

Bu barədə "Yol-xeber.az"a Daxili İşlər Nazirliyinin (DİN) Mətbuat xidmətindən məlumat verilib.

Şəxsi axtarış zamanı onun üzərindən 9 qram heroin və 8 qram psixotrop maddə metamfetamin aşkar edilib.

Nərmin Aydınova ifadəsində narkotik vasitələrin qanunsuz dövriyyəsi ilə məşğul olduğunu və heroinlə metamfetamini tanışı Ayxan adlı şəxsdən satmaq məqsədi ilə aldığını bildirib.

Bölmə əməkdaşları tərəfindən həyata keçirilən əməliyyat tədbirlərinin davamı olaraq Nərmin Aydınovaya narkotik vasitələri satan Sabunçu rayon sakini, əvvəllər məhkum olunmuş Ayxan Quliyev də saxlanılıb. Onun da üzərində şəxsi axtarış aparılan zaman heroin və metamfetamin aşkar edilib.

Bu şəxs ifadəsində narkotik vasitələri Nərmin Aydınovaya satdığını etiraf edib.

Araşdırma zamanı Ayxan Quliyevin narkotik vasitələri sosial şəbəkələrdə tanış olduğu xarici ölkələrdən birinin vətəndaşından satmaq məqsədi ilə onlayn yolla aldığı məlum olub.

Qeyd edilən faktlarla bağlı 13-cü Polis Bölməsində toplanan materiallar Sabunçu Rayon Polis İdarəsinə göndərilib. Saxlanılan şəxslərin ətraflarında əməliyyat-istintaq tədbirləri davam etdirilir.

“Yol-xeber.az” xəbər verir ki, Suraxanı rayonu ərazisində 1967-ci il təvəllüdlü Məmməd Hüseynovun yaşadığı evdə öldürülməsi barədə iyulun 30-da məlumat daxil olub.

Prokurorluq əməkdaşları məhkəmə-tibb ekspertinin iştirakı ilə hadisə yerinə və meyitə baxış keçirib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla 1976-cı il təvəllüdlü İlkin Həsənovun şəxsi münasibətlər zəminində aralarında yaranmış mübahisə zamanı tanışı Məmməd Hüseynova çoxsaylı bıçaq zərbələri vurub onu qəsdən öldürməsinə əsaslı şübhələr müəyyənləşib.

İlkin Hüseynov şübhəli şəxs qismində tutularaq istintaqa cəlb edilib.

İş üzrə təqsirləndirilən şəxs qismində dindirilən İlkin Həsənov ifadəsində bildirib ki, Məmməd Hüseynovu hadisədən 2 il əvvəl narkotik vasitə istifadə edən şəxs kimi tanıyıb. Özü Bakıda müxtəlif ünvanlarda kirayədə qalıb. Məhəmməd isə hadisə baş verən evdə tək yaşayıb.

2019-cu ilin oktyabr ayından tanışının evidə yaşamağa başlayıb. Həmin evdə dəfələrlə narkotik vasitə qəbul ediblər. 2020-ci ilin yanvar ayında Lənkəran rayonunda adını bilmədiyi İran vətəndaşından şəxsi istifadəsi üçün 400-500 manatlıq heroin alıb. Narkotik vasitəni Məmmədlə birlikdə həm istifadə edib, həm də satıblar.

İyulun 27-si səhər saatlarında hər ikisi psixatrop maddə hesab edilən “metanfetamin” (patı) qəbul edib qonaq otağında televizora baxıblar. O, otaqda pəncərə tərəfdən yerdə, Məmməd isə qapının yanında uzanıb. Qarpız kəsib yedikdən sonra tanışı qabı mətbəxə aparıb bıçaq isə yerdə qalıb.

Qayıdıb gələndən sonra söhbət əsnasında Məmməd onun ünvanına nalayiq ifadələr işlədib. Əsəbləşib tanışını söydükdə sonuncu sağ tərəfində olan çəkici götürüb onu vurmaq istəyib:

“Söhbət elədiyimiz yerdə başladı mənə qarşı nalayiq ifadələr işlətməyə məndə cavabında onu söydüm. Sağ tərəfdən çəkici götürüb məni vurmaq istəyəndə yerdəki bıçağı götürüb sol yanağına və döş qəfəsinə zərbələr vurdum. Neçə bıçaq vurmuşam yadımda deyil”.

İlkin Həsənov ifadəsinin davamında bildirib ki, zərbələrdən sonra Məmməd ayağa qalxıb otaqdan çıxmaq istəyəndə dərhal arxasınca gedib boynuna və qollarına bıçaqla zərbələr endirib. Hüseynov zərbələrdən yayınmaq üçün mətbəxə qaçıb və çaydanı götürüb ona doğru atıb. Həsənov (onun əlindən yerə düşən) çəkici götürən vaxt Məmməd ayaqyoluna daxil olub və qapını bağlayıb:

“Qaçdı ayaqyoluna qapını bağladı. Dedim qapını aç açmadı. Təpiklə zərbələr vurub qapını açdım. Əlimdəki çəkiclə başladım zərbələr vurmağa. Çoxsaylı zərbələrdən sonra yıxıldı yerə”.

Cinayəti törətdikdən sonra İlkin Həsənov evdən çıxaraq anadan olduğu Lənkəran rayonunun Vərəvul kəndidə yollanıb. Üç gündən sonra əmisinin telefonundan zəng edərək hadisə barədə polisə məlumat verib.

Məhkəmə iclasında İlkin Həsənov ittiham üzrə özünü qismən təqsirli bilib.

Zərərçəkmiş şəxsin hüquqi varisi təqsirləndirilən şəxsə ömürlük cəza təyin olunmasını xahiş edib.

Sonda məhkəmənin hökmü ilə İlkin Həsənov CM-nin 120.2.2 və 2.4 (xuliqanlıq niyyəti ilə xüsusi amansızlıqla qəsdən adam öldürmə) maddələri təqsirli bilinərək 20 il müddətinə azadlıqdan məhrum olunub.

“Yol-xeber.az” xəbər verir ki, hadisə rayonun “Acıdərə” adlanan qışlaq sahəsində baş verib. Fermer təsərrüfatında ailə üzvləri ilə birlikdə yaşayan və həmin fermada çobanlıq edən Natiq Bunyatovun qardaşı Vəli həmin ərazidə heyvandarlıqla məşğul olan Zaur Hacıyevə məxsus itləri daşla vuraraq öz ərazilərindən qovub.

Bu səbəbdən Zaur Hacıyev sərxoş vəziyyətdə həmin fermer təsərrüfatındakı yaşayış evinin qarşısına gəlib və Vəli Bunyatovla mübahisə edib.

Zaur Hacıyev onun atası və digər şəxslər tərəfindən sakitləşdirilib. Qonşuluqdakı evinə yola salınsa da, Zaur Hacıyev təxminən 10 dəqiqədən sonra əlində ağacla bir neçə dəfə yenidən onların evinin qarşısına gəlib.

Zaur Hacıyev Natiq Bunyatovun və ailə üzvlərinin ünvanına nalayiq ifadələr işlədib, qarşısına çıxmalarını tələb edib.

Bundan qəzəblənən Natiq Bunyatov evdə saxladığı ov silahını götürüb və eyvana çıxıb.

Bu vaxt Natiq Bunyatov Zaur Hacıyevin arxasınca gəlmiş arvadı Durdanə Hacıyevanın orada olmasına baxmayıb, qadının gözü qarşısında Zaur Hacıyevə atəş açıb. Sonuncu aldığı xəsarətdən hadisə yerində ölüb.

Təqsirləndirilən şəxs qismində dindirilmiş Natiq Bunyatov bildirib ki, hadisədən 3 gün əvvəl qardaşı tövlədə ölən heyvanı yemək üçün itlərin qabağına atdığı vaxt ora Hacıyevin də itləri gəlib. Vəli onun itlərini qovduğundan Zaur narazı qalıb. Bundan sonra Zaur bir neçə dəfə onun itlərini ağacla və daşla vurduğu üçün Natiq ona iradını bildirib.

Növbəli qaydada heyvanları örüş sahəsinə apardıqları üçün hadisə baş verən günü mal-qaranı Vəli aparıb. Axşam saat 18:00 radələrində heyvanları yatağa gətirdiyi vaxt Zaur sərxoş vəziyyətdə evlərinin qabağında onunla mübahisə etməyə başlayıb. Hacıyevin arvadı onu sakitləşdirib evinə tərəf aparıb.

Natiq Bunyatov ifadəsinin davamında bildirib ki, təxminən 10 dəqiqə sonra Zaur əlində ağac söyüş söyə-söyə onlardan çölə çıxmaqlarını tələb edib. Atası oğullarına fikir verməmələrini deyib, özü çölə çıxıb Zauru və arvadını sakitləşdirib yola salıb. Amma bir neçə dəqiqə sonra Zaur yenədə qayıdıb. Evdə olan anası və bacısının ünvanına söyüşlər söyərək onları təhqir edib:

“Atam yola salandan sonra yenə gəldi başladı söyüş söyməyə. Məndə evdə idim. Atam yenə çıxdı çölə onun sakitləşdirsin. Gördüm dayanmır məndə tüfəngi götürüb çölə çıxmaq istəyəndə anam qoymadı. Atam yenə sakitləşdirib Zauru apardı evlərinə. Elə evə təzə girmişdik yenə gəldi başladı söyüşlər söyməyə. Dedi girib evin içində size belə edəcəm nə bilim elə edəcəm. Məndə silahı götürüb çıxdım çölə bir dəfə ağzından atəş açdım”.

Açılan atəş nəticəsində Zaur elə hadisə yerində dünyasını dəyişib. Təxminən yarım saat sonra polis əməkdaşları gəldikdə Natiq iki ədəd patronu və  silahı təhvil verərək Zaur Hacıyevi öldürdüyünü etiraf edib.

Məhkəmə prosesi zamanı Natiq Bunyatov əməlini səmimi etiraf edərək peşman olduğunu bildirib.

Sonda məhkəmənin höküm ilə Natiq Bunyatov 120.2.4 (xüsusi amansızlıqla qəsdən adam öldürmə) maddəsi ilə təqsili bilinərək 17 il müddətinə azadlıqdan məhrum olunub.

Hökmdən narazı qalan Natiq Bunyatov apelyasiya şikayəti verib. O, əməlinin Cinayət Məcəlləsinin 120.1-ci (qəsdən adam öldürmə) maddəsinə tövsif edilməsini, cəzasının yüngülləşdirilməsini xahiş edib.

Natiq Bunyatovun şikayəti araşdırılması üçün Sumqayıt Apelyasiya Məhkəməsinə göndərilib.

Apelyasiya şikayətinin dəlilləri araşdırılıb, sonda qərar elan edilib.

Natiq Bunyatovun şikayəti təmin olunmayıb.

Avqustun 28-i saat 20 radələrində Bərdə rayonu, Hacallı kəndində transformatorun içində kənd sakini, 1988-ci il təvəllüdlü Səxavət Nəzərovun meyitinin aşkar edilməsi barədə rayon prokurorluğuna məlumat daxil olub.

Peşəkar prokurorluq və polis əməkdaşlarının həyata keçirdiyi kompleks istintaq hərəkətləri və əməliyyat-axtarış tədbirləri nəticəsində müəyyən edilmişdir ki, zərərçəkmişin qardaşı 1984-cü il təvəllüdlü İnayət Nəzərov tanışı, 1988-ci il təvəllüdlü Şəhriyar Məmtiyev ilə qabaqcadan əlbir olan bir qrup şəxs halında kənd ərazisindəki subartezian quyusunun yanında Səxavət Nəzərova müxtəlif dərəcəli bədən xəsarətləri yetirmiş, daha sonra sonuncunun ölmədiyini görüb onu transformatorun içərisinə salaraq qəsdən öldürüblər.

Faktla bağlı Bərdə rayon prokurorluğunda Cinayət Məcəlləsinin 120.2.1 (qabaqcadan əlbir olan bir qrup şəxs tərəfindən adam öldürmə) maddəsi ilə cinayət işi başlanılıb.

İnayət Nəzərov və Şəhriyar Məmtiyev şübhəli şəxs qismində tutularaq istintaqa cəlb ediliblər.

Hazırda istintaq davam edir.

Qeyd edək ki, mərhumun bir həftə öncə övladı dünyaya gəlib.