 |
|
Son günlər Salyan rayonunda manyak peyda olduğuna dair məlumatlar yayılıb.
İddia edilir ki, bir həftədir rayonun Xıdırlı kəndində yayılan söz-söhbətlər kənd camaatını narahat edir. Sosial şəbəkələrdə paylaşım edən şəxslər günlərlədir əhalini qorxu içində saxlayan “manyakların” hələ də tutulmadığını yazırlar.
Məsələni aydınlaşdırmaq üçün Xıdırlı kənd ərazi nümayəndəsi Elçin Nəzirov ilə əlaqə saxladıq. Kənd camaatının iddialarına cavab olaraq Oxu.Az-a açıqlama verən E.Nəzirov bu söhbətlərin əsassız olduğunu deyib:
“Bir həftədir hamı deyir ki, “manyak” peyda olub. Bu qədər camaatdan bir nəfər belə görən olmayıb. Heç kimə xəsarət yetirən yox, toyuğunu oğurlayan, evinə girib oğurluq edən yox. Bu söhbətlər necə yaranır başa düşmürük. Əraziyə polis çağırılıb. Kənddə heç bir qeyri-adi hal yoxdur. Yenə də məsələ araşdırılır, amma xahiş edirik “manyak” gördüm deyən adamlar onun şəklini çəksin, biz də görək. Hər kəsin əlində telefon var”.
Dövlət Təhlükəsizliyi Xidməti (DTX) və Baş Prokurorluğun Dövlət Sərhəd Xidmətin vəzifəli şəxslərinə qarşı keçirdiyi əməliyyat zamanı saxlanılan şəxslərin barələrindəki həbs qətimkan tədbirinin müddətinin uzadılması ilə bağlı məhkəməyə təqdimat verilib.
“Report” xəbər verir ki, istintaq orqanının təqdimatına Bakı Hərbi Məhkəməsində hakim Elbəy Allahverdiyevin sədrliyi ilə baxılır.
Qeyd edək ki, təqsirləndirilən şəxslər bu ilin may ayında Dövlət Təhlükəsizliyi Xidməti (DTX) və Baş Prokurorluğun keçirdiyi əməliyyat zamanı saxlanılıblar.
Dövlət Sərhəd Xidmətinin (DSX) sabiq rəis müavini, general-leytenant Əfqan Nağıyev barədə seçilmiş həbs qətimkan tədbiri ev dustaqlığı ilə əvəz edilib və o, avqust ayında azadlığa buraxılıb.
Rəsmi məlumata görə, vətəndaşlarının Xəzər dənizində dövlət sərhədini qanunsuz keçərək həmsərhəd ölkələrin ərazi sularında balıq ovu ilə məşğul olmaları, müqabil tərəfdən silah tətbiqi nəticəsində insan tələfatı və onların tutulub saxlanılmaları ilə bağlı baş vermiş hadisələr həmin tədbirlər çərçivəsində araşdırılıb.
Keçirilmiş birgə əməliyyat-istintaq tədbirləri nəticəsində müəyyən edilib ki, Azərbaycan Respublikası Dövlət Sərhəd Xidmətinin (DSX) rəis müavini, 2013-cü ildən 2020-ci ilin fevral ayınadək DSX Sahil Mühafizəsinin rəisi vəzifəsində xidmət etmiş general-leytenant Nağıyev Əfqan Vəli oğlu və onun tabeliyində olan DSX Sahil Mühafizəsinin vəzifəli şəxsləri - polkovnik Pənahov Nemət Hacı oğlu, polkovnik-leytenant Vəliyev Elçin Vaqif oğlu, polkovnik Əzizov Samiq Yusif oğlu, polkovnik-leytenant Muradov Sakit Yusif oğlu, mayor Namazov Müzəffər Qafil oğlu və digərləri qabaqcadan əlbir olan bir qrup şəxs halında vəzifə səlahiyyətlərindən istifadə edərək Xəzər dənizində balıq ovunun aparılmasına və dənizə balıq ovu ilə bağlı sərbəst çıxışlarına şərait yaradılması üçün bu fəaliyyətlə məşğul olan çoxsaylı Azərbaycan Respublikası vətəndaşlarından müxtəlif məbləğlərdə pulu rüşvət qismində istəməklə almışlar. İstintaq zamanı müəyyən edilib ki, qeyd olunan vəzifəli şəxslər tərəfindən vətəndaşlardan rüşvət qismində tələb edərək alınmış külli miqdarda pul vəsaitləri hər ayın sonunda Əfqan Nağıyevə onun xidməti otağında təqdim edilib, Əfqan Nağıyev isə qrupun digər üzvləri arasında bölüşdürülməsi məqsədilə həmin yığılan pul vəsaitinin müəyyən faizini onlara geri qaytarıb.
Məhkəmə qərarları əsasında DSX-nin adıçəkilən vəzifəli şəxslərinin xidməti otaqlarına və yaşadıqları ünvanlara keçirilmiş baxış zamanı onların qəbul etdikləri pul vəsaitlərinin məbləğlərinə dair müxtəlif qeydlər, ayrı-ayrı valyutalarda saxlanılan pul vəsaitləri, iş üzrə əhəmiyyət kəsb edən digər sənədlər və maddi sübutlar aşkar edilərək götürülüb.
Faktla bağlı Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsində Cinayət Məcəlləsinin 308.1 (vəzifə səlahiyyətlərindən sui-istifadə etmə) və 311.3.1-ci (qabaqcadan əlbir olan bir qrup şəxs halında rüşvətalma) maddələri ilə cinayət işi başlanılmış və həmin şəxslər təqsirləndirilən şəxs qismində cəlb edilərək barələrində Bakı Hərbi məhkəməsinin qərarı ilə həbs qətimkan tədbirləri və vəzifədən kənarlaşdırılma əlavə qətimkan tədbirləri seçilib.
Bununla yanaşı, balıqçılıq fəaliyyəti ilə məşğul olan şəxslərdən ayrı-ayrı vaxtlarda müəyyən məbləğlərdə vəsaiti toplayaraq qeyd edilən əlbir qrupun üzvlərinə çatdırılmasında köməkçi qismində iştirak etməsində şübhəli bilindiyi üçün balıqçılıqla məşğul olan Bakı şəhər sakini Abdullayev Arif Cəfər oğlu, Quliyev Xalis Xudamurad oğlu və 2003-cü ildən 2017-ci ilədək Ekologiya və Təbii Sərvətlər Nazirliyinin Su Hövzəsində Bioresursların Artırılması və Mühafizəsi Departamentinin Sumqayıt-Xaçmaz sektorunun müdiri vəzifəsində işləmiş Paşayev Fikrət Həsənağa oğlu təqsirləndirilən şəxs qismində cəlb edilməklə onlara Cinayət Məcəlləsinin müvafiq maddələri ilə ittiham elan edilərək barələrində müvafiq qətimkan tədbirləri seçilib.
Həmçinin istintaqla müəyyən edilib ki, Fövqəladə Hallar Nazirliyinin Kiçik Həcmli Gəmilərə Nəzarət və Sularda Xilasetmə Dövlət Xidmətinin Bakı və Abşeron regional şöbəsinin sabiq inspektoru Babayev Rəhman Rəşid oğlu həmin vəzifədə işlədiyi müddətdə balıqçılardan rüşvət qismində pul alaraq qeyd olunan şöbənin müdiri Abdullayev Abdulla Əbülfəz oğluna çatdırıb. Hər iki şəxs Cinayət Məcəlləsinin 308.2, 311.3.1 və 311.3.3-cü maddələri ilə təqsirləndirilən şəxs qismində cəlb edilərək barələrində müvafiq qətimkan tədbirləri seçilib.
Paytaxtın Həsən Əliyev küçəsində 90 UD 900 dövlət nömrə nişanlı, “Porsche” markalı avtomobillə əks istiqamətdə hərəkət edərək piyada keçidində piyadanı vuran sürücünün görüntüsü yayılıb.
Avtosfer.az məlumatına görə, avtomobili sürən şəxs 16 yaşlı Firuz Salmanov olub. Sürücü sosial şəbəkələrdə müxtəlif vaxtlarda “Niva” markalı avtomobillə avtoxuliqanlıq hərəkətləri edərək videolar paylaşıb. Eyni zamanda çoxsaylı qayda pozuntuları edib.
Hazırda idarə etdiyi “Porsche” markalı avtomobil anası Ülviyyə Salmanovanın adınadır. Avtomobili idarə etmək hüququ isə atası Pərviz Salmanova məxsusdur. Pərviz Salmanov parça alqı-satqısı ilə məşğul olur.
Firuz Salmanov isə avtomobili sürücülük hüququ olmadan idarə edir.
Qeyd edək ki, hadisə avqust ayının 24-də baş verib. Vurulan şəxsin ağır yaralandığı barədə məlumat verilib. Eyni zamanda onun vəfat etdiyi də bildirilir.
Hadisənin ciddiliyini nəzərə alaraq qəzanın videosunu təqdim edirik:
Diqqət: Əsəbləri zəif olanların videoya baxmamağı tövsiyə edilir.
Xaçmaz sakinində narkotik maddələr aşkarlanıb.
"Ölkə.Az" xəbər verir ki, DİN-dən verilən məlumata görə, Xaçmaz Rayon Polis Şöbəsinin (RPŞ) əməkdaşlarının keçirdikləri əməliyyat tədbirləri nəticəsində rayon ərazisində “Fedya” ləqəbi ilə tanınan Mürşüdoba kənd sakini Fədai Həsənov şübhəli şəxs qismində yaşadığı evin yaxınlığında saxlanılıb.
Polis əməkdaşları tərəfindən onun yaşadığı evə keçirilən baxış zamanı oradan sellofan torbada təmiz çəkisi 510 qram heroin, bir ədəd elektron tərəzi, eləcə də narkotik maddələrin satışından əldə etdiyi 780 manat pul maddi sübut kimi aşkarlanaraq götürülüb.
Dindirilmə zamanı Fədai Həsənov rayon ərazisində narkotik maddələrin satışı ilə məşğul olduğunu etiraf edib.
Faktla bağlı Xaçmaz RPŞ-də cinayət işi başlanılıb, araşdırmalar davam etdirilir.
Ölkə.Az
.jpg)
Şirvanda piyadanın ölümü ilə nəticələnən yol qəzası baş verib.
Baku TV xəbər verir ki, hadisə Şirvan şəhəri M.Ə.Rəsulzadə küçəsində qeydə alınıb.
Şirvan şəhər polis şöbəsinin Post Patrul Xidmətinin əməkdaşı 24 yaşlı Murad Şərifov idarə etdiyi minik avtomobili ilə sürətlə hərəkətdə olarkən idarəetməni itirib.
Nəticədə yol kənarında dayanan digər minik avtomobilinə çırpılıb.
Hadisə zamanı avtomobildə olan sürcü - Şirvan sakini, 40 yaşlı Ələsgər Soltanov və piyada Şirvan sakini, 52 yaşlı Eldar Ələkbərov ağır xəsarətlərlə Hacıqabul rayon mərkəzi xəstəxanasına yerləşdirlib.
Piyada aldığı ağır xəsarətlərdən orda vəfat edib.
Faktla bağlı Şirvan polis şöbəsində araşdırma aparılır.
Bakı şəhəri, Binəqədi rayonu Sulutəpə qəsəbəsində yerləşən 313 N-li məktəb şagirdinin intihar etməsi ilə bağlı sosial şəbəkələrdə yayılan məlumatlarla bağlı rəsmi açıqlama verilib.
Məktəbdən “Report”a bildirilib ki, təhsil müəssisəsinin 10-cu sinif şagirdi məktəbdə texniki işçi işləyən anasının arxasınca məktəbə gəlib və məktəbdə olan zaman yıxılaraq ayağından xəsarət alıb.
Qeyd olunub ki, təcili tibbi yardım çağırılıb və məktəblinin ayağında sınıq olduğu aşkar edilib:
“Həkimlər ona müvafiq tibbi yardım göstərib, zəruri tədbirlər görülüb. Hazırda məktəblinin vəziyyəti qənaətbəxşdir”.
Əlavə edilib ki, məsələ ilə bağlı müvafiq qurumlar tərəfindən araşdırma aparılacaq.
Xatırladaq ki, sosial şəbəkədə şagirdin özünü 3-cü mərtəbədən atmasına ilkin səbəb kimi direktorun onu sinifdən-sinfə keçirməməsi və məktəbdən uzaqlaşdırması göstərilib.
Bakıda ölümlə nəticələnən yol-nəqliyyat hadisəsi baş verib. Avrosfer.az xəbər verir ki, hadisə paytaxtın Həsən Əliyev küçəsində olub.
90 UD 900 dövlət nömrə nişanlı, “Porsche” markalı avtomobil ilə əks istiqamətə çıxaraq yüksək sürətlə hərəkət edən sürücü piyada keçidindən keçən gənci vurub. Hadisə nəticəsində piyada yerindəcə keçinib.
Qeyd edək ki, qəza hadisəsi bir müddət əvvəl baş verib.
Videonu təqdim edirik:
İyunun əvvəllərində Bakı Metropolitenində polisin qanunu əmrinə tabe olmayan və müqavimət göstərən şəxslərdən biri – Şirzad Şirzadov basketbol üzrə Azərbaycan yığmasının üzvü olub.
“Qafqazinfo”nun məlumatına görə, o, U-20 milli komandamızda çıxış edib.
Ş.Şirzadov Cinayət Məcəlləsinin 139-1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) və 221-ci (Xuliqanlıq) maddələri ilə ittiham olunub.
Onun barəsində məhkəmənin qərarı ilə üç aylıq həbs qətimkan tədbiri seçilib. Həmin müddətin başa çatmasına bir neçə gün qaldığı üçün istintaqın təqdimatı ilə Ş.Şirzadovun həbs müddəti uzadılıb.
Onun həbsdən azad olunmasının vəkilinin verdiyi vəsatət Nizami Rayon Məhkəməsinin hakimi Mətanət Hacıyeva tərəfindən rədd edilib. O, həbsdə qalıb.
Daxili İşlər Nazirliyi ötən gün Bərdə rayonunda bir nəfərin qonşusu tərəfindən topuğundan güllələnməsi haqqında məlumat yayıb.
Belə ki, sentyabrın 6-da Bərdə rayonunun Dəymədağıldı kəndi ərazisində kənd sakini Yusif Kərimov onu söyən qonşusu Aftandil Əliyevə tüfəngdən açdığı atəşlə topuq nahiyəsindən xəsarət yetirib. Y.Kərimov polis əməkdaşları tərəfindən saxlanılıb, ondan lüləsi və qundağı kəsilmiş “İJ” markalı ov tüfəngi götürülüb.
“Qafqazinfo”nun məlumatına görə, qonşusunu güllələyən şəxs polisdir. O, Tərtər Rayon Polis Şöbəsinin əməkdaşıdır.
Baş Prokuror yanında Korrupsiyaya qarşı Mübarizə Baş İdarəsində bir müddətdir ki, xaricə sığınan, Azərbaycan hökumətini sərt tənqid və şantaj edən Qurban Məmmədov barəsində araşdırma başlanılıb.
“Unikal.org”un məlumatına görə, idarədə Q.Məmmədova aid torpaq sahələrinin, yaşayış evləri və mənzillərin hansı yolla əldə edildiyi araşdırılır.
Qeyd edək ki, Qurban Məmmədova Prezident Administrasiyasının sabiq rəhbəri Ramiz Mehdiyev və şöbə müdiri Əli Həsənovun diktəsiylə mənzillərin verildiyi iddia olunur.
