 |
|
Faktla bağlı araşdırma aparılır
Yevlaxda avtomobil qatarla toqquşub.
APA-nın Mingəçevir bürosunun məlumatına görə, hadisə Yevlax-Bərdə avtomobil yolunun 9-cu kilometrliyində, dəmiryolu keçidində baş verib. Belə ki, 1959-cu il təvəllüdlü Tərtər rayon sakini, Ələsgərov Arif Əziz oğlunun idarə etdiyi minik maşını idarəetməni itirərək dəmiryolu keçidində qatara çırpılıb. Qəza nəticəsində xəsarət alan sürücü xəstəxanaya yerləşdirilib.
Faktla bağlı araşdırma aparılır.
Yanğın yanğından mühafizə bölmələri tərəfindən tam söndürülüb
Fövqəladə Hallar Nazirliyi (FHN) Biləsuvar rayonunda baş verən yol qəzası ilə bağlı məlumat yayıb. FHN-dən Yol-xeber.az-a bildirilib ki, noyabr 22-də saat 03:49-da nazirliyin “112” qaynar telefon xəttinə Biləsuvar rayonu, Ələt-Astara yolunun 102-ci kilometrliyində avtomobil yanması barədə məlumat daxil olub. Dərhal nazirliyin Dövlət Yanğından Mühafizə Xidmətinin (DYMX) yanğınsöndürmə qüvvələri hadisə yerinə cəlb olunub. Saat 04:10 dəqiqədə DYMX-nın ilk yanğın avtomobili hadisə yerinə çatıb. Hadisə yerindən DYMX-nın əməkdaşı verilən ünvanda “Kamaz” markalı yanacaqdaşıyan avtomobilin açıq alovla yanması və avtomobildə 1 nəfərin qalması barədə məlumat verib.
Yanğının söndürülməsinə nazirliyin Dövlət Yanğından Mühafizə Xidmətindən 21 nəfər şəxsi heyət, 6 texnika cəlb olunub.
Bakıdan Naxçıvan Muxtar Respublikası istiqamətində hərəkət edən 1978-ci il təvəllüdlü Kələntərov Yavər Rəşid oğlu tərəfindən idarə olunan "DAF" markalı 99-CZ-868 dövlət qeydiyyat nişanlı yanacaqla dolu avtoçən idarəetməni itirərək yol kənarına aşması nəticəsində yanğınla nəticələnən yol-qəza hadisəsi baş verib. Yanğın nəticəsində avtoçənin yanar hissələri, çəndə olan 38 ton “Aİ-93” (benzin) markalı yanacaq yanıb. Hadisə zamanı avtomobilin sürücüsü Kələntərov Yavər Rəşid oğlunun meyiti yanğınsöndürənlər tərəfindən avtomobildən çıxarılaraq aidiyyəti üzrə təhvil verilib. Avtomobildə olan köməkçi sürücü 1987-ci il təvəllüdlü Məmmədov Emin Sarıbaba oğlu əl və üz nahiyələrindən müxtəlif dərəcəli yanıq xəsarətləri ilə rayon xəstəxanasına aparılıb.
Yanğın saat 05:40 dəqiqədə məhdudlaşdırılıb. Yanğın saat 08:41 dəqiqədə yanğından mühafizə bölmələri tərəfindən tam söndürülüb.
Hazırda yanğının söndürülməsi istiqamətində tədbirlər davam etdirilir
Bakı-Astara yolunda yanacaq daşıyan maşın aşıb.
APA-nın məlumatına görə, yanacaq daşıyan maşın aşdıqdan sonra alışıb.
Əraziyə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri cəlb edilib. Hazırda yanğının söndürülməsi istiqamətində tədbirlər davam etdirilir.
General-leytenant Fazil Ələkbərov əmr imzalayıb
Naxçıvan Muxtar Respublikasının Daxili İşlər Nazirliyinin “Mühafizə Şöbəsi haqqında Əsasnamə” təsdiqlənib. Oxu.az-ın məlumatına görə, bununla bağlı Naxçıvan Muxtar Respublikasının Daxili İşlər naziri, general-leytenant Fazil Ələkbərov əmr imzalayıb. Əmrlə qərara alınıb ki, Əsasnamə Şərur rayon mühafizə bölməsi və Culfa rayonlararası mühafizə bölməsi xidmətlərinin fəaliyyətində rəhbər tutulsun. Eyni zamanda, Naxçıvan Muxtar Respublikası Daxili İşlər Nazirliyinin 11.03.2003-cü il tarixli, 23 nömrəli əmri ilə təsdiqlənmiş əsasnamə ləğv edilib.
Mühafizə Şöbəsi Naxçıvan Muxtar Respublikası Daxili İşlər Nazirliyinin müstəqil struktur hissəsidir. Şöbə müqavilə əsasında mülkiyyətçilərin əmlakının mühafizəsi işini təşkil edir.
Xatırladaq ki, Naxçıvanın Daxili İşlər naziri F.Ələkbərov sələfi Əhməd Əhmədovun qərarını ləğv edib. Ə.Əhmədov Naxçıvan Ali Məclisinin sədri Vasif Talıbovun 16 iyun 2000-ci il tarixli fərmanı ilə Daxili İşlər naziri təyin olunmuşdu. O, Ali Məclis Sədrinin 28 iyul 2017-ci il tarixli sərəncamına əsasən, vəzifəsindən azad edilib.
Qəzanın dəqiq hansı səbəbdən baş verməsi müvafiq qurumların araşdırmasından sonra məlum olacaq
Bu gün səhər saat 07 radələrində Qaradağ rayonunda yol-nəqliyyat hadisəsi qeydə alınıb. Bakı Nəqliyyat Agentliyindən (BNA) Yol-xeber.az-a verilən məlumata görə, "Mercedes" markalı qeyri-müntəzəm sərnişin avtobusu (10 VR 303 Dövləq Qeydiyyat Nişanlı) 149 nömrəli müntəzəm marşrut xətti üzrə hərəkət edən sərnişin avtobusu (99 XX 176 Dövlət Qeydiyyat Nişanlı) ilə toqquşub. 149 nömrəli marşrut xətti üzrə daşıyıcı “BMH” MMC-dən verilən məlumata görə hadisə "Mercedes" markalı avtobusun ötmə əməliyyatı yerinə yetirdiyi zaman baş verib. Qəzanın dəqiq hansı səbəbdən baş verməsi müvafiq qurumların araşdırmasından sonra məlum olacaq.
Cinayət törətməkdə şübhəli bilinən 30 nəfər saxlanılıb
Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb.
Daxili İşlər Nazirliyinin (DİN) Mətbuat Xidmətindən "Report"a verilən məlumata görə, noyabr ayının 20-də törədilən 15 cinayətin üstü “isti izlər”lə açılıb.
Əvvəlki dövrlərdən bağlı qalan 6 cinayətin açılması təmin olunub.
Axtarışda olduğuna görə ümumilikdə 29 nəfər, o cümlədən borclu şəxs qismində axtarışda olan 18 nəfər saxlanılaraq aidiyyəti üzrə təhvil verilib.
Avtomobil yollarında 3 ağır yol-nəqliyyat hadisəsi baş verib, nəticədə 3 nəfər ölüb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8 fakt müəyyən edilib.
Cinayət törətməkdə şübhəli bilinən 30 nəfər saxlanılıb.
Yaralılar xəstəxanaya yerləşdirilib
Bakıda bir neçə nəfərin xəsarət alması ilə nəticələnən yol qəzası baş verib. Yol-xeber.az "Report"a istinadən xəbər verir ki, hadisə Qaradağ rayonunda qeydə alınıb. Sahil qəsəbəsi, "20-ci Sahə" adlanan ərazidə marşrut avtobusu mikroavtobusla toqquşub. İlkın məlumata görə, hadisə zamanı 4 nəfər xəsarət alıb.
Yaralılar xəstəxanaya yerləşdirilib.
Paytaxtın Nəsimi rayonunda intihara cəhdin qarşısı alınıb.
"Yol-xeber.az" xəbər verir ki, rayonun Mirəli Qaşqay küçəsində Damət Ağayev yaşadığı binanın damına çıxaraq intihar etmək istəyib.
Damət Ağayevin intihar etməyinə səbəb MTK-nən narazılığıdır. D.Ağayev binanın kommunal təhcizatından narazı olduğu üçün özünü öldürmək qərarına gəlib.
Damət Ağayev yaşadığı binanın MTK-sindən şikayət edib.
O, 2006- cı ildə "Aslan MTK"-ya 45 min manat ödəyərək sənəddə sahəsi 81 kv metr göstərilən mənzil alıb. Bir neçə il sonra evini təmir etdirərkən bilib ki, mənzilin real sahəsi 81 yox 68 kv metrdir.
Damət Ağayev MTK-dən pulunu verib 81 kv metr adı ilə aldığı mənzilini geri istəyir.
İllərdir bu probleminin həll olmadığını bildirən Damət Ağayev artıq bu şəraitdən bezdiyini bildirib.
Hadisə yerinə gələn FHN-nin Xilasediciləri bir qədər söhbətdən sonra Damət Ağayevi intihar etmək fikrindən yayındırıblar.
Faktla bağlı araşdırma aparılır
Göyçayda ağır yol-nəqliyyat hadisəsi baş verib.
APA-nın yerli bürosunun xəbərinə görə, hadisə bu gün saat 12:00 radələrində Göyçayın Şəhadət kəndi ərazisində qeydə alınıb. "VAZ 2107" və "VAZ 2104" markalı minik avtomobillərinin toqquşması nəticəsində Bakı şəhər sakini, 1962-ci il təvəllüdlü İbadov İntiqam Yolçu oğlu, Mingəçevir şəhər sakini, 1969-cu il təvəllüdlü İsmayılova Xatirə Nadir qızı, Şəhadət kənd sakini, 1962-ci il təvəllüdlü Rəsulov İkram Çıraq oğlu, Şəkər kənd sakini, 1960-cı il təvəllüdlü Ələkbərov Kamil Məmməd oğlu müxtəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
Faktla bağlı cinayət işi başlanılıb
Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin əməkdaşları narkotik vasitələrin qanunsuz dövriyyəsi və alqı-satqısı ilə məşğul olan şəxslərə qarşı növbəti əməliyyat tədbiri həyata keçirib. DİN-in Mətbuat Xidmətindən Yol-xeber.az-a verilən məlumata görə, əldə edilən əməliyyat məlumatı əsasında Yevlax rayon sakinləri Müqabil Məmmədov və əvvəllər məhkum olunmuş Rəşad Şükürov Nəsimi rayonu ərazisində saxlanılıblar. M.Məmmədovun üzərində şəxsi axtarış aparılan zaman 47,542 qram narkotik vasitə heroin, 49,862 qram psixotrop maddə metamfetamin, 52,324 qram tiryək və 19,236 qram qurudulmuş marixuana, digər şəxs R.Şükürovdan isə 51,710 qram narkotik vasitə tiryək aşkar edililərək götürülüb. Araşdırma zamanı M.Məmmədov və R.Şükürovun narkotik vasitələrin satışı ilə məşğul olduğu müəyyən edilib. Onların bir müddətdir ki, yaşadıqları Yevlax rayonundan Bakıya satış məqsədi ilə narkotik vasitə və psixotrop maddələr gətirdikləri məlum olub.
Faktla bağlı saxlanılan şəxslər barəsində Baş İdarənin İstintaq və Təhqiqat İdarəsində Cinayət Məcəlləsinin 234.4.3 (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) maddəsi ilə cinayət işi başlanılıb və barələrində Nərimanov Rayon Məhkəməsinin qərarı ilə həbs qətimkan tədbiri seçilib, istintaq tədbirləri davam etdirilir.
