 |
|
Türkiyənin TRT-1 kanalında yayımlanan “Diriliş Ərtoğrul” serialına Osman qazi rolu üçün Burak Özçivitin gəlməsi xəbərindən sonra Engin Altan Düzyatanın serialdan ayrılacağı ilə bağlı iddialar irəli sürülüb.
Kult.az xəbər verir ki, bu barədə məlumatı "Yeni Akit" qəzeti yayıb.
Məlumata görə, Burak Özçivit artıq Osman qazi rolu üçün təlimlərə başlayıb və serialın finalından sonra Osmanlının qurulması illərindən bəhs edən bölümlərdə Özçivit baş rolu canlandıracaq. Filmdə Engin Altan Düzyatanın canlandırdığı Ərtoğrul bəyin isə serialda daha iştirak etməyəcəyi barədə iddialar səsləndirilir.
Qeyd edək ki, serialın yeni bölümü yanvarın 30-da yayımlanacaq.
Adətən boyundan başlayan baş ağrısı, qulaqda cingildəmə, uğultu və baş fırlanması kimi ələmətlərlə özününü biruzə verən təzyiqə yol açan ən önəmli səbəb stresdir.
Axar.az xəbər verir ki, stresdən əlavə təzyiqi qaldıran başqa səbəblər də var.
1.Tərkibində şirinbiyan bitkisi olan sular və qidaların istifadəsi ürək və təzyiq xəstələri üçün məsləhətli deyil.
2. Çox miqdarda istifadə edilən şəkər təzyiq riskini artırır.
3. Normaya görə duzdan gün ərzində 5 qramdan az istifadə edilməlidir. Duzlu qidalardan çox istifadə təzyiqin artmasına səbəb olur.
4. Bol miqdarda mineral sular da təzyiqi qaldıran faktorlardan biridir.
5. Xüsusilə qış aylarında təzyiq nisbətən yuxarı olur. Bunun səbəbinin qışda insanların daha az hərəkət etməsi və kökəlməsi ilə bağlı olduğu ehtimal edilir.
6. Siqaret də öz növbəsində təzyiqi qaldırmaqla yanaşı ürək və damar xəstəlikləri riskini artırır.
7. Spirtli içkilərin davamlı olaraq qəbul edilməsi təzyiqi əhəmiyyətli dərəcədə qaldırır. Alkoqol istifadəsi kişilərdə gün ərzində 2 qədəhi, qadınlarda isə 1 qədəhi keçməməlidir.
Tərkibində kortizon olan dərmanlar, antidepresanlar, burun spreyləri, qrip dərmanları, bəzi ağrıkəsicilərin istifadəsi də təzyiqin qalxması ilə nəticələnə bilər.
Məşhur fransalı bəstəkar Mişel Leqran 87 yaşında Parisdə dünyasını dəyişib.
Kult.az xəbər verir ki, bu barədə “Frans Press” agentliyi məlumat yayıb.
Qeyd edək ki, Leqran indiyə qədər “ən yaxşı musiqi” nominasiyasında 3 “Oskar” və 5 “Qremmi” mükafatı alıb.
Feysbuk şirkətinin rəhbəri Mark Zukerberq şirkətə məxsus Feysbuk Messencer, Votsap və İnstaqram sosial şəbəkələrini birləşdirməyi planlaşdırır.
Ternd-in məlumatına görə, onun belə planları barədə məlumatlı şəxslər bildirib.
Mənbə bu prosesin ilkin mərhələdə olduğunu və 2019-cu ilin sonu və ya 2020-ci ilin əvəlləri üçün yekunlaşcağını bildirib.
Bildirilir ki, bu addım Zukerberqə Feysbuk ətrafında baş verən qalmaqallar fonunda şirkət üzərində nəzarəti gücləndirməyə imkan verəcək.
Mütəxəssislər sübut edir ki, evdə ayaqyalın gəzmək sinir sistemi üçün çox ziyanlıdır.
Məsələ burasındadır ki, müasir materiallardan hazırlanan döşəmələr və xalçalar statik elektrik toplayır. Evdə ayaqyalın gəzən insan bu statik elektriki özünə hopdurur.
Sağlamolun.az xəbər verir ki, statik elektrik insanda tez-tez təkrarlanan baş ağrıları, zəiflik, əsəbilik, yuxusuzluğa səbəb ola bilər.
Bundan əlavə alimlərin fikrinə görə, statik elektrik damarların spazmına və təzyiqin artmasına səbəb olaraq ürək-damar xəstəliklərinin riskini artırır.
Nəzərinizə çatdıraq ki, evdə corabda gəzənlər də eyni təhlükə ilə üzləşir.
Statik elektrikdən azad olmaq üçün mütəxəssislər evdə mütləq dəri və ya rezin altlığı olan ev ayaqqabısını geyinməyi, tez-tez duş və ya vanna qəbul etməyi, evin havasını tez-tez dəyişməyi və nəmləndirməyi, təbii parçalardan olan paltarları geyinməyi tövsiyə edirlər.
Nəm torpaq və ya qumun üzərinə ayaqyalın gəzmək də orqanizmdə statik elektrikin azalmasına kömək edir.
Azğın Sovet qoşunları 1990-cı il yanvarın 19-dan 20-ə keçən gecə Bakıda törətdiyi faciə ilə kifayətlənmədi.
Dinc əhaliyə divan tutmaq üçün qoşun hissələri bir neçə gün sonra cənub istiqamətinə - Neftçala, Cəlilabad və Lənkərana doğru yol aldı.
Yanvarın 25-i Sovet qoşunları Neftçalaya daxil oldu.
Kult.az Axar TV-nin 25 yanvar 1990-cı ildə Neftçalada baş verən hadisələrlə bağlı hazırladığı filmi təqdim edir:
Rejissor Ramiz Həsənoğlunun yenidən televiziyaya, yaradıcılıq birliyinə qayıtması çox gözəl hadisədir.
Bu sözləri Kult.az-a Azərbaycantelefilm Yaradıcılıq Birliyinin direktoru vəzifəsinə tanınmış rejissor Ramiz Həsənoğlunun təyin edilməsinə münasibət bildirən əməkdar incəsənət xadimi Şeyx Əbdül Mahmudov deyib. O vurğulayıb ki, R.Həsənoğlunun qayıdışını AzTV-də əvvəlki ənənələrin yenidən canlandırılması kimi qiymətləndirmək olar:
“Azərbaycantelefilm Yaradıcılıq Birliyinin direktoru vəzifəsinə xalq artisti Ramiz Həsənoğlunun gətirilməsinə çox sevindim. Onun kimi yaradıcı insanlar azdır, hətta demək olar ki, yox səviyyəsindədir. Ramiz bəy uzun illər kinostudiyada çalışıb. Bu qayıdış o deməkdir ki, bizim əvvəlki kimi gözəl televiziya filmlərimiz, tamaşalarımızın ərsəyə gəlməsi ənənəsi geri qayıdacaq. Düşünürəm ki, çörəyi çörəkçiyə vermək çox gözəl ənənədir”.
Qeyd edək ki, tanınmış rejissor, xalq artisti Ramiz Həsənoğlu Azərbaycantelefilm Yaradıcılıq Birliyinin direktoru təyin edilib.
Mən Nəsimini yuxuda görə bilmərəm? Kim sübut edə bilər ki, onu yuxuda görməmişəm?
Kult.az xəbər verir ki, bu sözləri görkəmli şair İmadəddin Nəsiminin “Sığmazam” qəzəlini hind mahnısı üzərində ifa etməsi ilə gündəmə gələn və tənqid hədəfinə çevrilən müğənni Afət Fərmanqızı “Yeni Müsavat”a müsahibəsində deyib.
Müğənni sözügedən mahnıya görə İ.Nəsiminin qohumlarının ona təşəkkür etdiyini bildirib:
“İnsanların məni həddindən artıq tənqid etmələri əsəblərimi pozdu. Lakin ümumi nəzər salanda görürəm ki, İnstaqramda yazılmış 1000 şərhdən 980-i tərif, 20-si tənqiddir. Onların da bəziləri saxta profillərdir, məni sevməyən həmkarlarım açdırıb. Mənə xeyli yazan olub ki, Şamaxıdanıq, Nəsiminin qohumlarıyıq, çox sağ olun ki, Nəsimini yaşadırsınız, oxumağa davam edin. Təki, məni tənqid edənlər vətənimizi, xalqımızı, millətimizi, dövlətimizi mənim qədər sevsinlər”.
Qeyd edək ki, bir qədər əvvəl Afət Fərmanqızı İ.Nəsimini yuxuda gördüyünü və şairin ona “Afət, bu qəzəlimi oxu” dediyini iddia edib.
Prezident İlham Əliyevin yanvarın 15-də imzaladığı “Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında” Fərmanı mədəniyyət sahəsində müasir sistemin qurulmasını, mədəni xidmətlərin səviyyəsinin yüksəldilməsini, mədəniyyət müəssisələrinin fəaliyyətinin optimallaşdırılmasını nəzərdə tutur. Sözsüz ki, bu sahədə çalışan insanların işsiz qalmamasını da təmin etməliyik. Bizim üçün insan faktoru əsas olaraq qalır. Eyni zamanda, müasirləşmə getməli, sistem təkmilləşdirilməlidir.
Kult.az xəbər verir ki, bu barədə yanvarın 25-də Mədəniyyət naziri Əbülfəs Qarayev Xızıda keçirilən vətəndaş qəbulu zamanı jurnalistlərə açıqlamasında bildirib.
Nazir görkəmli ədib Cəfər Cabbarlının 120 illik yubileyinin keçirilməsi haqqında dövlətimizin başçısının sərəncamına da diqqət çəkərək, bununla əlaqədar silsilə tədbirlərin təşkil olunmasının nəzərdə tutulduğunu söyləyib:
“Cəfər Cabbarlının 120 illik yubileyinin yüksək səviyyədə keçirilməsi üçün bütün lazımi addımlar atılır. İl ərzində ölkəmizin mədəniyyət müəssisələrində çoxsaylı tədbirlər keçiriləcək, teatrlarımızda görkəmli dramaturqun əsərləri tamaşaya qoyulacaq. Qəbul zamanı ziyalılar tərəfindən ədibin Xızıda yerləşən ev-muzeyinin fəaliyyətinin təkmilləşdirilməsi, yenilənməsi ilə bağlı təkliflər səsləndirildi. Cəfər Cabbarlının Bakıdakı ev-muzeyinin fəaliyyəti üçün də yeni təkliflər hazırlanacaq. Orada bəzi hüquqi məsələlər mövcuddur. Bu məsələlər öz həllini tapdıqdan sonra muzeyin fəaliyyəti təmin olunacaq”.
Əbülfəs Qarayev Xızıya səfəri çərçivəsində Cəfər Cabbarlının rayonda yerləşən ev-muzeyinin fəaliyyəti ilə tanış olub.
Texnologiyaların inkişafı nəticəsində indiki nəslə mənsub olan uşaqlar get-gedə daha çox hallarda əl ilə yazmaqdan imtina edirlər. Mütəxəssislərin fikrincə, bu səbəbdən, uşaqlarda əl ilə yazmaq vərdişi yaranmır.
Azərtac-ın məlumatına görə, bu trendin sabitləşməsi gələcək nəsillərin beyinində dəyişiklik yaradacaq.
Əl ilə yazma vərdişləri kiçik motorikanın və insan beyninin inkişafının çox mühüm funksiyası ilə bağlıdır. Kalliqrafiya (xəttatlıq) sahəsində ekspert Yuri Koverdyayevin fikrincə, əl ilə yazmaqdan hazırda müşahidə edilən dərəcədə imtina edilməsi təhlükəli olmayacaq, lakin o, insanlara, xüsusən uşaqlara hökmən mənfi təsir göstərəcək.
Koverdyayev göstərir ki, texnologiyalar inkişaf etdikcə müasir insanlar arasında müşahidə olunan təkcə onların əl ilə yazmaqdan imtina etməsi deyil. Hətta klaviaturda mətn yığarkən əl ilə işləmək istəməyən, səsli məlumatlara üstünlük verən insanların da sayı tədricən artır. Nəticədə adamlar mətni əl ilə yazmağı yadırğayırlar.
Ekspert deyib: "Bu, uşaqlar üçün və gələcəkdə onların uşaqları üçün təhlükəlidir. Əgər indi uşaqlar əl ilə yazmağa vərdiş etməsələr, onlar öz uşaqlarına əl ilə yazmağı öyrədə bilməyəcəklər”.
2017-ci ildə Böyük Britaniyada aparılmış araşdırma nəticəsində məlum olub ki, insanlar əl ilə yazmağı tərgidirlər və çox ehtimal ki, gələcəkdə bu vərdiş tamam sıradan çıxacaq. Mütəxəssislər hələ o vaxt bildiriblər ki, müasir insanlar ən çoxu qısa qeydləri və ya xatırlatmaları qələmlə yazırlar. Hazırda yaşlı insan orta hesabla ay yarımda bir dəfə əl ilə yazmağa başlayır, yaşlı insanların orta hesabla üçdə bir hissəsi yarım ildə cəmi bir dəfə əl ilə yazır.