 |
|
Bu gündən “Xətai” stansiyası bağlanıb.
Həmçinin "Cəfər Cabbarlı-Xətai" istiqamətində və əksinə olmaqla, sərnişin qatarlarının hərəkəti dayandırılıb Bütün təmir-bərpa və quraşdırma işlərinin 2019-cu il avqust ayının 10-da başa çatdırılması nəzərdə tutulub.
Sərnişinlərin nəzərinə çatdırırıq ki, Bakı Nəqliyyat Agentliyi ilə əldə olunmuş razılığa əsasən, qeyd edilən müddətdə sonuncu dayanacağı "Xətai" stansiyası və ona yaxın ərazilərdə olan şəhər sərnişindaşıma avtobus marşrutlarının hərəkəti "28 May" stansiyası və digər müvafiq istiqamətlərdə tənzimlənəcək. Bununla əlaqədar Bakı Nəqliyyat Agentliyi ictimaiyyətə əlavə məlumat verəcək.
Bakı Şəhəri İcra Hakimiyyəti Yaşıllaşdırma Təsərrüfatı Birliyinin Bitkilərin Mühafizəsi İdarəsi güclü küləklə bağlı paytaxt sakinlərinə xəbərdarlıq edib.
İdarənin rəisi Orxan Məmmədov bildirib ki, sakinlər nəqliyyat vasitələrini mümkün qədər hündür ağacların altında park etməsin:
“Küləyin sürəti həddindən artıq yüksək olduğu üçün hər an ağaclar aşa bilər. Bakının torpağı münbit olmadığından sağlam ağacların da aşmaq ehtimalı var. Ona görə də, binaların, ağacların altından keçəndə, nəqliyyat vasitəsini park edən zaman diqqətli olsunlar”.
Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamenti də dünən güclü küləklə bağlı xəbərdarlıq yayıb. Bildirilib ki, Bakıda və Abşeron yarımadasında güclü küləkli hava şəraiti sentyabrın 28-i səhərədək davam edəcək.
Nazirlər Kabinetinin 3 aprel 2009-cu il tarixli qərarına uyğun olaraq, Bakıdakı 3, 4, 15, 65, 149, 164 və 195 nömrəli müntəzəm marşrut xətləri müsabiqəyə çıxarılıb.
Bu barədə Bakı Nəqliyyat Agentliyindən bildirilib.
Məlumatda deyilir ki, müsabiqədə iştirak etmək istəyənlər quruma müraciət edə bilərlər.
Özbəkistanın paytaxtı Daşkənd şəhərində Şanxay Əməkdaşlıq Təşkilatına (ŞƏT) üzv olan dövlətlərin dəmir yolu administrasiya rəhbərlərinin ilk görüşü keçirilib. Tədbirdə ölkəmizi müşahidəçi qismində “Azərbaycan Dəmir Yolları” QSC-nin sədri Cavid Qurbanovun rəhbərlik etdiyi nümayəndə heyəti təmsil edib. Bildirib ki, son illərdə nəqliyyat sisteminin, xüsusilə də dəmir yolunun inkişafı sayəsində Azərbaycan iri tranzit və logistik mərkəzə çevrilməkdədir, beynəlxalq və regional nəqliyyat layihələrinin reallaşması prosesində, ölkənin tranzit potensialının artırılması istiqamətində uğurlu addımlar atılır, mövcud dəmir yolu infrastrukturu modernləşdirilir. Bakı-Tbilisi-Qars, Şimal-Cənub, Cənub-Qərb Nəqliyyat Dəhlizlərinin, eləcə də Beynəlxalq Transxəzər Nəqliyyat Marşrutunun fəaliyyətinin gücləndirilməsi iştirakçı ölkələrin tranzit potensialının artırılmasına istiqamətlənib. Həmin nəqliyyat dəhlizlərinin fəal iştirakçıları məhz Şanxay Əməkdaşlıq Təşkilatına üzv olan ölkələrdir. Azərbaycanın nəqliyyat sisteminin ŞƏT-ə üzv olan dövlətlər ilə əməkdaşlıq şəraitində beynəlxalq nəqliyyat sisteminə inteqrasiyası gücləndirilib.
Bakı-Tbilisi-Qars dəmir yolunun əhəmiyyətindən danışan Cavid Qurbanov bildirib ki, bu marşrut Asiyanı Avropa ilə birləşdirir. İstismara verildiyi 10 ay ərzində bu marşrutla 3000-ə yaxın konteyner və digər təmayüllü vaqonlarda yük daşınıb.
Tədbirdə o da qeyd olunub ki, Özbəkistan Bakı-Tbilisi-Qars dəmir yolundan fəal istifadədə və öz xarici ticarət yüklərinin daşınma həcminin artırılmasında maraqlıdır.
İclasın sonunda müvafiq protokol imzalanıb.
Tədbir iştirakçıları “Mərkəzi Asiya beynəlxalq nəqliyyat dəhlizləri sistemində: strateji perspektivlər və reallaşmamış imkanlar” adlı konfransda da iştirak edəcəklər.
1957-ci il təvəllüdlü yerli sakin Nağıyev Mehdi Kamil oğlunun idarə etdiyi "VAZ-2106" markalı avtomobil şəhərdəki otellərdən birinin qarşısında "VAZ-21099" ilə toqquşub.
Nəticədə hər iki sürücü xəsarət alıb. K.Nağıyevin aldığı xəsarət ciddi olduğundan o, xəstəxanaya yerləşdirilib. Yaralıya həkimlər tərəfindən tibbi yardım göstərilib, vəziyyətinin orta-ağır olduğu bildirilir.
İlkin məlumatlara görə, hadisəyə sürücü K.Nağıyevin avtomobili yuxulu halda idarə etməsi səbəb olub.
Faktla bağlı araşdırma aparılır.
Almaniya məşhur avtomobil istehsalçısı “Volkswagen AG” konserninin lüks brendi “Porşe” radikal qərar alıb.
“Anadolu” agentliyinə istinadən xəbər verir ki, şirkət hibrid avtomobillərə tələbin artması səbəbindən dizel avtomobillərin istehsalını dayandıracağını açıqlayıb.
Bildirilib ki, bu istiqamətdə 2022-ci ilə qədər 6 milyard avro investisiya yatırılacaq. Lakin, dizel mühərrikli “Porşe” avtomobillərinə xidmət davam etdiriləcək.
Qeyd edək ki, “Porşe” ilk dizel avtomobilini 10 il öncə satışa buraxıb.
2018-ci ilin yanvar-avqust aylarında dəniz nəqliyyatı ilə daşınmış yüklərin həcmi 5 milyon 559,7 min ton təşkil edib və əvvəlki ilin müvafiq dövrünə nisbətən 4,3 faiz artıb. Yüklərin 54,1 faizini neft məhsulları təşkil edib.
Dövlət Statistika Komitəsinin hesablamalarına görə, dəniz limanlarında 6 milyon 508,9 min ton həcmində yükləmə-boşaltma işləri həyata keçirilib və yüklərin 6 milyon 164,0 min tonunu və ya 94,7 faizini tranzit mallar təşkil edib. Cari il sentyabrın 1-i vəziyyətinə limanlarda qalan yüklərin həcmi 153,6 min ton olub.
Sözügedən dövr ərzində bu nəqliyyat növü ilə daşınmış sərnişinlərin sayı 2017-ci ilin müvafiq dövrünə nisbətən 14,2 faiz azalaraq 10,9 min nəfər olub.
Dəmir yolu ilə ölkənin qərb istiqamətindən Bakıya gələn qatarların hərəkət qrafikində böyük gecikmə yaranıb.
Azərbaycanda ilk dəfə olaraq avtomobil yollarında 3D formatlı piyada zolağı çəkilib. Yenilik ilk dəfə Naxçıvan şəhərində tətbiq edilib.
Bu ilin əvvəlindən Naxçıvanda bir çox yolların yenidən qurulması işlərinə başlanılıb. Bir müddət əvvəl isə şəhərin mərkəzi prospektlərindən biri - Heydər Əliyev prospektində yenidənqurma işləri yekunlaşdırılıb. Prospektdə, həmçinin Avropa ölkələrində geniş tətbiq olunan 3D formatlı piyada zolaqları çəkilib.
Belə piyada zolaqlarının digər küçə və prospektlərdə də çəkilməsi nəzərdə tutulur.
Qeyd edək ki, 3D formatlı zolaqların yolda qoyulmuş bordür effekti yaratması piyadaların həmin zolaqlardan daha təhlükəsiz istifadəsinə imkan verir.