 |
|
Prezident İlham Əliyev Mənzil Məcəlləsində dəyişiklik edilməsi haqqında qanunu təsdiqləyib.
Yenilənmiş qanuna əsasən, Azərbaycan vətəndaşları sosial kirayə müqaviləsi əsasında dövlət mənzil fondunun yaşayış sahəsini əldə etmək məqsədilə yalnız bir dəfə yaşayış sahəsinə ehtiyacı olan qismində uçota alına biləcək.
Xatırladaq ki, Məcəllənin 48-ci bəndinə əsasən, yaşayış sahələrinə ehtiyacı olan hesab edilən aztəminatlı vətəndaşlara, o cümlədən sosial müdafiəyə ehtiyacı olan aztəminatlı gənclərə dövlət və ya bələdiyyə mənzil fondunun yaşayış sahələri verilir.
Azərbaycanın Birinci vitse-prezidenti Mehriban Əliyeva 8 Mart - Beynəlxalq Qadınlar Günü ilə bağlı sosial şəbəkə hesablarında paylaşım edib.
"Paylaşımda qeyd olunub:
"Əziz qadınlar! Sizə möhkəm cansağlığı, tükənməz sevgi, sevinc dolu günlər və xoşbəxtlik arzulayıram!"
Paşinyan hakimiyyəti içindən çıxılmaz dilemma qarşısında qalıb, çünki Rusiya kimi önəmli hərbi müttəfiqi ilə münasibətləri korlasa da, Ermənistan üçün Qərbdə yeni tərəfdaşlar qazanmağa nail olmayıb... Üstəlik, rəsmi İrəvan Azərbaycanla yekun sülh sazişinin imzalanmasını gecikdirməklə, Ermənistanın gələcək taleyini də böyük risk altında buraxıb, Cənubi Qafqaza yerləşən Türkiyə faktorunu da nəzərə aldıqda, "erməni kataklizmi" uzaqda görünmür...
Ölkə.az "Yeni Müsavat"a istinadən xəbər verir ki, Ermənistan "dərin uçuruma" doğru sürətlə irəliləməyə başlayıb. Belə ki, "erməni faktoru"nun beynəlxalq təhlükəsizlik sistemi artıq dağılmaq üzrədir. Rəsmi İrəvanın yürütdüyü yanlış xarici siyasət kursu iflasa uğrayır. Ermənistanın hazırda üzləşdiyi təhlükəli geopolitik situasiya da məhz həmin "xaotik xarici siyasət"in real nəticələrindən ibarətdir. Və bu nəticələrin daha ağır təsirləri isə yaxın gələcəkdə birbaşa ortaya çıxmağa başlayacaq.
Onu da qeyd etmək lazımdır ki, Paşinyan hakimiyyətinin hər kəsdən faydalanmaq ehtirası əvvəl-axır Ermənistanı "geopolitik labirintə" salmalıydı və indi rəsmi İrəvan məhz bununla qarşı-qarşıya qalıb. Belə ki, Ermənistan məhz Kreml tərəfindən uydurulmuş, qondarma dövlətdir və onun mövcudluğu da həmişə elə Rusiyanın himayəsi ilə bağlı olub. Ancaq buna baxmayaraq, Paşinyan hakimiyyəti Ermənistanın hərbi müttəfiqi Rusiyadan üz çevirmək variantı sınaqdan çıxartmağa üstünlük verdi. Və Qərbin timsalında Ermənistana yeni müttəfiqlər qazanmağa çalışdı.
Məsələ ondadır ki, rəsmi İrəvanın Qərbə inteqrasiya siyasəti də məhz Rusiyadan uzaqlaşıb, ABŞ, Avropa Birliyi və Fransanın himayəsinə sığınmaq məqsədi daşıyırdı. Paşinyan hakimiyyəti hətta ABŞ ilə strateji tərəfdaşlıq sazişi də imzalamışdı. Üstəlik, Ermənistanın Avropa Birliyinə üzvlük qərarını təsdiqləyən sənəd parlamentin müzakirəsinə verilmişdi. Yəni, rəsmi İrəvan qeyri-rəsmi şəkildə Qərbin geopolitik müstəmləkəsinə çevirdiyi Ermənistanın rəsmən ABŞ və Avropa Birliyinin Cənubi Qafqazdakı vassalı statusu qazanmasına can atırdı. Və indi rəsmi İrəvan bütün niyyətləri boşa çıxmış, geopolitik hədəfləri iclasa uğramış vəziyyətə düşüb.
Maraqlıdır ki, Ağ Evdə indi heç kim ABŞ-Ermənistan strateji tərəfdaşlıq sazişini xatırlamaq belə, istəmir. Yəni, ABŞ-a Ermənistan kimi faydasız strateji tərəfdaş lazım deyil. ABŞ-a lazım olmayan Ermənistanın Avropa Birliyi üçün əhəmiyyəti də indi ciddi suallar doğurur. Çünki Ukraynanı Rusiya ilə bölüşdürən ABŞ-ın strateji planları Avropa Birliyi üçün real təhlükə mənbəyinə çevrilib. Hətta Ermənistanın "böyük bacısı" Fransa ABŞ-ın öz ənənəvi müttəfiqlərini rəqibə çevirdiyini rəsmən etiraf edib. Və bu, Ermənistan üçün birbaşa neqativ təsirləri ola biləcək faktorlardan biridir.
Məsələ ondadır ki, indi Avropa Birliyi daha çox öz gələcək taleyini xilas etmək barədə düşünmək məcburiyyətində qalıb. Belə vəziyyətdə bu qurumun Ermənistanı düşdüyü "geopolitik labirint"dən çıxartmaq üçün zaman və maliyyə xərcləyəcəyi artıq qətiyyən inandırıcı görünmür. Üstəlik, Qərb iqtisadçılarının qənaətinə görə, Avropa Birliyi məkanında dərin böhtan qaçılmaz xarakter daşıyır. Və bu baxımdan, rəsmi İrəvan olduqca ciddi dilemma qarşısında qalmış kimi görünür.
Çünki Avropa Birliyində Ermənistanı onsuz da gözləmirdilər. Ancaq bu qurumun siyasi və maliyyə dəstəyi də ciddi suallar doğurduğu halda, Ermənistanın Avropa Birliyinə üzvlük niyyətini ifadə edən qanun layihəsinin parlamentdə təsdiqlənməsi rəsmi İrəvana yalnız əlavə problemlər törədə bilər. Yəni, rəsmi İrəvan Ermənistanı yanlış himayə çətiri altına sürükləməkdə davam edərsə, bunun neqativ nəticələrinə də mütləq hazır olmalıdır. Və bu nəticələr isə olduqca sarsıdıcı xarakter daşıya bilər.
Onu da qeyd etmək lazımdır ki, Stanford Universitetinin siyasi elmlər doktoru Artur Xaçikyan da Paşinyan hakimiyyətini yaxınlaşmaqda olan geopolitik zərbələr barədə rəsmi İrəvana xəbərdarlıq etməyə çalışıb. Onun fikrincə, əgər, Avropa ölkələri Ukraynanı aldatdı və onu tək buraxdısa, eyni şeyi Ermənistanla da edəcəklər, çünki Ermənistan nə Ukraynanın ərazisinə, nə də resurslarına malikdir. Və o, rəsmi İrəvanı beynəlxalq geosiyasi reallıqların Cənubi Qafqaza mümkün təsirlərini, bununla bağlı riskləri və perspektivləri mütləq nəzərə almağa çağırıb.
ABŞ və Ukrayna prezidentləri Donald Tramp və Volodimir Zelenski arasında yaşanan qalmaqalı xatırladan erməni ekspert qeyd edib ki, Ukrayna hazırda Qərbin “istifadə edib, kənara atmaq” prinsipi ilə qarşılaşıb. O, Ukraynanın vəziyyətini XX əsrin əvvəllərində Ermənistanın düşdüyü vəziyyətlə də müqayisə edib. Və o, hesab edir ki, rəsmi İrəvan Ukraynanın başına gətirilənlərdən mütləq nəticə çıxarmalıdır, əks halda, Ermənistan üçün fəlakət ssenarisi qaçılmaz ola bilər.
Maraqlıdır ki, Artur Xaçikyan Cənubi Qafqaz üçün mümkün geopolitik ssenarilərə də toxunaraq, vurğulayıb ki, bu regionda əsas siyasi iradə sahibi rolu Türkiyə, Rusiya, Azərbaycan, İsrail və ABŞ-a məxsus olacaq. Onun fikrincə, Ermənistanın nə Ağ Evə, nə də Kremlə təsir etmək üçün diplomatik imkanlara malik deyil. Ancaq Türkiyə, Azərbaycan və İsrail isə Ağ Evdə mühüm nüfuza, ABŞ-a müəyyən təsir mexanizmlərinə malikdir.
Erməni ekspertin proqnozuna görə, ABŞ prezidenti Donald Tramp böyük ehtimalla Türkiyə ilə razılığa gələcək və rəsmi Ankaradan Cənubi Qafqazda olan problemlərin Kremllə koordinasiya edilərək, həll olunmasını istəyəcək. Əgər, bu, baş verərsə, Ermənistan üçün manevr imkanları tükənmiş olacaq. Yəni, Ermənistanın gələcək taleyi yalnız Rusiyadan deyil, həm də Azərbaycan-Türkiyə İttifaqından asılı vəziyyətə düşəcək. Və belə vəziyyətdə Ermənistanın gələcək taleyinin necə, hansı prinsiplərlə həll olunacağını təsəvvür etmək o qədər də çətin deyil.
Göründüyü kimi, rəsmi İrəvanın Qərbə inteqrasiya siyasəti artıq iflasa uğrayıb. Paşinyan hakimiyyəti Rusiya kimi önəmli hərbi müttəfiqi ilə münasibətləri korlasa da, Ermənistan üçün Qərbdə yeni tərəfdaşlar qazanmağa nail olmayıb. Üstəlik, rəsmi İrəvan Azərbaycanla yekun sülh sazişinin imzalanmasını gecikdirməklə, Ermənistanın gələcək taleyini böyük risk altında buraxıb. Və Azərbaycanın strateji müttəfiqi Türkiyənin də Cənubi Qafqaza yerləşməkdə olduğunu nəzərə aldıqda, Ermənistan üçün geopolitik böhranın sürətlə yaxınlaşmaqda olduğu qətiyyən şübhə doğurmur.
Prezident İlham Əliyev 8 Mart - Beynəlxalq Qadınlar Günü münasibətilə "X" hesabında paylaşım edib.
Azərbaycan Prezidenti İlham Əliyev Bərdə rayonunun Əmirli–Xanağalı–Uğurbəyli və Alpout–Qarayusifli–Tumaslı avtomobil yollarının əsaslı təmiri üçün vəsaitin ayrılması barədə Sərəncam imzalayıb.
Yol-xeber.az xəbər verir ki, 15 min əhalinin yaşadığı 11 yaşayış məntəqəsini birləşdirən yolun əsaslı təmiri üçün 1,5 milyon manat ayrılacaq.
Sənədə əsasən, vəsait Azərbaycan Avtomobil Yolları Dövlət Agentliyinə ayrılacaq.
Maliyyə Nazirliyinə Sərəncamda göstərilən məbləğdə maliyyələşməni təmin etmək, İqtisadiyyat Nazirliyinə Sərəncamda göstərilən avtomobil yollarının əsaslı təmirinin davam etdirilməsi üçün zəruri olan maliyyə vəsaitini Azərbaycanın 2026-cı il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutmaq tapşırılıb.
Nazirlər Kabinetinə Sərəncamdan irəli gələn məsələləri həll etmək tapşırılıb.
Milli Məclis Birinci vitse-prezident Mehriban Əliyevanı 8 Mart Beynəlxalq Qadınlar Günü münasibətilə təbrik edib.
Bununla bağlı təklifi Milli Məclisin sədri Sahibə Qafarova səsləndirib.
Təklif alqışlarla qəbul edilib.
Milli Məclis Azərbaycanın “İnkişaf etməkdə olan səkkiz ölkənin İqtisadi Əməkdaşlıq Təşkilatının (D-8) Nizamnaməsi”nə qoşulmasını təsdiqləyib.
Bununla bağlı parlamentin bugünkü plenar iclasında “İnkişaf etməkdə olan səkkiz ölkənin İqtisadi Əməkdaşlıq Təşkilatının Nizamnaməsi”nə qoşulmaq haqqında” qanun layihəsi müzakirəyə çıxarılıb.
Qeyd edilib ki, Azərbaycan 2012-ci il noyabrın 22-də İslamabad şəhərində imzalanmış “İnkişaf etməkdə olan səkkiz ölkənin İqtisadi Əməkdaşlıq Təşkilatının Nizamnaməsi”nə qoşulur.
Layihə səsverməyə çıxarılaraq bir oxunuşda qəbul edilib.
Milli Məclisin yaz sessiyası üzrə növbəti plenar iclası başlayıb.
Sahibə Qafarovanın sədrliyi ilə keçirilən toplantının gündəliyinə 14 məsələnin müzakirəsi daxil edilib.
İclasda Azərbaycanın İnsan hüquqları üzrə müvəkkilinin (ombudsmanın) 2024-cü ildə ölkədə insan hüquqlarının qorunması haqqında illik məruzəsi, həmçinin bir neçə qanun layihələrinə dəyişikliklər müzakirə olunacaq.
Nazirlər Kabineti “Texniki tənzimləmənin şamil olunduğu malların siyahısı”nı təsdiq edib.
Bununla bağlı Baş nazir Əli Əsədov yeni qərar imzalayıb.
Qərar ölkə Prezidentinin 23 yanvar 2023-cü il tarixli sərəncamı ilə təsdiq edilmiş “Milli standartlaşdırma sisteminin beynəlxalq tələblərə uyğunlaşdırılmasına dair 2023-2025-ci illər üçün Dövlət Proqramı”nın icrasını təmin etmək məqsədilə qəbul olunub. Qərarda Texniki tənzimləmənin şamil olunduğu malların siyahısı və həmin mallara dair xarici iqtisadi fəaliyyətin mal nomenklaturası üzrə kodlar verilib.
Qərar malların “Texniki tənzimləmə haqqında” qanuna əsasən qəbulu nəzərdə tutulan texniki reqlamentlərin tələblərinə uyğunluğuna istehlak bazarında nəzarətin həyata keçirilməsinə şərait yaradacaq.
Bu gün Azərbaycanın dövlət və ictimai xadimi, siyasətçi və publisist, Azərbaycan Xalq Cümhuriyyətinin (1918-1920) banilərindən və Azərbaycan siyasi mühacirətinin liderlərindən olmuş Məhəmməd Əmin Rəsulzadənin doğum günüdür.
Məhəmməd Əmin Rəsulzadənin anadan olmasından 140 il ötür.
Rəsulzadə 1884-cü il yanvarın 31-də Bakının Novxanı kəndində anadan olub. Atası oğlunu məşhur pedaqoq Sultan Məcid Qənizadənin müdir olduğu ikinci “Rus-müsəlman” məktəbinə qoyub, buranı bitirdikdən sonra M.Ə.Rəsulzadə öz təhsilini Bakı texniki məktəbində rus dilində davam etdirib.
Milli istiqlal hərəkatımızın və təkcə türk ellərində deyil, bütün Şərq, İslam aləmində ilk respublika üsul-idarəsi olan Azərbaycan Demokratik Respublikasının təməl daşını qoyan Məhəmməd Əmin Rəsulzadənin inqilabi fəaliyyətinin ilk illəri də məhz bu dövrə təsadüf edib. 1902-ci ildə on yeddi yaşında olan M.Ə.Rəsulzadə “Müsəlman gənclik təşkilatı”nı yaradıb. Bu, XX əsrdə Azərbaycanda rus müstəmləkə üsul-idarəsinə qarşı gizli mübarizə aparan ilk siyasi təşkilat olub.
1917-ci ilin payızında M.Ə.Rəsulzadə Rusiya parlamentinə Azərbaycan və Türküstandan millət vəkili seçilib. 1918-ci il mayın 26-da Zaqafqaziya seymi daxili fraksiyaların çəkişmələri nəticəsində ləğv olunub. Həmin ayın 27-də seymin müsəlman fraksiyasına daxil olan müxtəlif partiyaların üzvlərindən ibarət olan Azərbaycan Milli Şurası yaranıb. Səs çoxluğu ilə M.Ə.Rəsulzadə Milli Şuranın sədri seçilib.
1918-ci il mayın 28-də bütün ölkələrin radio stansiyaları və qəzetləri Azərbaycan istiqlaliyyətinin elan olunmasını dünyaya yayıblar. Bu, o demək idi ki, Azərbaycan xalqı öz varlığını, bir xalq kimi mövcudluğunu bütün bəşəriyyətə çatdırıb və milli dövlətini qurduğunu tam şəkildə bəyan edib. Fətəli Xan Xoyskinin başçılığı ilə Azərbaycan Demokratik Respublikası hökuməti təşkil olunub. Beləliklə, Azərbaycan xalqı nəinki türk xalqları arasında, həmçinin bütün Şərqdə ilk dəfə olaraq respublika qurub.
Lakin Azərbaycan Xalq Cümhuriyyətinin ömrü cəmi 23 ay çəkib. 1920-ci ilin 28 aprelində Azərbaycanın sovet Rusiyası tərəfindən işğalından sonra M.Ə.Rəsulzadə Vətəni tərk etmək məcburiyyəti ilə üzləşib. Uzun illər xaricdə Azərbaycanın azadlığı uğrunda mübarizə aparmış M.Ə.Rəsulzadə 1955-ci il martın 6-da Ankarada şəkər xəstəliyindən vəfat edib.
1993-cü ilin 29 dekabrında Azərbaycan Prezidenti Heydər Əliyev “Azərbaycanın görkəmli ictimai-siyasi xadimi M.Ə.Rəsulzadənin anadan olmasının 110 illik yubileyinin keçirilməsi haqqında” fərman imzalayıb.
Xatırladaq ki, Azərbaycan Respublikasının Prezidenti İlham Əliyev 2013-cü ilin 22 noyabrında “Məhəmməd Əmin Rəsulzadənin 130 illik yubileyinin keçirilməsi haqqında” sərəncam imzalayıb.
Həmçinin, Azərbaycan Xalq Cümhuriyyətinin qurulmasının 100-cü ili münasibətilə Prezident İlham Əliyev tərəfindən 2018-ci ili “Cümhuriyyət İli” elan edilib.
Prezident İlham Əliyev həm də 2024-cü ildə “Məhəmməd Əmin Rəsulzadənin 140 illiyinin qeyd edilməsi haqqında” Sərəncam imzalayıb.