 |
|
"27 sentyabr Azərbaycan tarixinin dönüş nöqtəsidir. Azərbaycan 2020-ci il sentyabrın 27-də başlayan 44 günlük İkinci Qarabağ savaşından sonra 30 il işğalda qalan torpaqlarını işğaldan azad etdi. 2023-cü ilin sentyabrın 19-dan 20-sinə keçən gecə 23 saatlıq lokal antiterror tədbirləri nəticəsində suverenliyini tam olaraq bərpa etdi. İstər 44 günlük savaş, istərsə də 23 saatlıq lokal antiterror tədbirlərinin arxasında uzun illərə dayanan, uzaq perspektivə hesablanan düşünülmüş strateji xətt doğru, ideoloji müstəvidə aparılan fəaliyyət, həmçinin hərbi və diplomatik sahədə uğurların əldə edilməsi dayanır. Çünki Azərbaycan elə bir bölgədə yerləşir ki, burada qlobal güclərin və böyük dövlətlərin çox ciddi maraqları var və biz bunu sülh danışıqları prosesində müşahidə edirik".Bu barədə Bizimyol.info xəbər portalına Ədalət, Hüquq, Demokratiya (ƏHD) Partiyasının idarə heyətinin üzvü, siyasi şərhçi Əli Zülfüqaroğlu danışıb. Siyasi şərhçinin sözlərinə görə, əslində sülh danışıqları və İkinci Qarabağ savaşında keçmiş “Minsk” qrupunun həmsədrlərindən biri olan Fransanın hansı mövqe tutması bir daha sübut etdi ki, müharibənin başlanması, eyni zamanda diplomatik və hərbi müstəvidə aparılan fəaliyyətin arxasında hansı çətinliklər dayanır.
“Əslində Azərbaycan bu illər ərzində nə qədər təzyiqlərə tab gətirib və səbrli davranıb, sonda qələbə qazanmaq üçün önəmli addımlar atıb. Yəni Azərbaycan müharibə başlayana qədər ideoloji müstəvidə önəmli apardığı işin nəticəsi olaraq, gənclərin hansı ki, Qarabağı görməyən gənclərin nə qədər vətənpərvər və həlledici döyüşlərdə iştirak etdiyini göstərdi. Nə qədər vətənpərvər olduqlarını və döyüşlərə hansı əhval-ruhiyyə ilə getdiyini göstərdi. Eyni zamanda Azərbaycan xarici təzyiqləri neytrallaşdırmağa başladı. Rusiya bölgə ilə bağlı yürütdüyü siyasəti dəyişməyə müvəffəq oldu. Ordu quruculuğunda önəmli addımlar atdı. Bununla yanaşı, bölgə dövlətləri ilə Rusiya Gürcüstan və Türkiyə ilə münasibətlərini əhəmiyyətli dərəcədə irəliyə daşıya bildi. Türkiyə ilə münasibətlər ən yüksək səviyyəyə çatdırıldı və biz İkinci Qarabağ savaşı zamanı Türkiyəni Birinci Qarabağ savaşı zamanından nə qədər fərqli addım atdığını müşahidə etdik”-deyə politoloq bildirib.
Əli Zülfüqaroğlu qeyd edib ki, burada Türkiyənin geosiyasi mövqelərinin möhkəmlənməsi faktorları da var. Eyni zamanda Azərbaycanın yürütdüyü xarici siyasətin nəticəsi olaraq, Türkiyənin Azərbaycana siyasi dəstəyi və Pakistanın Azərbaycana siyasi dəstəyi, həmçinin bir sıra xarici dövlətlərin Azərbaycana verdikləri siyasi dəstək ədalətin yanında olmalarına gətirib çıxardı. Əli Zülfüqaroğlunun fikirncə, bütün bunlar onu deməyə əsas verdi ki, İkinci Qarabağ savaşına qədər gərgin fəaliyyəti, xüsusilə prezident İlham Əliyevin uğurlu diplomatik addımları, ideoloji zəmində mühüm fəaliyyət yürütməsi ilə bağlı tapşırıqların verilməsi, bu sahəyə çox ciddi diqqətin ayrılması həmçinin ordu quruculuğu ilə bağlı istər beynəlxalq əlaqələrin gücləndirilməsi, istərsə də daxildə ciddi addımların atılmasının nəticəsi olaraq Azərbaycan qələbə çaldı: “Ona görə də İkinci Qarabağ savaşına qədər müharibə, müharibə dönəminə qədər lokal antiterror tədbirləri zamanı Azərbaycanın əldə etdiyi uğurlara söykənərək deyə bilərik ki, sülh danışıqları prosesində də Azərbaycan düşünülmüş, kifayət qədər təmkinli, uzaq görən və hər tərəfli siyasi xəttini yürüdəcək.
Azərbaycanın bölgədəki reallıqları dəyişdiyini və ya yeni şərtlər formalaşdırdığını nəzərə alsaq, sülh danışıqları prosesinin də uğurla davam etdiriləcəyi və gec-tez beynəlxalq hüququn tələbləri əsasında ədalətli sülhün əldə olunacağı əminliklə deyə bilərik”.
Politoloq bildirib ki, Ermənistan nə qədər ədalətsiz yanaşma sərgiləsə də, yeni şərtlər irəli sürsə də, bunun arxasında üçüncü qüvvələr dayanır. Xüsusilə, Fransa və Birləşmiş Ştatların bölgədəki maraqları sülh danışıqları prosesinə ciddi şəkildə mane olur.
Politoloq vurğulayıb ki, eyni zamanda Ermənistanın gizli şəkildə silahlandırılması faktorları da var: "Bütün bunlar sülh danışıqları prosesinin həlledici amilinə çevrilməyəcək. Çünki Azərbaycanın yürütdüyü ciddi və uğurlu diplomatik fəaliyyət var. Azərbaycan istər beynəlxalq aləmdə, istərsə də bölgədə nüfuzlu bir dövlətdir. Bu səbəbdən də, Azərbaycan gec-tez sülhün əldə olunmasına nail olacaq".
Məlum olduğu kimi, ABŞ Konqresinin Nümayəndələr Palatasına “Artsax Gəlirlərinin Bərpası Aktı” adlı qanun layihəsi təqdim edilib.Gununsesi.info bildirir ki qanun layihəsinin müəllifi Kaliforniyadan konqresmen Adam Şiffdir.
Qanun layihəsində söhbət Qarabağın işğalı zamanı o ərazilərdə yaşayan ermənilərə maddi kompensasiyaların verilməsindən gedir, əks təqdirdə isə Azərbaycana qarşı bir sıra sanksiyaların( konkret şəxslərə qarşı) sanksiyaların tətbiqi , o cümlədən prezident suveren aktivlərimizin donrulmasına qədər nəzərdə tutulur.
Qanun layihəsində Azərbaycan hərbi təcavüzdə və etnik təmizlikdə ittiham olunur.
Mahiyyət nədən ibarətdir?
Siyasi şərhçi Kamran Cəfərov Gununsesi.info-ya layihə barədə bunları deyib:
Birincisi, “Bu aktın N/P-yə təqdim edilməsi, Adam Şiffin şə
Sentyabrın 25-də Heydər Əliyev Beynəlxalq Aeroportunda Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevə Pakistan Aviasiya Kompleksi və Chengdu Çin Aviasiya Korporasiyasının birgə layihəsi olaraq hazırlanmış müasir, yüngülçəkili, istənilən hava şəraitinə uyğun, gündüz və gecə rejimli çoxməqsədli JF-17C (Block-III) təyyarələri təqdim olunub.AZƏRTAC xəbər verir ki, bu təyyarələr artıq Azərbaycan Hərbi Hava Qüvvələrinin arsenalına daxil edilib.
Azərbaycan Respublikasının müdafiə naziri general-polkovnik Zakir Həsənov Silahlı Qüvvələrin Ali Baş Komandanı İlham Əliyevə raport verdi.
Azərbaycanın müdafiə naziri və Pakistan Aviasiya Kompleksinin sədri vitse-marşal Hakim Raza dövlətimizin başçısına təyyarələrin taktiki-texniki xüsusiyyətləri, istismar qaydaları və digər göstəriciləri barədə məlumat verdilər.
Bildirildi ki, JF-17C (Block-III) birmühərrikli çoxməqsədli döyüş təyyarəsidir.
Təyyarə hava-hava və hava-yer döyüş qabiliyyətinə, eləcə də orta və aşağı hündürlüklərdə yüksək döyüş manevrinə malikdir, effektiv atəş gücünə görə seçilir.
Qeyd edək ki, Prezident, Müzəffər Ali Baş Komandan İlham Əliyevin rəhbərliyi ilə son illər Azərbaycanda ordu quruculuğu geniş vüsət alıb. Xüsusilə Vətən müharibəsində qazanılan şanlı Qələbədən sonra Azərbaycan Ordusu yeni inkişaf mərhələsinə qədəm qoyub, Silahlı Qüvvələrimizin müasir dövrün çağırışları əsasında komplektləşdirilməsi işləri uğurla davam etdirilir. Dövlətimizin başçısının tapşırığı ilə yeni ordu birləşmələri və qoşun növləri yaradılır, şəxsi heyətin döyüş hazırlığı yüksəldilir. Eyni zamanda, Ordumuzun hərbi-texniki təchizatı məsələsi Ali Baş Komandanın xüsusi diqqət mərkəzindədir. Yeddinci çağırış Milli Məclisin ilk iclasındakı nitqində hərbi gücümüzün artırılmasının bir nömrəli vəzifə olduğunu vurğulayan Prezident İlham Əliyev deyib: “İkinci Qarabağ müharibəsindən keçən dövr ərzində öz hərbi gücümüzü böyük dərəcədə artırmışıq. Ordumuzun döyüş qabiliyyəti artır, texnika ilə təchizat lazımi səviyyədə təmin edilir və təmin ediləcəkdir”.
Milli müdafiə sənayemizin inkişaf etdirilməsi, eyni zamanda, xarici ölkələrlə hərbi sahədə əməkdaşlıq, yeni müqavilələrin imzalanması da xüsusi vurğulanmalıdır. Azərbaycanın müxtəlif istiqamətlərdə, o cümlədən hərbi sahədə əməkdaşlıq etdiyi ölkələrdən biri də qardaş Pakistandır. Prezident İlham Əliyevin bu ilin iyulunda Pakistana dövlət səfəri iki ölkə arasında dostluq, qardaşlıq və strateji tərəfdaşlıq münasibətlərinə yeni təkan verib. Azərbaycan və Pakistan beynəlxalq platformalarda daim bir-birinə qarşılıqlı dəstək göstərir və həmrəylik nümayiş etdirirlər.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevə sentyabrın 25-də Pakistan Aviasiya Kompleksi və Chengdu Çin Aviasiya Korporasiyasının birgə layihəsi olaraq hazırlanmış JF-17C (Block-III) təyyarələri təqdim olunub.
Təqdimat Heydər Əliyev Beynəlxalq Aeroportunda oub.
Məlumata görə, təyyarə müasir, yüngül çəkili, istənilən hava şəraitinə uyğun, gündüz və gecə rejimli çoxməqsədlidir.
Azərbaycan Respublikasının müdafiə naziri general-polkovnik Zakir Həsənovun dəvəti ilə Belarus Respublikası Silahlı Qüvvələrinin Baş Qərargah rəisi general-mayor Pavel Muraveyko "ADEX" 5-ci Yubiley Azərbaycan Beynəlxalq Müdafiə Sərgisində iştirak etmək üçün sentyabrın 25-də Bakıya gəlib.
Bu barədə Azərbaycan Müdafiə Nazirliyindən bildirilib.
Qeyd olunub ki, səfər çərçivəsində Azərbaycan ilə Belarus arasında hərbi əməkdaşlığın cari vəziyyəti və inkişaf perspektivlərinin müzakirə olunması məqsədilə bir sıra görüşlərin keçirilməsi nəzərdə tutulub.
Azərbaycan Respublikasının xarici işlər naziri Ceyhun Bayramov BMT Baş Assambleyasının 79-cu sessiyası çərçivəsində Atom Enerji üzrə Beynəlxalq Agentliyin (AEBA) baş direktoru Rafael Qrossi ilə görüşüb.
Bu barədə Azərbaycan Xarici İşlər Nazirliyinin “X” səhifəsində paylaşım edilib.
Görüşdə C.Bayramov Azərbaycanın nüvə təhlükəsizliyini və onun möhkəmləndirilməsi istiqamətində beynəlxalq əməkdaşlığı qətiyyətlə dəstəklədiyini qeyd edərək, nüvə enerjisinin yayılmaması və dinc məqsədlərlə istifadə edilməsində AEBA-nın təftiş sisteminin əvəzsiz rolunu vurğulayıb.
Daha sonra tərəflər arasında beşillik (2024-2029-cu illər - Qeyd) AEBA ilə Texniki Əməkdaşlıq sahəsində Azərbaycan Respublikası üçün Ölkə Proqramı Çərçivəsi sənədi imzalanıb.
Qeyd edək ki, sənəd texniki əməkdaşlıq fəaliyyətləri vasitəsilə dəstəklənəcək qarşılıqlı razılaşdırılmış prioritet inkişaf ehtiyaclarını və maraqlarını müəyyən edir.
Həm ABŞ və Qərbin, həm də Ermənistanın hərbi-siyasi gərginliyi ortaq şəkildə artırmaq cəhdləri hazırda o qədər də gözlənilməz deyil... Vaxtilə Rusiyanın fəal dəstəyi ilə Azərbaycan ərazilərini işğal etmiş Ermənistan indi də məhz ABŞ və Qərbin yardımları ilə revanşist xəyallar qurur...
Cənubi Qafqaz regionu ətrafında qəliz geopolitik oyunlar həlledici mərhələyə doğru yönəltməyə başlayıb. Üstəlik, bu məkrli geopolitik oyunlar iki istiqamət üzrə inkişaf edir. Birinci istiqamətin ssenari müəllifi rolunda məhz ABŞ və Qərb çıxış edir. Və Cənubi Qafqaz regionu üçün ən böyük təhlükə də məhz bu istiqamətdən qaynaqlanır.
Onu da qeyd etmək lazımdır ki, Rusiya da artıq Cənubi Qafqazda baş verənlərin təhlükəli istiqamətlər almağa başlamasından ciddi şəkildə narahatdır. Çünki Kremldə anlayırlar ki, belə davam edərsə, bu region Rusiyanın təsir dairəsindən tamamilə çıxarılmış olacaq. Və nəticədə Rusiya onilliklər boyu hegemoniya qurduğu Cənubi Qafqazda regiondan kənar dövlətə çevrilə bilər.
Təbii ki, Kremlin Cənubi Qafqazda yenidən fəallaşaraq, geopolitik təşəbbüsü Rusiyanın nəzarətinə qaytarmaq cəhdləri qətiyyən təsadüfi deyil. Hər halda, Rusiya öz tarixində ilk dəfə Cənubi Qafqazdan çıxarılmaq təhlükəsi ilə üz-üzə qalıb. Üstəlik, Kreml indiki situasiyada böyük ölçüdə hazırlıqsız tərəf kimi görünür. Və bu səbəbdən də, Kreml daha qətiyyətli davranmaqla, geopolitik situasiyanı Rusiyanın xeyrinə dəyişməyə nail ola biləcəyinə də hələ ümidini tam itirməyib.
Ancaq Kremldə onu da anlayırlar ki, hazırda Rusiyanın Cənubi Qafqazdakı maraqlarını böyük risk altına salan əsas region ölkəsi rolunda məhz Ermənistan çıxış edir. Yəni, rəsmi İrəvan israrla Rusiyadan uzaqlaşma siyasi kursunu davam etdirməyə çalışır. ABŞ və Qərbin Ermənistana maliyyə və hərbi-siyasi dəstəyi rəsmi İrəvanın Rusiya əleyhinə manevr imkanlarını nisbətən genişləndirir. Və bu səbəbdən də, Kreml ilk növbədə tədricən Qərbin siyasi müstəmləkəsinə çevrilməyə başlayan Ermənistana xəbərdarlıq etmək məcburiyyətində qalıb.
Maraqlıdır ki, Rusiya Xarici İşlər Nazirliyinin rəsmi təmsilçisi Mariya Zaxarova Paşinyan hakimiyyətinin Ermənistanı böyük fəlakətə doğru sürükləyən siyasi kursdan dərhal imtina etməyə çağırıb. Rusiya diplomatiyasının təmsilçisi Kremlin Ermənistanı ABŞ və Qərbə belə asanlıqla, güzəştə getməyəcəyinə, ən həlledici məqamda radikal reaksiya veriləcəyinə də üstüörtülü eyham vurub. Və bu, o deməkdir ki, son vaxtlar Kreml rəsmi İrəvanı vaxtaşırı dolayısı yolla təhdid etmək ehtiyacı duyur.
Rusiya Xarici İşlər Nazirliyinin rəsmisi Ermənistanın ABŞ və Qərb tərəfindən silahlandırılmasının da təhlükəli proses olduğunu vurğulamaqdan özünü saxlaya bilməyib. Halbuki, Kreml onilliklər boyu Ermənistanı silahlandıran tərəf rolunda çıxış edib. Böyük ehtimalla indi rəsmi İrəvanın Kremlin təsir dairəsindən çıxmaq cəhdləri fonunda Ermənistanın silahlandırılması Rusiya üçün əlavə problem faktoruna çevrilməyə başlayıb. Və bu səbəbdən də, Kreml açıq mətnlə bəyan edir ki, Qərbin Ermənistanı silahlandırması son nəticədə Cənubi Qafqazda yeni savaş təhlükəsi yaradır.
Belə anlaşılır ki, Kreml nəhayət, əsl reallığı tam dəqiqliyi ilə dəyərləndirmək qərarına gəlib. Xüsusilə də, ABŞ və Qərbin Ermənistanı silahlandırmaqla, güddüyü əsas məqsədi açıq mətnlə ifadə edir. Çünki ABŞ və Qərbin Ermənistan üzərindən Cənubi Qafqazda sabitliyi pozmağa, hərbi-siyasi xaos vəziyyəti yaratmağa çalışdığı inkaredilməz reallıqdır. Və Qərb siyasi dairələrinin bu məkrli geopolitik oyunları yalnız Azərbaycana deyil, Rusiyaya da ciddi problemlər yarada bilər.
Məsələ ondadır ki, Cənubi Qafqazda növbəti savaşın başlayacağı təqdirdə, ilk növbədə Rusiyanın regional mövqeləri böyük ölçüdə öz əhəmiyyətini itirə bilər. Ukraynada "savaş bataqlığı"na salınmış Kreml üçün Rusiyanın sərhədləri ətrafında daha bir hərbi münaqişə geopolitik kataklizmlər vəd edir. Hər halda, Kremlin Rusiyanın cənub sərhədlərində baş verən hərbi-siyasi hadisələrə müdaxilə imkanları hazırda o qədər də geniş deyil. Və bu baxımdan, Cənubi Qafqazda növbəti savaş Rusiyaya qarşı ikinci cəbhənin açılması effektini də verə bilər.
Onu da nəzərə almaq lazımdır ki, yeni Cənubi Qafqaz müharibəsi əslində, müəyyən mənada, ABŞ və Qərbin bu regiona yerləşməsinə yol aça biləcək əsas hərbi-siyasi faktordur. Əgər, ABŞ və Qərb Ermənistanı yeni müharibəyə hazırlamağa nail olarsa, rəsmi İrəvanı belə bir hərbi avantüraya yönəltmək elə də ciddi çətinlik törətməz. Çünki erməni düşüncə tərzi yalnız "ideoloji xəyallar" üzərində indeksləşib.
Halbuki, erməni düşüncə tərzində "ideoloji xəyallar"ın mümkün nəticələrinin və ya reallaşdırılma variantlarının araşdırılması ilə bağlı vərdiş yoxdur. Yəni, ermənilər adətən, öz absurd "xəyallar"ının böyük dövlətlərin maraqlarına xidmət etməklə, reallaşa biləcəyinə inanmağa meyilli toplumdur. Halbuki, hər dəfə bu səbəbdən ağır zərbələrə məruz qaldıqlarını anlamağa qətiyyən həvəs göstərmirlər. Və Qərb siyasi dairələrinin hazırda Ermənistanı silahlandırması da rəsmi İrəvanı bu baxımdan, tamamilə revanşist "ideoloji xəyallar"ın reallaşa biləcəyinə ümidlındirib.
Bütün bunları nəzərə aldıqda, həm ABŞ və Qərbin, həm də Ermənistanın hərbi-siyasi gərginliyi ortaq şəkildə artırmaq cəhdləri hazırda o qədər də gözlənilməz deyil. Rəsmi İrəvan vaxtilə Rusiyanın dəstəyi ilə Azərbaycana qarşı hərbi işğalçılıq siyasəti yürüdürdü. İndi isə Ermənistan ABŞ və Qərbin dəstəyi və yardımları ilə Azərbaycana qarşı revanşist xəyallar qurmağa çalışır.
ABŞ və Qərb isə Ermənistandan geopolitik alət kimi istifadə edərək, Cənubi Qafqazı qarışdırıb, xaos vəziyyəti yaratmaqla, bu regionda tamamilə yerləşmək niyyəti güdür. Bu baxımdan, Rusiyanın regiondan sıxışdırılıb, çıxarılması məqsədilə həlledici mərhələyə keçid ehtimalı artmış kimi görünür. Və indi Rusiyanın Cənubi Qafqazdakı maraqlarının taleyi Kremlin yaxın vaxtlarda verəcəyi çevik geopolitik qərarlardan birbaşa asılı olacaq.(Musavat.com)
Ötən həftəsonu Ermənistan müstəqillik gününü qeyd etdi. Ölkə rəhbərlərinin bu münasibətlə xalqa müraciətlərində maraqlı nüanslar, etiraflar və ziddiyyətli məqamlar var. Məsələn, baş nazir Nikol Paşinyan bəyan edib ki, demokratiya, tarazlıq və balanslaşdırılmış xarici siyasət sayəsində ölkənin müstəqillik səviyyəsi günü-gündən yüksəlir.“2018-ci ilin xalq, qeyri-zorakı, məxməri inqilabından bu yana bizim bütün qərarlarımızın etalonu müstəqillik, dövlətçilik, demokratiya, bu anlayışların beynəlxalq qaydalar əsasında konkretləşdirilməsi və obyektivləşdirilməsi olub və olmaqda davam edir. Bu prosesdə səhvlərimiz oldu, uğursuzluqlarımız oldu, lakin 2020-ci ildə müstəqilliyimizi itirmək həddinə çataraq, real Ermənistanın strategiyası ilə dövlətimizin davamlılığı ilə bağlı nəzəri tezisini praktiki yola salmaq üçün real imkan əldə etdik”, - Nikol Paşinyan bildirib.
Baş nazirin sözlərinə görə, əsas hədəfi nəzərdən qaçırmamaq vacibdir: “Müstəqillik, dövlətçilik, Ermənistanın öz vətəndaşlarının təhlükəsizliyini, azadlığını və rifahını təmin edən platforma və mexanizm kimi beynəlxalq səviyyədə tanınmış ərazisi 29,743 kvadrat kilometrdir”. İkinci Katolikos Qareginin xalqa müraciəti isə düşmənçilik, kin, nifrət elementləri ilə doludur. Bütün ermənilərin katolikosu təhlükəsizlik məsələlərindən danışarkən bildirib ki, “artsax” işğal olunub" və Ermənistan sərhədlərində sülh qeyri-sabitdir. Katolikos milli, dövlət və ümumbəşəri maraqları prioritetləşdirməyə çağıraraq, “Biz yenidən təhlükəsizlik məsələləri və yeni təhdidlərlə qarşılaşırıq”, - deyib. Prezident Vaaqn Xaçaturyan da dövlətin qarşısında duran vəzifələrin az olmadığını qeyd edərək, əhalini birliyə çağırıb. “Lakin ötən onilliklər də sübut edir ki, birlik, həmrəylik və əzmlə istənilən maneəni dəf etmək olar”, - onun müraciətində deyilir. Göründüyü kimi, Ermənistanda hazırkı vəziyyət daha çox Krılovun hərəsi bir tərəfə çəkən “Balıq, ördək və xərçəng” təmsilindəki vəziyyəti xatırladır. Paşinyan bir söz, Qaregin başqa söz, prezident fərqli fikir söyləyir. Qareginin müraciəti onu göstərir ki, revanşizm və qisasçılıq məğlub olmaq istəmir. İndi əsas sual budur ki, Ermənistanda hansı tərəf ağırlıq qazanacaq?
Professor Qabil Hüseynli hesab edir ki, ağırlıq Paşinyanda olacaq. Onun fikrincə, keşiş Srbazanın aksiyaları göstərdi ki, xalq kilsənin arxasınca getmir. Politoloqa görə, katalikos Qareginin çıxışı da iqtidara divident qazandırır: “Erməni xalqı görür ki, hansı seçimi etməlidir. Biri sülhə, biri revanşa çağırır. Xalq 30 ildən çox kilsəyə inandı və din xadimləri erməniləri faciələrə sürüklədi, indi isə Paşinyanla sabit həyat ümidindədir. Ən azından bunun üçün imkanlar var. Həm Bakı, həm İrəvan bəyan edirlər ki, tarixdə sülhə bu qədər yaxın olmamışıq. O cəhətdən kilsənin son bəyanatları səfehlikdir, populizmdir, kütlə üçün cazibədar görünmür”. Q.Hüseynlinin qənaəti budur ki, Ermənistan hakimiyyəti rəqiblərini ram edə bilib: “Ondan daha yaxşısı olmalıdır ki, xalq iqtidarı dəyişsin. Əgər Paşinyanın qarşısına hər dəfə alternativ kimi kilsə və keçmiş "Qarabağ klanı" çıxacaqsa, o zaman həmişə müxaliflər uduzacaq. Problem onda deyil ki, Paşinyan idealdır, problem rəqiblərinin çox bərbad olması, cinayətkarlar, qana susayanlar olmasıdır".
Professor Rusiya bağlantısı olan qüvvələrin Ermənistanda hakimiyyətə gəlmək perspektivi olmadığını düşünür: “Gərək zorakı üsullara, sui-qəsdə əl atsınlar. Sivil yol və seçkidə qələbə şansları yoxdur. Çünki erməni xalqı bu qüvvələri iqtidarda görüb və onlara növbəti imkanı verməz. İkincisi, Qərb təbliğatı güclənib və nə qədər katalikos belə bəyanatlar verəcəksə, xalq o qədər qopacaq. Ermənilər müharibələrdən yorulublar. Onların "artsax" nağıllarını oxuyan da yoxdur. Ən yaxşı halda Yerablur məzarlığında yığışa bilərlər. Yəni revanşizm heç 10 il sonra da mümkün deyil. Çünki Azərbaycan Ordusu əl-qolunu sallamayıb, güclənir".
“Yeni Müsavat”
ABŞ Konqresində Azərbaycanın Qarabağa “təcavüzü” ilə bağlı aktın müzakirəyə çıxarılması (“Artsax Gəlirlərinin Bərpası Aktı” - red.) Qərbin Ermənistandan istifadə etməklə bölgədə gərginlik yaratmaq ssenarisinin tərkib hissəsidir. Konqresin erməni məsələsi üzrə qrupunun sədr müavini Adam Şiff çıxışında iddia edib ki, Azərbaycanın “artsax” xalqına qarşı davamlı hərəkətləri humanitar fəlakət yaradıb və etnik təmizləməyə bərabər olub.O, “ədalətin təmin olunmasının zəruriliyindən” dəm vurub. Şiffin tələbləri sırasında “Artsax Gəlirlərinin Bərpası Fondu”nun yaradılması da var. Tələbə əsasən bu fond Azərbaycanın müsadirə edilmiş aktivlərini alacaq və daha sonra bu vəsaitləri Azərbaycanın “hərbi hücumu” nəticəsində əmlakı, biznesi və iş yerlərini itirmiş “artsax”dan didərgin düşmüş ermənilərə kompensasiya vermək üçün istifadə edəcək. Həmçinin “köçkün ermənilər”in fonddan təzminat almaq üçün müraciət etməsinə imkan verən sadələşdirilmiş prosesin yaradılmasına çağırış olunur.
Bununla yanaşı, ABŞ-dakı şəxsi aktivləri ələ keçirmək və “artsaxa hərbi hücumda iştirak etmiş və ya dəstək vermiş yüksək rütbəli Azərbaycan nümayəndələrinə və onların yaxın ailə üzvlərinə viza məhdudiyyətlərinin tətbiqi” də tələblər sırasındadır. “Yeni Müsavat” qeyd edir ki, 2024-cü il “Artsax Gəlirlərinin Bərpası Aktı” Frank Pallone, Qreys Napolitano, Linda Sancez kimi ermənipərəst konqresmenlər tərəfindən dəstəklənir. Aydın məsələdir ki, Adam Şiff təkbaşına hərəkət etmir. Bu, ABŞ-ın Azərbaycana qarşı növbəti təxribatıdır. Şiff kimi insanlara Bayden administrasiyası konkret olaraq anti-Azərbaycan hərəkətləri üçün şərait yaradır. Bayden administrasiyası ABŞ və Azərbaycan arasında münasibətləri fəlakətə doğru aparır.
Qeyd etmək lazımdır ki, Azərbaycan bu addımı reallaşacağı təqdirdə cavabsız qoymayacaq və bu, ABŞ-ın Cənubi Qafqaz siyasətinin sonu deməkdir. Bundan sonra ABŞ Cənubi Qafqazdan atılacaq və Azərbaycan ABŞ-ın regiondakı bütün nəqliyyat layihələrini, o cümlədən Mərkəzi Asiyaya çıxışını əngəlləyəcək. Prezident İlham Əliyev Azərbaycanın milli maraqlarını müdafiə etmək siyasətində qətiyyətlidir və ölkəmizin maraqları və suverenliyini heç vaxt qurban verməyəcək. ABŞ-ın Əfqanıstandakı əməliyyatı zamanı olduğu kimi, gec-tez Vaşinqtonun Azərbaycana yenidən ehtiyacı olacaq. Bununla belə, Bayden administrasiyası öz hərəkətləri ilə ikitərəfli münasibətləri bərpası mümkün olmayan çöküşə aparır. “Amerika Birləşmiş Ştatları Konqresinin Tom Lantos İnsan Hüquqları Komissiyasında "Dağlıq Qarabağın süqutundan sonra Azərbaycanda insan hüquqları" adlı dinləmələrin təşkil olunması və çıxış edənlər tərəfindən mövcud olan faktların açıq şəkildə təhrif olunaraq Azərbaycana qarşı əsassız fikirlərin səsləndirilməsi ciddi təəssüf hissi doğurur".
Azad Vətən Partiyasının sədri Akif Nağı “Yeni Müsavat”a qeyd etdi ki, ABŞ və digər Qərb ölkələrinin belə müzakirələr təşkil etməsi demokratiyanın, söz azadlığının üzərindən xətt çəkir: “Avropa Şurasında da belə müzakirələrin aparılması təklif olunur. Bu da Qərbin qərəzli mövqeyindən irəli gəlir və Azərbaycan hər zaman bu addımlara cavab verir. Əgər belə müzakirələr aparırlarsa, bizə qarşı hansısa qərarlar tətbiq etmək niyyətindədirlərsə, ilk növbədə özlərinə zərər vuracaqlar. Azərbaycan erməniləri Qarabağdan çıxarmayıb, sadəcə, öz dövlət suverenliyini bərpa edib, onlara da vətəndaşlıq təklif olunub. Amma kompensasiya tələbi absurd məsələdir, bəs 30 il torpaqlar işğal altında olanda azərbaycanlılara dəymiş maddi-mənəvi zərərin təzminatını kim ödəcəyək? Əksinə, biz xalqımıza dəyən ziyanın ödənməsini tələb edirik”. Partiya sədri vurğuladı ki, Azərbaycan Qərblə normal, bərabərhüquqlu əməkdaşlığın tərəfdarıdır: “Əgər belə davam edəcəklərsə, onqat artıq cavabını alacaqlar, bu zaman da etdikləri özlərinə qarşı çevriləcək. Biz kimsədən çəkinmirik və təzyiqlə heç nə əldə edə bilməzlər. Azərbaycan təzyiqlərə boyun əyəcək dövlət deyil. Digər tərəfdən, biz bilirik ki, erməni milyarderlərin hesabına Konqresə bu mövzular daşınır. Hər halda, ABŞ və Konqres üçün yaxşı hal deyil, utancverici addımlardır. Vaşinqton Bakı ilə olan mühüm tərəfdaşlıq münasibətlərini nəzərə almalıdır”.
Azərbaycan Prezidenti İlham Əliyev sentyabrın 24-də Bakı Ekspo Mərkəzində keçirilən V “ADEX-2024” Azərbaycan Beynəlxalq Müdafiə yubiley və “Securex Caspian” Beynəlxalq Daxili Təhlükəsizlik, Mühafizə və Xilasetmə Avadanlıqları sərgiləri ilə tanış olub.
Yol-xeber.az xəbər verir ki, bu barədə Prezidentin Mətbuat xidməti məlumat yayıb.