 |
|
Bəzi iddialara görə, erməni revanşistlərin indi hərəkətə keçmələrinin əsas səbəblərindən biri məhz ABŞ ilə “Ukrayna bazarlığı”nda müəyyən güzəştlər qaparan Rusiyanın verdiyi “hazırlaşın” təlimatı ilə bağlıdır... Kremlin Ermənistanda hakimiyyətin dəyişdirilməsi üçün “düymə”yə basaraq, Rusiya kəşfiyyatının nəzarətində olan erməni revanşist düşərgəni hərəkətə gətirməyə çalışdığı barədə məlumatlar mövcuddur...
Ölkə.az "Yeni Müsavat"a istinadən xəbər verir ki, dünyada cərəyan edən hərbi-siyasi proseslər Cənubi Qafqaza da təsir göstərməyə başlayıb. Belə ki, Ukraynada “savaş bataqlığı”ndan çıxmaq şansı qazanmaqda olan Rusiya tədricən bu regiona yönəlik siyasi prioritetlərini dəyişməyə cəhd göstərir. Xüsusilə də, Kremldə Cənubi Qafqaza əvvəlki mövqelərdə dönüş ümidləri baş qaldırmaqda olduğu müşahidə edilir. Və belə anlaşılır ki, Rusiya itirməkdə olduğu Cənubi Qafqazı yenidən özünün təsiri altına sala biləcəyinə inanmağa başlayıb.
Onu da qeyd etmək lazımdır ki, Rusiya bir müddət öncəyə qədər Azərbaycanla strateji tərəfdaşlığa can atırdı. Ancaq son vaxtlar Kreml rəsmi Bakıya təzyiq ritorikasına üstünlük verməyə çalışır. Xüsusilə də, Azərbaycana məxsus sərnişin təyyarəsinin Rusiya səmasında raketlə vurulmasından sonra Kreml rəsmi Bakı ilə strateji tərəfdaşlıq münasibətlərini unutmuş kimi görünür. Və hazırda Kreml ənənəvi imperialst hədəfləri çərçivəsində Cənubi Qafqazda hegemonluq şanslarını yenidən sınamağa can atır.
Ancaq buna baxmayaraq, Kremlin Cənubi Qafqaza yönəlik ümidlərində bir az təsələskənliyin olduğu qətiyyən şübhə doğurmur. Xüsusilə də, Rusiyanın Azərbaycana qarşı təzyiq niyyətinə düşməsi real regional situasiya ilə uyuşmur. Çünki Azərbaycan artıq ötən əsrin 90-cı illərində olduğu durumdan tamamilə uzaqlaşıb. İndi Azərbaycan maliyyə-iqtisadi inkişaf mərhələsində olan güclü dövlətdir. Rəsmi Bakı Azərbaycanın ərazi bütövlüyünü bərpa etməyə nail olub. Üstəlik, rus sülhməramlı kontingenti də ölkə ərazisindən çıxarılıb. Və indi güclü orduya malik Azərbaycan Rusiyanın təzyiq mexanizmlərindən kənarda olmaqla yanaşı, Kremldən əlçatmaz məsafəyə qədər uzaqlaşa bilib.
Digər tərəfdən, Azərbaycanın xarici müttəfiqləri də dünya məkanında real siyasi iradə sahibi olan dövlətlərdir. Xüsusilə də, NATO üzvü olan Türkiyə ilə strateji müttəfiqlik Azərbaycanı Rusiya üçün toxunulmaz ölkəyə çevirir. Yəni, Cənubi Qafqaza geri dönmək niyyətinə düşən Kremlin rəsmi Bakıya təzyiq göstərməklə, Azərbaycanı yenidən Rusiyanın təsir dairəsinə salmaq şansları hazırda qətiyyən cəlbedici xarakter daşımır. Və bu baxımdan, Kremlin yersiz ümidləri Rusiya üçün əlavə problemlər də yarada bilər.
Halbuki, eyni situasiya Ermənistana münasibətdə qətiyyən keçərli sayıla bilməz. Belə ki, Rusiya ilə hərbi müttəfiq olsa da, Kremlə arxa çevirib, Qərbə inteqrasiya siyasəti yürüdən rəsmi İrəvanın təzyiqə davamsız zəif nöqtələri kifayət qədərdir. Xüsusilə də, Ermənistan ərazisində Rusiya hərbi bazalarının olması hərbi-siyasi böhran vəziyyətində rəsmi İrəvan üçün əsl fəlakət faktoruna da çevrilə bilər. Və Azərbaycandan fərqli olaraq, Ermənistan iqtisadiyyatının tamamilə Rusiyadan asılı olması da, rəsmi İrəvanı Kreml qarşısında müqavimət immunitetindən məhrum buraxa biləcək amildir.
Eyni zamanda, son vaxtlar rəsmi İrəvanın beynəlxalq himayədarları da Ermənistana dəstək məsələsində əvvəlki intensivliyi qorumağa həvəsli görünmürlər. Belə ki, Bayden administrasiyasının son günlərində Ermənistanın ABŞ-la imzalamağa nail olduğu strateji tərəfdaşlıq barədə saziş indi prezident Donald Trampın dönəmində Ağ Ev üçün kağız parçasına çevrilib. Və Cənubi Qafqaz siyasətini dəyişməyə başlayan ABŞ yeni regional prioritetlərində Ermənistanı əsas tərəfdaş statusunda saxlamaq niyyətindən uzaq görünür.
Təbii ki, belə situasiyada Ermənistan Cənubi Qafqazda yenidən təklənmiş “dövlət” durumuna düşmək təhlükəsi ilə üzləşib. Hər halda, bundan sonra Ermənistanın ABŞ və Qərb tərəfindən əvvəlki səviyyədə dəstəklənəcəyi qətiyyən inandırıcı görünmür. Üstəlik, Tramp administrasiyasının Cənubi Qafqazda Azərbaycana daha çox strateji əhəmiyyət verə biləcəyi də qətiyyən istisna deyil. Və bu baxımdan, hazırda dünyada baş verənlərin Ermənistanda daxili siyasi məkana birbaşa təsir göstərməsi o qədər də gözlənilməz deyil.
Məsələ ondadır ki, revanşist-radikal erməni müxalifəti yenidən ümidlənməyə başlayıb. Bu siyasi-ideoloji düşərgədə hesab edirlər ki, Paşinyan hakimiyyəti Qərbdən aldığı dəstəyi tədricən itirməyə başlayıb. Eyni zamanda, erməni revanşistlər Rusiyanın Ukrayna savaşından çıxa biləcəyi ilə bağlı prosesdən də məmnun görünürlər. Çünki bu, baş verəcəyi təqdirdə, Kremlin erməni reavnşist düşərgəni dəstəkləyəci qənaətindədirlər. Və bu baxımdan, indi əsasən iki tezis üzərindən təbliğata başlayaraq, tam hazırlıq vəziyyətinə keçməyə çalışırlar.
Nə qədər qəribə də olsa, erməni revanşistlər ABŞ və Rusiya arasında Cənubi Qafqaz mövzusunun müzakirə olunduğunu iddia edirlər. Halbuki, son görüşdə hətta əsas gündəm mövzusu hesab olunan Ukrayna böhranının belə, müzakirə edilmədiyi bildirilir. Belə olan təqdirdə, ABŞ və Rusiyanın Cənubi Qafqaz mövzusunu müzakirə etdiyinə yalnız sadəlövhlər, ya da xəyalprərəstlər inana bilər. Və bu uydurma ilə erməni revanşistlər Ermənistan cəmiyyətini yenidən işğalçı ideyalar ətrafında birləşdirməyə cəhd göstərirlər.
Maraqlıdır ki, erməni revanşistlər Paşinyan hakimiyyətinin də Qərbdən daha dəstək almaqda çətinlik çəkdiyini xüsusi olaraq, qabartmağa çalışırlar. Ermənistan cəmiyyətinə açıq mesajlar verilir ki, tezliklə Rusiya yenidən Cənubi Qafqazda hegemon mövqelərə malik olacaq. Nəticədə Kremllə münasibətləri korlanmış Paşinyan hakimuyyətini dəyişmək çətinlik törətməyəcək. Və bu, o deməkdir ki, erməni revanşistlər Rusiyanın dəstəyi ilə Ermənistanda hakimiyyəti ələ keçirtmək şansı qazandıqlarına inanmağa başlayıblar.
Bəzi iddialara görə, erməni revanşistlərin belə ümidlənməsinin əsas səbəblərindən biri də məhz Kremldən aldıqları fəallaşma təlimatı ilə bağlıdır. Hər halda, Paşinyan hakimiyyətinin əleyhdarları ciddi şəkildə Rusiyanın təbliğ olunmasına cəhd göstərirlər. Ona görə də, Kremlin Ermənistanda hakimiyyətin dəyişdirilməsi üçün “düymə”yə basaraq, Rusiya kəşfiyyatının nəzarətində olan erməni revanşist düşərgəni hərəkət gətirmiş ola biləcəyi qətiyyən istisna deyil. Və bu baxımdan, yaxın vaxtlarda Ermənistanda daxili xaosun baş qaldıra biləcəyi tamamilə inandırıcı görünür.
Azərbaycan Prezidenti İlham Əliyev fevralın 19-da Xocalı rayonunun Ballıca kəndində fərdi evlərin və infrastrukturun bərpası sahəsində görülən işlərlə tanış olub, sonra kəndə köçən bir qrup sakinlə görüşüb.
Bu barədə Prezidentin Mətbuat Xidməti məlumat yayıb.
Azərbaycan Respublikasının Prezidenti İlham Əliyev fevralın 19-da Azərbaycan-Özbəkistan birgə müəssisəsi olan Xankəndi tikiş fabrikinin fəaliyyəti ilə tanış olub.AZƏRTAC bildirir ki, dövlətimizin başçısına istehsal müəssisəsi barədə məlumat verildi.
Qeyd edək ki, ərazisi 1,2 hektar olan fabrikin inşası Azərbaycan və Özbəkistan arasında iqtisadi və investisiya əməkdaşlığının dərinləşdirilməsinə dair iki ölkə prezidentlərinin tapşırıqlarına əsasən həyata keçirilib. Layihənin ümumi investisiya dəyəri 11 milyon manat təşkil edir. İndiyədək 5,5 milyon manat investisiya qoyulub. Fabrikin xammal tədarükü üçün birgə sənaye əməkdaşlığı həyata keçirilir. Həmçinin fabrik tam gücü ilə işlədikdən sonra yerli pambıq xammalı əsasında parça toxunması üçün istehsal sahəsinin yaradılması nəzərdə tutulur.
Ümumilikdə burada 800 iş yeri yaradılacaq. Layihənin ilkin mərhələsi üzrə peşəkar təlim almış 300 nəfər hazırda işlə təmin olunub. Müəssisədə əsasən işğaldan azad edilmiş ərazilərə qayıdan və ətraf rayonlarda yaşayan vətəndaşların məşğulluğuna xüsusi diqqət yetirilib.
Müəssisə fəaliyyətə başlayandan bəri 50 minə yaxın idman köynəyi istehsal edilib. Bu il 924 min ədəd köynək istehsalı planlaşdırılır. Gələcəkdə isə Xankəndi tikiş fabrikində ildə 3-5 milyon ədəd müxtəlif trikotaj məhsulları istehsal edilməsi nəzərdə tutulur. Fabrikdə istehsal olunacaq məhsullar müxtəlif ölkələrə də ixrac ediləcək.
Azərbaycan-Özbəkistan birgə müəssisəsi olan Xankəndi tikiş fabriki yüngül sənayenin inkişafı üçün yeni imkanlar açır və ölkələrimiz arasında ənənəvi dostluq, qardaşlıq, iqtisadi tərəfdaşlıq əlaqələrini möhkəmləndirir.
Xatırladaq ki, ötən ilin noyabrında Bakıda keçirilən COP29 tədbiri zamanı Azərbaycan Prezidenti İlham Əliyev və Özbəkistan Prezidenti Şavkat Mirziyoyev tərəfindən videobağlantı vasitəsilə Xankəndi tikiş fabrikinin açılışı olub.
Azərbaycanda bələdiyyələrin qiymətləndirməyə dair səlahiyyəti ləğv edilir.
Bununla bağlı “Qiymətləndirmə fəaliyyəti haqqında” qanuna dəyişiklik edilməsi təklif olunur.
Sənəd Milli Məclisin Hüquq siyasəti və dövlət quruculuğu komitəsinin bugünkü iclasında müzakirə edilib.
Dəyişikliklə bələdiyyə mülkiyyətində olan torpaq sahələri fərdi yaşayış evinin tikintisi üçün bilavasitə satıldıqda onların qiymətləri, habelə hərraca və ya müsabiqəyə çıxarılan bələdiyyə mülkiyyətində olan torpaqların ilkin qiyməti normativ qiymətdən az olmamaq şərtilə bazar məzənnələri nəzərə alınmaqla, “Qiymətləndirmə fəaliyyəti haqqında” qanuna uyğun olaraq müəyyən ediləcək. İndiyə qədər bu qiyməti yerli özünü idarəetmə orqanları müstəqil şəkildə müəyyən edirdi.
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev İsrailin Baş naziri Benyamin Netanyahu ilə görüşüb.
Bu barədə Azərbaycanın İsraildəki səfirliyinin “X” sosial şəbəkəsindəki paylaşımına istinadən xəbər verir.
“Bizim qardaşlığımız və əməkdaşlığımız müstəsna xarakter daşıyır. Biz Qarabağ müharibəsi zamanı azərbaycanlı qardaşlarımıza mənəvi dəstək olduq. 6 fevral zəlzələsində də Azərbaycan bizə dəstək əlini uzatdı. Hazırda Kahramanmaraşda inşa edilən “Azərbaycan məhəlləsi” Türkiyə-Azərbaycan qardaşlığının simvoludur. Biz hər anda Azərbaycanın yanında olacağıq və Türkiyə Prezidenti Rəcəb Tayyib Ərdoğanın da dediyi kimi, bu qardaşlığa heç bir amil xələl gətirə bilməyəcək”.
bunu Türkiyənin Azərbaycandakı səfiri Birol Akgün Azərbaycan və Türkiyə arasında media sahəsində strateji əməkdaşlıq haqqında" Anlaşma Memorandumunun 5 ili: birgə fəaliyyətə baxış, gələcək hədəflər" mövzusunda çıxışı zamanı deyib.
Onun sözlərinə görə, Türkiyədə fəaliyyət göstərən bir sıra şirkətlər bu gün Qarabağın inşasında həvəslə iştirak edir və oradakı layihələrə böyük sərmayələr yatırırlar.
“Ölkələrimiz arasında belə bir media platformasının yaradılmasına göstərilən dəstəyə görə təşəkkür edirik. Biz 44 günlük Vətən müharibəsi zamanı kəndlərin, qəsəbələri və şəhərlərin azad edilməsi xəbərlərini eynilə Azərbaycandakı kimi həyəcanla izləmişdik. Hesab edirəm ki, biz Qarabağ müharibəsi zamanı beynəlxalq aləmdə informasiya müharibəsinin nə qədər böyük önəm daşıdığının şahidi olduq. Bizim hər birimiz qarşılıqlı əlaqələrin inkişafı üçün çalışırıq. Bu yolda mətbuatdan gözlədiyimiz hər iki ölkə barədə xəbərlərin yayılması zamanı son dərəcə diqqətli olmaqdır”, - Birol Akgün əlavə edib.
Səfir əlavə edib ki, Türkiyə-Azərbaycan birliyi dəyişən dünya nizamı fonunda son dərəcə vacibdir.
"Bizim hər birimiz qarşılıqlı əlaqələrin inkişafı üçün çalışırıq. Bu yolda mətbuatdan gözlədiyimiz hər iki ölkə barədə xəbərlərin yayılması zamanı son dərəcə diqqətli olmaqdır", - o qeyd edib.
Səfir əlavə edib ki, qlobal səviyyədə münasibətlərə örnək olan Türkiyə-Azərbaycan əlaqələri bundan sonra daha da inkişaf edəcək və Türkiyə Prezidenti Rəcəb Tayyib Ərdoğanın dediyi kimi, “bu qardaşlığa heç bir amil xələl gətirə bilməyəcək”.
Diplomat qeyd edib ki, Türkiyə-Azərbaycan birliyi dəyişən dünya nizamı fonunda son dərəcə vacibdir: “Bu gün demək olar heç kim heç kimə güvənmir. Belə bir kontekstdə Türkiyə-Azərbaycan birliyinin çox böyük önəmi var. Cənab Prezident İlham Əliyevin də dediyi kimi, Türk dünyası bizim böyük ailəmizdir. Bizim ən böyük siyasi qazancımız ölkələrimiz arasındakı birlik və həmrəyliyin daha da genişləndirilməsidir”.
Azərbaycan Respublikasının Prezidenti İlham Əliyev fevralın 19-da Xankəndi şəhərində Zəfər parkının təməlqoyma mərasimində iştirak edib.
Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 18-də Əsgəran qala-kompleksinin konsepsiya layihəsi ilə tanış olublar.AZƏRTAC xəbər verir ki, mədəniyyət naziri Adil Kərimli və Xankəndi şəhərində, Ağdərə və Xocalı rayonlarında Prezidentin xüsusi nümayəndəsi Elçin Yusubov dövlətimizin başçısına və birinci xanıma layihə barədə məlumat verdilər.
Bildirildi ki, Əsgəran qala-kompleksinin dizayn layihəsi “Mədəni və təbii irs”, “İnfrastruktur və xidmətlər”, “Əyləncə və istirahət”, “Marketinq və təşviqat” olmaqla, 4 istiqaməti əhatə edən konsept üzrə hazırlanıb. Layihəyə əsasən, qalanın konservasiyası, möhkəmləndirilməsi, arxeoloji qazıntıların aparılması və açıq səma altında tarixi parkın yaradılması nəzərdə tutulur.
Qala ərazisində müxtəlif rekreasiya xidmətlərinin də təklif olunduğu yaşayış kompleksinin inşası, daxili yol şəbəkəsinin (piyada və nəqliyyat) hazırlanması planlaşdırılır.
Kompleks ərazisində ilin dörd fəslində festival və mədəni tədbirlərin keçirilməsi, idman, istirahət və əyləncə, ticarət, ictimai iaşə və digər sahələr üzrə müvafiq infrastrukturun yaradılması nəzərdə tutulur.
Xatırladaq ki, Qarabağın hakimi Pənahəli xanın göstərişi ilə inşa olunan XVIII əsrə aid Əsgəran qalası Azərbaycan memarlığının nadir nümunələrindəndir.
Qeyd edək ki, Azərbaycan dövləti xalqımızın milli-mədəni irsinin qorunub saxlanmasına xüsusi diqqət və qayğı göstərir. Torpaqlarımız işğal altında olduğu dövrdə Ermənistan tərəfindən dağıdılan, məhv edilən irsimiz, o cümlədən tarixi, dini abidələrimiz bu gün dövlətimiz tərəfindən təmir-bərpa edilir, yenidən qurulur. Azərbaycanın Birinci vitse-prezidenti Mehriban Əliyevanın rəhbərlik etdiyi Heydər Əliyev Fondu bu işlərə mühüm töhfə verir. Fond tərəfindən bu istiqamətdə aparılan işlərə Şuşada Molla Pənah Vaqifin muzey-məqbərə kompleksinin, Vaqifin büstünün, görkəmli bəstəkar Üzeyir Hacıbəylinin heykəlinin yenidən qurulmasını, eyni zamanda, Mehmandarovların malikanə kompleksinin təmirini, Zəngilan məscidinin tikilməsini, Ağdam Cümə məscidinin bərpasını və s. misal göstərmək olar. Bütün bu işlər, eyni zamanda, bölgənin turizm potensialının inkişafına müsbət təsir göstərir. Bu baxımdan, Əsgəran qala-kompleksinin bərpası, tarixən malik olduğu şöhrətinin özünə qaytarılması xalqımızın çoxəsrlik zəngin mədəniyyətinin, memarlıq və şəhərsalma sənətinin tanıdılmasına xidmət edir.
Azərbaycan Respublikasının Prezidenti İlham Əliyev fevralın 19-da Xankəndi şəhərində əsaslı təmir və bərpadan sonra “Bulud” hotelinin açılışında iştirak edib.
Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 18-də Ağdam şəhərində 1 nömrəli körpələr evi-uşaq bağçasında aparılan tikinti işləri ilə tanış olublar.AZƏRTAC bildirir ki, elm və təhsil naziri Emin Əmrullayev dövlətimizin başçısına və birinci xanıma körpələr evi-uşaq bağçasında görülən işlər barədə məlumat verdi.
Qeyd edildi ki, 160 yerlik körpələr evi-uşaq bağçasının tikintisinə 2023-cü ildə başlanılıb. Zirzəmi və iki mərtəbədən ibarət binanın ümumi sahəsi 2700 kvadratmetrdən çoxdur. Burada müxtəlif otaqlar, uşaqların təlim-tərbiyəsi üçün bütün zəruri şərait yaradılacaq.
