 |
|
Azərbaycanda fevralın 22-də gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Güclü cənub-qərb küləyi gündüz mülayim şimal küləyi ilə əvəz olunacaq.
Havanın temperaturu gecə 4-6° isti, gündüz 11-16° isti olacaq. Atmosfer təzyiqi 755 mm civə sütunundan 759 mm civə sütununa yüksələcək. Nisbi rütubət 55-65 % olacaq.
Azərbaycanın rayonlarında əsasən hava yağmursuz olacaq. Lakin bəzi dağlıq ərazilərdə arabir yağıntılı olacağı, qar yağacağı gözlənilir. Bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 3-7° isti, gündüz 12-17° isti, dağlarda gecə 3-8° şaxta, gündüz 0-3° şaxta olacaq.
Milli Məclisdə elektrik enerjisi üzrə gecə və gündüz tarifləri məsələsi gündəmə gətirilib.
Bununla bağlı sualı Milli Məclisin Təbii ehtiyatlar, energetika və ekologiya komitəsinin iclasında “Elektroenergetika haqqında” yeni qanun layihəsinin müzakirəsi zamanı deputat Məşhur Məmmədov verib.
Onun “Azərbaycanda əhali abunəçilərinə elektrik enerjisi üzrə gecə və gündüz tariflərinin müəyyən edilməsi mümkündürmü?” sualına cavab olaraq Energetika Nazirliyinin Elektrik və istilik enerjisi şöbəsinin müdiri Ələsgər Həsənov belə cavab verib: “Enerji sistemində səmərəliliyin təmin olunması hər zaman nazirliyin marağında olub. Həmişə belə təkliflərlə çıxış etmişik. Amma elektrik enerjisi üzrə gecə və gündüz tariflərini tətbiq etmək sadə məsələ deyil.
Ona görə ki, sayğaclaşdırma buna uyğun qurulmalıdır. Gecə-gündüz tariflərinə keçmək istəsək, bunu hesablayan xüsusi smart sayğaclar olmalıdır”.(Qafqazinfo)
Yol-xeber.az" xəbər verir ki,Bu gün ‘’Azərbaycan Dəmir Yolları’’ (ADY) QSC-nin inzibati binasında nəqliyyat və logistika sahəsi üzrə təcrübə proqramını uğurla başa vurmuş tələbələrlə görüş keçirilib.
ADA Universitetinin biznesin idarə olunması, maliyyə və hüquq fakültələrində təhsil alan ümumilikdə 10 tələbə ADY-nin Transformasiya ofisində 5 aylıq təcrübə proqramında iştirak ediblər.
Qeyd edək ki, müvafiq təcrübə proqramı Rəqəmsal İnkişaf və Nəqliyyat Nazirliyi və ADY-nin birgə təşəbbüsü ilə həyata keçirilib.
Tələbələr qlobal nəqliyyat şəbəkəsinin fəal tərəfdaşı olan ADY-nin həyata keçirdiyi layihələr, beynəlxalq dəhlizlərdə iştirak, yükdaşımaların təşkili, böyük verilənlər bazasının hazırlanması, nəqliyyat sahəsində qanunvericiliyin təhlili, audit işinin təşkili, rəqəmsal transformasiya və s. istiqamətlərdə praktiki bilik əldə ediblər.
Tələbələr adından çıxış edən Nərgiz Məmmədova bildirib ki, təcrübə proqramı çərçivəsində beynəlxalq dəhlizlərdə yükdaşımaların təşkili, dövlət investisiya proqramlarının icrası, dəmir yolu sahəsinin liberallaşdırılması və layihələrin idarə olunması üzrə əldə edilən zəngin təcrübə onların bilik və bacarıqlarını xeyli inkişaf etdirib.
Təcrübə proqramı müddətində qurumun fəaliyyətinə verdikləri töhfəyə görə gəncləri təqdir edən ADY rəhbərliyi onlara gələcək işlərində müvəffəqiyyətlər arzulayıb.
Görüşün sonunda tələbələrə sertifikatlar və xatirə hədiyyələri təqdim olunub.
“Bakı Metropoliteni” QSC-nin sabiq rəisi Tağı Əhmədovun səhhəti yenidən pisləşib.
“Unikal” xəbər verir ki, o, Bakıdakı özəl klinikalardan birinə yerləşdirilib.
Tağı Əhmədov hazırda həmin klinikada müalicəsini davam etdirir.
Qeyd edək ki, T.Əhmədov 1998-2014-cü illərdə “Bakı Metropoliteni” QSC-nin rəisi olub. Son zamanlarda onun ayağında ciddi problem yaranmışdı.
“Fevralın 18-də Almaniyada Münxen Təhlükəsizlik Konfransı çərçivəsində “Dağları aşmaq? Cənubi Qafqazda təhlükəsizliyin qurulması” mövzusunda keçirilmiş plenar iclas Avropa ictimaiyyətinə regionumuzda formalaşmış yeni reallıqlar və tarixi həqiqətlər barədə obyektiv məlumatların çatdırılması baxımından böyük əhəmiyyət kəsb etdi. Bu mövzuda öz fikirlərini bildirən Azərbaycan Prezidenti İlham Əliyev Azərbaycan xalqının müharibənin nə olduğunu, onun insanlara hansı dəhşətləri yaşatdığını öz acı təcrübəsindən yaxşı bildiyini vurğulayaraq, Avrasiyada sülhün bərqərar olunmasını birmənalı dəstəklədiyimizi qeyd etdi. Plenar iclasın bir özəlliyi də Azərbaycan, Gürcüstan və Ermənistan rəhbərlərinin ilk dəfə bir araya gələrək görüşmələrində idi.”Bunu mətbuata açıqlamasında Milli Məclisin deputatı Kamaləddin Qafarov deyib.
Deputat Münxen Təhlükəsizlik Konfransının Azərbaycan-Ermənistan münasibətlərinin normallaşdırılması və iki ölkə arasında sülh sazişinin imzalanması istiqamətində işlərin daha da intensivləşdirilməsi üçün önəmli platforma ola biləcəyini qeyd etdi: “ Prezident İlham Əliyevin qeyd etdiyi kimi, Ermənistan ilə Azərbaycan arasında sülh sazişinin imzalanması ciddi tarixi fikir ayrılığına malik olan bir çox digər ölkələrin də bir araya gəlməsi və düşmənçilik səhifəsinin bağlanması üçün yaxşı nümunə ola bilər. Lakin Ermənistanın baş naziri Nikol Paşinyanın Azərbaycanda inzibati ərazi vahidi kimi mövcud olmayan “Dağlıq Qarabağ” ifadəsini davamlı olaraq işlətməsi, Qarabağda yaşayan ermənilərin blokadaya alınmaları və hansısa humanitar böhranla üz-üzə gəlmələri barədə cəfəng iddiaları bu ölkənin hələ də sülh və mehriban qonşuluq şəraitində yaşamağa hazır olmadığını göstərdi. Beynəlxalq ictimaiyyətin diqqətini Laçın dəhlizi ətrafında cərəyan edən hadisələrə cəlb etməyin vacibliyindən ağız dolusu danışan Paşinyanın, nədənsə, ermənilərin 28 illik işğal dövründə Azərbaycan ərazilərində törətdikləri vəhşiliklərdən, xalqımıza tutulan divanlardan, bu gün Azərbaycana mina xəritələrinin təqdim edilməməsindən bir kəlmə də danışmadı.”
K.Qafarov Prezident İlham Əliyevin verilən bütün suallar və müzakirə edilən məsələlər barədə aydın və sərrast açıqlamalarının Azərbaycanın prinsipial mövqeyini bir daha nümayiş etdirdiyini vurğulayaraq deyib: “İlk növbədə, Prezidentimiz Azərbaycanda Dağlıq Qarabağ kimi inzibati ərazi vahidnin olmadığını və Azərbaycanın suverenliyinə və Konstitusiyasına hörmətlə yanaşmanın zəruriliyini bir daha hər kəsin diqqətinə çatdırmaqla öz haqlı və prinsipial mövqeyini növbəti dəfə ortaya qoymuş oldu. Dövlətimizin başçısı regionda vəziyyətə iki istiqamətli yanaşmanın zəruri olduğunu qeyd etdi. Bunlardan biri Azərbaycanla Ermənistan arasında sülh danışıqları, digəri isə Azərbaycanın Qarabağdakı erməni əhalisi ilə əlaqələri istiqamətidir. Beləliklə, Qarabağda yaşayan ermənilərlə bağlı istənilən məsələnin Azərbaycanın sırf daxili işi olduğu bir daha vurğulanmış oldu. Cənab Prezident konkret faktlar və rəqəmlərlə Qarabağda yaşayan ermənilərin blokadada olmaları barədə cəfəng iddiaların, ümumiyyətlə, heç bir əsası olmadığını növbəti dəfə sübut etdi. Dövlətimizin başçısı Azərbaycanla Ermənistan arasında münasibətlərin normallaşdırılması üçün mövcud platformalara dair verdiyi açıqlamalar da xüsusi maraq doğurmaya bilməzdi. ABŞ dövlət katibi Blinken tərəfindən təşkil olunmuş üçtərəfli görüş zamanı Brüssel prosesinin və üçtərəfli formatın müzakirə edildiyini bildirən Prezident İlham Əliyev bu formatın üçtərəfli yəni, Aİ, Azərbaycan və Ermənistan arasında olduğu barədə ümumi bir anlaşma olduğunu diqqət mərkəzinə çəkdi. Dövlətimizin başçısı Fransanın birtərəfli ermənipərəst mövqe tutduğundan bu ölkənin yeni yaradılmış platformada artıq iştirak etmədiyini bəyan etməsi Azərbaycanın prinsipial mövqeyini bir daha ortaya qoydu.”
Kamaləddin Qafarov İran-Azərbaycan münasibətlərinin normallaşdırılması ilə bağlı Prezident İlham Əliyevin verdiyi açıqlamanın möhkəm məntiqə və ədalət prinsiplərinə əsaslandığından da söz açıb: “İran hökumətinin ölkəmizə və xalqımıza qarşı əsl münasibəti özünü torpaqlarımızın 20 faizinin erməni işğalı altında olduğu 30 il ərzində bütün çılpaqlığı ilə göstərib. İşğal dövründə Azərbaycanın sərvətlərinin ermənilər tərəfindən talan edilməsində bilavasitə iştirakı, işğal altında olan Qarabağda at oynadan separatçılara silah-sursat daşınmasını həyata keçirməsi, minlərlə günahsız insanımızın vəhşicəsinə qətlə yetirilməsinə göz yumması İranın Azərbaycana əsl münasibətini xarakterizə edə biləcək real göstəricilərdir. Yanvarın 27-də səhər saatlarında Tehranda yerləşən Azərbaycan Respublikasının İrandakı səfirliyinə olunan silahlı hücum ölkəmizə qarşı həyata keçirilmiş növbəti qanlı terror aktı idi. Hadisə nəticəsində səfirliyin təhlükəsizliyini təmin edən bir əməkdaş şəhid olmuşdur. Prezident İlham Əliyevin dediyi kimi, bu terror hadisəsindən sonra terrorçunun İran mediasına müsahibə verməsi faktı onun İran siyasi elitasının bəzi nümayəndələri tərəfindən göndərildiyini deməyə tam əsas verir. Buna görə İran hökuməti şəffaf istintaq aparmalıdır, Azərbaycan tərəfinə bu barədə dürüst məlumatlar verilməlidir, terrorçu və onu göndərənlər ədalət mühakiməsi qarşısına çıxarılmalıdır. Yalnız bundan sonra Azərbaycan İranla münasibətlərinin normallaşması məsələsini müzakirə edə bilər.”
Bu gün Novruzun ilk çərşənbəsidir.
Fevral ayının 21-i ilin ilk çərşənbəsi - Su çərşənbəsi qeyd olunacaq.
Su çərşənbəsi ilə Novruz bayramı üçün hazırlıqlar başlayır. İnanclara görə, Tanrı suyu ilk olaraq yaratdığı üçün ilk çərşənbə kimi su çərşənbəsi qeyd edilir. Bəzi mənbələrdə ona “əzəli çərşənbə”, “gül çərşənbə” də deyirlər. Bu çərşənbədə suyun dirilməsi özünü göstərir. Qədim inanclara görə, bu çərşənbə suya tapınma inancı ilə başlayır. İnanca görə, “təzə su”, yəni səhər dan yeri sökülməmiş götürülən köpüklü ağ su min bir dərdin dərmanı sayılır.
Yaz fəslinin gəlişini xəbər verən Novruz bayramı ilin başlanğıcı kimi də qəbul edilir. Məhz buna görə də insanlar sudan onun kimi şəffaf və gözəl bir ilin keçməsini arzulaya bilərlər. İlk tonqalın su çərşənbəsində yandırılması buzların əriməsi, artıq qışın arxada qalmasının göstəricisidir.
Su çərşənbəsində masa üzərinə su qoymaq, masada suyun aşması xeyirliyə yozulur. Əgər süfrənizdə su aşıb tökülərsə, həmin ilin sizin üçün bol bərəkət gətirəcəyi gözlənilir.
Su çərşənbəsi günü lal axan suyun üzərindən keçmək uğursuzluq əlaməti sayılır, həmçinin bu gün övladı olmayan bir qadının başından qırxaçar qabla su töksən, onun övladı dünyaya gələ bilər. Su çərşənbəsində hamının həyətində tonqal qalanır və bayram ovqatının yaxınlaşdığı nəzərə çatdırılır. Həmin gün insanların bir-birinin üzərinə su atması da uğura işarədir.
Qarşıdan gələn Novruz bayramında 5 gün qeyr-iş günü olacaq.
Nazirlər Kabinetinin "2023-cü il üçün Novruz, Ramazan və Qurban bayramları günlərinin müəyyən edilməsi haqqında" Qərarına əsasən, martın 20, 21, 22, 23, 24-ü Novruz bayramı günləri müəyyən edilib.
Azərbaycan Respublikası Əmək Məcəlləsinin 105-ci maddəsinin 2-ci hissəsinə əsasən həmin günlər iş günü hesab edilmir.
Qeyd edək ki, sabah ilk çərşənbə - Su çərşənbəsidir. Fevralın 28-də Od, martın 7-də Hava (Yel), martın 14-də isə axırıncı - Torpaq çərşənbəsi qeyd olunacaq. Novruz bayramı axşamı martın 20-dir.
Sabah, fevralın 21-də Novruz bayramının ilk çərşənbəsidir.
“Report” xəbər verir ki, Su çərşənbəsi ilə qədim bayrama hazırlıqlar başlayır.
İnanclara görə, Tanrı suyu ilk olaraq yaratdığı üçün ilk çərşənbə kimi Su çərşənbəsi qeyd edilir. Bəzi mənbələrdə ona “əzəli çərşənbə”, “gül çərşənbə” də deyirlər. Bu çərşənbədə suyun dirilməsi özünü göstərir. Qədim inanclara görə, bu çərşənbə suya tapınma inancı ilə başlayır. İnanca görə “təzə su”, yəni səhər dan yeri sökülməmiş götürülən köpüklü ağ su min bir dərdin dərmanı sayılır.
Yaz fəslinin gəlişini xəbər verən Novruz bayramı ilin başlanğıcı kimi də qəbul edilir. Məhz buna görə də insanlar sudan onun kimi şəffaf və gözəl bir ilin keçməsini arzulaya bilərlər. İlk tonqalın su çərşənbəsində yandırılması buzların əriməsi, artıq qışın arxada qalmasının göstəricisidir.
Su çərşənbəsində masa üzərinə su qoymaq, masada suyun aşması xeyirliyə yozulur. Əgər süfrənizdə su aşıb tökülərsə, həmin ilin sizin üçün bol bərəkət gətirəcəyi gözlənilir. Su çərşənbəsi günü lal axan suyun üzərindən keçmək uğursuzluq əlaməti sayılır, həmçinin bu gün övladı olmayan bir qadının başından qırxaçar qabla su töksən, onun övladı dünyaya gələ bilər. Su çərşənbəsində hamının həyətində tonqal qalanır və bayram ovqatının yaxınlaşdığı nəzərə çatdırılır. Həmin gün insanların bir-birinin üzərinə su atması da uğura işarədir.
Qeyd edək ki, fevralın 28-də Od, martın 7-də Hava (Yel), martın 14-də isə axırıncı - Torpaq çərşənbəsi qeyd olunacaq. Novruz bayramı axşamı isə martın 20-nə təsadüf edəcək.
Xatırladaq ki, bu il üçün yaz fəslinin Azərbaycana gəlişi martın 21-i Bakı vaxtı ilə saat 01:24:24-ə təsadüf edəcək. Bu zaman gecə ilə gündüz bərabərləşir, Günəş ekliptika üzrə hərəkət edərək ekvatoru kəsib Cənub yarımkürəsindən Şimal yarımkürəsinə keçir və həmin andan Şimal yarımkürəsində yaz fəsli başlayır. Yaz fəslinin uzunluğu 92 gün 17 saat 33 dəqiqə 23 saniyə olacaq.
“Fevralın 14-də telefona, şəhidimin adına bir mesaj gəldi. Baxdım, oxudum, gözlərimə inanmadım. Mesajda deyilirdi ki, “Hörmətli Mahmudov Etibar Aleksandr oğlu, fərdi məşğulluq proqramının tərtib və əldə edilməsi üçün 5 iş günü müddətində Regionl məşğulluq filiallarına və ya xidmət şöbələrinə yaxınlaşmağınız xahiş olunur. Əks halda işsiz kimi qeydiyyatdan müvəqqəti çıxarılacaqsınız”.
Bu sözləri Etikxeber.az-a İkinci Vətən Müharibəsi Şəhidi Etibar Aleksandr oğlu Mahmudovun anası Əsmayə Mahmudova deyib. Mingəçevir sakini olan Əsmayə xanım deyir ki, 2 il 3 ay öncə şəhid olan oğlunun nömrəsini öz telefonunda istifadə edir. Mesaj da elə bu nömrəyə gəlib: Mənim övladım şəhid olub, bunların heçmi dünyadan xəbərləri yoxdur? Bu qədər məsuliyyətsizlik, bu qədər vicdansızlıq olarmı? Şəhidin ruhuna edilmiş hörmətsizlik aradan qaldırılsın, şəhidin ruhundan və məndən üzr istənilsin!”
Qeyd edək ki, Etibar Mahmudov 8 noyabr 2020-ci ildə Qubadlı istiqamətində gedən döyüşlər zamanı həlak olub. Mingəçevir Şəhidlər Xiyabanında torpağa tapşırılıb. Şəhid ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" və "Cəsur döyüşçü" medalı ilə təltif olunub.
Türkiyədə dağıdıcı zəlzələdən zərərçəkən insanlara dəstək məqsədilə Gəncə şəhərindən, Qəbələ, Ağsu, Şəmkir və Goranboydan toplanan humanitar yardımlar 5 TIR tipli yük maşını ilə yola salınıb."Report"un Qərb bürosunun məlumatına görə, ümumi çəkisi 20 800 kiloqram olan hümanitar yardımın tez bir zamanda Bakı-Qazax-Gürcüstan magistral yolu ilə təyin olunmuş ünvana çatdırılması nəzərdə tutulub.
Qeyd edək ki, fevralın 6-da Türkiyənin 10 şəhər və rayonunda qeydə alınan zəlzələ nəticəsində zərər çəkmiş şəxslərə yardım məqsədilə hümanitar yardımların toplanması davam etdirilir.
