 |
|
"WhatsApp” online mesajlaşma platforması yeni funksiyasını təqdim etməyə hazırlaşır.
Bizim.media xəbər verir ki, yeni funksiya ilə artıq qarşı tərəfin sildiyi mesajı yenidən geri qaytarmasını istəmək mümkün olacaq.
Belə ki, mesajlar silindikdən sonra ekranın aşağı hissəsində 'Mesaj silindi' sözləri ilə bildiriş görünəcək.
Onun yanında isə siz mesajı geri qaytarmağa imkan verən "Geri qaytar” butonunu görə biləcəksiniz.
Bu funksiyadan həm qrup mesajlarında, həm də fərdi mesajlarda istifadə etmək mümkün olacaq. Funksiyanın silinən bütün mesajları geri qaytarıb-qaytarmayacağı isə hələlik bilinmir.
Bakının mərkəzində yaradılan və bir neçə gün əvvəl sökülən qanunsuz parklanma yerində ağac əkilib.
Söhbət paytaxtın Nəsimi rayonu, Bülbül prospekti 18-30 ünvanından gedir.
Qeyd edək ki, sosial şəbəkələrdə Bakı şəhəri, Nəsimi rayonu, Bülbül prospekti 18-30 ünvanında ağacların kəsilməsi, parklanma yerinin yaradılması və bunun nəticəsi kimi piyada səkisinin daraldılması barədə məlumatlar yayılmışdı. Ölkə başçısı İlham Əliyevin tapşırığına əsasən, məsələ ilə bağlı müvafiq araşdırmalara başlanılıb. Araşdırmalarla məlum olub ki, qanunsuz parklanma Azərbaycan Respublikası Kinematoqrafçılar İttifaqı tərəfindən yaradılıb.
Buna görə Nəsimi Rayon Bələdiyyəsinin rəhbərliyi vəzifəli şəxs qismində 5 000 manat məbləğində cərimələnib. Daha sonra parklanma yerinin sökülməsinə başlanılıb.
AMEA alimlərin Şuşa səfəri ilə aldadılması məsələsinə münasibət bildirib.
Akademiyada daxil olan açıqlamada deyilir:
"Sosial şəbəkələrdə və bəzi xəbər saytlarında haqqında danışılan Şuşa şəhərinə səfərin və onun təşkilatçılarının keçirdikləri elmi konfransın AMEA-nın vitse-prezidenti, akademik İsa Həbibbəyli ilə, Akademiyanın Humanitar Elmlər Bölməsi və Nizami Gəncəvi adına Ədəbiyyat İnstitutu ilə heç bir əlaqəsi yoxdur".
Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) paytaxt yollarındakı son vəziyyətlə bağlı məlumat yayıb.
Mərkəzdən bildirilib ki, hazırda paytaxt yollarında nəqliyyatın hərəkətində sıxlıq müşahidə edilir:
1. Bakı-Sumqayıt şossesində – Xocəsən yolu ilə kəsişmədən Beynəlxalq Avtovağzalın qarşısına qədər sıxlıq
2. Moskva prospektində - Beynəlxalq Avtovağzalın qarşısından 20 yanvar dairəsinə qədər - əsas və kənar yol sıxlıq
3. Binəqədi şossesində - Biləcəi-Baksol yolu ilə kəsişmədən –mərkəz -Azadlıq prospekti metro stansiyası istiqamətində sıxlıq
4. Rövşən Cəfərov küçəsində - 20 yanvar dairəsindən başlayaraq əsas yolda Ziya Bünyadov prospekti istiqamətində sıxlıq
5. Abdulvahab Salamzadə küçəsində, Tbilisi prospekti ilə kəsişmədən Ziya Bünyadov prospekti ilə kəsişməyədək sıxlıq
6. Ziya Bünyadov prospektində - Böyükşor gölünün yanından Atatürk prospekti ilə kəsişməyə qədər əsas yolda, 20 Yanvar dairəsi istiqamətində sıxlıq
7. Tbilisi prospektində, 20 yanvar dairəsindən izmir küçəsi istiqamətində Ak.Həsən Əliyev küçəsi ilə kəsişməyə qədər sıxlıq
8. Şəfayət Mehdiyev küçəsində Tbilisi prospektinə çıxan hissədə sıxlıq
9. Abbasqulu ağa Bakıxanov küçəsi – İzmir küçəsi ilə kəsişmədən Səməd Vurğun küçəsi ilə kəsişməyədək Türkiyə səfirliyi istiqamətində sıxlıq
10. Heydər Əliyev prospektində - Ağa Neymətulla küçəsi ilə kəsişmədən Heydər Əliyev Mərkəzi istiqamətində kənar yolda sıxlıq
11. Xətai prospekti – Neymət Quliyev küçəsi ilə kəsişmədən Heydər Əliyev prospekti ilə kəsişməyə qədər sıxlıq
12. Ağa Neymətulla küçəsində, Heydər Əliyev prospekti ilə kəsişmədən Nərimanov metrosu istiqamətində sıxlıq
13. Yusif Səfərov küçəsində, Heydər Əliyev Mərkəzinin qarşısında- tunelə girişdən Koroğlu Rəhimov küçəsi istiqamətində sıxlıq
14. 28 may küçəsində Puşkin küçəsi ilə kəsişmədən Rəşid Behbudov küçəsi ilə kəsişməyədək sıxlıq
15. Dilarə Əliyeva küçəsində, Puşkin küçəsi ilə kəsişmədən hər iki istiqamətdə sıxlıq
16. Şəmsi Bədəlbəyli küçəsində Qış parkının yanından Rəşid Behbudov küçəsi ilə ksəişməyədək sıxlıq müşahidə olunur.
Ümumi təhsil müəssisələrində “Son zəng” tədbiri iyunun 14-də keçiriləcək.
Bununla bağlı Təhsil Nazirliyi məlumat yayıb.
Əmrə əsasən, “Son zəng” tədbiri hər bir ümumi təhsil müəssisəsinin həyətyanı sahəsində, həyətyanı sahəsi olmayan ümumi təhsil müəssisələrinin idman və ya akt zallarında təşkil olunacaq.
“Son zəng” tədbirində valideyn komitələri, valideyn-müəllim assosiasiyaları və ictimaiyyətin nümayəndələri iştirak edə bilərlər. “Son zəng” müddətində şagirdlərin təhlükəsizliyinin təmin olunması istiqamətində zəruri tədbirlər görüləcək.
Çimərlik mövsümünün başlamasına az müddət qalsa da əhali hər yay olduğu kimi yenidən hasarlarla üzləşib.
Dəniz sahilinin hasara alınması faktiki olaraq vətəndaşların çimərlik hüququnun əlindən almasını ortaya qoyub.
Xəzər rayon İcra Hakimiyyətinə məsələ ilə bağlı müraciət edildikdə qurumdan bildirilib ki, hasarlanmadan xəbərdar olasalar da, icazəni onlar verməyiblər.
Ətraflı videomaterialda izləyə bilərsiniz:
1991-1997-ci illərdə ölkəmizin ərazi bütövlüyünün müdafiəsi ilə əlaqədar hərbi xidmətdə olarkən xəsarət alması nəticəsində əlilliyi müəyyən edilmiş şəxslərə və onlardan vəfat edənlərin vərəsələrinə birdəfəlik ödəmənin verilməsi üçün hazırlıq işləri artıq yekunlaşır.
Bu barədə müvafiq Komissiyanın iclasında bildirilib.
Komissiyanın sədri, əmək və əhalinin sosial müdafiəsi naziri Sahil Babayev vurğulayıb ki, Prezident İlham Əliyevin 23 dekabr 2021-ci il tarixli Fərmanına əsasən icra olunacaq bu yeni sosial dəstək proqramı müharibə əlillərinin sosial müdafiəsinə daha bir qayğını ifadə edir. Komissiyanın təklifləri təqdim edilib və bu təkliflər əsasında müvafiq qayda təsdiq edildikdən sonra ödənişlərə başlanacaq.
Bildirilib ki, qeyd olunan birdəfəlik ödəmələr də elektron sistem üzərindən, proaktiv təyin olunaraq, nağdsız qaydada müvafiq şəxslərin bank hesabına köçürüləcək.
Aidiyyəti qurumlar tərəfindən 1997-ci il avqustun 2-dək xəsarət alan hərbi qulluqçuların və daxili işlər orqanları əməkdaşlarının, onlardan sığorta ödənişi verilməsinə dair məhkəmə qərarı olan şəxslərin və artıq sığorta ödənişi verilmiş şəxslərin siyahıları əsasında hazırda dəqiqləşdirmələr aparılmaqla ödəniş ediləcək şəxslərin siyahısı müəyyənləşdirilir.
İclasda birdəfəlik ödəmənin verilməsi üçün aparılan hazırlıq işləri müzakirə olunub.
Xatırladaq ki, 1991-1997-ci illərdə ölkəmizin ərazi bütövlüyünün müdafiəsi ilə əlaqədar hərbi xidmətdə olarkən xəsarət alması nəticəsində əlilliyi müəyyən edilmiş şəxslərə veriləcək birdəfəlik ödəmə I dərəcə əlilliyə görə 8800 manat, II dərəcə əlilliyə görə 6600 manat, III dərəcə əlilliyə görə 4400 manat təşkil edəcək.
Onlardan vəfat edən şəxslərin vərəsələrinə də bu ödənişlər veriləcək.
Əmək və Əhalinin Sosial Müdafiəsi naziri Sahil Babayev Xəzər TV-nin müxbirinin sualını cavablandırmaqdan imtina edib.
Nazir jurnalistin qazilərlə bağlı sualına "Yox, ehtiyac yoxdur. İcazə verin, tədbiri yekunlaşdıraq" cavabını verib.
Bakı Şəhər Dövlət Yol Polisi İdarəsinin bölmə rəisi polis polkovniki Vaqif Əsədovun daxili işlər orqanlarında xidmət müddətinin başa çatdığı bildirilir.
Məlumata görə, bu gün onun xidmət müddətinin sonuncu günüdür.
Məsələ ilə bağlı açıqlama verən qurum rəsmisi hazırda işinin başında olduğunu bildirib.
"Hazırda işimin başındayam. Hələ ki bununla bağlı heç bir əmr verilməyib. Bir gün gələn, bir gün də gedər. Onsuz da mənim getməyim barədə hər gün yazırsınız. Amma hələ ki işimdəyəm. Təki hamıya belə bir xidmət nəsib olsun".
Qeyd edək ki, polis polkovniki Vaqif Əsədovun işdən azad olunacağı ilə bağlı xəbəri demokrat.az saytı verib.
Bakıda və Abşeron yarımadasında iyunun 9-da hava şəraiti əsasən yağmursuz keçəcək.
Milli Hidrometeorologiya Xidmətindən verilən məlumata görə, mülayim şimal-qərb küləyi əsəcək.
Havanın temperaturu gecə 18-21° isti, gündüz 25-29° isti olacaq. Bakıda gecə 19-21° isti, gündüz 27-29° isti olacaq. Atmosfer təzyiqi normadan aşağı 756 mm civə sütunu təşkil edəcək. Nisbi rütubət 50-60 % olacaq.
Azərbaycanın rayonlarında sabah bəzi yerlərdə şimşək çaxacağı, fasilələrlə yağış yağacağı gözlənilir. Qərb küləyi ayrı-ayrı yerlərdə arabir güclənəcək.
Havanın temperaturu gecə 17-22° isti, gündüz 31-36° isti, dağlarda gecə 8-13° isti, gündüz 17-22° isti olacaq.