 |
|
Bəzən sürücülərin qanunsuz cərimələndikləri ilə bağlı şikayətlərinə rast gəlirik. Lakin bir çoxu bu cəriməni necə ləğv etdirəcəyini bilmir.
Maraqlıdır, DYP-nin qanunsuz cəriməsindən necə şikayət etmək olar?
Mövzu ilə bağlı Sfera.az-a açıqlama verən vəkil Turan Abdullazadə bildirib ki, bir çox vətəndaş bu məsələdə əsas məqamdan xəbərsizdir.
Onun sözlərinə görə, DYP qanunsuz cərimə edibsə, protokoldan şikayət etmək mümkün deyil:
“Belə ki, məhkəmə protokoldan yox, yalnız qərardan şikayətə baxan qurumdur. Buna görə də mütləq qaydada qərar alınmalıdır. Bundan sonra 20 gün ərzində isə şikayət edilə bilər. Həmin qərarı almaq heç də hər zaman asan olmur. Qərar yalnız DYP-nin veb portalında olur və adətən onu vətəndaş özü istəməsə, vermirlər. Şikayəti yazarkən hansısa vəkilə və ya kitab cümlələrinə ehtiyac yoxdur. Vətəndaş özü baş verən hadisəni yaza və sübutları əlavə edə bilər. Sonda da “cərimənin silinməsini və … tarixdə … qərarın ləğv edilməsini xahiş edirəm” qeyd olunmalıdır. Hadisənin baş verdiyi ərazi üzrə müvafiq məhkəməyə müraciət edilməlidir”.
Bakı-Ağstafa-Bakı marşrutuna artan sərnişin tələbatını təmin etmək məqsədilə bu xətt üzrə 15 və 16 fevral tarixlərində əlavə qatar reysləri təyin ediləcək.
Yol-xeber.az xəbər verir ki, bu barədə Azərbaycan Dəmir Yolları (ADY) QSC məlumat yayıb.
Bildirilib ki, Bakı-Ağstafa-Bakı qatarlarımızla ənənəvi qrafiklə hər gün hər iki istiqamətə səfər etmək mümkündür.
Hərəkət cədvəli və biletlər haqqında məlumatları dəmiryol vağzallarının kassalarından, saytdan (www.ady.az), "ADY Mobile" tətbiqindən və ya 7/24 fəaliyyət göstərən 1822 Əlaqə Mərkəzindən əldə edə bilərsiniz.
“Bu gün özünün beynəlxalq əlaqələrini sürətlə genişləndirən Azərbaycanla əməkdaşlıq dünyanın ən güclü iqtisadiyyata malik olan ölkələri üçün də böyük maraq və önəm kəsb edir. O cümlədən, hazırda Azərbaycanla Çin arasında qarşılıqlı əməkdaşlıq da kifayət qədər uğurla inkişaf edir.”
Bu sözləri mətbuata verdiyi açıqlamasında Milli Məclisin deputatı Kamaləddin Qafarov deyib.
Deputat bildirib ki, ötən il Azərbaycan Prezidenti ilə Çinin Sədri arasında baş tutmuş görüşdən sonra strateji tərəfdaşlıq üzrə müvafiq Bəyannamə qəbul edildi və bu, ölkələrimiz arasında ikitərəfli əlaqələrdə çox mühüm siyasi addımdır.” Cənab Prezident İlham Əliyevin yanvarın 20-də Davosda Çinin CGTN televiziya kanalına müsahibəsində qeyd olunduğu kimi, strateji tərəfdaşlıq çox yüksəksəviyyəli qarşılıqlı etimad, əməkdaşlıq deməkdir. Dövlət başçımızın müsahibəsinin gedişində aparıcı tərəfindən səsləndirilən suallar dövlətlərarası münasibətlərdən başqa, Çin ictimaiyyətinin də Azərbaycana, ölkəmizdə gedən proseslərə marağının kifayət qədər böyük olduğunu deməyə əsas verir. O cümlədən, Azərbaycanın BRICS və Şanxay Əməkdaşlıq Təşkilatı kimi nüfuzlu beynəlxalq təşkilatlarla münasibətdə mövqeyi, ölkəmizin təhlükəsizlik, ticarət, iqtisadi inkişaf nöqteyi-nəzərindən Qlobal Cənubla bağlı aparılan müzakirələrə münasibəti ilə əlaqədar verilən sual ölkəmizin rəyinin beynəlxalq arenada getdikcə daha çox çəkiyə malik olduğunu göstərir. Prezident İlham Əliyev bütün müsahibələrində olduğu kimi, bu suala verdiyi cavabında da prinsipial obyektiv yanaşma nümayiş etdirdi. Qeyd olundu ki, Azərbaycanın həm BRICS-in, həm də dialoq üzrə tərəfdaş statusuna malik olduğu Şanxay Əməkdaşlıq Təşkilatının üzv dövlətləri ilə çox yaxşı və dost münasibətləri var. Bundan başqa, ölkəmizin coğrafi mövqeyi, Cənubi Qafqaz və Xəzər regionunda vahid məqsədlərə verdiyi töhfələr nöqteyi-nəzərindən əhəmiyyətli olacaq. Çin və Mərkəzi Asiya ölkələri ilə Azərbaycanın üzərində fəal iş apardığı məsələlər, həmçinin bağlılıq layihələridir. Çünki Azərbaycan artıq müasir nəqliyyat infrastrukturu ilə Şərqdən Qərbə gedən yol üzərində yerləşir və praktiki nəticələr nöqteyi-nəzərindən çoxlu töhfə verə bilər.”
K.Qafarov qeyd edib ki, cənab Prezident İlham Əliyevin müsahibəsində liderlik barədə yer almış ifadələr bir çox ölkə rəhbərləri üçün əsil örnək ola bilər: “Aparıcının liderlik keyfiyyətləri barədə sualı xüsusilə maraq doğuran məqamlardan biri oldu. Biz CGTN əməkdaşının dilindən belə bir etiraf eşitdik: “Cənab Prezident, hər dəfə Sizinlə danışanda mənə elə gəlir ki, ölkəniz çox güclü təməl üzərində dayanıb.” Əlbəttə ki, bu təməl özü də birlik olmayan yerdə qurula bilməz. Bu birlik isə məhz cəmiyyətin, xalqın Liderinin səyləri nəticəsində formalaşır. Cənab Prezident İlham Əliyevin dediyi kimi, liderlik, əlbəttə ki, böyük bir məsuliyyətdir və ən önəmlisi ondan ibarətdir ki, lider həmişə öz xalqına, öz əhalisinə münasibətdə ədalətli olmalıdır. Heç vaxt xalqına yalan danışmamalısan və xalq bunu yüksək qiymətləndirəcək. Bəzən müəyyən siyasi səbəblər üzündən hakimiyyətə can atan liderlər çoxlu vədlər verir və sonra onları yerinə yetirmir və bu da məyusluğa, inamsızlığa gətirib çıxarır. Bu, dünyanın müxtəlif yerlərində siyasi böhrana gətirib çıxarır. Cənab Prezident həmişə xalqa ədaləti bərpa edəcəyini söyləyirdi və Azərbaycan xalqı da öz Liderinə inanırdı. Sonda bu qarşılıqlı inam və etibar öz nəticəsini göstərdi, Azərbaycan suverenliyini və ərazi bütövlüyünü bərpa etdi” .
Əlilliyə görə verilən müavinətlər artırılacaq.
Xəzər TV bildirir ki, millət vəkili Vüqar Bayramov bildirib ki, dövlət büdcəsindən əlilliyi olan vətəndaşlara iki istiqamətdə ödənişlər həyata keçirilir. Bunlardan biri əlilliyə görə pensiya, digəri isə müavinətdir. Əlilliyə görə pensiyalar yanvardan artırılıb və artımlar fevral ayında ödənilir. Əlilliyə görə verilən müavinətin artırılması üçün isə təkliflər təqdim edilib.
Artımların hansı istiqamətdə və nə qədər olacağı isə Nazirlər Kabineti təklifləri təqdim etdikdən sonra bilinəcək.
Bir sözlə, növbəti mərhlədə sosial müavinətlər və təqaüdlərin artımı müşahidə ediləcək.
Daha ətraflı videomaterialı təqdim edirik.
Bakının bir sıra yollarında tıxac müşahidə olunur.
Bu barədə Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) məlumat yayıb.
Hal-hazırda yollardakı vəziyyət:
1. Heydər Əliyev prospekti, əsas yol, mərkəz istiqamətində;
2. Heydər Əliyev prospekti, köməkçi yol, mərkəz istiqamətində;
3. Bakı-Sumqayıt şosesi, "20 Yanvar" metro stansiyası istiqamətində;
4. Yusif Səfərov küçəsi, mərkəz istiqamətində;
5. Neftçilər prospekti, Yusif Səfərov küçəsi istiqamətində;
6. Koroğlu Rəhimov küçəsi, Gülarə Qədirbəyova küçəsindən Ak. Həsən Əliyev küçəsi istiqamətində;
7. Rəşid Behbudov küçəsi, Mərkəzi Bank istiqamətində;
8. Tbilisi prospekti, "20 Yanvar" metro stansiyasından mərkəz istiqamətində;
9. Ziya Bünyadov prospekti, Müzəffər Nərimanov küçəsi ilə kəsişmədən "20 Yanvar" metro stansiyası istiqamətində;
10. Afiyəddin Cəlilov küçəsi, Yusif Səfərov küçəsi istiqamətində;
11. 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;
12. Üzeyir Hacıbəyli küçəsi, Azadlıq prospekti ilə kəsişməyə qədər;
13. Zərifə Əliyeva küçəsində sıxlıq müşahidə olunur.
Xəbər verildiyi kimi, Azərbaycanda böyük şəhərlərdə prospekt, küçə, meydan və müvafiq ərazi vahidlərinə, metro stansiyalarına yeni adlar veriləcək. Bu barədə məlumat Prezident İlham Əliyevin Sərəncamı ilə təsdiqlənən “Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı Tədbirlər Planı”nda əksini tapıb.
Maraqlıdır, hansı küçələrin, metrostansiyaların adları dəyişdirilə bilər?
"Yol-xeber.az" xəbər verir ki, Globalinfo.az-a danışan nəqliyyat məsələləri üzrə ekspert Yasin Mustafayev deyib ki, həm Bakı, həm də bir sıra şəhərlərdə, rayon mərkəzlərində bəzi küçə və prospektlərə qoyulan adlar öz əhəmiyyətini itirib:
“Müəyyən dövrlərdə qoyulan adlar dəyişdirilsə, daha yaxşı olar. Eyni zamanda bu, metro stansiyalarına da aiddir. “Gənclik”, “Sahil”, “Xalqlar Dostluğu”, “Ulduz” kimi adların yerinə, daha yaxşı seçimlər təklif edə bilərik”.
Ekspert bildirib ki, burada bəzi qəhrəmanların, vətən uğrunda döyüşən, əziyyətləri olan şəxslərin adları nəzərə alınsa, yaxşı olar:
“Ümumiyyətlə, bu addım gözəldir. Həm də “Konstitusiya və Suverenlik İli” ilə əlaqədar verilən qərar necə deyərlər, yerinə düşdü”.
“Azərbaycan Dəmir Yolları” QSC (ADY) fövqəladə hallar zamanı insanların təxliyəsi və təhlükəsizliyinin təmin olunması məqsədilə aidiyyəti qurumlarla birgə maarifləndirici tədbir və təlimlər keçirir.
Yol-xeber.az" xəbər verir ki, Növbəti təlim Yevlax dəmiryol stansiyasının ərazisində ADY və Azərbaycan Respublikası Fövqəladə Hallar Nazirliyinin Aran Regional Mərkəzinin qarşılıqlı fəaliyyət planı çərçivəsində “Nəqliyyat qəzaları zamanı xilasetmə əməliyyatları” mövzusuna həsr olunub.
Təlimə Azərbaycan Respublikası Daxili İşlər Nazirliyinin Yevlax Rayon Polis Şöbəsinin əməkdaşları, Tibbi Ərazi Bölmələrini İdarəetmə Birliyinin Respublika Təcili və Təxirəsalınmaz Tibbi Yardım Mərkəzinin Yevlax rayon təcili tibbi yardim briqadası və rayonun mülki müdafiə qüvvələri cəlb olunub.
ADY-nin Yevlax yanğından mühafizə və fövqəladə hallar qatarlarının da iştirak etdiyi təlim yüksək peşəkarlıqla baş tutub.
ADY sərnişinlərin və yüklərin daşınmasında təhlükəsizliyə, nəqliyyatın mobilliyinin təhlükəsiz təşkil olunmasına xüsusi önəm verir.
Ötən gün Xırdalanda yaşayış binasında baş verən yanğın kirayəşinlərlə bağlı daha bir problemi gündəmə gətirdi. 10 nəfər bina sakininin təxliyə edildiyi hadisəyə səbəbkar alt mərtəbədəki qonşu olduğu bilindi. Sakinlərdən biri yerli mediaya açıqlamasında “kimə gəldi evi kirayə verirlər və dəymiş zərərin kim tərəfindən qarşılanacağı müəmmalıdır”, deyərək narazılığını bildirdi.
Bu konteksdə, maraqlıdır, kirayə verilən evlərdə bədbəxt hadisə olduğu təqdirdə, dəyən zərər kim tərəfindən qarşılanmalıdır? Bu məsələ necə tənzimlənir?
Əmlak məsələləri üzrə ekspert Ramil Qasımzadə Globalinfo.az-a açıqlamasında hər kəsin öz evini sığortalamalı olduğunu bildirib:
“Bununla bağlı sığorta müqaviləsi var və bunun əsasında hər bir vətəndaş öz evini sığortalaya bilər.
Bədbəxt hadisələrdən qorunmaq üçün yalnız bu vasitə ilə hər hansı bir ziyan dəydikdə sığorta tərəfindən bu vəsaitin ödənilməsi təmin edilir, yəni 25 min manata qədər olduqda, 50 manata qədər icbari sığorta ilə ödənilir. Ondan yuxarı olduqda isə bununla bağlı müvafiq icra qurumları və ya məhkəmə tərəfindən qərar çıxarılarsa, bilavasitə günahkar olan şəxs dəyən zərəri ödəməlidir. Kirayəşin və ya ev sahibinin zərəri ödəməsi məsələsinə gəldikdə isə, burada günahkar şəxs kirayəşin olduğu üçün onun tərəfindən dəyən ziyan qarşılanmalıdır. Bunların hamısı isə kirayə müqaviləsində öz əksini tapır. Dəymiş ziyanın ödənilməsi birbaşa icarədarın üzərinə düşür. Ona görə də vətəndaşlar evini kirayə verərkən mütləq qaydada müqavilələr bağlamalıdırlar. Burada isə hər hansı baş verəcək halların sığortalanması üçün tərəflərin məsuliyyəti mütləq olaraq qeyd edilməlidir”.
Vəkil Turan Abdullazadə isə mülki qanunvericiliyə istinad edib. Onun sözlərinə görə, mülki hüquq pozuntusu (delikt) hüquqla və ya qanunla müdafiə edilən başqa şəxsə birbaşa ziyan və ya zərər vurulmasına gətirib çıxaran təqsirli, hüquqa zidd əməldir:
“Delikt törətmiş şəxs mülki hüquq məsuliyyəti daşıyır. Mülki Məcəllənin 1109-cu maddəsində yanğının söndürülməsi zamanı əmələ gəlmiş zərərin əvəzinin ödənilməsi ilə bağlı müddəalar 2005-ci ildə Mülki Məcəllədən çıxarılıb. Həmçinin, Mülki Məcəllənin 21.1-ci maddəsinə əsasən, zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər. Bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Lakin oxşar münasibətləri tənzimləyən 1108-ci maddənin məzmunundan belə başa düşmək olar ki, yanğın zamanı başqa şəxslərə dəymiş zərərin əvəzini yanğının törənməsində təqsiri olan şəxs ödəyir. Belə ki, Mülki Məcəllənin 1108-ci maddəsinə əsasən, ətrafdakılar üçün yüksək təhlükə ilə bağlı fəaliyyəti – nəqliyyat vasitələrindən, mexanizmlərdən, yüksək gərginlikli elektrik enerjisindən, atom enerjisindən, partlayıcı maddələrdən, güclü təsir edən zəhərlərdən və ilaxır istifadə edilməsi; tikinti fəaliyyətinin və onunla bağlı digər fəaliyyətin həyata keçirilməsi və s. nəticəsində mülki hüquq pozuntusu törətmiş fiziki və hüquqi şəxslər yüksək təhlükə mənbəyinin vurduğu zərərin əvəzini ödəməyə borcludurlar”.
Vəkil bildirib ki, mənzil kirayəyə verilibsə və kirayəyə götürənin təqsiri ucbatından yanğın baş veribsə, məsuliyyəti mənzilin mülkiyyətçisi, yəni kirayəyə verən deyil, birbaşa zərər vuran şəxs daşıyır:
“Lakin kirayəyə verən şəxsin qarşı tərəflə kirayə müqaviləsi yoxdursa, işin rəngi dəyişə bilər. Çünki kirayə müqaviləsi yoxdursa, mülkiyyətçi mənzili kirayə verdiyini sübuta yetirməyə bilər. Üstəlik, bu halın mülkiyyətçinin səhlənkarlığı kimi qiymətləndirilməsi mümkündür. Zərərçəkən şəxs həm mənzil mülkiyyətçisinə, həm də kirayə götürənə qarşı məhkəmədə zərərin əvəzinin ödənilməsinə dair iddia qaldıra bilər”.
Süni intellektlə Azərbaycanın Milli Qəhrəmanları, I və II Qarabağ müharibəsi şəhidlərinin videosu hazırlanıb.
TikTok-da paylaşılan videoda Milli Qəhrəmanlar Mübariz İbrahimov, Polad Həşimov, Çingiz Mustafayev, eləcə də II Qarabağ müharibəsi şəhidi Xudayar Yusifzadə, Muxtar Qasımlı, Asəf Ağayevin təsviri yer alıb.
Hazırlanan videoda şəhidlər qara geyimdə və yaxalarında qərənfillə təsvir olunub.
Video qısa zamanda 1.2 milyondan çox baxış toplayıb.
Həmin görüntüləri təqdim edirik:
Hərbi hissələrdə andiçmə mərasimlərinə valideynlər buraxılmayacaq.
Bu barədə Müdafiə Nazirliyindən məlumat verilib.
Bildirilib ki, ölkəmizdə mövsümü xarakter daşıyan respirator virus infeksiyalarına yoluxma halları nəzərə alınaraq adaptasiya dövründə olan gənc əsgərlərin sağlamlığının qorunması məqsədilə hərbi hissələrdə görüşə müvəqqəti məhdudiyyət qoyulub:
"İctimaiyyətdən hərbi qulluqçularımızın sağlamlığına həssaslıqla yanaşmağı, qeyd olunan məhdudiyyəti anlayışla qarşılamağı, xüsusilə andiçmə mərasimləri zamanı hərbi hissələrə gəlməməyi xahiş edirik".