 |
|
Bəzi həkimlər özəl tibb müəssisələri ilə əməkdaşlıq edir və pasiyenti analiz üçün ora yönləndirirlər.
Turkustan.info Xəzər TV-yə istinadən xəbər verir ki, Hətta, elə hallar olur ki, xəstənin əlində analiz nəticəsi olmasına baxmayaraq ondan yenidən müayinədən keçməsini tələb edirlər.
Sakinlər bildirirlər ki, onların artıq xərcə düşməsi ilə nəticələnən bu vəziyyət həkimlərin maddi maraq güdməsindən irəli gəlir. Məsələyə aidiyyəti dövlət qurumunun münasibəti isə çox maraqlıdır.
Bəzən həkimlər pasiyentləri analiz vermək və ya müayinədən keçmək üçün özlərinin istədiyi ünvana yönlənidirir.
Sakinlər bildirirlər ki, hətta bəzən olur ki, qısa müddət əvvəl keçdikləri müayinələrin nəticələrini qəbul etməyən həkimlər pasiyentləri yenidən analiz üçün özəl tibb müəssisələrinə yönləndirir. Orada da analizlər və müayinələr həddindən artıq baha başa gəlir. Sakinlər bu cür hərəkətlərdə həkimlərin maddi marağının olduğunu düşünürlər.
“Sağlamlığa Xidmət” İctimai Birliyinin icraçı direktoru Pərvanə Vəliyeva deyir ki, bəzən analizlərin cavabları köhnə olduğu və həkim pasiyentin son halını öyrənmək üçün yenidən müayinə tələb edir. Bəzən də nəticələrinin dəqiqliyinə əmin olduğu laboratoriayalara yönləndirməli olur. Lakin həkimin maddi maraq güddüyü hallar da az deyil.
Pərvanə Vəliyevanın sözlərinə görə, İcbari Tibbi Sığortanın bütün ölkə üzrə tətbiqindən sonra bu cür hallara yol verilməyəcək. Çünki, həkimin tələb etdiyi müayinələr sonradan monitorinq ediləcək.
Lakin qeyd etmək lazımdır ki, bütün laboratoriyalar müvafiq dövlət qurumlarının nəzarəti altında və tələb etdiyi standartlara uyğun qurulur. Belə olan halda laboratoriyalar arasında “inamsızlıq” məsələsinin ortaya çıxması da qeyri-normal haldır. Kanal əməkdaşları bu cür hallara necə nəzarət olunması ilə bağlı TƏBİB-in mövqeyini öyrənə bilməyib. Qurumdan konkret fakt üzrə cavab verə biləcəklərini qeyd ediblər.
Səfərbərlik və Hərbi Xidmətə Çağırış üzrə Dövlət Xidməti məlumat yayıb.
Məlumatda deyilir:
“Hərbi vəzifə və hərbi xidmət haqqında” qanuna əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar. Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilərin müxtəlif ixtisaslar üzrə təlim toplanışlarına çağırılması həyat keçirilir”. /yeniavaz.com/
Tarixçi Dilavər Əzimli bir neçə gündür sosial şəbəkələrdə müzakirəyə səbəb olan dərsliklərdəki "Arsak" məsələsinə aydınlıq gətirib. "Qafqazinfo" xəbər verir ki, o qeyd edib ki, Arsak ətrafında gedən söz-söhbət millətin böyük əksəriyyətinin tarix bilgisinin zəif olduğunu ortaya qoydu:
"Hətta bəzilərinin ümumiyyətlə, tarix bilgisi yoxdur. Bundan da Ermənistan dərin dövləti uğurla istifadə edir. Biz doğrudan da faciəvi millətik. Təkcə ərazilərimiz deyil, təfəkkürümüz də parçalanıbdır. Ən dəhşətlisi də təfəkkürün dəyişdirilməyə məruz qalmasıdır. Bu təfəkkür heç nəyi qəbul etmək istəmir.
Yazırıq ki, Arsak Ərsak deməkdir. Ərsak Albaniyanın bir vilayəti olubdur. Bunlar yenə də yazırlar ki, VII əsrdə xəritəyə Qarabağ yazın. Hətta bunu internet televiziya kanallarından da səsləndirirlər. Doğrudan da gülməlidir. Bunu oxuyanlar bizə nə deyəcəklər? Deyəcəklər ki, bunlar necə də saxtakar millətdirlər. Bu adamlar qədim Albaniya vilayəti olan Arsakı öz əlləri ilə ermənilərə təhvil verirlər. Onda bütün Albaniyanı da ermənilərə verək. Bunu istəyirsiniz? Ermənistan dərin dövləti də bunu istəyir. Onlar da bizi bura gəlmə kimi verirlər. Yazırlar ki, vəhşi, barbar türklər buralara gəlmədir. Sizlər də bu mövqeyinizlə onların maraqlarına xidmət edirsiniz.
Maraqlıdır ki, bəziləri də iddia edirlər ki, Avropa, Rusiya Arsakı erməni vahidi kimi qəbul edir və biz də bu addan əl çəkək. Qəribə məntiqdir, deyilmi? Cəhənnəmə xaric bunu belə qəbul edir. Elə həmin xaric deyildirmi ki, İran adını rəsmi şəkildə bütün orta əsr mənbələrinə salıbdır. Elə həmin xaric deyimidir ki, Ərməniyyə adını indiki ermənilərə hədiyyə edibdir. İndi biz də onların yazdıqları ilə razılaşmalıyıqmı? Bu nə münasibətdir? Onda gəlin İrəvan da yazmayaq və Yerevan yazaq. Yaxud Xankəndi deyil, Stepanakert yazaq da...
Millətləşmə prosesi gedən zaman biz işğala məruz qaldıq. Bu gün onun izləri bizi hər an qarabaqara izləyir. Tariximizə qarşı hücum edənlər bu gün bu mübahisələri izləyib xəcalət çəkmirlərmi? Burada məni bir məsələ ciddi maraqalandırır. Bu da ondan ibarətdir ki, bizim təfəkkürümüz o qədər işğala məruz qalıbdır ki, öz tarixçilərimizin dediklərini deyil, xarici tarixçilərin dediklərini qəbul edir, öz tarixçilərimizi təhqir edir və onlara “hərşeyşünaslar” deyirik. Bununla da erməni maraqlarına xidmət edirik. Adam yazılan toponimin mənasını anlamadan müəlliflərin üzərinə hücuma keçir, onun fikirlərini də saytlar, internet televiziyaları tirajlayırlar. Bizə düşmən lazım deyildir. Bunlardan soruşan lazımdır: VII əsrdə Azərbaycan ərazilərində erməni vilayəti olubmu? Bunu düşünürsünüzmü? Qanmadığınız bir tarixi məsələ haqqında niyə mənasız mübahisə edirsiniz? Qarabağ adı nə zaman yaranıbdır? Qarabağ atının adı orta əsrlərə qədər mənbələrdə nə adlanır? Qarabağ əraziləri Herodot, Strabon tərəfindən nə adlanıbdır? Azərbaycan ərazilərində dövlət quran saklar, massaqetlər hansı xalqa məxsusdurlar? Şəki, Zaqatala, Balasaqan, Beyləqan da erməni sözüdürmü? Adamı lap əsəbiləşdirirsiniz! Erməni dilində Arsak varmı? Erməni adı etnik addırmı? Bunları bilmədən fikir bildirməyin! Oxuyun, soruşun, sonra yazın!!! Əks halda, ermənilərin maraqlarına xidmət edəcəksiniz!"
Gürcüstandan daha 250 nəfərin Azərbaycana təxliyyəsi həyata keçirilir.
“Report” xəbər verir ki, onların 153-ü Gürcüstan, 93-ü Azərbaycan, 4-ü isə Rusiya vətəndaşıdır.
Həmin şəxslərin ötən gün koronavirusla bağlı verdikləri testlər neqativ nəticələnib.
Təxliyyə olunanların 48 saat etibarlı olan COVID-19 arayışı ilə “Qırmızı körpü” sərhəd-keçid məntəqəsi vasitəsilə Azərbaycana keçmələri təmin olunacaq.
Qeyd edək ki, pandemiya dövrü başlayandan indiyədək Gürcüstandan və ölkədən tranzit keçməklə Azərbaycana 3 minə yaxın şəxsin təxliyyəsi təmin edilib.
19 sentyabr saat 00:00-dan xüsusi karantin rejiminin sərtləşdirildiyi Bakı, Sumqayıt şəhərləri və Abşeron rayonunda ictimai nəqliyyatın fəaliyyətinə tətbiq olunan ikigünlük məhdudiyyət başa çatıb.
"Qafqazinfo"nun məlumatına görə, bu gün saat 06:00-dan etibarən vətəndaşlar fəaliyyətinə icazə verilmiş ictimai nəqliyyat vasitələrindən istifadə edə bilərlər.
Gələn həftə Azərbaycana payız fəsli daxil olacaq.
AMEA Şamaxı Astrofizika Rəsədxanasının verdiyi xəbərə görə, payız fəsli Azərbaycana 22 sentyabr saat 17:30:36-da daxil olacaq.
Bu zaman gecə ilə gündüz bərabərləşəcək.
Azərbaycanda sürücülük vəsiqəsi almaq üçün imtahana şortikdə gedən kişilər binaya buraxılmayıb.
Qafqazinfo verdiyi xəbərə görə, texnobloqqer Fərid Pərdəşünas bildirib ki, bu yaxınlarda sürücülük vəsiqəsi imtahanı üçün Baş Dövlət Yol Polisinin qeydiyyat və imtahan binasına gedib, ödənişi edib imtahan zalına keçmək üçün binaya daxil olanda qapıda dayanan polis onu içəri buraxmayıb:
“Səbəb isə əynimdə şortik olması idi. Qeyd etdi ki, qanunda olmasa da, rəisin şəxsi qərarı ilə şortikdə gələn oğlanlar binanın həyətinə girə bilməzlər, nəinki imtahana. Bu barədə qanunun olmadığını və DYP saytında hər hansı qeydin olmadığını vurğulayanda, bildirdilər ki, bunun üçün qərara ehtiyac yoxdur, içəridə ana, bacı var. Bu ictimai asayişin pozulmasıdır. İçəridə dar şortik geyinən qızları göstərsəm də, polis qətiyyətlə məni oradan uzaqlaşdırdı”.
Baş Dövlət Yol Polisi İdarəsinin mətbuat katibi, polis polkovniki Kamran Əliyev “Qafqazinfo”ya açıqlamasında bildirib ki, geyimlə bağlı heç yerdə dəqiq qadağa yoxdur:
“Amma adi bir restoranlara gedəndə müəyyən geyim formalarında ümumiyyətlə içəri buraxmırlar. Hərçənd ki, ora kommersiya təşkilatlarıdır və oradan qazancları var. Milli mentalitetimizdə də dövlət orqanlarına çəkələklə, şortiklə getmək etik cəhətdən qəbul olunmazdır. Bununla bağlı orada olan qadınlar da şikayət edib narazılıq bildirirdilər ki, şortikli kişilərin gəlib burada oturması etik deyil. Qadın gödək paltar da geyinə bilər, şortik də. Ona heç kim heç nə deyə bilməz, bu onun haqqıdır, onun öz hüququdur. Amma kişilərin bizim cəmiyyətdə qəbul olunmaz formada geyinib gəlməsi uyğun deyil. Bəlkə də hələ o zaman gəlib çatmayıb, bizdə kişilərin belə geyinməsi ictimaiyyət arasında qəbul olunmur. Bu səbəblə kişilərə tövsiyə olunur ki, dövlət qurumlarına uyğun geyimdə gəlsinlər. Bu, bizim istəyimiz yox, bura gələn digər şəxslərin tələbi, müraciəti ilə bağlıdır”.
Milli Hidrometeorologiya Xidməti küləkli hava şəraiti ilə bağlı xəbərdarlıq yayıb.
Xidmətin məlumatına görə, Bakıda və Abşeron yarımadasında sentyabrın 19-u gündüzdən 20-si səhərədək şimal-qərb küləyinin qısa müddətə 15-20 m/s, arabir 23-28 m/s-dək güclənəcəyi gözlənilir.
Bildirilib ki, sentyabrın 19-da Azərbaycanın bəzi rayonlarında qərb küləyinin 15-20 m/s, arabir 25-30 m/s, bəzi Kür vadisi rayonlarda arabir 35 m/s-dək güclənəcəyi, bəzi dağlıq və dağətəyi rayonlarda yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Çaylarda sululuğun artacağı ehtimal olunur.
“Kaspi Təhsil Mərkəzi Əli Həsənovun deyil, əslində Ramiz Mehdiyevin olub”.
Konkret.az-a danışan Müasir Müsavat Partiyasının sədri Hafiz Hacıyev bildirib ki, tək Kaspi Təhsil Mərkəzi deyil, başqa məktəblər də var ki, birbaşa Ramiz Mehdiyevin tapşırığı ilə yaranıb:
“Əli Həsənovun var-dövlətinin hamısının üstü açılacaq. Həsənov onların hər birini Ramiz Mehdiyevin köməkliyi ilə əldə edib. Ramiz Mehdiyev, Əli Həsənov FETÖ-nün, yəni 5-ci kalonun üzvləridir.
Bu gün onlar dövlətə xəyanət etmiş insanlardır. Dövlətin içində dövlət yaratmaq istəyirdilər, onun da üstü açılıb. Hər ikisi də bu gün dirəniş göstərir. Ramiz Mehdiyevin 5-ci məqaləsi bir xanımın adı ilə çap edilib. Təklif edirəm ki, Ramiz Mehdiyev təcili həbs edilsin. Əli Həsənovun bütün var-dövləti FETÖ-nün köməkliyi ilə əldə etdiyi xalqın sərvətləridir.
Hazırda hər ikisi ey-işrət içində qudurğanlıq edir. Düşünürəm ki, onlar təcili həbs edilməsə, ölkədə qarışıqlıq olacaq. Onun üçün də Ramiz Mehdiyev təcili qandallanmalıdır. Abel Məhərrəmov bu gün qərbi azərbaycanlılarla görüşlər keçirib, Ramiz Mehdiyevə tərəfdaş yığmağa çalışır. Bu insanların hər biri dövlətə xəyanət edib, ölkəmizə qarşı koalisiya yaratmağa çalışırlar. Hüquq mühafizə orqanları onlar barəsində ciddi araşdırma aparılmalıdır.
Çünki onlar FETÖ, Rusiya kəşfiyyatı və ermənilərlə münasibətdədirlər”.
Son günlər kuryer xidməti ilə məşğul olan şirkətlərdə çalışan sürücülər motosikleti olduqca kobud şəkildə idarə edirlər. Bu səbəbdən qeydə alınan qəzalarla bağlı rəqəmlər və videogörüntülər var.
Bu barədə oxu.az-a açıqlamasında Bakı Şəhər Baş Polis İdarəsi (BŞBPİ) Dövlət Yol Polisi (DYP) bölmə rəisi, polis polkovniki Vaqif Əsədov məlumat verib. O bildirib ki, kuryer xidməti göstərən motosiklet sürücüləri məhəlləarası yollarda da ehtiyatsız davranırlar:
“Mühərrikin işçi həcmi 50 sm³-ə qədər olan motosikletləri (mexaniki nəqliyyat vasitələrini) idarəetmək üçün sürücülük vəsiqəsi tələb edilmir. Yaşı 18-dən yuxarı olan, hüquqi və fiziki işlə məşğul olan şəxslər bu motosikletlərdən istifadə edə bilir.
Dünyanın inkişaf etmiş ölkələrində bu qaydalar tətbiq edilir. Lakin, ölkəmizdə bu cür motosikleti idarə edən sürücülərimiz yol hərəkəti qaydalarını kobud şəkildə pozmaqdan belə çəkinmirlər. Baş verən yol qəzalarının ağırlıq dərəcələrini nəzərə alaraq, bildirirəm ki, onlar barəsində tədbir görülməlidir”.
V.Əsədov onu da əlavə edib ki, bu gün mühərrikin işçi həcmi 50 sm³-dən çox olmayan 30-dan artıq moped, motosiklet cərimə meydançasındadır:
“Eyni zamanda motosikletlərlə törədilən 18 yol qəza hadisəsi baş verib ki, onlardan da səkkizi ölümlə nəticələnib. Bu kifayət qədər ciddi rəqəmdir. Motosiklet getdiyi yolda sürüşərək dirəyə çırpılıb, sürücü ölüb. Eyni zamanda, qəzalar arasında motosikletin maşına çırpılması, piyadanı vurması ilə bağlı faktlar da var. Bütün bunların görüntüləri mövcuddur və araşdırmalar aparılıb.
Kuryer xidməti göstərən şirkətlərdən xahiş edirik ki, motosiklet sürücülərinə yol hərəkəti qaydalarına riayət etmələrini tapşırsınlar. Digər hərəkət iştirakçılarına mane olacaq davranışlara yol vermək olmaz”.
Bakı-Quba-Rusiya Federasiyası ilə dövlət sərhədi avtomobil yolunun Xırdalan dairəsi yaxınlığında yeni dəmir yolu körpüsünün metal konstruksiyalı aşırım tirlərinin montajına başlanılıb. Bundan öncə körpünün monolit dəmir-beton dayaqlarının inşası aparılaraq yekunlaşdırılıb.
Qeyd edək ki, köhnə dəmiryolu körpüsünün dayaqları yolun hərəkət hissəsində avtonəqliyyat vasitələrinin normal və təhlükəsiz hərəkətinə maneə törətdiyi üçün köhnə körpünün sökülərək əvəzinə yeni biraşırımlı tağlı dəmir yolu körpüsünün inşa edilməsi ilə bağlı qərar qəbul edilib.
Yeni körpünün uzunluğu 68.5 metr, eni isə 12.7 metr təşkil edəcək.
YOLUNUZ AÇIQ OLSUN...
