 |
|
"Ümumdünya Səhiyyə Təşkilatı tibbi maskdan istifadəni tövsiyyə edib. Milli Məclisin Hüquq siyasəti və dövlət quruculuğu komitəsinin onlayn iclasında də tibbi maskadan istifadə tələblərinin pozulmasına görə təklif edilən dəyişiklik müzakirə edilib".
Bunu APA-ya açıqlamasında parlamentin Hüquq siyasəti və dövlət quruculuğu komitəsinin üzvü Kamal Cəfərov bildirib.
Layihə Milli Məclisin plenar iclasına tövsiyə edilib.
Qeyd edək ki, İnzibati Xəar Məcələsinə təklif edlən dəyişikliyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək. Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcək.
K. Cəfərov qeyd edib ki, tibbi maskadan istifadənin zəruriliyini doğru hesab edir: "Çünki bəzi insanlar virus daşıyıcısı olduğu halda bilmir ki, onda virus var. Belə olan halda, onlar bilmədən digər şəxsləri də yoluxdura bilər. Tibbi maskadan istifadəmin əsas məqsəd odur ki, bilmədən ətrafdakıları da virusa yoluxdurmuş olmayasan. Cəmiyyətdə bir sıra fikirlər mövcuddur ki, tibbi maska virusun yayılmasının qarşısını almır, gərək xüsusi respiratorlu bahalı maskalardan istifadə olunsun. Amma bu fikirlər yanlışdır. Həkimlər hesab edir ki, adi tibbi maska belə virus yayılması riskini 90 faizədək azaldır. Ona görə vətəndaşlarımızdan xahiş edirəm ki, şəxsi sağlamlıqları və cəmiyyətin ümumi rifahı üçün Nazirlər Kabineti yanında Operativ Qərargahın müəyyən etdiyi qərarlara əməl etsinlər"
“Hansısa rayonda koronavirus ocağı aşkarlanarsa, o rayonun qapadılması və xüsusi karantin rejiminin tətbiqi mümkündür”.
Bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Nazirlər Kabineti mətbuat xidmətinin rəhbəri İbrahim Məmmədov bildirib.
Onun sözlərinə görə, bu məsələyə selektiv yanaşılacaq.
Nazirlər Kabineti “Xüsusi karantin rejimində tənəffüs yollarını qoruyan fərdi vasitələrdən istifadə tələbləri barədə” qərar qəbul edib.
Qərara əsasən, Azərbaycan Respublikasının ərazisində yeni növ koronavirus (COVID-19) infeksiyasının insanlar arasında kütləvi yayılmasının qarşısının alınması məqsədilə aşağıda qeyd edilən hallarda sosial məsafəni gözləmək (insanlar arası məsafə 1,5-2 metr) şərtilə tənəffüs yollarını qoruyan fərdi vasitələrdən (tibbi maska, parça maska, respirator və sair) istifadə edilməlidir:
- şəhərlərarası (rayonlararası) və şəhərdaxili (rayondaxili) sərnişindaşımada istifadə olunan nəqliyyat vasitələrində (avtobus, taksi, metro, dəmiryolu və s.);
- bazarlarda, qapalı ictimai iaşə, ticarət və xidmət obyektlərində (həmin obyektlərdə göstərilən xidmət növündən asılı olaraq tənəffüs yollarını qoruyan fərdi vasitələrin çıxarılmasının zəruri olduğu hallar istisna olmaqla);
- dövlət orqanlarının (qurumlarının) binalarında vətəndaşların qəbulu və vətəndaşlara xidmət üçün nəzərdə tutulan sahələrdə;
- fiziki və hüquqi şəxslərə məxsus binaların müştərilərə xidmət göstərilməsi üçün istifadə edilən sahələrində;
- açıq sahəli ofislərdə və istehsalat yerlərində;
- tarix və mədəniyyət abidələri hesab edilən qapalı məkanlarda, ibadət yerlərində, elm və səhiyyə müəssisələrində, sosial, mədəniyyət və digər bu kimi qapalı obyektlərdə;
- ictimai nəqliyyat dayanacaqlarında, bilet kassalarının, bankomatların (ATM) və ödəniş terminallarının, ticarət, iş və xidmət obyektlərinin qarşısında növbədə;
- insanların toplaşdığı və yaxın təmasda olduğu açıq havadakı ictimai yerlərdə onlar arasında sosial məsafənin qorunmasının mümkün olmadığı digər hallarda.
Tənəffüs yollarını qoruyan fərdi vasitələrin istifadəsi yeni növ koronavirus (COVID-19) infeksiyasına qarşı digər qoruyucu tədbirləri (gigiyena, sosial məsafə və s.) əvəz etmir və həmin qoruyucu tədbirlərin görülməsi davam etdirilməlidir.
Bu qərardakı tələblərinin pozulması Azərbaycan Respublikasının İnzibati Xətalar Məcəlləsi ilə müəyyən edilmiş məsuliyyətə səbəb olur.
31 may 2020-ci il saat 00:00-dan xüsusi karantin rejimi çərçivəsindəki məhdudiyyətlərin bir qisminin aradan qaldırılmasına qərar verilib.
Nazirlər Kabineti yanında Operativ Qərargah xəbər verir ki, ölkə ərazisində "Binə" və "Sədərək" kimi iri ticarət mərkəzlərinin və “Mall”arın fəaliyyəti bərpa olunur (nəzdindəki uşaq və digər əyləncə mərkəzləri, kinoteatrlar, ictimai iaşə məkanlarının fəaliyyəti istisna olmaqla).
Metodiki tövsiyyələrə əməl edin
İctimai nəqliyyatda koronavirus infeksiyasının (COVID-19) profilaktikasına dair metodiki göstərişlərin icrası ilə bağlı tədbirlər davam etdirilir.
Bu barədə Bakı Nəqliyyat Agentliyindən (BNA) bildirilib.
Məlumata görə, bu çərçivədə "Baku Media Center" ilə birgə “BakuBus” MMC-də 230 ədəd avtobusda (həm daxili, həm də xarici reklam yerində), 109 ədəd dayanacaq məntəqəsində (proses davam edir) və “Koroğlu” Nəqliyyat Mübadilə Mərkəzindəki reklam qurğularında maskadan istifadəni, sosial məsafənin qorunmasını və piyada gəzməyi təşviq edən maarifləndirici materiallar yerləşdirilib.
Həmçinin digər daşıyıcılara məxsus 1 500-ə yaxın avtobusda BNA və TƏBİB-in birgə hazırladığı metodiki göstərişləri təşviq edən maarifləndirici materiallar yerləşdirilib.
Bir daha sərnişinlərimizi COVID-19 infeksiyasının proflaktikasına dair metodiki göstərişlərə əməl etməyə çağırırıq.
Azərbaycanda xüsusi karantin rejiminin müddəti uzadılıb.
Nazirlər Kabineti yanında Operativ Qərargahın bu gün qəbul etdiyi qərara əsasən, sanitar-epidemioloji vəziyyət və Ümumdünya Səhiyyə Təşkilatının tövsiyələri təhlil edilərək ölkə ərazisində xüsusi karantin rejiminin müddəti 15 iyun 2020-ci il saat 00:00-dək uzadılır.
Yeni növ koronavirus (COVID-19) infeksiyası ilə bağlı Azərbaycandakı sanitar-epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin daha bir qisminin mayın 31-dən yumşaldılmasına qərar verilib.
Bu barədə Nazirlər Kabineti yanında Operativ Qərargah məlumat yayıb.
Buna baxmayaraq, bəzi məhdudiyyətlər isə iyunun 15-dək qüvvədədədir. Qərara əsasən, toy məclislərinin təşkili ilə bağlı qadağa da qüvvədə qalır.
Külək 28-33 m/s-dək güclənəcək
Ekologiya və Təbii Sərvətlər Nazirliyi xəbərdarlıq yayıb.
Milli Hidrometeorologiya Xidmətindən verilən məlumata görə, mayın 30-u gündüzdən 31-i axşamadək Bakıda və Abşeron yarımadasında şimal-qərb küləyi 15-20 m/s, arabir 23-25 m/s, 30-da yarımadanın bəzi yerlərində arabir 28-33 m/s-dək güclənəcək.
Mayın 30-31-də Azərbaycanın dağlıq və dağətəyi rayonlarında şimşək çaxacağı, arabir yağış yağacağı, bəzi yerlərdə intensiv olacağı, dolu düşəcəyi gözlənilir. Qərb küləyi 15-20 m/s, arabir 23-25 m/s, ayrı-ayrı yerlərdə arabir 28-33 m/s-dək güclənəcək. /İstiPress/
Piyadalar üçün təhlükəsiz mühit yaranır
Bakı Nəqliyyat Agentliyi (BNA) tərəfindən paytaxtda yolların optimallaşdırılması işləri həyata keçirilir.
Agentliyin Nəqliyyat axınının idarə olunması və təhlili şöbəsinin müdiri Tərlan Səfərov həyata keçirilən işlərlə bağlı “Report”a müsahibə verib:
- Yolların layihələndirməsində əsas prinsiplər nələrdir?
- Avtomobil yolları nəqliyyat axınının intensivliyi, təsərrüfat, inzibati əhəmiyyəti və digər parametrlərə görə dərəcələrə bölünür. Layihələndirmə zamanı da bütün bu amillər, o cümlədən ekoloji, sosial və iqtisadi aspektlər nəzərə alınır və yollar dizayn edilir. Yolların layihələndirilməsində əsas prinsip hər zaman təhlükəsizlikdir. Yollar layihələndirilərkən bütün yol hərəkəti iştirakçıları nəzərə alınmalıdır. Bundan əlavə, yol hərəkətinin təşkili, nəqliyyat vasitələrinin rahat və fasiləsiz hərəkətinin təmin edilməsi də əsas şərtlərdəndir.
- Yollarda rahat hərəkətin təmin edilməsi üçün nələrə ehtiyac var?
- Bunun üçün yollarda hərəkət ən yaxşı şəkildə təşkil edilməli, bütün komponentlər nəzərə alınmalıdır. Yollar yol nişanları, nişanlanma xətləri, məlumat lövhələri, işıqlandırma və digər texniki vasitələrlə təmin olunmalıdır. Yol istifadəçilər üçün maksimum başadüşülən olmalıdır. Eyni zamanda səkilər, velosiped yolları, avtobus zolaqları rahat hərəkətin təmin edilməsi üçün zəruri faktorlardır.
- Piyada rahatlığını təmin edən yollar necə olmalıdır?
- Piyadalar ən həssas yol hərəkəti iştirakçılarıdır. Bu səbəbdən küçələr layihələndirilən zaman hər şey, ilk növbədə, onların təhlükəsizliyinə hesablanmalıdır. Nəzərə almalıyıq ki, sürücü də, sərnişin də səyahətinin bir hissəsini məhz piyada kimi davam etdirir. Ölkəmizdə qüvvədə olan şəhərsalma və tikinti normalarına əsasən, yerli əhəmiyyətli küçə və yollarda, yaşayış məntəqələrində səkinin piyada hissəsinin eni 1,5 metrdən az olmamalıdır.
Eyni zamanda səkilərin hündürlüyü 15 sm olmalı və əlçatanlıq təmin edilməlidir. Piyadaların yollarda rahat hərəkətini təmin etmək üçün tələbata və qanunvericiliyin tələblərinə uyğun olaraq, piyada keçidləri təşkil edilməlidir. Piyada əlçatanlığının təmin edilməsi də yolların və yol infrastrukturunun layihələndirilməsi zamanı nəzərə alınmalı əsas məsələlərdəndir.
- BNA tərəfindən yollarda təhlükəsizliyin və rahatlığın təmin olunması üçün hansı işlər görülüb?
- Agentlik Bakı şəhərində rahatlığın və təhlükəsizliyin artırılması üçün davamlı tədbirlər həyata keçirib. Bu həm yolların layihələndirilməsi zamanı, həm piyada və ictimai nəqliyyat infrastrukturunun təşkili, həm də daşınmalarda təhlükəsiz nəqliyyat vasitələrinin və peşəkar sürücülərin payının artırılması ilə özünü biruzə verib. Təkcə ötən il ərzində Agentlik tərəfindən yol hərəkətinin təşkili ilə bağlı 40-a yaxın küçə və prospektdə layihələr həyata keçirilib, 15 yol kəsişməsində sarı kəsişmə toru tətbiq edilib. Piyadaların rahat hərəkəti üçün ideal səki layihəsi reallaşdırılıb.
Fəaliyyət müddəti ərzində əlçatanlığın və təhlükəsizliyin artırılması məqsədilə 100-dən çox küçə və prospektdə panduslar, tumbalar quraşdırılıb, yeni piyada keçidləri təşkil edilib. Sərnişinlərin rahatlığı üçün ümumilikdə 405 yeni avtobus alınıb, 3 küçə və prospektdə avtobus zolaqları təşkil edilib, müasir standartlara cavab verən Nəqliyyat Mübadilə Mərkəzi istifadəyə verilib. Alternativ nəqliyyat növlərinin inkişafı istiqamətində araşdırmalar aparılıb, velosiped yolları layihələndirilib və nümunə üçün Puşkin küçəsində təşkil edilib.
Yollarda sıxlıqların aradan qaldırılması, hərəkət fasiləsizliyinin təmin edilməsi məqsədilə qanunsuz parklanmya qarşı mübarizə tədbirləri gücləndirilib, bu məqsədlə ən problemli ərazilərdə 100 ədəd kameralar quraşdırılıb. Bütün sadalanan işlər Bakı şəhərində mobilliyin artırılmasına, insanların piyada, yaxud da müxtəlif nəqliyyat növləri ilə rahat, təhlükəsiz hərəkətinə xidmət edir.
- Yolların optimallaşdırılması ilə bağlı daha hansı işlərin görülməsi nəzərdə tutulur?
- Agentlik tərəfindən icrasını gözləyən bir sıra layihələr mövcuddur. Bu il ərzində həmin layihələrin davamlı olaraq icrası planlaşdırılır. Hal-hazırda Yusif Səfərov küçəsinin 28 May və Nizami küçələri ilə kəsişmələrində yeni nizamlanan yolayrıcların yaradılması ilə şərq-qərb koridorunun təşkili istiqamətində işlər görülməkdədir. Bu layihə Yusif Səfərov küçəsinin şərq və qərb hissələrinin əlaqələndirilməsi, Yusif Səfərov küçəsində nəqliyyat sıxlıqlarının aradan qaldırılması ilə axının intensivləşdirilməsi ilə yanaşı, həm də həmin ərazilərdə biznes mühitinin inkişafı, nəqliyyat vasitələrindən ətraf mühitə atılan tullantıların azaldılması baxımından çox mühüm əhəmiyyətə malikdir.
Eyni zamanda Agentlik hazırlanmaqda olan Bakı şəhərinin Baş Planının əsas nəqliyyat tərəfdaşlarındandır. Bu plan çərçivəsində Agentlik tərəfindən Bakı şəhərində yol şəbəkəsinin optimallaşdırılması məqsədilə yeni radial və dairəvi yolların inşası, eyni zamanda alternativ nəqliyyat növlərinin inkişafı ilə bağlı bir sıra təkliflər öz əksini tapıb.
- Yol hadisələrinin və tıxacların yaranmasında yolların modern standartlara uyğun olmasının, optimallaşmamasının payı nə qədərdir?
- Layihələndirmə həm təşkil, həm də təhlükəsizlik cəhətdən çox vacibdir. Səhv layihələndirmələr yollar istifadəyə verildikdən sonra butulka effektlərinin yaranmasına, piyadaların yollarda çətinlik çəkməsinə səbəb ola bilir. Xüsusən küçələr layihələndirilərkən təhlükəsizlik məsələləri nəzərə alınmalıdır. Bakı Nəqliyyat Agentliyi son dövrlərdə layihələndirildiyi Məzahir Rüstəmov və İnqilab İsmayılov kimi küçələrdə bu məsələni xüsusilə diqqətdə saxlayıb. Hər iki küçədə nəqliyyat intensivliyinə uyğun olaraq hərəkət zolaqları müəyyən edilib, səki çıxıntıları hesabına cib tipli parklanma yerləri və təhlükəsiz piyada keçidləri təşkil olunub.
Bu cür layihələndirilmiş küçələrdə sürücülər nəqliyyat vasitəsilərini yüksək sürətlə idarə etməkdən çəkinir, piyadalar üçün daha təhlükəsiz mühit yaranır.
“Bu, ikinci dalğa deyil. Mən həmişə demişəm ki, ikinci dalğa söhbəti yoxdur. Xəstəlik artıb-azala bilər”.
Bunu ölkənin baş infeksionisti Cəlal İsayev son günlər koronavirusun artım statistikasından danışarkən deyib. Cəlal İsayev deyib ki, bu epidemiyanın gediş xüsusiyyətləri belədir: “Bir gün çox olar, bir gün az. İkinci dalğa isə odur ki, epidemiya sönür və birdən-birə qalxır. Əgər insanlar verilən tövsiyələrə əməl eləsələr, xəstələnmələrin sayı azalacaq, əməl etməsələr, yoluxanların sayında artım müşahidə olunacaq”.
Cəlal İsayev qeyd edib ki, xəstəliyin çoxalmasının Bakı ilə rayonların arasında məsafənin açılmasına hər hansı bir təsiri olmaz: “Hər halda bunlar Operativ qərargah tərəfindən müəyyən edilir və qərar verilir. Etibar eləsək ki, insanlar qaydalara əməl edəcəklər, nəqliyyatda maska taxacaqlar, sosial məsafə saxlayacaqlar, o zaman icazə verilsin. Amma mən insanlara o qədər də ümid bağlamıram. Hər şey gözümün qabağındadır. Heç kim sosial məsafə saxlamır, maska taxmır, laqeyd yanaşır. Rayonlardakı vəziyyət təhlil olunandan sonra bu qərarı vermək olar”.