 |
|
Səudiyyə Ərəbistanının Ciddə şəhərində Ukrayna və ABŞ nümayəndə heyətlərinin görüşü başlayıb.
“Bununla bağlı “Kyiv İndependent” məlumat yayıb.
Bildirilib ki, görüş Vaşinqtonun Kiyevə gələcək dəstəyinə və Rusiya-Ukrayna müharibəsini sona çatdırmağa böyük təsir göstərəcək.
Ukraynanı danışıqlarda Prezident Ofisinin rəhbəri Andrey Yermak, xarici işlər naziri Andrey Sibiqa, Prezident Ofisi Aparatı rəhbərinin müavini Pavlo Palisa və müdafiə naziri Rustem Umerov təmsil edir.
ABŞ nümayəndə heyətinə dövlət katibi Marko Rubio və ölkə Prezidentinin milli təhlükəsizlik üzrə müşaviri Mayk Uolts rəhbərlik edir.
Türkiyənin Nevşehir əyalətində bir kənd muxtarı insanları evdə iftar yeməyi qadağan edib.
Bu səbəbdən də Nevşehrin Eğrikuyu kənd camaatı birgə hazırladıqları yeməklərlə birlikdə iftar edirlər. Yeməyin xərcləri də donorlar tərəfindən ödənilir.
Pandemiya dövründə evə yemək verilməsi ilə başlayan təcrübə son 4 ildə kütləvi iftar süfrəsinin açılması ənənəsinə çevrilib. Kənd camaatı gündə 600 nəfərə yemək bişirir, birlikdə iftar edirlər.
Kənd camaatı muxtarın bu qərarından isə məmnundur.
Eğrikuyu kəndi imamı Əli Karataşın sözlərinə görə, bu qayda tətbiq edilməzdən əvvəl yeməklər evlərdə verilirdi. “2021-ci ildən etibarən yeməklər toplu şəkildə verilməyə başlayıb”, - o qeyd edib.
Ramazan ayında evdə iftar süfrəsinin qadağan edildiyini söyləyən kənd muxtarı Nihat Ateş isə bildirib ki, iftar vaxtı mədəniyyət ocağında bir araya gəliblər. “Bir-birindən küsülü olanlar və incik düşənlər də daxil olmaqla, bütün kəndlilər bir yerdə iftar edirlər”, - o bildirib.
“Ukrayna 2014-cü ildən bəri itirdiyi bütün əraziləri geri ala bilməyəcək”.
Bu sözləri ABŞ dövlət katibi Marko Rubio Səudiyyə Ərəbistanına uçan təyyarədə müsahibəsi zamanı deyib.
O qeyd edib ki, Ukrayna tərəfi Rusiya ilə istənilən sülh sazişinin tərkib hissəsi kimi ərazi güzəştlərinə getməli olacaq:
“Hesab edirəm ki, hər iki tərəf bu vəziyyətin hərbi yolla həllinin mümkün olmadığını başa düşməlidir. Ruslar bütün Ukraynanı fəth edə bilməz”.
Onun sözlərinə görə, Rusiya ilə Ukrayna arasında keçiriləcək danışıqlarda Moskvanın hansı güzəştlərə getməyə hazır olduğunu öyrənmək lazımdır.
Qeyd edək ki, Ağ Ev komandası ilə yüksək səviyyəli Ukrayna nümayəndə heyəti arasında danışıqlar bu gün Səudiyyə Ərəbistanında baş tutacaq. ABŞ-nin Yaxın Şərq üzrə xüsusi nümayəndəsi Stiv Vitkoff bildirib ki, qarşıdan gələn görüşdə ərazi məsələləri və təhlükəsizlik təminatlarının müzakirəsi planlaşdırılır.
Ukrayna PUA-larının Moskvaya kütləvi hücumu nəticəsində paytaxtın bütün hava limanlarında məhdudiyyətlər tətbiq edilib.
Bu barədə Federal Hava Nəqliyyatı Agentliyinin nümayəndəsi Artem Korenyako məlumat verib.
Onun sözlərinə görə, Moskvanın Vnukovo, Domodedovo, Şeremetyevo və Jukovski Beynəlxalq Hava Limanları təyyarələrin qəbulu və buraxılması üçün müvəqqəti bağlanıb.
Məlumata görə, Ukrayna ordusu 69 pilotsuz təyyarə ilə Moskva vilayətinə hücum edib. PUA-lar düşdüyü yerlərdə dağıntılara və yanğınlara səbəb olub.
Ukrayna ordusu ötən gecə Rusiya regionlarına pilotsuz uçuş aparatları ilə hücumlar edib.
“Bu barədə məlumatı Rusiya Müdafiə Nazirliyi yayıb.
Bildirilib ki, gecə ərzində regionlar üzərində 337 PUA zərərsizləşdirilib. Onlardan 91-i Moskva vilayətinin üzərində vurulub.
Bu, cari ildə Rusiya ərazisinə edilən ən genişmiqyaslı PUA hücumu olub.
“RİA Novosti”nin məlumatına görə, Moskva vilayətində hücum nəticəsində 1 nəfər həlak olub, daha 5 nəfər isə xəsarət alıb.
Ermənistanda bu günlərdə baş verən oğurluq ən qəribə və qalmaqallı hadisə kimi ölkə tarixinə düşüb. Baş verən hadisə ölkəni şoka salmaqla yanaşı, narahatlıq və qorxu da yaradıb. Belə ki, Ermənistan Daxili İşlər Nazirliyinin Cinayət Polisi Baş İdarəsinin Cinayətlərin Araşdırılması İdarəsinə Metsamor Atom Elektrik Stansiyasının (AES) inzibati ərazisindəki anbarlardan birindən mis, nikel və dəmir boruların oğurlanması barədə əməliyyat məlumatı daxil olub.
Hadisə yerində müəyyən edilib ki, əməliyyat məlumatı doğrudur, oğurluq 18 fevral - 5 mart tarixləri arasında baş verib və AES-ə əhəmiyyətli maddi ziyan dəyib.
Məsələ ilə bağlı Armavir Rayon Polis Şöbəsində sənədlər tərtib edilib və Ermənistan Respublikası İstintaq Komitəsinin Armavir vilayət istintaq idarəsinə göndərilib. Burada hadisə ilə bağlı "Dövlət əmlakının oğurlanması" maddəsi ilə cinayət işi açılıb.
Ermənistanın ən böyük strateji obyektində oğurluq faktının olması ortaya çoxlu suallar çıxarıb. Necə olur ki, "yüksək səviyyədə" qorunan obyektin ərazisindən borular oğurlanır? Axı bu obyekt vacib strateji obyektlər sırasında birinci yerdə qərarlaşıb...
Şübhəsiz ki, obyektin mühafizəsinə belə münasibət Ermənistan hakimiyyətində, onun təhlükəsizlik sistemində xaos və başıpozuqluqdan xəbər verir. Bundan əlavə, əgər bu, həqiqətən belədirsə, səlahiyyətli orqanlar niyə susub və media bu barədə hüquq-mühafizə orqanlarına "yaxın olan" başqa bir KİV-dən xəbər tutur. Belə çıxır ki, stansiyada sabah daha təhlükəli oğurluqlar baş verə bilər.
Ermənistan hakimiyyəti hər zaman iddia edirdi ki, qəza vəziyyətində olan stansiyada təhlükəsizlik yüksək səviyyədə qorunur. İndi isə bəlli olur ki, bütün bunlar növbəti erməni yalanıdır. Özü də bu oğurluq qalmaqalı Ermənistanda ikinci AES-in inşası barədə xəbərlərin fonunda yaşanır. Belə ki, bu günlərdə Ermənistan xarici işlər naziri Ararat Mirzoyan bildirib ki, Ermənistan yeni AES-in tikintisi imkanını müzakirə edir və kiçikmodullu reaktorların xüsusiyyətlərini öyrənir.
"Ermənistan artıq yeni atom elektrik stansiyasının yerinin seçilməsi və sonra tikintisi üçün ilkin proseslərə başlayıb. Hazırda biz kiçikmodullu reaktorların xüsusiyyətlərini ətraflı öyrənirik", - deyə o vurğulayıb.
Oğurluq məsələsi isə Mirzoyanın söylədiklərinin üstündən xətt çəkir. Stansiyada baş verənlər, ilk növbədə, beynəlxalq təşkilatları, o cümlədən Atom Enerjisi üzrə Beynəlxalq Təşkilatı narahat etməlidir.
Metsamor AES-in istismarı yerli hökumətlə "Rosatom servis"in - Rusiya şirkətinin əməkdaşlığı sayəsində uzadılır. Müvafiq qərar ötən ilin dekabrında Ermənistan-Rusiya hökumətlərarası komissiyasının iclasında qəbul edilib.
Ermənistan hökuməti AES-in ikinci enerji blokunun istismar müddətinin 2036-cı ilədək uzadılması proqramının həyata keçirilməsi üçün 65 milyon dollar ayırıb.
Ümumiyyətlə, stansiyanın bütövlükdə region dövlətləri üçün təhlükə olduğu dəfələrlə müxtəlif hesabatlara salınıb, narahatlıq ifadə olunub. Bu günlərdə Türkiyənin Ermənistanla həmsərhəd olan Iğdır vilayətinin sakinləri ötən əsrin 60-cı illərinin sonunda tikintisinə başlanılmış Metsamor AES-in fəaliyyətindən narahatlıqlarını ifadə ediblər. Türkiyə ilə sərhəddən 16 km məsafədə yerləşən köhnə AES-i artıq "saatlı bomba" adlandırılır və qeyd edilir ki, aktiv seysmik zonada fəaliyyət göstərən bu stansiya hər an partlamağa hazır obyektdir.
Ermənistanla yanaşı, Iğdır da ikinci dərəcəli seysmik risk zonasında yerləşdiyinə görə güclü təkanların hər biri köhnə AES-in fəaliyyətinə birbaşa təsir göstərərək region əhalisi üçün ciddi risk mənbəyinə çevrilə bilər. Bu səbəbdən də onun bağlanması çox vacib hesab edilir.
Bu stansiyanı təkcə Türkiyə üçün deyil, digər region dövlətləri üçün də təhlükə hesab edirlər. Məsələ humanitar və ekoloji təşkilatların, eləcə də Avropa İttifaqının daimi diqqət mərkəzində olmalı olduğu halda, problemə biganəlik nümayiş etdirilir. Sovet dövründən qalan bu atom elektrik stansiyasının texnologiyaları bütün region üçün təhlükədir.
Eyni zamanda, Ermənistanda nüvə reaktorunu soyutmaq üçün kifayət qədər su ehtiyatı yoxdur. AES-də baş verəcək hər hansı qəza Cənubi Qafqazdan çox kənarda yerləşən ərazilərdə onkoloji xəstəliklərin artmasına və doğum səviyyəsinin azalmasına səbəb olacaq.
Şərqi Anadolu da daxil olmaqla, seysmik proseslərin güclənməsi fonunda AES-in tezliklə bağlanması üçün İrəvana təzyiq göstərilməsi zəruridir.
Ermənistanda atom elektrik stansiyasının tikintisi barədə qərar 1967-ci ildə qəbul olunub. Onun tikintisinə 1969-cu ildə başlanılıb və 1976-cı ilin dekabrında istismara verilib. Bu da bir faktdır ki, təhlükəsizlik meyarlarına cavab verməyən nüvə reaktorları daim fəlakətlərə səbəb olub. Azərbaycanda vətəndaş cəmiyyətinin nümayəndələri, bir neçə qeyri-hökumət təşkilatları dəfələrlə Nüvə Enerjisi Sammitinə həmin atom stansiyasının fəaliyyətinin dayandırılması ilə bağlı müraciət ünvanlayıb. Üstündən neçə illər ötsə də, Çernobıl AES-də baş verən qəzadan bu gün çoxlu insan əziyyət çəkir. Metsamor təhlükəsi də "Damokl qılıncı" kimi regionun başı üzərindədir.
Digər təhlükəli bir məsələ ondan ibarətdir ki, Metsamor AES-in tullantılarının yerləşdirildiyi poliqonlar artıq dolub və yeni nüvə tullantıları poliqonunun yaradılması göstərir ki, ölkədə bu tullantıların yerləşdirilməsi ilə bağlı ciddi problemlər mövcuddur.
Qeyd edək ki, Metsamor AES ən köhnə nüvə texnologiyası ilə inşa edilməklə yanaşı, dünyada ən təhlükəli stansiya hesab edilir. Müəssisənin istismar müddəti artıq çoxdan başa çatıb. İstismara verilərkən 30 il ərzində istifadə edilməsi nəzərdə tutulsa da, bu müddət artıq 40 ili keçib. Ona görə də onun fəaliyyətinin dayandırılması mütləqdir.
Metsamor AES-in istismar müddətinin başa çatması ilə bağlı Azərbaycan Prezidenti İlham Əliyevin də dəfələrlə ortaya qoyduğu mövqeyə, ictimai birliklərin və qeyri-hökumət təşkilatlarının təmsilçilərinin beynəlxalq təşkilatlarda müzakirələr zamanı səsləndirdikləri fikirlərə baxmayaraq, Ermənistan bu məsələyə ciddi yanaşmayıb və onun həllinə nail olunmayıb.
Odur ki, öz xalqının, eləcə də region dövlətlərində yaşayan xalqların nüvə təhlükəsizliyini nəzərə almayan Ermənistan hakimiyyəti yalnız birgə qlobal səylərlə Metsamor AES-in fəaliyyətini dayandırmağa məcbur edilə bilər. Beynəlxalq birlik isə hələ ki susmaqda davam edir.
"Report" İnformasiya Agentliyi
Afrikadan qovulmuş, iqtisadiyyatı böhran mərhələsinə keçid etmiş Fransa Avropa Birliyinin hərbi müdafiə vəsaitlərini ələ keçirtməkdə israrlıdır... Rəsmi Parisin “fırıldaqçılıq ssenarisi” baş tutarsa, Avropa Birliyinin kənar hərbi təhdidlərə qarşı müdafiəsiz qala biləcəyi qətiyyən istisna deyil...
Ölkə.Az musavat.com-a istinadən bildirir ki, Avropa Birliyi məkanında Rusiya xofu ən yüksək həddə çatıb. Belə ki, “qoca qitə” dövlətləri Ukraynanın hərbi məğlubiyyətinin Avropa Birliyi üçün böyük fəlakətlərə yol aça biləcəyindən ciddi şəkildə narahatdırlar. Əsas arqumentlər ondan ibarətdir ki, Rusiyanın güclü hərbi-sənaye kompleksi mövcuddur. Ona görə də, Ukrayna savaşından sonra Rusiya hərbi itkilərini sürətlə bərpa etmək şansı qazana bilər. Yəni, Rusiyanın silah-sursat və hərbi texnika istehsalının qısa müddətdə onun ordusunun döyüş qabiliyyətini yüksəltməyə imkan verə biləcəyi ehtimal edilir. Və Avropa Birliyi ölkələri hadisələrin belə inkişafına hələlik qətiyyən hazır deyillər.
Onu da qeyd etmək lazımdır ki, Almaniya və Fransa başda olmaqla, bəzi Avropa ölkələri “qoca qitə”nin real hərbi təhlükə qarşısında olduğuna şübhə etmirlər. Almaniyanın hərbi dairələri hətta yaxın gələcəkdə Rusiya ilə müharibənin qaçılmaz olacağını iddia edirlər. Ona görə də, alman hərbi analitiklər Avropa Birliyini sürətlə savaşa hazırlaşmağa çağırırlar. Üstəlik, onların fikrincə, belə bir hazırlıq üçün o qədər də çox zaman yoxdur. Və Ukrayna savaşı yaxın aylarda dayandırılarsa, Avropanın yeni savaş alovuna bürünməsi hər an baş verə biləcək təhlükəyə çevriləcək.
Bütün bunları nəzərə alan Avropa ölkələri Ukraynaya hərbi dəstəyin davam etdirilməsinin “qoca qitə”nin gələcək taleyi üçün vazkeçilməz variant hesab edirlər. Onların qənaətinə görə, Ukraynaya dəstək Avropa Birliyinə müharibə hazırlığı üçün zaman qazandıra bilər. Yəni, Avropa ölkələri üçün indi Tramp-Putin sövdələşməsinin pozulması və Ukrayna savaşının nəyin bahasına olursa-olsun, uzadılması xüsusi əhəmiyyət daşıyır. Və bu baxımdan, ABŞ-ın Ukrayna savaşının dayandırılmasına yönəlik cəhdlərinə müqavimət göstərilməsi qətiyyən gözlənilməz deyil.
Maraqlıdır ki, Tramp-Putin sövdələşməsindən sonra Kremldə də Ukrayna savaşının məhz Rusiyanın mənafeyinə uyğun şərtlər çərçivəsində dayandırılacağına əminlik yaranıb. Ancaq Kremldə indi daha çox “qoca qitə” ölkələrinin mövqeyidən, onların Ukraynaya hərbi dəstəyi davam etdirmək niyyətindədn ciddi şəkildə narahatdırlar. Ona görə də, Rusiya siyasi dairələri Avropa Birliyi, Böyük Britaniya və Fransanı Tramp-Putin sövdələşməsinin reallaşması qarşısında əsas əngəl olaraq, görürlər. Və onları “sülh prosesi” pozmaq, Ukrayna savaşını uzatmaq cəhdlərində suçlayırlar.
Məsələ ondadır ki, Böyük Britaniya Ukraynaya hərbi texnika göndərməkdə və maliyyə dəstəyi ayırmaqda davam edir. Eyni zamanda, Avropa Birliyi də üzv dövlətlərin hərbi təhlükəsizlik xərcləri üçün 800 milyard avrodan artıq maliyyə vəsiti ayırıb. Avropa Komissiyasının rəhbərliyi öz fəaliyyətini “qoca qitə”nin silahlandırılması və müdafiə sisteminə trasformasiya prinsiplərinə uyğunlaşdırmaq niyyətindədir. Yəni, Avropa məkanında yeni və genişmiqyaslı hərbi layihələrin icrasına başlanılmaqdadır. Və bu proses iştirakçı dövlətlər arasında müəyyən ziddiyyətlərlə də müşayiət olunmaqdadır.
Bəzi məlumatlara görə, Almaniya Türkiyənin Avropa Birliyi məkanının təhlükəsizlik sistemi üçün vazkeçilməz hərbi-siyasi tərəfdaş olduğunu xüsusi olaraq, qabardır. Rəsmi Berlin hesab edir ki, Türkiyə özünün güclü və yüksək döyüş qabiliyyətli ordusu ilə “qoca qitə”nin təhlükəsizliyində həlledici rol oynamaq imkanındadır. Üstəlik, Türkiyənin ən müasir hərbi texnika növlərinin istehsalı ilə diqqəti çəkən hərbi-sənaye kompleksi də olduqca önəmli faktordur. Və bu səbəbdən də, Almaniya Avropa Birliyi ölkələrinin hərbi təhlükəsizlik sistemində, eləcə də, bu sahəyə ayrılmış maliyyə vəsitinin xərclənməsində Türkiyəyə xüsusi yer ayrılmasında israr edir.
Ancaq bu məsələ Almaniya və Fransa arasında ciddi ziddiyyətlər doğurmağa başlayıb. Belə ki, rəsmi Paris Almaniyadan fərqli olaraq, Türkiyənin bu prosesdən tamamilə kənarda saxlanmasına çalışır. Fransa rəsmi dairələri Türkiyəni olduqca ciddi rəqib statusunda görür və bu səbəbdən də “qoca qitə”nin silahlandırılması prosesinə buraxılmasına qarşı çıxır. Rəsmi Paris bu məsələdə Avropa Birliyi ölkələrindən daha çox, yalnız Fransanın maraqlarından çıxış edir. Və bu fransız eqoizmi yaxın gələcəkdə Avropa Birliyi üçün real təhlükələr törədə bilər.
Makron hakimiyyəti bir tərəfdən Avropa məkanında liderlik etməyə can atır. Digər tərəfdənsə, Fransa hərbi-sənaye kompleksinin istehsal etdiyi silahları Avropa ölkələrinə satmaq niyyəti güdür. Yəni, rəsmi Paris Avropa Birliyinin hərbi tərhlükəsizlik xərcləri üçün üzv dövlətlərə ayırdığı 800 milyard avroluq maliyyə vəsitinin məhz Fransaya axışını təmin etmək planı qurmaqdadır. Halbuki, Fransa hərbi-sənaye kompleksinin istehsal etdiyi silahlar müasir tələblərdən geri qalır. Və belə hərbi texnika ilə silahlanmış Avropa ordularının döyüş qabiliyyətinin ciddi suallar yaradacağı qətiyyən şübhə doğurmur.
Bütün bunlara baxmayaraq, Afrikadan qovulmuş, iqtisadiyyatı böhran mərhələsinə keçid etmiş Fransa Avropa Birliyinin hərbi müdafiə vəsaitlərini ələ keçirtməkdə israrlıdır. Rəsmi Paris buna nail olacağı təqdirdə, Fransa iqtisadiyyatını çökmə təhlükəsindən xilas edə biləcəyinə ümid bəsləyir. Yəni, Makron hakimiyyəti, imkan veriləcəyi təqdirdə, Fransanın maraqları üçün Avropa Birliyini fırıldaqçılıq yolu ilə talamaq niyyəti güdür. Və rəsmi Parisin bu “talançılıq planı” baş tutarsa, Avropa Birliyinin kənar hərbi təhdidlərə qarşı müdafiəsiz qala biləcəyi qətiyyən istisna deyil.
Suriya hökuməti ilə YPG terror qruplaşması arasında razılıq sənədi imzalanıb.
Bu barədə Suriyanın Prezident Administrasiyası məlumat yayıb.
Sənəd səkkiz maddədən ibarətdir. Mətndə göstərilir ki, dini və etnik mənsubiyyətindən asılı olmayaraq bütün suriyalıların dövlət qurumlarında təmsil olunmaq və səlahiyyətləri əsasında siyasi proseslərdə iştirak etmək hüquqlarının təmin edilməlidir. Həmçinin qeyd olunub ki, kürd icması Suriya dövlətində vacib bir cəmiyyətdir və Suriya dövləti kürd icmasının vətəndaşlıq hüquqlarını və bütün konstitusiya hüquqlarını təmin edir. Razılığa görə, bütün Suriya ərazisində atəşkəs təmin olunmalıdır. Suriyanın şimal-şərqindəki bütün mülki və hərbi qurumların sərhəd qapıları, hava limanları, neft və qaz yataqları daxil olmaqla, Suriya dövlətinin idarəçiliyinə inteqrasiya olunmalıdır. Eyni zamanda, qaçqın suriyalıların kənd və qəsəbələrinə qayıtmaları təmin edilməsi, Suriya dövləti onların təhlüksizliyini təmin etməlidir. Keçmiş prezident Bəşər Əsəd rejiminin qalıqları və ölkənin birliyini təhdid edən bütün təhlükələrlə mübarizədə Suriya dövlətinə dəstək verilməlidir.
Sənədi imzalayan tərəflər – YPG rəhbəri Mazlum Abdi Şahin və Suriya Prezidenti əş-Şaraa cəmiyyətin bütün komponentləri arasında parçalanma, nifrət nitqini rədd ediblər. İcra komitələri bu müqavilənin həyata keçirilməsi üçün cari ilin sonunadək çalışacaqlar.
Xatırladaq ki, fevralın 27-də PKK terror təşkilatının həbsdə olan lideri Abdulla Öcalan tərəfdarlarına təslim olmaqla bağlı çağırış etmişdi. Daha sonra isə PKK terror təşkilatının yaxın bir ayda qurultay keçirəcəyi və özünü buraxacağına dair məlumat yayılmışdı.
Bəşəriyyət üçün əsas təhlükə iqlim dəyişikliyi yox, müxtəlif ölkələrdə olan nüvə silahlarıdır.
Bunu ABŞ prezidenti Donald Tramp “Fox News” telekanalına müsahibəsində deyib.
Tramp iqlim dəyişikliyini “ekzistensial təhlükə” adlandıran sələfi Co Baydenin mövqeyi ilə razılaşmır.
ABŞ prezidenti zarafat edib ki, Bayden "həqiqətən bu termini bəyənirdi".
O əlavə edib ki, ən böyük təhlükə müxtəlif ölkələrdə olan nüvə silahlarıdır: “Sizi kilometrlərlə uçura biləcək bu nəhəng canavarlardır”.
Ruslar Kursk vilayətində 10 min ukraynalı əsgərin qarşısını almaq üçün körpüləri dağıdırlar.
“Forbes” xəbər verir ki, Kursk vilayətində 10 min nəfərlik Ukrayna qarnizonu kritik vəziyyətdədir.
Rusiya tərəfi PUA ilə ukraynalı əsgərlərin əsas müdafiə nöqtəsi olan Kursk ilə Sudja şəhəri arasındakı əsas yolda çoxsaylı avtomobilləri məhv edib, yollardakı körpüləri dağıdır.
Rus ordusu şimali Koreya ordusu ilə birgə Ukrayna ordusunu Kurskandan çıxarmaq istiqamətində əks hücuma keçib.
Rusiya qüvvələri Ukrayna təyyarələrinin, xüsusən də MiQ-29-ların hücumlarına baxmayaraq, istənilən qaçış yolunu bağlamağa çalışır.
“Düşmən Kursk vilayətində və beynəlxalq sərhəddə körpüləri dağıtmaqla Seversk operativ-taktiki qrupunun Kursk vilayətindən Ukrayna ərazisinə çıxmasının qarşısını almağa çalışır”, - deyə Ukrayna Müdafiə Strategiyaları Mərkəzi xəbərdarlıq edib.