 |
|
Qrenlandiyanı ölkəsinə birləşdirmək arzusundan vaz keçməyən ABŞ prezidenti Donald Tramp bunu növbəti dəfə dilə gətirib.
Tramp sosial media platformasında açıqlamasında ABŞ Konqresindəki çıxışını xatırladaraq deyib: “Çıxışımda açıq şəkildə qeyd etdiyim kimi, ABŞ Qrenlandiya xalqının öz gələcəyini təyin etmə haqqını güclü şəkildə dəstəkləyir.
Qrenlandiya xalqına İkinci Dünya müharibəsindən bəri olduğu kimi, sizi də qorumağa davam edəcəyik. Biz yeni iş yerləri yaratmaq və sizi zənginləşdirmək üçün milyardlarla dollar sərmayə qoymağa hazırıq. İstəyirsinizsə, sizi yer üzündəki ən böyük dövlətin, Amerika Birləşmiş Ştatlarının bir hissəsi olmağa dəvət edirik".
Qrenlandiyanın ABŞ-nin milli və beynəlxalq təhlükəsizliyi üçün kritik əhəmiyyət daşıdığını vurğulayan Tramp qeyd edib ki, bu və ya digər şəkildə Qrenlandiyanı alacaqlar.
ABŞ dövlət katibi Marko Rubio, milyarder İlon Mask və Polşanın xarici işlər naziri Radoslav Sikorski arasında qalmaqal yaşanıb.
“reuters” xəbər verir ki, nəticədə ABŞ dövlət katibi Marko Rubio Polşanın xarici işlər naziri Radoslav Sikorskini uydurmaçılıq və nankorluqda ittiham edib.
Ağ Ev bu yolla Kiyevə təzyiq edib ən mühüm mineral ehtiyatlarına çıxış imkanı əldə etmək istəyir.
Belə ki, Mask bazar günü özünün X sosial media platformasında yazdığı bir yazıda qeyd edib ki, əgər “Starlink”i söndürsə, Ukraynadakı bütün cəbhə xətti məhv olacaq.
Polşa xarici işlər naziri Sikorski bazar günü Maskın bu açıqlamasına X-də cavab verib: "Ukraynanın “Starlink”dən istifadəsi üçün Polşa Rəqəmsallaşma Nazirliyi tərəfindən ildə təxminən 50 milyon dollar ödənilir".
O əlavə edib ki, təcavüz qurbanını hədələmək etikasından başqa, əgər “SpaceX” etibarsız təchizatçı olduğunu sübut edərsə, biz başqa təchizatçılar axtarmağa məcbur olacağıq.
ABŞ dövlət katibi Rubio Sikorskiyə X-də cavab verərək onun dediklərini uydurma olduğunu və heç kimin Ukraynanı “Starlink”i kəsməklə hədələmədiyini qeyd edib.
"Çox sağ ol deyin ki, əgər “Starlink” olmasaydı, Ukrayna bu müharibəni çoxdan uduzardı və ruslar hazırda Polşa ilə sərhəddə olardılar", - Rubio əlavə edib.
Mask daha sonra X sosial media platformasında Rubionun şərhlərinin "tamamilə doğru" olduğunu yazıb.
Başqa bir mesajında Mask bunları qeyd edib: “Sakit ol, balaca adam. Siz dəyərin yalnız bir hissəsini ödəyirsiniz. “Starlink” isə heç nə ilə əvəz edilə bilməz”.
Polşa Xarici İşlər Nazirliyinin sözçüsü “Reuters”ə bildirib ki, “Starlink” xidmətlərinin göstərilməsi ABŞ tərəfindən xeyriyyəçilik aktı deyil və Polşa bunun üçün pul ödəyib.
Fevralın 28-də Ukrayna Prezidenti Volodimir Zelenskinin Ağ Evdə amerikalı həmkarı Donald Trampla görüşü çox gərgin keçdi. Qızğın danışıqlar zamanı bir neçə dəfə ölkə liderləri arasında münaqişə baş verdi. Gərgin keçən görüşdə ən diqqətçəkən məqamlardan biri Ukrayna prezidentinə geyiminə görə söz atılması oldu.
Ölkə.az xəbər verir ki, rəsmi tədbir zamanı amerikalı jurnalist Qlen Brayan Zelenskiyə Oval ofisə kostyumsuz gəldiyinə görə irad tutaraq, ondan kostyumunun olub-olmadığını soruşdu. Sualın yersiz olmasına baxmayaraq, Volodimir Zelenski özünü itirməyib və öyrədilmiş jurnalistə aydın cavab verib: "Müharibə bizim üçün bitəndə geyinəcəm. Bəlkə də sizin kimi, bəlkə daha yaxşı, bəlkə daha ucuz. Görəcəyik".
Zelenskini tənqid hədəfinə gətirən geyim markası Donetskdə yaradılsa da indi ölkənin hüdudlarından kənarda da populyardır. Dünya ulduzları Kortni Kardaşyan və Cici Hadid, eləcə də yerli məşhurlar bu markanın daimi müştəriləridir.
Bəs üç ildir müharibə içində olan ölkənin liderini belə geyindirən markanın sahibi kimdir? Ukrayna prezidentinin dizayneri "Financial Times"a danışdıqdan sonra onun əslən azərbaycanlı Elvira Həsənova olduğu üzə çıxıb..jpg)
Məlum oldu ki, Ukraynada azərbaycanlı ailənin yaratdığı "Damirli" geyim şirkətinin məhsullarından təkcə bu ölkənin yox, Avropa və ABŞ-nin məşhur şəxsləri də yararlanırlar. Brendin yaradıcısı Elvira Həsənovanın geyimlərinin müştəriləri arasında Zelenskidən başqa, Böyük Britaniyanın sabiq baş naziri Boris Conson və kral ailəsinin üzvləri də var.
Elvira Həsənovaya gəlincə, o, ukraynalı dizayner və modelyerdir, məşhur "Gasanova" və "Damirli" brendlərinin sahibidir..jpg)
Elvira həyat yoldaşı Ehtiram və qızı ilə
Elvira Həsənova 1992-ci ildə Ukraynanın Donetsk şəhərində doğulub. 2008-2013-cü illərdə Maksim Qorki adına Donetsk Dövlət Tibb Universitetində təhsil alıb. Amma təhsilini yarımçıq qoyub. 2012-2013-cü illərdə Donetsk şəhərində 1 saylı Mərkəzi Dövlət Xəstəxanası və 1 saylı Mərkəzi Dövlət Xəstəxanasında stomatoloq kimi təcrübədən keçib və işləyib.
Həmin illərdə bir dəfə Donetsk Moda Günlərində könüllü kimi çalışdıqdan sonra növbəti il ilk kolleksiyasını orada təqdim edib. İkinci kolleksiyasını da orda nümayiş etdirib. Bu, Elviranın moda dünyasına yolunu açıb. Amma Donetskdəki fəaliyyəti uzun sürməyib. Müharibə başladıqdan sonra Elvira Kiyevə köçüb..jpg)
Volodimir Zelenski Estoniyanın baş naziri ilə görüşdə "Damirli" sviterini geyinib
"Kiyevdə diş həkimi kimi işləmək fikrim vardı. Amma stajımı təzəcə bitirmişdim, həkim işləyə bilmədim, ayda cəmi 2500 qrivnaya assistent ola bildim. Əlbəttə, Kiyevdə belə bir pul qazanmaq perspektivi məni çox cəlb etmədi. Buna görə də müştərilərimin çoxu Donetskdən Kiyevə köçdüyü üçün brendi inkişaf etdirməyə davam etmək qərarına gəldim", - özü o günlər haqda xatirələrində deyir.
Tibb fakültəsində əldə etdiyi biliklər artıq Elvira üçün faydalı olmasa da, bu təhsili aldığı üçün peşman deyildi. Artıq onu qarşıda başqa bir aləm - məşhurların dünyası gözləyirdi..jpg)
Alyona Zelenskaya 2023-cü ilin mayında Cill Bayden və Keyt Middletonla "Gasanova" tərzində
"Tibb fakültəsi ordu kimidir, çox intizamlıdır, buna görə də peşman deyiləm. Yəqin indi belə bir seçim qarşısında qalsaydım, yenidən tibb fakültəsinə daxil olardım", - Elvira söyləyir.
Donetskdəki iş daha çox sınaq və cəhd idisə, Kiyevdə Elvira öz üslubunu tapdı və moda dünyasında özünü təsdiqlədi.
İndi "Gasanova" və "Damirli" brendləri Ukraynadan da kənarda tanınır və sevilir. Brendin ulduz müştəriləri siyahısına modellər Bleona Kereti, Cici Hadid və Kortni Kardaşyan öz adlarını yazdırıb..jpg)
Elvira Həsənovanın Alyona Zelenskaya üçün hazırladığı eksklüziv geyim
Məşhur brendin yaradıcısı indi nəinki məşhurlar üçün işləyir, həm də Slava Kaminskaya, Alina Baykova və Snejana Onopko kimi ulduzlarla dostdur.
Elvira məşhur insanlar arasında necə müştəri tapdığını etiraf edir:
"Elə oldu ki, onlara özüm yazdım. Bizə çox vaxt kifayət qədər ulduz geyindirdikdən sonra müraciət edirlər. Əlbəttə, ulduzlarla əməkdaşlıq edən stilistlər vasitəsilə işləyirik, onlar tez-tez bizə yazırlar ki, bəzi məhsullarımızı almaq istəyirlər".
Hazırda Elviranın komandası xeyli böyükdür. "Gasanova" və "Damirli"nin çoxsaylı butikləri və özünün geyim istehsalı sexləri var..jpg)
19 yaşlı müharibə əlili Ruslana Danilkina Həsənovanın Yeni il kampaniyasında
Elviranın dizayn etdikləri geyimlər podiumlarda ilk dəfə 2017-ci ildə görünür. Növbəti Ukrayna Moda Həftəsi çərçivəsində isə artıq onun paltarları dünya ulduzlarının əynində idi. Bu gün o brendin baş dizayneri və təsisçisi Elvira Həsənova artıq Ukraynanın birinci xanımı Alyona Zelenskaya, Uels şahzadəsi Keyt Middlton və ABŞ-nin keçmiş birinci xanımı Cil Baydeni geyindirir. Artıq bu brendin 12 yaşı var.
Elvira Həsənova öz soyadını daşıyan geyim brendinin əsasını 23 yaşında qoyub. İndi onun 33 yaşı var. Artıq iki brendi idarə edir - "Gasanova" və "Dəmirli", həmçinin azərbaycanlı həyat yoldaşı Ehtiramla 3 yaşlı qızını böyüdür..jpg)
Elvira 2023-cü ilin oktyabrında Parisdə kolleksiyasını təqdim edir
Rusiya-Ukrayna müharibəsi başlayanda Elvira qətliamın baş verdiyi Kiyev vilayətinin Buça şəhərində yaşayıb, vəziyyətin gərginləşməsindən sonra ailəsi ilə birlikdə Kiyevə gedib.
Elviranın naxışlı köynəkləri Ukraynanın peşəkar boksçusu, ağır çəkidə dünya çempionu Aleksadr Usık və Prezident Volodimir Zelenskinin sevimliləri sayılır. Ukraynanın birinci xanımı da tez-tez kameralar qarşısında onun geyimlərində görünür. Elvira Alyona Zelenskayanın qəbuluna düşmək çox cəhdlər etdiyini, sonda bunu bacardığını deyir..jpg)
Cici Hadid "Gasanova" kombinezonunda
"Prezidentin andiçmə mərasimindən dərhal sonra birinci xanımı geyindirmək arzusunda idim. Amma stilistə görə alınmadı. Dəfələrlə yazdıq, zəng etdik, amma təəssüf ki, o vaxt orada olan stilist bizə cavab vermədi. Sonra böyük bir layihə zamanı bədii rəhbərimlə söhbət edəndə o mənə dedi ki, indi birinci xanımın stilisti Natalya Kamenskayadır. Onunla danışdıq, bizə dedilər ki, eskizlər çəkək və istədiyimizi təklif edək. Biz çəkdik, eskizi təsdiqlədilər və sifariş verdilər ki, tikin", - Elvira deyir.
Ölkənin birinci xanımı üçün geyimlər hazırlamağa başladıqdan sonra Ukrayna prezidenti də onun daimi müştərisi oldu.
Artıq bu gün Elviranın brendinizi bütün dünya ulduzları geyinir. Amma onun geyindirmək istəkləri başqa məşhurlar da var..jpg)
Biyons üçün paltarın eskizi. Həsənova pop-diva üçün geyim yaratmaq arzusundadır
Özü bu haqda deyir: "Hələ geyindirmək istədiyimiz ulduzlar çoxdur. Məsələn, Ancelina Colini geyindirmək istərdim, çünki onun baxışı çox gözəldir. Leonardo Di Kaprio da çox maraqlıdır".
Tramp və Zelenskinin Ağ Evdəki mübahisəsi zamanı Ukrayna prezidentinin geyimi ilə bağlı yaşananlara gəlincə, Elvira etiraf edir ki, jurnalistin bu barədə sualı onun üçün sürpriz olub. Dizayner Ukrayna prezidentinin geyiminin siyasətçilərin görüşündə müzakirə mövzularından birinə çevriləcəyini gözləməyib. Bununla belə, onun fikrincə, Ukrayna lideri öz obrazı ilə xalqla həmrəy olduğunu nümayiş etdirib. (Teleqraf.com)
“ABŞ Təhsil Departamenti və Amerika təhsili dünyada ən pisdir”.
“Report” xəbər verir ki, bunu ABŞ Prezidenti Donald Tramp “Fox News” telekanalına müsahibəsində deyib.
Ondan Təhsil Nazirliyinin ləğvi ilə bağlı planlardan danışmağı xahiş ediblər:
“Biz məktəbləri dövlət nəzarətinə qaytarmaq istəyirik, çünki sözün əsl mənasında dünyanın ən pis təhsilimiz var. Biz siyahının ən sonundayıq, lakin bir tələbəyə düşən təhsil xərclərinə görə bir nömrəyik. Biz istəyirik ki, dövlətlər dünyanın ən yaxşı təhsil nazirlikləri qədər yaxşı məktəbləri idarə edə bilsinlər”.
Trump əvvəl bəyan edib ki, ləğvindən sonra Təhsil Departamentinin bəzi funksiyaları Xəzinədarlıq, Ticarət və ya Kiçik Biznes Administrasiyasına verilə bilər.
PKK terror təşkilatının yaxın bir ay ərzində qurultayı keçirəcəyi və özünü buraxacağı gözlənilir.
Bu barədə “Sabah” nəşri yazıb.
Qurultayın İraqın Süleymaniyyə və ya Ərbil şəhərlərində keçiriləcəyi ehtimal edilir.
İclasda xeyli sayda terrorçu iştirak edəcək. Qurultayın keçiriləcəyi yerdə təhlükəsizliyi İraq təmin edəcək.
Qeyd edilir ki, terror təşkilatının narkotik vasitələt, silah və insan alverindən 40 milyard dollar məbləğində sərvəti var. PKK-nın bəzi üzvlərinin bu qazancdan əl çəkmək istəmədikləri üçün silahlarını yerə qoymaq məsələsində müqavimət göstərə biləcəyi güman edilir.
Eyni zamanda bildirilir ki, təşkilat ləğv olunandan sonra silahlar yığılacaq. Bunun üçün xüsusi mexanizmin yaradılması gözlənilir. Terrorçuların Suriya qanadının silahları təslim etməsi xüsusilə əhəmiyyətlidir.
Qeyd edək ki, PKK terror təşkilatının həbsdə olan lideri Abdullah Öcalan fevralın 27-də tərəfdarlarına təslim olmaqla bağlı çağırış edib.
Türkiyə və İranın xarici işlər nazirləri Hakan Fidanla Abbas Araqçı arasında görüş keçirilib.
Bu barədə məlumatı Türkiyə XİN “X” hesabında paylaşıb.
Görüş Səudiyyə Ərəbistanının Ciddə şəhərində keçirilən İslam Əməkdaşlıq Təşkilatının Xarici İşlər Nazirləri Şurasının fövqəladə iclası çərçivəsində baş tutub.
Bununla belə, tərəflərin müzakirə etdiyi məsələlər açıqlanmayıb.
ABŞ hakimiyyəti İŞİD terror təşkilatının üzvü Məhəmməd Şərifullahı saxlayıb.
Bu barədə ABŞ Ədliyyə Nazirliyi məlumat yayıb.
Bildirilir ki, Məhəmməd Şərifullah dindirilmə zamanı Moskvada “Crocus City Hall”da terror aktını törədənlərə göstəriş verdiyini etiraf edib.
Məhəmməd Şərifullah 2021-ci ildə 13 ABŞ hərbçisinin və ən azı 170 əfqan mülki vətəndaşın ölümü ilə nəticələnən Kabil hücumunu təşkil etdiyinə görə martın 2-də həbs edilib. Dindirmə zamanı Məhəmməd Şərifullah xüsusilə etiraf edib ki, Rusiyada qadağan edilmiş “Xorasan Vilayəti” terror qruplaşması adından terror aktında iştirak edənlərə Kalaşnikov avtomatı və digər silahlardan necə istifadə etmək barədə göstərişlər verib. O, həmçinin həbs edilən iki silahlını göstəriş verdiyi şəxslər kimi tanıdığını deyib.
Məhəmməd Şərifullah hücumlarda təqsirli bilinərsə, onu ömürlük həbs cəzası gözləyir. İşin mahiyyəti üzrə məhkəməsi martın 10-da başlayacaq.
“Crocus City Hall”da terror aktı 2024-cü il martın 22-də axşam Piknik qrupunun konsertindən əvvəl baş verib. 145 nəfər ölüb, 500-dən çox ziyarətçi yaralanıb. Terror hadisəsi ilə bağlı 11 müttəhim həbs edilib.
Mən hələ də Rusiya prezidenti Vladimir Putinin Ukrayna üzrə sülh danışıqlarına hazır olduğuna inanıram.
Bunu ABŞ prezidenti Donald Tramp deyib.
"İnanıram. Mən hələ də Putinə inanıram. İndi təbii ki, Ukraynanı çox ağır bombalayırlar. İndi Ukrayna ilə əlaqə qurmaq mənim üçün çətindir. Onların heç bir kozırları yoxdur”, - Tramp qeyd edib.
O əlavə edib ki, razılaşma baxımından Rusiya ilə razılaşmaq Ukraynadan daha asan ola bilər, çünki onların bəzi kozırları var.
Tramp hesab edir ki, Ukraynanın əlində kozır olsa da, danışıqlar masasına oturmalıdır.
Ukrayna Rusiyanın dərinliklərinə zərbə endirmək üçün “Storm Shadow” raketlərindən istifadə edə bilməyəcək.
"Daily Mail" xəbər verir ki, hədəfləri vurmaq üçün ABŞ kəşfiyyatına ehtiyac var.
Bundan əvvəl Mərkəzi Kəşfiyyat İdarəsinin direktoru Con Retklif ABŞ-nin Ukrayna ilə kəşfiyyat məlumatlarının mübadiləsini dayandırdığını bildirmişdi.
"Daily Mail" həmçinin ABŞ-nin Britaniyaya qadağa qoyduğunu yazıb. Belə ki, ingilislərə Ukrayna ilə kəşfiyyat məlumatlarını paylaşması yasaqlanıb.
“Storm Shadow/SCALP-EG” 560 km-ə qədər uçuş məsafəsi olan İngiltərə-Fransa istehsalı gizli qanadlı raketdir. ATACMS-dən fərqli olaraq, bu raket havadan - qırıcı təyyarədən buraxılır və hava-yer prinsipi ilə işləyir.
Noyabrın 20-də Ukrayna Britaniyanın uzaqmənzilli "Storm Shadow" raketlərindən istifadə edərək Rusiyanın dərinliklərinə ilk zərbəsini endirib.
Daha bir ölkədə TikTok qadağan edilib.
Xarici KİV xəbər verir ki, Albaniya hökuməti Çin sosial şəbəkə platformasını ölkə daxilində bir il müddətinə qadağan edib.
Albaniyanın milli təhsil və idman naziri Ogerta Manastirliu Nazirlər Şurasının iclasından sonra məsələ ilə bağlı mətbuata açıqlama verib.
Manastirliu qeyd edib ki, 2024-cü ilin noyabrından ölkə daxilində müzakirələrə səbəb olan TikTok-un bir il müddətinə müvəqqəti qadağan edilməsi qərarı qəbul edilib. Nazir bildirib ki, qərar ölkədə 65 min valideynlə müzakirələrdən sonra qəbul edilib.
Qadağanın platformanın yetkinlik yaşına çatmayan istifadəçilər üçün təhlükəsizlik və yaş standartlarını tətbiq edənə qədər davam edə biləcəyi açıqlanıb.
Qeyd edək ki, Albaniyanın paytaxtı Tiranda Fan Noli İbtidai məktəbində oxuyan 14 yaşlı Martin Cani 18 noyabr 2024-cü ildə başqa bir şagirdin bıçaqla hücumu nəticəsində həyatını itirib. Tələbələr arasında mübahisənin sosial şəbəkədə başladığı iddia edilirdi.
Xatırladaq ki, TikTok Hindistanda təhlükəsizlik, Pakistan və Əfqanıstanda əxlaqi məsələlərə görə qadağan edilib.
ABŞ, Kanada, Avstraliya, Böyük Britaniya və Avropa İttifaqı ölkələrində təhlükəsizlik narahatlıqları səbəbilə dövlət məmurlarının rəsmi cihazlarında TikTok-un istifadəsi qadağan olunub.