 |
|
Ermənistanın Lori vilayətinin Tumanyan şəhərindəki dəmiryol stansiyasının yaxınlığında yanğın başlayıb.
Axar.az xəbər verir ki, bu məlumatı Ermənistan Fövqəladə Hallar Nazirliyi yayıb. Yanğın 50 tonluq benzin sisternlərində qeydə alınıb. Yanğının söndürülməsi üçün hadisə yerinə 9 yanğınsöndürən maşın cəlb edilib.
FHN-nin məlumatına görə, yanğının baş verdiyi qatardakı 29 vaqondan 17-si benzinlə dolu 50 tonluq sisterndir.
Əvvəlcədən planlaşdırıldığı kimi, açıq sahədə əkilən pomidorların paytaxt, eləcə də region bazarlarına çıxarılması bu məhsulun qiymətinə təsir edib.
18:15
Türkiyə Prezidenti Rəcəb Tayyib Ərdoğanın oğlu Bilal Ərdoğan Gədəbəy rayonuna gəlib.
Report xəbər verir ki, B.Ərdoğan Gədəbəydə keçirilən Milli Yaylaq Festivalında iştirak edir.
B.Ərdoğan Kənd Təsərrüfatı naziri İnam Kərimovla birgə festivalın rəmzi lentini kəsib.
Xatırladaq ki, Azərbaycanda yaylaq və elat ənənələrinin yaşadılması və təbliği məqsədilə bu gün ilk dəfə olaraq Gədəbəy rayonunda Milli Yaylaq Festivalı keçirilir.
Festival Türk Əməkdaşlıq və Koordinasiya Agentliyi (TİKA), “Cavadxan” Tarix və Mədəniyyət Fondu, Gədəbəy Rayon İcra Hakimiyyətinin birgə tərəfdaşlığı ilə təşkil olunur.
Festivalın keçirilməsində Mədəniyyət Nazirliyi, Kənd Təsərrüfatı Nazirliyi, Dövlət Turizm Agentliyi, Kiçik və Orta Biznesin İnkişafı Agentliyi ilə yanaşı, digər dövlət qurumları da tərəfdaşlar sırasındadır.
Gədəbəy rayonunun ərazisində yerləşən Düzyurd–Miskinli yaylağında, unikal konsepsiya əsasında keçirilən Milli Yaylaq Festivalına yerli iştirakçılar və turistlərlə yanaşı, xarici ölkələrdən çoxsaylı fəxri qonaqlar da qatılıb.
***
Azərbaycanın milli idman oyunlarının təbliği və inkişaf etdirilməsi istiqamətində birgə fəaliyyətə başlamışıq.
Bunu Türkiyə Prezidentinin oğlu Bilal Ərdoğan Gədəbəy rayonunda keçirilən Milli Yaylaq Festivalında çıxışı zamanı deyib.
Festival iştirakçılarını Türkiyə Prezidenti Rəcəb Tayyib Ərdoğanın adından salamlayan B.Ərdoğan Azərbaycanın son illərdə xeyli inkişaf etdiyini bildirib.
O, əlavə edib ki, Azərbaycan xüsusi ilə idman, mədəniyyət və digər sahələrdə çox vacib tədbirlərə ev sahibliyi edib: "Xeyli vaxtdır ki, Dünya Etnospor Konfederasiyası olaraq Azərbaycanın milli idman oyunlarının təbliği və inkişaf etdirilməsi istiqamətində birgə fəaliyyətə başlamışıq. Bu istiqamətdə Gənclər və İdman Nazirliyi ilə danışıqlarımız da olub. İnanıram ki, bugünkü festival milli idman oyunlarının inkişaf etdirilməsinə böyük dəstək olacaq. Mədəniyyətimizi itirsək müstəqilliyimizi itirərik. Buna görə də gənc nəsil arasında milli idman oyunlarının təbliği aparılmalıdır ki, onlar unudulmasın. Əgər mədəniyyətimizə sahib çıxmasaq, düşmənlərimiz bizi məğlub edər. Hər bir xalq özünün mədəniyyətini, milli oyunlarını yaşatmaq və inkişaf etdirmək hüququna malikdir. Milli Yaylaq Festivalı Azərbaycanda milli idman oyunlarının inkişaf etdirilməsinə, təbliğinə və gələcək nəsilə ötürülməsinə böyük töhfə verəcək. Bu tədbirin keçirilməsində əməyi olan hər kəsə təşəkkür edirəm. Dünya Etnospor Konfederasiyası olaraq Azərbaycanın idman sahəsində fəaliyyət göstərən bütün qurumları ilə çalışmağa hazırıq".
Rusiya beynəlxalq stabillik və təhlükəsizlik məsələlərinin həll edildiyi dünyanın əsas zonalarının hamısında praktik olaraq mərkəzi oyunçudur.
Baş nazir Kiryakos Miçotakis Türkiyəyə bir zeytun budağı uzatdı. Bu açıq şəkildə beynəlxalq hüquq və sazişlərə edilən hörmətə bağlıdır.
Axar.az xəbər verir ki, bu açıqlama ilə Yunanıstan Xarici İşlər naziri Nikos Dendias çıxış edib.
Türkiyə ilə münasibətlərin tarixə söykəndiyini xatırladan Dendias Ankara ilə beynəlxalq müstəvidə görüşəcəklərini deyib.
Dendias Kipr məsələsində mövqelərinin aydın olduğunu və bunu Avropa Birliyi səviyyəsində ortaya qoyduqlarını vurğulayıb.
Qeyd edək ki, bir müddət öncə Miçotakis Ərdoğana çağırış edərək, ortaq yanaşma üçün addım atmağa dəvət edib.
Türkiyənin Aydın şəhərinin Didim rayonunda ölkə ərazisini qanunsuz yollarla tərk etmək istəyən 51 nəfər saxlanılıb.
Türkiyə bu günə qədər Suriyada İŞİD-lə mübarizədə çox səy göstərdi.
Türkiyə Böyük Millət Məclisinin (TBMM) keçmiş spikeri Məhməd Əli Şahin eks-baş nazir Əhməd Davudoğlu ilə bağlı önəmli bəyanat verib.
Axar.az xəbər verir ki, M.Ə.Şahin bəyanatında yeni partiya hazırlığında iştirak etdiyi iddia edilən Ə.Davudoğludan verdiyi sözü tutmasını istəyib.
"Əhməd Davudoğlu ilə birgə çalışdıq. Mənim sədr müavini, siyasi və hüquqi işləri sədri kimi bir vəzifəm var idi. Davudoğlu 2016-cı ilin 5 mayında AKP-də mətbuat konfransı keçirdi. "Partiyalı dostlarım və Prezidentimizlə apardığım məsləhətləşmələr nəticəsində vəzifəmdə qalacağam və son nəfəsimə qədər cənab Ərdoğanla münasibətlərimi davam etdirəcəyəm, AKP-də siyasətə davam edəcəyəm". - dedi. Mən cənab Davudoğlunun sözündə durmasını gözləyirəm. Sonra 22 mayda ümumi qurultayımız keçirildi. Özü bu konqresin vida deyil, "vəfa konqresi" olduğunu bildirdi. Son nəfəsinə qədər də AKP daxilində siyasətə davam edəcəyini söylədi. Mənim yaxından tanıdığım, sevdiyim müəllimimin bu yerdə qalmasını arzu edirəm", - Şahin qeyd edib.
Türkiyənin Rusiyadan aldığı S-400 havadan müdafiə sistemlərini işə salmamağına üstünlük verərdik.
Əgər ABŞ-ın İranla qarşılıqlı münasibətləri hərbi münaqişəyə qədər gedib çıxsa, o zaman amerikalıların güvənə biləcəyi yeganə ölkələr – Böyük Britaniya və Səudiyyə Ərəbistanıdır.
Bu sözləri Axar.az-a açıqlamasında rusiyalı politoloq, konfliktologiya sahəsində mütəxəssis Yevgeni Mixaylov Vaşinqtonun Yaxın Şərqdəki ənənəvi müttəfiqi Türkiyə ilə münasibətlərinin pozulması fonunda Pentaqonun İrana hücum üçün Azərbaycana arxalanmasına dair İrəvanda yayılan fərziyyələrə münasibət bildirərkən deyib.
“Erməni “ekspert”lərin yazdığı kimi ABŞ arxalanmalı olmayacaq. Bakı nə üçün öz ərazisini İrana zərbə endirilməsi üçün təqdim etməlidir? Bu absurd və anlamsızdır”, - Mixaylov qeyd edib.
Onun sözlərinə görə, Azərbaycan İranla konfliktə girməyəcək. Üstəlik tamamilə aydındır ki, rəsmi Bakı Türkiyə və Rusiyanın da maraqlarına zidd hərəkət etməyəcək. Çünki bu cür addım sözügedən ölkələr üçün, yumşaq şəkildə desək, “dostcasına olmayan” addım kimi görünəcək. Bu fikirlər dırnaqarası ekspertlər tərəfindən bilərəkdən yayılır.
“Biz başa düşürük ki, İrana hava zərbəsi endirilməsi üçün ən münasib ərazi kimi Gürcüstan və tamamilə Qərbə tərəf çevriləcəyi halda Ermənistanı göstərmək olar. Qoy İrəvanın yeni rəhbərliyi sədaqət və strateji tərəfdaşlıq barədə sözlərini Ermənistanda baş verənləri anlamayanlara saxlasın”, - ekspert bildirib.
Sonda ekspert vurğulayıb ki, Bakı özünün bloklarsız mövcudluq strategiyasını izləyir.
“İrəvan titrəyir, siyasi cəhətdən stabil deyil, Bakı isə heç bir hərbi-siyasi bloka qoşulmamaqla bağlı qəti mövqeyə sahibdir. Bu, daha düzgündür”, - politoloq bildirib.