 |
|
Mən prezident olaraq kifayət qədər səhv buraxmışam və yaxşı ki, mənim gözlərim açılıb.
Axar.az xəbər verir ki, bunu Sosial Demokratik Partiyasının qurultayında çıxışı zamanı Qırğızıstanın eks-prezidenti Almazbek Atambayev deyib.
“Partiyanın yenilənməsinə çox şadam. Mən daim partiyanın başında olmayacağam. 63 yaşım var, prezident rəhbərliyini verdiyim kimi, partiya rəhbərliyini də təhvil verəcəyəm. Rəsmi rəhbər həmişəlik Atambayev olmayacaq”, – deyə o bildirib.
Bizim millət yaxşı bilir ki, son 205 ildə İranın şimalda və Qafqazda yerləşən ərazilərinin böyük bir hissəsi xain Qacar şahları dövründə ölkədən ayrılıb. 191 il əvvəl İranın şimalının daha bir hissəsini ana vətəndən qoparıblar. 172 il əvvəl İranın şimal-qərbindəki torpaqlarının daha böyük bir hissəsi əldən gedib. 163 il əvvəl İranın şərqi ərazilərinin mühüm bir hissəsini, 138 il əvvəl şimal-şərqdəki ərazilərinin böyük bir hissəsini ələ keçiriblər. 100 il əvvəl İranın cənubunun böyük bir hissəsini də ölkədən ayırıblar. Körfəzin cənubunda yerləşən həmin ərazilərdə hazırda bir neçə ölkə yaradılıb.
Axar.az Avropa.info-ya istinadən xəbər verir ki, bu sözləri İran Prezidenti Həsən Ruhani fevralın 11-i Tehranda 1979-cu il inqilabının 40-cı ildönümü münasibətilə keçirilən yürüşdə bildirib. O, ölkəsinin son iki əsrdə xeyli torpaq itirdiyi söyləyib.
Həsən Ruhani “Son 205 ildə İranın şimalda və Qafqazda yerləşən ərazilərinin böyük bir hissəsi ölkədən ayrılıb və 191 il əvvəl İranın şimalının daha bir hissəsini ana vətəndən qoparıblar” deyəndə ad çəkməsə də, Azərbaycanı nəzərdə tutub.
1813-cü il oktyabrın 12-də Gülüstan kəndində Rusiya ilə İran arasında Azərbaycan torpaqlarını bölmək üçün sülh müqaviləsi imzalanıb. Birinci Rusiya-İran müharibəsinə (1804-1813-cü illər) son qoyan Gülüstan müqaviləsinin şərtlərinə əsasən, Azərbaycanın Talış, Şirvan, Quba, Bakı, Gəncə, Qarabağ, Şəki xanlıqları Rusiyanın tabeçiliyinə keçib.
1828-ci il fevralın 10-da Türkmənçay kəndində (indiki İran ərazisi) Rusiya ilə İran arasında daha bir sülh müqaviləsi bağlanıb. İkinci Rusiya-İran müharibəsinin (1826-1828-ci illər) bitməsini nəzərdə tutan Türkmənçay müqaviləsinə əsasən, Azərbaycanın Araz çayından şimaldakı bütün əraziləri Rusiyanın, cənubdakı əraziləri isə İranın işğalı altına keçib.
Azərbaycanın şimalı 1918-ci ildə müstəqilliyini qazansa da, Sovet Rusiyasən tərəfindən 1920-ci ildə işğal olunub. 1991-ci ildə isə Azərbaycan yenidən müstəqilliyini qazanıb. Azərbaycanın cənubu isə İran işğalı altındadır.
Avropa.info saytı İran prezidenti Həsən Ruhaninin Azərbaycan və Körfəz ölkələrinin torpaqlarına iddia etdiyi çıxışın videosunu təqdim edir. Ruhani çıxışının 5-ci dəqiqəsindən 20-ci dəqiqəsinə kimi olan hissəsində bu haqda danışır.
Ermənistanın Baş naziri Nikol Paşinyan mart ayının 1-də 2008-ci ildə 10 nəfərin ölümünə səbəb olmuş hadisələrə həsr olunmuş yürüş elan edib.
Axar.az xəbər verir ki, bu barədə Nikol Paşinyan Feysbuk səhifəsindəki canlı yayım zamanı bildirib.
Paşinyanın sözlərinə görə, müzakirələr zamanı həmin gün Azadlıq meydanından Myasnikyan abidəsinə qədər böyük vətəndaş yürüşü keçirilməsi qərara alınıb.
Martın 1-i saat 18:30-da başlayacaq yürüş çərçivəsində həmçinin Paşinyanın xalqa xüsusi müraciətlə çıxış edəcəyi bildirilir.
İsrail Baş naziri Benyamin Netanyahu ilə Rusiya Prezidenti Vladimir arasındakı görüş təxirə salınıb.
PKK lideri Abdullah Öcalanla bağlı terror təşkilatı qərar qəbul edib.
Axar.az xəbər verir ki, təşkilatın rəhbər heyətinin keçirəcəyi iclaslarda bundan sonra A.Öcalanın şəkillərindən istifadə edilməyəcək, eyni zamanda onun adından az istifadə ediləcək.
Qeyd edilir ki, PKK bununla təşkilatın daha aşağı səviyyəli heyətilə rahat şəkildə nüfuz əldə etməyə çalışacaq.
Venesuelada sosializm ölür, azadlıq və demokratiya yenidən oyanır.
Axar.az xəbər verir ki, bunu Florida Beynəlxalq Universitetində çıxışı zamanı ABŞ Prezidenti Donald Tramp deyib.
“Biz burada ona görə toplaşmışıq ki, Latın Amerikasında yeni günün başladığını elan edək. Venesuela və bütün Qərb yarımkürəsində sosializm ölür, azadlıq və demokratiya yenidən oyanır”, – deyə o bildirib.
Çeçenistan lideri Ramzan Kadırov bir neçə günlük işdə olmamasına aydınlıq gətirib.
Axar.az xəbər verir ki, Kadırov 11 fevraldan Baş nazir Müslüm Xuçiyevi öz yerinə əvəzedici təyin edib.
“Dağ zirvəsinə ikigünlük səyahət etdim. Qar və güclü külək səbəbindən azca xəstələndim – temperatur və qrip”, - Kadırov Teleqram kanalında yazıb.
Kadırovun sözlərinə görə, artıq 16 fevraldan iş başındadır.
Ukrayna Prezidenti Pyotr Poroşenko prezidentliyə namizəd olan müşavirini işdən qovub.
Axar.az xəbər verir ki, bu barədə Ukrayna Prezident Administrasiyasının məlumatında deyilib.
Belə ki, keçmiş xəfiyyə İqor Petroviçin vəzifədən kənarlaşdırıldığı deyilib.
Qeyd edək ki, 31 martda baş tutuacaq prezident seçkilərinə 44 namizəd qeydə alınıb.
RT telekanalının baş redaktoru Marqarita Simonyan özünün Teleqram kanalında Azərbaycan mənşəli rusiyalı jurnalist İradə Zeynalova ilə münasibətlərindən danışıb.