 |
|
Ermənistan parlamenti gizli səsvermə zamanı baş prokuror Anna Vardapetyanın parlament üzvləri Ovik Ağazaryan və Taron Marqaryana qarşı cinayət təqibinin başlanmasına razılıq verilməsi barədə vəsatətini təmin edib.
Taron Marqaryanın deputat toxunulmazlığından məhrum edilməsinə 67 deputat, 65 deputat isə Ovik Ağazaryanın deputat toxunulmazlığından məhrum edilməsinə səs verib.
Müxalif deputatlar səsvermədə iştirak etməyib.
Qeyd edək ki, Baş nazir Nikol Paşinyan Ovik Ağazaryanı dövlət təhlükəsizliyi və əks-kəşfiyyatla bağlı məlumatları açıqlamaqda ittiham edərək istefaya getməsini təkid etsə də, o bundan imtina edib.
Bundan sonra Ovik Ağazaryan vəzifə səlahiyyətindən istifadə edərək rüşvət almaqda və digərlərinin maraqlarını müadafiə etməkdə ittiham olunaraq barəsində cinayət işi başlanıb və barəsində istintaq araşdırması gedir.
Deputat Taron Marqaryan isə müxtəlif illərdə çirkli pulların yuyulması, vəzifə səlahiyyətlərindən sui-istifadə və torpaq sahələrinin mənimsənilməsi ilə bağlı müxtəlif maddələr üzrə ittiham olunaraq barəsində cinayət işi başlanıb.
Avropa İttifaqı və Kanadaya qorxunc xəbərdarlıq: “ABŞ-a qarşı birləşsələr, ağır tariflər tətbiq olunacaq”
ABŞ Prezidenti Donald Tramp gecə saatlarında sosial şəbəkədə yaydığı bəyanatla Avropa İttifaqı və Kanadaya qarşı açıq təhdid səsləndirib. O, bu iki tərəf ABŞ-a iqtisadi zərər vermək üçün birləşərsə, “çox böyük miqyaslı tariflər” tətbiq ediləcəyini bəyan edib.
New York Times bu sitatı diqqətə çıxardır: “Əgər Avropa İttifaqı Kanada ilə birlikdə ABŞ-a iqtisadi zərər vurmaq üçün əməkdaşlıq edərsə, hər iki tərəfə qarşı hazırda planlaşdırılandan qat-qat böyük tariflər tətbiq olunacaq. Mən yalnız bu iki ölkənin tarix boyu sahib olduqları ən yaxşı dostu qorumaq istəyirəm – ABŞ-ı!”
Bu sərt açıqlama, artıq mövcud olan ticarət müharibəsinin yeni cəbhə qazanması deməkdir. Xatırladaq ki, Tramp administrasiyası son aylarda Avropa istehsalı olan polad, alüminium, avtomobil və bir sıra digər məhsullara tariflər tətbiq edib. Bu, Avropa İttifaqını çıxılmaz vəziyyətə salıb və İttifaq hazırda ABŞ-la ticarət gərginliyini danışıqlar yolu ilə aradan qaldırmağa çalışır.
Avropa Komissiyasının Ticarət üzrə nümayəndəsi Maroş Şefçoviç məsələ ilə bağlı bildirib: “Sonda necə deyərlər, bir əl ilə alqış tutmaq olmaz.” Bu isə Avropa tərəfinin ABŞ-ın birtərəfli mövqeyindən narazı olduğunu göstərir.
Digər tərəfdən, Trampın NATO və təhlükəsizlik məsələlərində verdiyi ziddiyyətli mesajlar Avropa İttifaqı ilə Kanadanı hərbi və iqtisadi baxımdan bir-birinə daha da yaxınlaşdırıb. Kanada artıq Avropanın silahlanma təşəbbüslərinə sənaye dəstəyi vermək üçün addımlar atır.
Hələlik Avropa Komissiyası Trampın təhdidlərinə rəsmi reaksiya verməyib. Lakin ABŞ-ın əsas ticarət tərəfdaşı olan Avropa İttifaqı üçün bu xəbərdarlıq ABŞ ilə əlaqələrin daha da gərginləşə biləcəyinə dair açıq siqnaldır.
Musavat.com-un topladığı məlumatlar göstərir ki, ABŞ-Avropa münasibətlərində gərginlik daha da artacaq.
Rusiya Avropa da daxil olmaqla, Rusiya-Ukrayna münasibətlərinin nizamlanması üzərində işləməyə hazırdır, lakin bundan sonra Qərbə həddindən artıq inamla bağlı səhvlərə yol verməyəcək.
Bu barədə Rusiya prezidenti Vladimir Putin, “Arxangelsk” sualtı qayığının dənizçiləri ilə söhbətində bildirib.
“Biz Avropa ilə də işləməyə hazırıq, lakin onlar sadəcə olaraq qeyri-sabitlik nümayiş etdirirlər və daim bizim burnumuzdan tutmağa çalışırlar” -Putin qeyd edib.
O əlavə edib ki, buna artıq öyrəşdiklərini vurğulayaraq, “Ümid edirəm ki, partnyor adlandırdığımız şəxslərə hədsiz inam əsasında heç bir səhvə yol verməyəcəyik” ifadəsini işlədib.
Ukrayna Prezidenti Volodimir Zelenski münaqişənin həlli üçün Rusiya lideri Vladimir Putinlə birbaşa danışıqlardan qorxmadığını deyib.
“Qafqazinfo” xəbər verir ki, bu barədə “RBC-Ukrayna” məlumat yayıb.
“Mən istənilən formatda danışıqlara hazıram. Mən heç vaxt qorxmamışam”, - deyə siyasətçi bildirib.
Eyni zamanda, Zelenski Rusiyanı Ukraynadakı münaqişənin sülh yolu ilə həllinə hazır olmamaqda ittiham edib.
Kremlin "qoca qitə"yə hücum planının olmadığına tam təminat verilərsə, Fransa da daxil olmaqla, Avropa Birliyi tam tərkibdə Ukraynanı Rusiyaya təslim etməyə hazırdır... Belə anlaşılır ki, Qərb öz maraqları naminə tərəfdaşlarını "satmağa" həmişə hazır olma vərdişlərini Ukraynanın timsalında növbəti dəfə təsdiqləmək niyyətinə düşüb...
"Yeni Müsavat" xəbə verir ki, Ukrayna savaşı ətrafında yaranmış situasiya qəlizləşməkdə davam edir. Belə ki, hazırda Rusiya əleyhinə düşərgədə olduqca ciddi ziddiyyətlərin mövcudluğu müşahidə edilir. Tramp adminstrasiyasının hakimiyyətə gəlişindən sonra ABŞ-ın mövqeyi Avropa Birliyinin narrativlərindən ciddi şəkildə uzaqlaşmağa başlayıb. Avropa Birliyinin daxilində ön plana keçən Rusiya xofunun əsas səbəbi də məhz bu önəmli faktorun təsirindən qaynaqlanır. Və bu baxımdan, ABŞ-ın hazırda Avropa Birliyi ilə eyni Rusiya əleyhinə düşərgədə yer alması müəyyən mənada, formal xarakter daşıyır.
Onu da qeyd etmək lazımdır ki, kollektiv Qərbin üzləşdiyi ziddiyyətlər yalnız bunlarla məhdudlaşmır. Ukrayna ilə sərhəd təması olan Şərqi Avropa ölkələri hazırda öz gələcək mövcudluq perspektivlərindən narahat olduqlarını qətiyyən göstərmirlər. Xüsusilə də, Ukrayna savaşından sonra Rusiyanın öz itkilərini bərpa edərək, Şərqi Avropa ölkələrinə hücum edə biləcəyi ilə bağlı mülahizələr Qərb siyasi dairələrində ciddi narahatlıq qaynağına çevrilib. Və bu barədə Avropa Birliyi daxilində hazırlanmış hesabatlar "qoca qitə" ölkələrini Rusiya ilə müharibə ehtimalına fokslandırıb.
Məsələ ondadır ki, Avropa məkanında ABŞ-ın "təhlükəsizlik çətiri"nin əvəzlənməsinə yönəlik planlar hazırda ciddi müzakirə mövzusudur. Hətta Avropa Birliyi yaxın gələcəkdə NATO-nun belə, ABŞ-ın iştirakı olmadan yenidən qurulması ilə bağlı variantlara hazırlaşmağa başlayıb. Və bu, ABŞ-Avropa Birliyi münasibətlərinin daha da korlanma ehtimalını aktual saxlayır.
Digər tərəfdən, Tramp adminstrasiyası Avropa Birliyini Rusiyanın "qoca qitə"yə hücum etmək niyyətində olduğuna inandırmağa çalışsa da, Ağ Evdən bu barədə təminat verilməsi tələb olunur. Üstəlik, NATO-dan verilmiş son açıqlama da Rusiyaya xəbərdarlıq mesajı xarakteri daşıyır. Belə ki, bu hərbi-siyasi alyans Avropa ölkələrinə, o cümlədən, Polşaya hərbi müdaxilə ediləcəyi təqdirdə, buna dağıdıcı reaksiya veriləcəyini qabardıb. Və bu, o deməkdir ki, Ukrayna böhranı ucbatından daha qlobal savaş təhlükəsi öz aktuallığını hələ də qoruyub, saxlayır.
Ancaq bütün bunlara baxmayaraq, Avropa Birliyinin daxilində də ciddi ziddiyyətlər mövcuddur. Belə ki, bəzi Avropa ölkələri Rusiyaya qarşı aqressiv ritorikanın yumşaldılmasının vacibliyini qabardırlar. Ona görə də, hazırda Avropa Birliyinin diplomatiya rəhbəri Kallasın müharibəyə bağlı sərt mövqeyi narazılıq doğurur, onun rəhbərlik tərzi tənqid edilir. Belə qənaətlər mövcuddur ki, Kallasın Rusiya ilə savaş ritorikası Avropa Birliyinin rəsmi mövqeyinə zidd situasiya yaradır.
Halbuki, rəsmi Varşava Rusiyanın savaş planlarına laqeyd yanaşılmasının yaxın gələcəkdə ilk növbədə Polşanı real təhlükə qarşısında buraxa bilər. Bu Şərqi Avropa ölkəsinin Milli Təhlükəsizlik Bürosunun rəhbəri Dariuş Lukovski isə Rusiya ilə müharibə baş verəcəyi təqdirdə, Polşa cəmisi 14 gün müdafiə oluna biləcəyini vurğulayıb. Və bu səbəbdən də, Polşa Rusiyaya qarşı sərt ritorikanın yumşaldılması ilə bağlı çağırışları təhlükəli yanaşma tərzi hesab edir.
Trampın “Ukrayna planı” Kremlə baha başa gəlir: Rusiya Avropa Birliyini qorxutmalı, Çini isə...
Avropa Birliyi daxilində Rusiya qarşısında geri çəkilmə meyilləri isə artmaqdadır. Hər halda, Fransa, İtaliya və İspaniya Ursula fon der Lyayenin təklif etdiyi "Avropanın yenidən silahlandırılması" planını dəstəkləməyib.Bu ölkələrin hakimiyyətləri genişmiqyaslı xərcləri qarşılaya bilməyəcəklərindən ehtiyatlanırlar. Çünki Avropa Komissiyası yaxın dörd il ərzində "qoca qitə"nin müdafiəsinə 800 milyard avro xərcləməyi təklif edirdi. Və bu təklifin dəstək qazanmamasında ABŞ-ın Avropa Birliyini "nüvə çətiri"ndən məhrum etməyəcəyi ilə bağlı qapalı qapılar arxasında verdiyi təminatın da xüsusi rolu olduğu bildirilir.
Digər tərəfdən, Avropa Birliyi ölkələrinin Ukraynaya qoşun göndərmək ideyasından tədricən imtina edərək, rəsmi Kiyevə alternativ dəstək variantlarına üstünlük verməyə çalışacaqları barədə də artıq müəyyən məlumatlar mövcuddur. Halbuki, bu ideyanın əsas müəlliflərindən olan Fransa prezidenti Emmanuel Makron vurğulanıçdı ki, Qərbin Ukraynaya göndərmək istədiyi "sülhməramlı qüvvələr", onlara hücum edildiyi təqdirdə, hərbi cavab reaksiyası vermək hüququna malik olmalıdır. Və bu ideya indi NATO-Rusiya müharibəsinə səbəb ola biləcək variant kimi dəyərləndirilməyə başlanıb.
Maraqlıdır ki, Avropa Birliyi daxilində ön plana keçməkdə olan bu narrativ əslində, Rusiyanın mövqeyi ilə üst-üstə düşür. Belə ki, Kreml Qərbin Ukraynada "sülhməramlı hərbi kontingentiları" yerləşdirmək ideyasına aqressiv şəkildə qarşı çıxır. Kreml Qərb siyasi dairələrinə sərt şəkildə xəbərdarlıq edir ki, bu, Rusiya ilə NATO arasında birbaşa hərbi qarşıdurmaya gətirib, çıxara bilər. Və belə qarşıdurma isə istənilən halda, qlobal savaş təhlükəsi vəd edir.
Göründüyü kimi, Qərb düşərgəsində ziddiyyətlər artıq şaxələnərək, idarəolunmaz istiqamətlər almağa başlayıb. Çünki bir müddət öncəyə qədər Ukraynaya savaşın sonunadək hərbi dəstək vəd edən Avropa Birliyi artıq tədricən geri çəkilmək üçün yollar axtarır. Belə anlaşılır ki, Kremlin "qoca qitə"yə hücum planının olmadığına tam təminat verilərsə, Fransa da daxil olmaqla, Avropa Birliyi tam tərkibdə Ukraynanı Rusiyaya təslim etməyə hazırdır. Və bu, Qərbin öz maraqları naminə tərəfdaşlarını "satmağa" həmişə hazır olduğunu növbəti dəfə təsdiqləyir.
Polşa hakimiyyəti silah almağa milyardlarla avro xərcləyir və ölkə əhalisini müharibəyə hazırlamağa başlayır.
Bu barədə “Politico” yazıb.
Məqalədə qeyd edilir ki, Polşa ÜDM-ə düşən müdafiə xərclərinə görə NATO ölkələri arasında liderə çevrilib. Hazırkı hədəf 2% olmaqla 4,7% səviyyəsinə çatıb. Ölkə Aİ-nin ən böyük ordusuna malikdir, Varşava qırıcı təyyarələr, raketlər, tanklar, artilleriya sistemləri almağa milyardlarla avro xərcləyir.
“İndi cəbhəyanı dövlət öz əhalisini müharibəyə hazırlayır”, - nəşr yazır.
Martın əvvəlində Polşanın Baş naziri Donald Tusk elan edib ki, 2027-ci ildən ən azı 100.000 polyak hərbi təlim keçəcək və proqramın məqsədini "ehtiyat ordusu" yaratmaq adlandırmışdı.
Litvanın Belarus sərhədinə yaxın Pabrade şəhəri yaxınlığındakı bölgədə təlim zamanı itkin düşən 4 ABŞ əsgəri ölüb.
Bu barədə Polşada rəsmi səfərdə olan NATO baş katibi Mark Rutte məlumat verib.
“Litvada baş verən hadisədə dörd Amerika əsgəri həlak olub”, - NATO baş katibi Mark Rutte qeyd edib. Lakin o hadisənin təfərrüatlarını bilmədiyini söyləyib.
NATO-dan verilən açıqlamada qeyd olunub ki, 4 amerikalı əsgər avtomobillə Litvanın Belarusla sərhədinə yaxın Pabrade şəhəri yaxınlığındakı ərazidə taktiki təlim keçərkən itkin düşüb. Onların öldürüldüyü bildirilib.
Axtarışa Litva və müttəfiq ölkələrin hərbi qulluqçuları, həmçinin Litva Hərbi Hava Qüvvələrinin helikopterləri, Dövlət Sərhəd Xidmətinin bölmələri və Yanğından Mühafizə və Xilasetmə İdarəsinin əməkdaşları cəlb olunub. Bir neçə saat sonra batmış zirehli maşın poliqon ərazisinin su hövzəsində aşkar edilib.
"Baltic News Service" (BNS) agentliyi xəbər verir ki, 4 amerikalı hərbçinin ölümündə Rusiya və Belarus xüsusi xidmət orqanları dayana bilər. Bu versiyanın rəsmi təsdiqi yoxdur, lakin məlumat Litva və Amerika mediasında fəal şəkildə yayılır.
Hazırda xarici kəşfiyyat xidmətlərinin mümkün müdaxiləsini dəstəkləyən heç bir sübut təqdim edilməyib. Litva və ABŞ-nin rəsmi strukturlarının nümayəndələri faciənin səbəblərinin araşdırılmasına diqqət yetirərək bu fərziyyələri hələ şərh etməyiblər.
Bursanın Uludağ bölgəsində yerləşən hoteldə yanğın hadisəsi olub.
“Qafqazinfo” Türkiyə mətbuatına istinadən xəbər verir ki, bu barədə Bursa Böyükşəhər Bələdiyyəsinin başçısı Mustafa Bozbey məlumat verib.
Onun sözlərinə görə, faciə nəticəsində bir nəfər həlak olub, dörd nəfər isə xilas edib.
Qeyd olunub ki, yanan hotelin turizm fəaliyyəti göstərməyə dair sənədi olmayıb.
Xatırladaq ki, yanvarın 21-i Türkiyənin Bolu vilayətindəki Kartalkaya xizək kurortunda “Grand Kartal” hotelində də yanğın baş verib. Yanğında ümumilikdə 78 nəfər həlak olub.
2009-cu ildə “Miss Globe Türkiye” seçilən Banu Öztürk Türkiyə Prezidenti Rəcəb Tayyib Ərdoğanı təhqir etdiyi üçün saxlanılıb.
“Qafqazinfo” bu barədə “Habertürk”ə istinadən xəbər verir.
Məlumata görə, sosial şəbəkədə etdiyi paylaşımlarda Ərdoğanı təhqir edən qadın Beykoz Prokurorluğunun göstərişi ilə nəzarət altına alınıb.
Qeyd edək ki, Banu Öztürk “Avrupa yakası” və “Adanalı” kimi bir çox serialda da rol alıb.
“Ermənistanın hər üç keçmiş prezidenti hazırkı vəziyyətə görə indiki hökuməti günahlandırmağa çalışırlar, lakin hakimiyyət biz gəlməmişdən əvvəl uğursuzluğa düçar olub”.
Bu sözləri Ermənistanın Baş naziri Nikol Paşinyan parlamentdə çıxışı zamanı deyib.
Onun sözlərinə görə, keçmiş prezidentlər Ermənistanın Baş naziri ilə teledebatlarda iştirakdan imtina edirlər. Lakin bu debatlar baş tutsa belə, Paşinyan Ter-Petrosyanı, Robert Köçəryanı və Serj Sarkisyanı divara sürtməklə hədələyib.
“2020-ci ildən biz hakimiyyətə gələndə qaçılmaz olan vəziyyətə görə bizi günahlandırmağa çalışırlar, lakin onların hər üçü teledebatlarda iştirakdan imtina edirlər. Onlar deyirlər ki, mənimlə müzakirə edəcəkləri heç nə yoxdur. Sonra övladlarını, nəvələrini, nəticələrini, qayınanalarını, gəlinlərini, baldızlarını mətbuat konfransına göndərirlər. Mübahisə edəcək bir şeyin yoxdursa, susun. Hazırsınızsa, gəlin, danışaq. Əsəblərimizlə oynamağı dayandırın, sizi tapdalayacağam. Sizi divara sürtəcəyəm və siyasi cəsədlərinizin qalıqları oradan çıxarılacaq”, - Paşinyan deyib.
Həmçinin onlar Nikol Paşinyanın parlamentdə Dağlıq Qarabağ məsələsi ilə bağlı mümkün müzakirələr kontekstində səsləndirdiyi sərt bəyanatlara münasibət bildiriblər. Paşinyanın bəyanatlarından sonra eks-prezidentlər yanaşmalarını dəyişməyiblər. Onlar debatlarda iştirak etmək fikrində deyillər.
Birinci prezident Levon Ter-Petrosyanın mətbuat katibi Arman Musinyan birbaşa Paşinyanın adını çəkmədən sosial şəbəkələrdə cavab yayıb.
“O, dişləyə, ağlaya, hədələyə, şikayət edə, xəyali və olmayan şeylərdən danışa bilər. Amma o, heç vaxt Minsk Qrupunun Qarabağla bağlı rəsmi təkliflərini və Ermənistanın rəsmi cavablarını, o cümlədən 2019-cu ildə rədd etdiyi planı dərc etməyəcək”, - Musinyan qeyd edib.
O, bu cür bəyanatları daha sakit qəbul etmək lazım olduğunu deyib və bunu “kasıb ənənə” adlandırıb.
Ermənistanın ikinci prezidenti Robert Köçəryanın ofisinin rəhbəri Baqrat Mikoyan da Baş nazir Nikol Paşinyanın bəyanatlarını şərh edib. O, Baş nazirin son təhdid və bəyanatlarına kəskin reaksiya verib.
“Müzakirələr üçün ən yaxşı variant ən yaxın psixiatriya xəstəxanasının əməkdaşlarıdır. Ümumiyyətlə, arağı həblə qarışdırmaq olmaz”, - Mikoyan deyib.