 |
|
İranın sənaye, mədən və ticarət nazirinin müavini, Geologiya və Mədən Kəşfləri Təşkilatının sədri Kambiz Mehdizadə tutduğu vəzifədən istefa verib.
Trend-in məlumatına görə, İran prezidenti Həsən Ruhaninin kürəkəni olan K.Mehdizadə ötən cümə günü nazir müavini vəzifəsinə təyin edilmişdi.
Onun İranın sənaye, mədən və ticarət naziri Rza Rəhmaniyə ünvanladığı istefa məktubunda bildirilir: “Bu dövrdə məni nazirlikdə fəaliyyət göstərməyə dəvət etdiyiniz və mənə etimad etdiyiniz üçün sizə öz təşəkkürümü bildirirəm. Vəzifədən ayrılmaq və öz elmi və araşdırma fəaliyyətimi davam etdirmək üçün sizdən icazə istəyirəm”.
Qeyd edək ki, K.Mehdizadənin sənaye, mədən və ticarət nazirinin müavini və Geologiya və Mədən Kəşfləri Təşkilatının sədri vəzifələrinə təyin olunması İranda ciddi qınaq obyektinə çevrilmişdi.
Rusiya Ukrayna ilə müharibə aparmayacaq.
Axar.az xəbər verir ki, bunu Rusiya Xarici İşlər naziri Sergey Lavrov deyib. Onun sözlərinə görə, Ukraynanı normal, neytral ölkə kimi saxlamaq üçün onun ərazisində yaşayan hər kəsin komfortlu yaşamı təmin edilməlidir.
O, Ukrayna Prezidenti Pyotr Poroşenkonun dekabrda Krımla sərhəddə yeni provokasiya hazırladığını bildirib.
Lavrov Kiyevin bu provokasiyanı Qərbdəki kuratorları ilə müzakirə etdiyini də deyib.
Ermənistan və Rusiya yeni əməkdaşlıq müqaviləsi hazırlayır.
Axar.az xəbər verir ki, bunu Rusiya Xarici İşlər naziri Sergey Lavrov Ermənistanda ABŞ biolaboratoriyalarının mövcudluğuna qarşı mübarizə ilə bağlı məsələyə cavabında deyib. O, yeni sənədin Ermənistanda xarici ölkələrin hərbçilərinin mövcudluğunu qadağan etməsinə zəmanət verəcəyini bildirib.
Lavrov həmçinin Rusiyanın MDB ölkələrində diplomatlarının sayının ABŞ-dan daha az olduğunu söyləyib.
O, Rusiyanın ABŞ kimi marionet təşkilatlar yarada bilmədiyini vurğulayıb.
Feysbuk İsrailin Baş naziri Benyamin Netanyahunun oğlu Yair Netanyahunun fələstinli müsəlmanları hədəf alan paylaşımını silib və səhifəsini 24 saatlıq bloklayıb.
Axar.az xəbər verir ki, şirkətin bu addımının ardından Feysbuku hədəf alan Yair Netanyahu sosial şəbəkəni “fikir polisliyi” etməkdə ittiham edib.
“Fesbuk onu tənqid etdiyim üçün hesabımı 24 saatlıq əngəlləyib. Düşüncə polisidir. İnanılmaz”, - Yair Netanyahu bildirib.
Xatırladaq ki, Yair Netanyahu bölgədə sülhün yalnız iki qrupdan birinin buradan tamamilə ayrılmasından sonra mümkün ola biləcəyini açıqlamışdı.
Xoşagəlməz və yersiz olsa da, Batka haqlıdır. Əgər biz KTMT-də nəsə demək istəyiriksə, öz sözümüzü ilk növbədə əsas müttəfiqimiz, Azərbaycana silah satan Rusiyaya yönəltməliyik.
Axar.az xəbər verir ki, bu sözləri öz Feysbuk səhifəsində Ermənistanın Respublika Partiyasının sədri Aram Sərkisyan paylaşıb.
“Mənim fikrimcə, danışmaq yersizdir. Biz sadəcə səssiz, addım-addım NATO ilə əməkdaşlığımızı aktivləşdirməliyik və o zaman bizə münasibət birmənalı şəkildə dəyişəcək. Əminəm ki, bizə Rusiyanın lazım olduğundan daha çox biz Rusiyaya lazımıq. Əks təqdirdə Rusiyanın sərhədləri Kransanodar vilayətindən keçəcək”, – deyə o bildirib.
Qeyd edək ki, Belarus Prezidenti Aleksandr Lukaşenko bundan öncə Paşinyanın qorxduğu üçün Vladimir Putini Azərbaycana silah satışına görə tənqid edə bilmədiyini, əvəzində Minski hədəf götürdüyünü bildirib.
Əgər Rusiya Tiflislə əlaqələrini kəssə, bu, Rusiyaya heç bir xeyir verməyəcək.
Axar.az xəbər verir ki, bunu Rusiya Xarici İşlər naziri Sergey Lavrov deyib.
“Biz birbaşa uçuşlar təmin etmişik. Biz artıq Gürcüstanın vacib tərəfdaşıyıq. Təsəvvür edin ki, biz Gürcüstanla münasibətləri kəsmişik, amma ABŞ bazası və biolaboratoriyaları burada çalışmağa davam edir. Bundan sonra nə olacaq?” – deyə o bildirib.
İsrailin xarici kəşfiyyat xidməti MOSSAD-ın və Müdafiə Nazirliyinin Sayeret Matkal elit xüsusi təyinatlı dəstəsinin 47 zabiti Ukraynaya gəlib.
Axar.az xəbər verir ki, bu məlumatı Ukrayna Milli Təhlükəsizlik Xidmətinin rəhbəri Valentin Nalivayçenko deyib. Onun sözlərinə görə, bu şəxslər bütün Ukrayna ərazisində, o cümlədə Azov buxtasında olublar.
O, bu zabitlərin Rusiya tərəfindən aqressiya olacağı halda mümkün yardımlar göstərmək üçün gəldiyini bildirib.
Ermənistan Baş naziri Nikol Paşinyan Rusiya Prezidenti Vladimir Putinlə müzakirələr zamanı daimi olaraq Azərbaycana rus silahının tədarükü problemini qaldırıb.
Axar.az xəbər verir ki, bunu “Armenpress” agentliyinə açıqlamasında Paşinyanın mətbuat katibi Arman Yeqoyan deyib.
“Təəssüf ki, cənab Lukaşenko qapalı görüşlərin detallarını elan etmək praktikasını davam etdirir. O növbəti dəfə özünün dediyini, amma baş nazirin ona verdiyi cavabı deməyib”, – deyə o bildirib.
Yeqoyan həmçinin Ermənistanın bundan sonra da KTMT qarşısında öz müttəfiq öhdəliklərini icra edəcəyini bildirib.
Qeyd edək ki, bundan öncə Lukaşenko Paşinyandan KTMT iclasında niyə Putinin Azərbaycana rus silahı satmasına səsini çıxarmadığını, “dilini bir yerində gizlətdiyini”, qorxduğunu, əvəzində Minski günahlandırdığını soruşduğunu bildirib.
Bir ölkəyə tətbiq edilən sanksiyalar heç vaxt böyük dəyişikliklərə səbəb olmayıb.
Axar.az xəbər verir ki, bu sözləri İran Xarici İşlər naziri Məhəmməd Cavad Zərif Tvitter hesabında yazıb.
"Sanksiyalar həmişə sadə xalqa təsir göstərib. Lakin qətiyyən ölkə siyasətində hər hansı dəyişikliyə səbəb olmayıb", - Zərif bildirib.
Belarusun kütləvi informasiya vasitələri rusiyalı jurnalistlərlə görüşdə Prezident Aleksandr Lukaşenkonun sensasion çıxışını dərc etməkdə davam edirlər.
Axar.az Real TV-yə istinadla xəbər verir ki, həmin çıxışında belaruslu lider Ermənistan baş nazirinin vəzifələrini icra edən Nikol Paşinyanın Azərbaycana silahların satışı ilə bağlı narazılığına verdiyi cavab barədə danışıb.
“Putinin yanında ona dedim: Nikol, gəl, hər şeyə nöqtə qoyaq. Azərbaycanla silah ticarətində birinci yeri kim tutur? Kim? Cavab Rusiyadır. Bəs niyə dilini bir yerində gizlətmişdin? Ona de, Vladimir Vladimiroviçi tənqid et. Nədir, qorxursan?” – Lukeşanko bildirib.
Belarus prezidenti Paşinyana xatırladıb ki, Azərbaycana silah satışında ikinci yeri İsrail, üçüncü yeri isə Türkiyə tutur. “Polonez”lər də nəzərə alınarsa, yalnız dördüncü, ya da beşinci yeri Belarus tutur.
“Polonez”lər olmasa, onuncu olacağıq. Bax, niyə Belarusun üstünə hücum çəkirsən? Özününkülərə hücum edirsən ki, başqaları da anlasın? Elədirsə, bunu de, onda mən susaram”, - Lukaşenko əlavə edib.