 |
|
Rövşən Lənkəranskinin qardaşı Namiq Canıyev Lotu Qulinin (Nadir Səlifovun) Türkiyədə öldürülməsindən danışıb.
Unikal.org-a açıqlama verən Namiq Canıyev bildirib ki, Rövşən Lənkəranski ilə Loti Quli dost olub:
"Onun öldürülməsindən xəbərim yoxdur. Allah rəhmət eləsin!"
Xəbər verdiyimiz kimi, azərbaycanlı "Lotu Quli" ləqəbli "qanuni oğru" Nadir Səlifov Türkiyənin Antalya şəhərində qətlə yetirilib.
Unikal.org "Lotu Quli"ni qətlə yetirən şəxsin videsounu əldə edib. Belə ki, videoda "Lotu Quli"ni öldürən Xan Əhmədlinski ləqəbli kriminal avtoritet Nadir Səlifovla eyni oteldə olduqları əks olunur.
Prezidentin keçmiş köməkçisi Əli Həsənovun səhhətində ciddi problemlər yaranıb və təcili olaraq Türkiyəyə yola salınıb.
'Ailə üzvlərinin verdiyi məlumata görə, son bir neçə həftə ərzində Ə.Həsənovun ürək-damar sistemindəki problemlər kəskin şəkildə özünü büruzə verməyə başlamış və ev şəraitində müalicə almışdı.
Dünən gecə isə səhhəti qəflətən pisləşdiyinə görə Türkiyəyə yola salınıb və xəstəxanaya yerləşdirilib. Məlumata görə, Ə.Həsənov ciddi ürək çatışmazlığından, kəskin aritmiya və damar keçirməzliyindən əziyyət çəkir.
Qeyd edək ki, Ə.Həsənov 2013-cü ildə infarkt keçirdikdən sonra təcili olaraq Almaniyaya aparılıb və bir ayın içərisində iki dəfə açıq ürək əməliyyatı edilib.
(Vətəninfo.com)
Türkiyə mediası, Antalyada azərbaycanlı avtoritet "Lotu Quli" -nin öldürüldüyü hadisə yerindən video yayıb. Eyni zamanda həmin yerdə təhlükəsizlik qüvvələri tərəfindən xüsusi əməliyyat keçirilib.(Day.az)
Baş Prokuror yanında Korrupsiyaya Qarşı Mübarizə Baş İdarəsi tərəfindən Kürdəmir Rayon İcra Hakimiyyətində keçirilən əməliyyat zamanı saxlanılan icra başçısı Ceyhun Cəfərova irəli sürülən ittihamlar məlum olub.
“Report” xəbər verir ki, C.Cəfərov 308.2-ci (Vəzifə səlahiyyətlərindən sui-istifadə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (təkrar rüşvət alma) və 311.3.3-ci (külli miqdarda rüşvət alma) maddələri ilə ittiham edilir.
Qeyd edək ki, avqustun 19-da Baş prokuror yanında Korrupsiyaya Qarşı Mübarizə Baş İdarəsi tərəfindən Kürdəmir rayon İcra Hakimiyyətində əməliyyat keçirilib.
Əməliyyat zamanı icra başçısı ilə yanaşı, başçının birinci müavini Tacəddin Novruzov, ərazi idarəetmə şöbəsinin müdiri Natiq Kərimov və digər vəzifəli şəxslərin saxlanıldığı bildirilir.
Kriminal avtoritet “Lotu Quli”nin qətli ilə bağlı yeni məlumat yayılıb.
“Qafqazinfo” Türkiyə mətbuatına istinadən xəbər verir ki, Nadir Səlifovun qətlinə görə daha bir nəfər saxlanılıb.
Bildirilir ki, Antalyanın Serik mahalında “qanuni oğru”nu öldürən və qaçan iki şübhəli - 25 yaşlı “Xan Əhmədlinski” (Xəqan Zeynalov) ilə 26 yaşlı Əmir Əhmədli səhərə yaxın Denizlide saxlanılıb. Şübhəli şəxslər yüksək təhlükəsizlik tədbirləri altında zirehli avtomobildə Antalyaya aparılıb.
Azərbaycanlı "qanuni oğru" Nadir Səlifov Türkiyənin Antalya şəhərində qətlə yetirilib.
"Qafqazinfo" xəbər verir ki, bu, son 7 il ərzində Türkiyədə sui-qəsd nəticəsində qətlə yetirilən üçüncü azərbaycanlı "qanuni oğru"dur.
Belə ki, bundan 7 il öncə kriminal aləmdə "Qoca Yasamalski" kimi tanınan Əlibala Həmidov Türkiyədə qətlə yetirilib. İddialara görə, "Qoca"nı öldürməyi Lənkəranski əmr edib. 18 avqust 2013-cü ildə altı nəfər maskalı silahlı şəxs İstanbulun Baxçaşəhər səmtindəki yaşayış binasının ərazisinə daxil olaraq bir neçə atəşlə Həmidovu və onun 29 yaşlı rəfiqəsi, Rusiya vətəndaşı Asiyət Alaşovanı ağır yaralayıb. Həmidov xəstəxanaya aparılarkən yolda ölüb və ölərkən Alaşovaya sadəcə bir kəlmə — Rövşən deyib.
Fotoda Əlibala Həmidov
.jpg)
Həmin hadisədən 3 il sonra, yəni 2016-cı ildə isə məşhur "qanuni oğru", kriminal aləmdə Rövşən Lənkəranski kimi tanınan Rövşən Caniyev İstanbulun Beşiktaş rayonunda uğradığı sui-qəsd nəticəsində öldürülüb.
Əlibala Həmidov Nadir Səlifovun klanına daxil olub. Elə buna görə də iddia olunur ki, Quli Bakıdakı 8 saylı cəzaçəkmə müəssisəsində oturarkən Həmidovun ölümünə görə Canıyevi aradan götürməyi əmr edib.
Burada ən maraqlı məsələ hər üç "qanuni oğru"nun ölüm tarixləridir. Belə ki, Lənkəranski və Qoca Yasamalski 18 avqustda, Nadir Səlifov isə 19 avqustda öldürülüb. Bu isə qisas iddialarını bir qədər gücləndirən məqamdır.
Lakin Canıyev öldürülən zaman həbsdə olan Səlifov Lənkəranskinin qətlə yetirilməsində təəssüfləndiyini qeyd edib. Bu barədə "Lotu Quli"nin vəkili Təranə Əliyeva mətbuata açıqlamasında bildirmişdi:
“Biz Nadir Səlifovla o barədə söhbət etdik. O, Rövşən Lənkəranskinin ölüm xəbərinə çox pis oldu. Onların arasında elə bir problem yox idi. Bu xəbəri cəzaçəkmə müəssisəsinin işçilərindən öyrənib, təəssüf və təəccüblə qarşılayıb".
Amma buna baxmayaraq, "Lotu Quli"yə qarşı qisas məqsədi ilə sui-qəsd planı hazırlanıb. Belə ki, 2017-ci ilin noyabrnda İstanbulun Bahçelievler bölgəsində yerləşən AVM-də keçirilən əməliyyat zamanı bir qrup şəxs saxlanılıb. Əməliyyat nəticəsində saxlanılanlar arasında Rövşən Lənkəranskinin qardaşı Namiq Canıyev və Lənkəranskinin killeri kimi tanınan "Hacı Beyləqanski" də ( Hacıbaba Talıbxanlı) olub.
Solda Namiq Caniyev, sağda Hacıbaba Talıbxanlı
Həmin vaxt Türkiyə mətbuatının yaydığı məlumata görə, Namiq Canıyev “Lotu Quli”dən qardaşının qisasını almaq üçün mütəşəkkil cinayətkarlıq dəstəsi “Şirinlər”lə 5 milyon dollar qarşılığında anlaşıb.
Lakin, qardaş ölkənin hüquq-mühafizə orqanlarının əməkdaşları sui-qəsddən xəbər tutaraq onları saxlayıb. Onlar bir müddət sonra məhkəmənin qərarı ilə sərbəst buraxılıblar.
Onu da qeyd edək ki, Nadir Səlifov 2018-ci ilin oktyabrında Türkiyədə saxlanılıb. Həmin vaxt Silivri həbsxanasında saxlanılan Qulinin Rusiyaya ekstradisiyası gözlənilsə də, o, qısa müddət sonra sərbəst buraxılıb. Ölkədən deport edilən Səlifov bu müddət ərzində, Çernoqoriya və BƏƏ-də olub. Onun qeyri-qanuni yolla Türkiyəyə yenidən qayıtdığı bildirilir.
Xatırladaq ki, Nadir Səlifov Moskvada adam oğurluğu və hədə-qorxu ilə insanlardan pul almaqda təqsirli bilinirdi. O, qiyabi olaraq Rusiya Federasiyası Cinayət Məcəlləsinin 126 və 163-cü maddələri ilə ittiham olunurdu. Bu ittihamlarla Rusiya “Lotu Quli” barəsində beynəlxalq axtarış elan etmişdi.
“Lotu Quli”ni güllələyən şəxslə bağlı bəzi məlumatlar daxil olmaqdadır.
Virtualaz.org xəbər verir ki, həmin şəxs “Xan Əhmədlinski” ləqəbi ilə tanınan kriminal avtoritetdir.
Bildirilir ki, “Xan” son vaxtlar “Lotu Quli”nin təşəbbüsü ilə onun yaxın ətrafına daxil olubmuş. Sosial şəbəkələrdə “Lotu Quli”nin “Xan Əhmədlinski” ilə birlikdə çəkilmiş fotoları da yer alır.
Qeyd edək ki, kriminal aləmdə "Lotu Quli" ləqəbi ilə tanınan Nadir Səlifov Türkiyədə qətlə yetirilib.
O, Antalyada şam etdiyi zaman yaxınları tərəfindən sui-qəsdə məruz qalıb.
Bununla bağlı “Anadolu” agentliyi məlumat yayıb.
Onun bir restoranda şam etdiyi şəxs tərəfindən silahla vurularaq öldürüldüyü bildirilir.
“Loti Quli”nin başından 4 güllə yarası aldığı bildirilir. O xəstəxanaya çatdırılsa da, həyatını xilas etmək mümkün olmayıb.
İlkin məlumata görə, onu öldürən şəxs də yaralanıb və hadisə yerindən qaçmağa müvəffəq olub. Ancaq cinayətkar Antalya-Dənizli yolunda polislər tərəfindən saxlanılıb.
“Lotu Quli” kimi tanınan kriminal avtoritet Nadir Səlifov Türkiyədə qətlə yetirilib.
Bununla bağlı “Anadolu” agentliyi məlumat yayıb.
Onun bir restoranda şam etdiyi şəxs tərəfindən silahla vurularaq öldürüldüyü bildirilir.
Cinayətdə şübhəli bilinən şəxs qaçmaq istəyərkən Antalya-Dənizli avtomagistralında yaxalanıb.
Qeyd edilir ki, “Lotu Quli” Serik rayonunda bir hotelin restoranında öldürülüb.
Hadisə yerinə gələn təcili tibbi yardım maşını kriminal avtoriteti xəstəxanaya çatdırsa da, onun həyatını xilas etmək mümkün olmayıb.
Yardımlı rayonunda dərədə kişi meyiti tapılıb.
Report-un məlumatına görə, Tahirli kənd sakini Təyyar Sərhadalı oğlu Məhərrəmov üç gün əvvəl meşə gözətçisi olduğu əraziyə getmək üçün avtomobilini aşağı kənddəki həyətlərdən birində saxlayıb.
Ailə üzvləri iki gün ərzində T.Məhərrəmovun qayıtmadığından narahat olduqlarına görə polis şöbəsinə məlumat veriblər.
Bu gün meşəbəyinin meyiti Hanoba meşəsindəki dərədə aşkar olunub.
Hadisənin hansı şəraitdə baş verməsi barədə hələlik məlumat yoxdur.
Mərhumun meyiti müayinə olunmaq üçün aidiyyəti üzrə təhvil verilib.
T.Məhərrəmovun üç ay əvvəl meşəbəyi təyin olunduğu bildirilir.
Faktla bağlı Yardımlı Rayon Prokurorluğunda araşdırma aparılır.