 |
|
Hüquq-mühafizə orqanlarının əməkdaşları tərəfindən Cəlilabad Rayon İcra Hakimiyyətinin (RİH) inzibati binasında əməliyyat keçirilir.
Report xəbər verir ki, saxlanılanlar var.
Qeyd edək ki, Cəlilabad Rayonunun İcra Hakimiyyətinin başçısı Namiq Zeynalovdur. O, 2018-ci ilin fevralın 6-dan bu vəzifədə çalışır.
Bu barədə xəbəri ilk olaraq sabah.az saytı yayıb.
Ermənistanın Mehri rayonunun şimal-qərb hissəsində olan molibden yataqlarının yuyulması nəticəsində Araz çayına kifayət qədər zəhərli maddələr axıdılır.
Trend məlumatına görə, bunu AMEA-nın Geologiya və Geofizika İnstitutunun şöbə müdiri, geologiya-mineralogiya üzrə elmlər doktoru, professor Musa Məmmədov bildirib.
Onun sözlərinə görə, Ermənistanın Qafan inzibati rayonu ərazisindən axan Oxçuçay vasitəsilə Araz çayı çirkləndirilir:
“Kür çayı Sabirabadın yaxınlığında Araz çayı ilə birləşir və digər zərərli elementlərlə zənginləşir. Bu çirklənmə də bizim insanlarımızın sağlamlığına və təsərrüfatımıza kifayət qədər zərbə vurur. Ermənilər Ağstafaçay, Həsənsu çaylarının yuxarı hissəsində də həmin fəlakəti törədirlər”.
Ağdaş Rayon Polis Şöbəsinin əməkdaşları tərəfindən rayon ərazisində yaşayan və evdə müalicə alan koronavirus xəstələri yoxlanılan zaman rayonun Sadavat kənd sakini Tahir Əhmədovun yaşadığı ünvanı tərk etdiyi məlum olub.
DİN-dən “Qafqazinfo”ya verilən məlumata görə, T.Əhmədovun COVİD-19 testinin nəticəsi pozitiv olduğuna görə ev şəraitində müalicə alsa da o, qaydaları pozaraq ictimaiyyət arasına çıxıb və Bakı şəhərinə getmək istəyərkən saxlanılıb. Koronavirus xəstəsi yaşadığı evə geri qaytarılıb.
İnfeksiyanın yayılmasına şərait yaradan və digərlərinin də sağlamlığını təhlükə altında qoyan T.Əhmədov barəsində Ağdaş Rayon Polis Şöbəsində Azərbaycan Respublikası Cinayət Məcəlləsinin 139-1.1-ci maddəsi ilə cinayət işi başlanılıb.
Azərbaycan Yurddaş Partiyasının sədri Mais Səfərli vəfat edib.
Report xəbər verir ki, bu barədə mərhumun yaxınları məlumat yayıb.
M.Səfərli 62 yaşında koronavirusdan vəfat edib.
Allah rəhmət eləsin!
Erməni silahlı qüvvələrinin 27 ildir işğal altında saxladığı ərazilərdə qurduğu beton istehkamlardan daha birinin görüntüləri yayımlanıb.
"Ölkə.Az" xəbər verir ki, əsgərlərimiz tərəfindən qeyd olunan görüntülərdə ermənilərin beton, dəmir və torpaqdan ibarət istehkamı nümayiş olunub.
Sözügedən video sosial şəbəkələrdə yayımlanıb.
Erməni silahlı qüvvələrinin 27 ildir işğal altında saxladığı ərazilərdə qurduğu beton istehkamlardan daha birinin görüntüləri yayımlanıb.
"Ölkə.Az" xəbər verir ki, əsgərlərimiz tərəfindən qeyd olunan görüntülərdə ermənilərin beton, dəmir və torpaqdan ibarət istehkamı nümayiş olunub.
Sözügedən video sosial şəbəkələrdə yayımlanıb.
Dövlət Təhlükəsizliyi Xidməti yaralı qazilərə yardım vəsaitlərini ələ keçirəni saxlayıb.
Bu barədə DTX məlumat yayıb.
Bildirilib ki, Vətən Müharibəsində iştirak edərək yaralanmış hərbi qulluqçulara və ailələrinə yardım edilməsi məqsədilə onların təqdim etdikləri bank kartı hesablarından pul vəsaitlərinin ələ keçirilməsi barədə sosial şəbəkələrdə yayılıb və geniş ictimai qınağa səbəb olmuş məlumatlar Dövlət Təhlükəsizliyi Xidməti tərəfindən araşdırılıb.
1992-ci il təvəllüdlü Rüstəmov Ramil Elxan oğlunun sosial şəbəkərlərdə yaralı hərbi qulluqçulara və ailələrinə yardım məqsədilə edilən paylaşımları axtarıb tapması, həmin şəbəkələr üzərindən əlaqəyə girərək yazışmaqla onlara məxsus kartlara dair fərdi məlumatları öyrəndikdən sonra oradakı vəsaitləri ələ keçirməsinə əsaslı şübhələr müəyyən edilib.
R.Rüstəmov qeyd olunan cinayət əməllərinə görə şübhəli şəxs qismində saxlanılaraq məsuliyyətə cəlb edilib.
Hazırda araşdırmalar davam edir.
Koronavirus infeksiyasının yayılmasının qarşının alınması məqsədi ilə ölkəmizdə elan edilən xüsusi karantin rejiminin müxtəlif yollarla pozulması hallarına qarşı prokurorluq orqanları tərəfindən kompleks və ardıcıl tədbirlər davam etdirilir.
Bu barədə "Ölkə.Az"a Bərdə Rayon Prokurorluğundan məlumat verilib.
Belə ki, Bərdə rayon sakini, 1955-ci il təvəllüdlü Məmmədov Çingiz Rəhim oğlu COVID-19 virusu ilə bağlı test analizi verməklə testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 02.12.2020-ci il tarixdə Bərdə rayonu ərazisində rayon sakinləri ilə təmasda olmaqla epidemiya əleyhinə, eləcə də karantin rejimini kobud surətdə pozub yeni növ koronavirus infeksiyasının yayılması üçün real təhlükə yaradıb.
Faktla bağlı Bərdə Rayon Prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanaraq istintaqın aparılması üçün aidiyyəti üzrə Bərdə Rayon Polis Şöbəsinə göndərilib.
Hazırda iş üzrə zəruri istintaq hərəkətləri davam etdirilir.
Bakı Hərbi Məhkəməsində Fövqəladə Hallar Nazirliyinin (FHN) Kiçik Həcmli Gəmilərə Nəzarət və Sularda Xilasetmə Dövlət Xidmətinin Bakı və Abşeron regional şöbəsinin sabiq rəisi Abdullayev Abdulla Əbülfəz oğlunun barəsində seçilmiş həbs qətimkan tədbirinin müddətinin uzadılması ilə bağlı istintaq orqanının təqdimatına baxılıb.
Hakim Camal Ramazanovun sədrlik etdiyi iclasda qərar elan edilib.
Qərara əsasən, təqdimat təmin edilib və A.Abdullayevin həbs müddəti artırılıb.
Qeyd edək ki, A.Abdullayev balıqçılardan rüşvət qismində pul almaqda təqsirləndirilərək həbs edilib.
Ona Cinayət Məcəlləsinin 311.3.3-cü (külli miqdarda rüşvət alma) maddəsi ilə ittiham verilib.
Separatçıların keçmiş “müdafiə naziri” Cəlal Arutyunyan ilə Ermənistanın sabiq müdafiə naziri David Tonoyan arasında baş vermiş qalmaqalın təfərrüatları məlum olub.
"Ölkə.Az" xəbər verir ki, bu barədə “Mediaport” Telegram kanalı öz mənbələrinə istinadən məlumat yayıb.
Bildirilir ki, Cəlal Arutyunyan Azərbaycan Ordusunun dəqiq zərbələri ilə məhv edilməmişdən əvvəl onunla David Tonoyan arasında mübahisə düşüb.
Mübahisəyə səbəb İordaniyadan gətirilən hava hücumundan müdafiə sistemlərinin istifadə edilməməsi olub. Həmin qurğuların bir çoxu istfadəyə yararsız olduğundan tərəflər arasında mübahisələr qızışıb.
“Mübahisə zamanı Cəlal Arutyunyan müharibə bitdikdən sonra susmayacağını, cənub cəbhəsindəki hava məkanının tamamilə müdafiəsiz hala gəldiyinə görə günahkar olan insanların adlarını açıqlayacağını deyib. Üstəlik, məlum partlayışdan bir gün əvvəl Cəlal Arutyunyan Arayik Arutyunyanı (Qarabağ separatçılarının rəhbəri-red.) təcili Şuşa ətrafında müdafiə istehkamlarının inşasına başlamağa çağırıb. Çünki qarşı tərəf bu istiqamətdə yeni qüvvələr toplayırmış və bu səbəbdən keçmiş nazir əlavə ehtiyat qüvvələri və top tədarükünə başlamağa ehtiyac olduğunu bildirib”, – deyə “Mediaport” Telegram kanalı yazıb.
Cəlal Arutyunyanın yaxınları iddia edirlər ki, onun hərəkət istiqaməti ilə bağlı məlumat qəsdən sızdırılıb: “Bunun nəticəsində Azərbaycan Silahlı Qüvvələri “nazirin” yerini asanlıqla müəyyən edə bilib”.
Xatırladaq ki, Cəlal Arutyunyan oktyabrın 27-də Azərbaycan Ordusu tərəfindən məhv edilib. Ermənistan tərəfi hələ də onun ölmədiyini iddia edir. (virtualaz.org)
Türkiyənin Diyarbəkir şəhərində YPG/PKK terror təşkilatının 400 nəfərlik taborundan və Suriyadakı neft quyularının təhlükəsizliyindən məsul olan Narin Oso məhv edilib.
Oxu.az məlumat verir ki, Zinarin ləqəbli terrorçu PUA vasitəsilə təsbit edilərək, F-16 ilə zərərsizləşdirilib.
Onunla birgə mühafizəçisi Elif Eyləm Önkol da öldürülüb.
PKK iki terrorçunun öldürüldüyünü bir il sonra açıqlaya bilib. Onlar terror təşkilatının əsas simalarını adi terrorçu kimi təqdim ediblər.