 |
|
Azərbaycan-Ermənistan dövlət sərhədinin Tovuz rayonu istiqamətində gedən döyüşlər zamanı bölmələrimizin sərrast zərbəsi ilə Ermənistan silahlı qüvvələrinə məxsus kazarma məhv edilib.
Bu barədə Müdafiə Nazirliyi məlumat yayıb.
Məlum olduğu kimi, iyulun 14-dən 15-nə keçən gecə orduya dəstək yürüşünün sonunda bəzi xoşagəlməz məqamlar yaşanıb.
Bir qrup yürüş iştirakçısı Milli Məclisin birinci mərtəbəsinə toplaşıb və orada bir sıra dağıntılar törədib. Bununla yanaşı, hüquq-mühafizə orqanlarının əməkdaşları arasında yaralananlar olub, polis avtomobillərinə ciddi zərər dəyib.
Həmin gecə ərazidə yaşananları kadra alan fotoqraf Famil Mahmudbəyli gördüklərini belə şərh edib: “Xalqımızın Azərbaycan dövlətinə və ordusuna dəstək yürüşündən sonra bir qrup təxribatçı bu yürüşün məramına və məqsədinə kölgə salmaqa çalışdılar. Onların qısa müddət ərzində törətdiyi fəsadları fotolarda da görə bilərsiniz. Yoxsa daha pis nəticələr ola bilərdi. Bunu orada olan və bütün hadisələri anbaan izləyən biri kimi əminliklə deyirəm”.
Fotoqrafın çəkdiyi kadrları təqdim edirik:
İyulun 16-sı səhər saatlarında Ermənistan silahlı qüvvələrinin bölmələri “X-55” taktiki pilotsuz uçuş aparatı (PUA) vasitəsilə dövlət sərhədinin Tovuz rayonu istiqamətindəki mövqelərimiz üzərində kəşfiyyat uçuşları keçirməyə cəhd göstərib.
Müdafiə Nazirliyindən verilən məlumata görə, bölmələrimizin sayıqlığı nəticəsində düşmən PUA-sı dərhal aşkarlanaraq məhv edilib.
Şəmkirdə sosial şəbəkələrdə yürüş keçiriləcəyi ilə bağlı saxta məlumat paylaşan şəxslər saxlanılıb.
Daxili İşlər Nazirliyinin Mətbuat Xidmətindən “Qafqazinfo”ya verilən məlumata görə, iyul ayının 12-dən etibarən düşmənlə təmas xəttində gərgin vəziyyətin hökm sürdüyü vaxtda sosial şəbəkələrdə Şəmkir rayon ərazisində yürüş keçiriləciyi ilə bağlı insanlar arasında çaşqınlıq yarada biləcək əsassız, həqiqətə uyğun olmayan yalan məlumatlar paylaşılıb.
Şəmkir rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində həmin məlumatları paylaşan şəxslərin kimliklər müəyyən edilib. Belə ki, araşdırmalarla məlum olub ki, rayon sakinləri İdris Həsənov və Hidayət Hidayətli müntəzəm olaraq sosial şəbəkələrdə vətəndaşlara həqiqətə uyğun olmayan çağırışlar edib. Həmin şəxslər saxlanılaraq RPŞ-yə gətirilib, profilaktiki söhbətlər aparılıb.
Barələrində İnzibati Xətalar Məcəlləsinin müvafiq maddəsi ilə protokol tərtib edilərək baxılması üçün rayon məhkəməsinə göndərilib.
Məhkəmənin qərarı ilə İ. Həsənov 20, H. Hidayətli isə 10 gün müddətinə inzibati qaydada həbs edilib.
Xəbər verildiyi kimi, iyulun 12-dən başlayaraq Ermənistan silahlı qüvvələri tərəfindən Azərbaycan-Ermənistan dövlət sərhədinin Tovuz rayonu istiqamətində atəşkəs rejimi kobud şəkildə pozularaq mövqelərimiz atəşə tutulub. Azərbaycan Ordusunun bölmələri tərəfindən görülən təcili cavab tədbirləri nəticəsində düşmənin aktivliyinin qarşısı alınmaqla onlara sarsıdıcı zərbələr vurulub.
Baş Prokurorluqdan “Qafqazinfo”ya verilən məlumata görə, Ermənistan Azərbaycan Respublikasının Silahlı Qüvvələri qarşısında növbəti dəfə acizlik nümayiş etdirməklə, beynəlxalq humanitar hüququn fundamental norma və prinsiplərini, 1949-cu il tarixli “Cenevrə Konvensiyası”nın müharibə zamanı mülki şəxslərin müdafiəsi haqqında müddəalarını, ö cümlədən müharibə hüququnun əsas prinsiplərini və ümumqəbul edilmiş qaydaları kobud şəkildə pozmaqla, mülki əhali və döyüşənləri fərqləndirmədən, mülki əhali arasında itkilərdən qaçmalı olduqları halda, birbaşa və qəsdən mülki əhalının sıx yaşadığı əraziləri hədəfə alıb atəşə tutmaqla onlara qarşı müxtəlif cinayətlər törədiblər.
Belə ki, iyulun 14-də saat 14 radələrində Ermənistanın silahlı qüvvələri tərəfindən Tovuz rayonu, Dondar Quşçu kənd sakini Əliyeva Telarə Əhməd qızına məxsus evə odlu silah mərmisinin atılması və həmin mərminin partlaması nəticəsində zərərçəkmiş şəxsin əmlakı qəsdən məhv edilməklə sonuncuya xeyli miqdarda ziyan vurulub.
Dərhal prokurorluq və polis əməkdaşları tərəfindən hadisə yerinə baxış keçirilməklə maddi sübutlar toplanılıb, dəymiş ziyanın məbləğini müəyyən etmək məqsədi ilə mütəxəssislər cəlb olunub və digər zəruri istintaq hərəkətləri həyata keçirilib.
Faktla bağlı Tovuz rayon prokurorluğunda Cinayət Məcəlləsinin 186.2.2-ci (yandırmaqla, partlatmaqla, və ya başqa ümumi təhlükəli üsulla özgənin əmlakını qəsdən məhv etmə və ya zədələmə zərərçəkmiş şəxsə xeyli miqdarda ziyan vurulmaqla törədildikdə və ya ağır nəticələrə səbəb olduqda) maddəsi ilə cinayət işi başladılıb.
Hazırda iş üzrə zəruri və intensiv istintaq tədbirləri davam etdirilir.
İyulun 16-da səhər saatlarından başlayaraq Azərbaycan-Ermənistan dövlət sərhədinin Tovuz rayonu sahəsində Ermənistan silahlı qüvvələrinin bölmələrinin mövqelərimizə yenidən hücum cəhdi olub.
Bununla bağlı Müdafiə Nazirliyi məlumat yayıb.
Eyni zamanda, rayonun Ağdam, Dondar Quşçu və Vahidli kəndləri iriçaplı silahlar və minaatanlardan atəşə tutulub. Mülki əhali arasında xəsarət alan yoxdur.
Hazırda bu istiqamətdə döyüş gedir. Əməliyyat şəraiti bölmələrimizin nəzarəti altındadır.
İctimaiyyətə əlavə məlumat veriləcək.
Milli Məclisin inzibati binasının qarşısında gənc oğlan özünü doğrayıb.
Baku.ws verdiyi xəbərə verir ki, görüntüdə vətəndaşın özünə bıçaqla xəsarət yetirməsi əks olunub.
Onun bu əməlini hansı səbəbdən etdiyi hələlik məlum deyil.
Hüquq-mühafizə orqanlarından verilən məlumata görə, faktla bağlı araşdırma aparılır.
Yaxın saatlarda hadisə ilə bağlı ətraflı məlumat veriləcək.
Ötən gün axşam saatlarında Ermənistan silahlı qüvvələri növbəti dəfə təxribata əl ataraq mülki yaşayış məntəqələrini hədəfə alıb.
“Qafqazinfo”nun məlumatına görə, Ermənistan ordusu tərəfindən atılan mərmi Tovuzun Aşağı Öysüzlü kənd sakini Qasımov İlqam Allahverdi oğlunun həyətinə düşüb. Ətrafa saçılan mərmilər evə ziyan vurub.
Qeyd edək ki, hadisə zamanı ev sakinləri evdə olub. Onlar arasında ailənin yaş yarımlıq körpəsi Elcan Qasımov da var.
Aşağı Öysüzlü kəndi cəbhə bölgəsindən təxminən 15 km aralı məsafədə yerləşir.
Emin Səfərov
Fotolar: Pərvin Zeynal
“Biz hazırda Tovuzun Mərkəzi Xəstəxanasının yanındayıq. Ermənistan Cenevrə konvensiyasının 18-ci maddəsini pozaraq xəstəxananı hədəf alıb”.
Bunu “Qafqazinfo”ya açıqlamasında Ombudsman Səbinə Əliyeva bildirib. O qeyd edib ki, Ermənistan tərəfi təcavüzkar siyasətini davam etdirir:
“Həmin maddədə qeyd olunur ki, münaqişə tərəfləri heç bir halda mülkü yaşayış yerlərini, xəstəxanaları hədəf almamalıdır. Halbuki Ermənistan ordusunun atdığı mərmilərdən biri xəstəxananın yanına düşüb. Biz buna qəti etiraz edirik. Bu barədə müvafiq beynəlxalq qurumları məlumatlandıracağıq”.
Ermənistan silahlı qüvvələrinin bölmələri cəbhənin müxtəlif istiqamətlərində gərginliyi artırmaq məqsədilə iriçaplı pulemyotlardan, snayper tüfənglərindən, 82 millimetrlik minaatanlardan və digər artilleriya qurğularından da istifadə etməklə sutka ərzində atəşkəs rejimini 91 dəfə pozub.
Müdafiə Nazirliyi məlumatına görə, Ermənistan Respublikası Çəmbərək rayonunun Cil kəndində və adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.
Tərtər rayonunun işğal altında olan Çiləbürt, Ağdam rayonunun Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qərvənd, Qaraxanbəyli, Aşağı Seyidəhmədli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Düşmən cavab atəşi ilə susdurulub, əməliyyat şəraiti bölmələrimizin tam nəzarəti altındadır.