 |
|
Ötən gündən etibarən İrandan Ermənistana silah daşınmasına dair sosial şəbəkələrdə videolar yayılır. Bununla bağlı iddia olunan video paylaşımlar insanlarda ciddi narahatlığa səbəb olub.
"Qafqazinfo" xəbər verir ki, buna etiraz edən İrandakı azərbaycanlıların dünən gecə həmin maşınları yandırdıqları iddia olunur.
Azərbaycan ictimaiyyəti sosial şəbəkələrdə bu kimi halların İranla qonşuluq, dostluq münasibətlərinə, İslam həmrəyliyi prinsiplərinə zidd olduğunu bildirib.
Ermənistan silahlı qüvvələri cəbhənin Tərtər istiqamətində rayon və kənd mərkəzlərini, mülki infrastruktur obyektlərini – yaşayış evlərini, xəstəxanaları, tibb məntəqələrini, məktəb binalarını, uşaq bağçalarını, dövlət qurumlarının inzibati binalarını, təsərrüfat təyinatlı əraziləri ağır artilleriya qurğularından intensiv atəşə tutmaqda davam edir.
“Qafqazinfo”nun Tərtərə ezam olunmuş əməkdaşlarının verdiyi məlumata görə, düşmən mərmilərindən biri də sentyabrın 27-də Qaraağacı kənd tam orta məktəbinin həyətinə düşüb. Nəticədə təhsil ocağına ciddi ziyan dəyib.
Qeyd edək ki, sözügedən məktəbdə 360 şagird təhsil alır. Hazırda vəziyyətlə əlaqədar Təhsil Nazirliyi tərəfindən cəbhədəki məktəblərin dərs cədvəli dəyişdirilib.
***
Bundan başqa, bir neçə dəqiqə öncə düşmənin atdığı mərmi rayonun Düyərli kəndi ərazisində yerləşən geyim mağazasına düşüb. Nəticədə Emin Əhmədova məxsus obyekt tamamilə dağılıb.
Emin Səfərov
Pərvin Zeynal
Bir neçə dəqiqə bundan əvvəl Ermənistan silahlı qüvvələrinin artilleriya bölmələri Goranboy rayonunun Aşağı Ağcakənd kəndini atəşə tutmağa başlayıb.
Bu barədə Müdafiə Nazirliyi məlumat yayıb.
Bildirilib ki, bölmələrimiz düşmənə qarşı adekvat cavab tədbirləri görür.
Sentyabrın 30-da səhər saat 08.00-dan etibarən Ermənistan silahlı qüvvələrinin bölmələri Tərtər şəhərini artilleriya atəşinə tutur.
Bu barədə "Ölkə.Az"a Azərbaycan Müdafiə Nazirliyindən məlumat verilib.
"İlkin məlumata görə mülki infrastruktura ziyan dəyib və yaralılar var", - Nazirlikdən bildirilib.
İşğal olunmuş torpaqlarımızın azad olunması uğrunda Azərbaycan Ordusunun apardığı gərgin döyüşlər davam edir.
Bu barədə "Ölkə.Az"a Azərbaycan Müdafiə Nazirliyindən məlumat verilib.
Qeyd olunub ki, sentyabrın 27-dən bu gün səhər saatlarınadək düşmənin 2300 nəfərədək canlı qüvvəsi məhv edilib və yaralanıb, 130-dək tank və digər zirehli texnikası, 200-dən artıq artilleriya, yaylım atəşli raket sistemləri, minaatan, 25-dək hava hücumundan müdafiə vasitələri, 6 komanda-idarəetmə və komanda-müşahidə məntəqələri, 5 silah-sursat anbarı, 50-dək tankəleyhinə vasitələr, 55 ədəd avtomobil texnikası məhv edilib və sıradan çıxarılıb.
Dünən gedən döyüşlər ərzində Xocavənd rayonunun Şuşakənd ərazisində düşmənin 1 S-300 zenit-raket qurğusu sıradan çıxarılıb.
İtirilmiş mövqeləri geri qaytarmaq üçün Madagiz istiqamətinə əlavə qüvvələr cəmləşdirən düşmən sentyabrın 30-u səhər saatlarından başlayaraq hücuma cəhd göstərib. Düşmənin bu fəaliyyətinin qarşısı alınır və onun müqavimətinin qırılması məqsədilə qoşunlarımız tərəfindən əks-həmlə əməliyyatı keçirilir.
Hazırda bütün cəbhə boyu hərbi əməliyyatlar davam edir.
Dünən gedən döyüşlər ərzində Xocavənd rayonunun Şuşakənd ərazisində düşmənin 1 S-300 zenit-raket qurğusu (ZRK) sıradan çıxarılıb.
Bu barədə "Ölkə.Az"a Azərbaycan Müdafiə Nazirliyinin (MN) Mətbuat Xidmətindən məlumat verilib.
Xatırladaq ki, dünən MN açıqlama yayaraq S-300 ZRK-ları ilə bağlı Ermənistana xəbərdarlıq etmişdi:
"Döyüşlərdə tətbiq edilməsi üçün Ermənistandan hərəkət edən S-300 ZRK işğal olunmuş ərazilərimizə daxil olduğu anda məhv ediləcək. Əldə etdiyimiz kəşfiyyat məlumatına əsasən, Yerevanın hava məkanını müdafiə edən S-300 zenit-raket kompleksləri döyüş növbətçiliyindən çıxarılaraq işğal olunmuş ərazilərimiz istiqamətində hərəkət edir.
Bildiririk ki, onları da Ordumuz tərəfindən Dağlıq Qarabağda Ermənistan ordusunun məhv edilən digər döyüş texnikalarının aqibəti gözləyir".
Hazırda bütün cəbhə boyu hərbi əməliyyatlar davam edir.
Ermənistan hərbi birləşmələrinin növbəti dəfə ağır artilleriyadan Tərtər şəhərini intensiv atəşə tutması səbəbindən bu gün, saat 08:00 radələrində dövlət qurumlarının inzibati binalarının yaxınlığına top mərmisinin düşməsi nəticəsində yeddi nəfər mülki şəxs müxtəlif dərəcəli bədən xəsarətləri alaraq, xəstəxanalara yerləşdirilib, o cümlədən, mülki infrastruktur obyektlərə külli miqdarda ziyan vurulub.
Bununla bağlı Baş Prokurorluq məlumat yayıb.
Bildirilib ki, hazırda prokurorluq əməkdaşları tərəfindən döyüş şəraitində mümkün olan bütün istintaq əməliyyat tədbirləri həyata keçirilir, o cümlədən, yaralananların aldıqları xəsarətlərin ağırlıq dərəcəsini, eləcə də, mülki infrastruktur obyektlərinə dəymiş ziyanın məbləğini müəyyən etmək məqsədilə müvafiq ekspertizalar təyin edilib.
“Azərbaycan Ordusunun genişmiqyaslı döyüş əməliyyatı nəticəsində Madagizdəki Ermənistan ordusunun alayı tamamilə demoralizə olunub, ölümqabağı əzabları başlayıb”.
Bunu Müdafiə Nazirliyinin Mətbuat Xidmətinin rəisi, polkovnik Vaqif Dərgahlı deyib.
Onun sözlərinə görə, düşmənin şəxsi heyət təşviş içindədir:
“Dəstək məqsədilə yeni gələn ehtiyat qüvvələri də daxil olmaqla, bir çoxları döyüşə girməkdən imtina edir və döyüş əməliyyatı rayonunu tərk edirlər”.
Azərbaycan Ordusu düşmənin daha bir neçə canlı qüvvəsini məhv edib.
Oxu.az bildirir ki, kadrlar Azərbaycanın işğal altında olan Xocalı rayonunun inzibati ərazisinə daxil olan Şuşakənddə qeydə alınıb.
Görüntülərdən aydın olur ki, ordumuza məxsus dron-kamikadze düşməni izləyir. Bunun fərqinə varan düşmən əsgərləri aciz qaldıqlarını görərək, gizlənməyə çalışırlar.
Ancaq Azərbaycan Ordusuna məxsus dron-kamikadze erməni hərbçilərinin yerini müəyyənləşdirərək, onları məhv edir.
“Düşmənin əks-hücum cəhdi dəf edilib”.
Bunu Azərbaycan Müdafiə Nazirliyi Mətbuat Xidmətinin rəisi, polkovnik Vaqif Dərgahlı bildirib.
O qeyd edib ki, Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.