 |
|
Yasamal rayonu ərazisindəki yaşayış binalarından birində polis əməkdaşlarının üzərinə müxtəlif əşyalar atan şəxslər inzibati qaydada həbs edilib.
Saxlanılan şəxslərə qarşı İnzibati Xətalar Məcəlləsinin 535-ci Polis işçisinin və ya hərbi qulluqçunun qanuni tələbinə qəsdən tabe olmama maddəsi ilə ittiham verilib.
Yasamal rayon Məhkəməsi tərəfindən 11 nəfər barəsində 10, 15, 30 sutka müddətinə inzibati həbs cəzası verilib.
Qeyd edək ki, hadisə ilə bağlı Daxili İşlər Nazirliyinin mətbuat xidməti məlumat yayıb.
Məlumatda qeyd edilib ki, iyunun 7-də sərtləşdirilmiş xüsusi karantin rejiminə nəzarəti həyata keçirən polis əməkdaşları Yasamal rayonu ərazisindəki yaşayış binalarından birinin həyətində karantin rejimi qaydalarını pozan şəxsi saxlayarkən həmin binada yaşayan bir qrup sakin mənzillərinin eyvan və pəncərələrindən polis əməkdaşlarının üzərinə müxtəlif əşyalar ataraq onların ünvanına təhqiredici ifadələr səsləndiriblər.
Buna baxmayaraq, polis əməkdaşları təmkin nümayiş etdirib və karantin rejimini pozan həmin şəxs barəsində inzibati tədbir görüb.
Aparılan araşdırmalarla asayiş keşikçilərinin üstünə müxtəlif əşyalar atan 11 nəfərin də şəxsiyyəti müəyyən edilib və onlar saxlanılaraq müvafiq araşdırmalar aparılması üçün ərazi polis orqanına gətiriliblər. /Yenicag.az/
İyunun 7-də Yasamal rayonunda gücləndirilmiş karantin rejiminə nəzarəti həyata keçirən polis əməkdaşlarının üzərilərinə məişət əşyaları atanlar saxlanılarkən çəkilmiş videogörüntülər araşdırılıb və bu zaman əməkdaşlardan birinin bir qadınla yüksək səs tonunda danışaraq onun həyat yoldaşının ünvanına yersiz ifadələr işlətməsi müəyyən edilib ki, bu da bağışlanmaz hal kimi qiymətləndirilib.
Bu barədə DİN-in Mətbuat Xidmətindən bildirilib.
Qeyd edilib ki, həmin qadın Bakı Şəhər Baş Polis İdarəsinə dəvət edilib və ondan üzr istənilib.
Bundan sonra DİN rəhbərliyi tərəfindən həmin əməkdaşın tutduğu vəzifədən azad edilməsi və barəsində xidməti yoxlama aparılması haqqında qərar qəbul edilib.
Abşeronun Qobu qəsəbəsində koronavirusa yoluxanların sayı artıb.Baku.tv xəbər verir ki, qəsəbədə təkcə ötən gün bir ailənin altı üzvü COVİD-19 diaqnozu ilə xəstəxanaya yerləşdirilib.
Abşeron rayon Səhiyyə şöbəsindən verilən məlumata görə isə, Qobu qəsəbəsində bu günə kimi 24 nəfər koronavirus pandemisyasına yoluxub. Onlardan 18 nəfər müalicə olunaraq sağalıb. Ümumi analizin cavabına əsasən koronavirus xəstəsi sayılan altı nəfərdən üçünün vəziyyəti orta ağır, üçünün isə stabildir.
Qobu qəsəbə icra nümayəndəsi Eldar Əhmədov bakutv-yə bildirdi ki, koronavirusa yoluxan ailənin üzvləri qəsəbənin Xəlil Rza küçəsində yaşayan sakinlərdir.
Hazırda rayonda mövcud vəziyyət tam nəzarətə götürülüb.
İctimai televiziyanın əməkdaşları Bərdədə aptek sahibi tərəfndən təzyiqə məruz qalıblar. Bərdədə apteklərdə tibbi maskanın satış qiymətləri haqqında süjet hazırlamaq istəyən çəkiliş qrupu təzyiqlə üzləşib.
İctimai Televiziya və Radio Yayımları Şirkətinin böyük redaktoru Şöhrət Eyvazovun sorğu keçirdiyini görən aptek sahibi İsak Cəfərov media nümayəndələrinə hücum edərək kameranı sındırmağa və çəkilişi sildirməyə çalışıb. Maskanı istədiyi qiymətə sata biləcəyini iddia edən İsak Cəfərov Şöhrət Eyvazov və operator Vüsal Quliyevə fiziki zor tətbiq etməyə çalışıb və onları aptekdən çıxmağa qoymayacağını bildirib.
Şöhrət Eyvazovun Daxili İşlər Nazirliyinin qaynar xəttinə – 102 xidmətinə zəngindən sonra Bərdə rayon polis şöbəsinin əməkdaşları tərəfindən aptek sahibi Azərbaycan Respublikası Cinayət Məcəlləsinin 221 maddəsinə əsasən “xuliqanlıq” maddəsiylə saxlanılıb.
Araşdırma davam edir. (Konkret.az)
.jpg)
Dünən – iyunun 7-də sərtləşdirilmiş xüsusi karantin rejiminə nəzarəti həyata keçirən polis əməkdaşları Yasamal rayonu ərazisindəki yaşayış binalarından birinin həyətində karantin rejimi qaydalarını pozan şəxsi saxlayarkən həmin binada yaşayan bir qrup sakin mənzillərinin eyvan və pəncərələrindən polis əməkdaşlarının üzərinə müxtəlif əşyalar ataraq onların ünvanına təhqiredici ifadələr səsləndirmişlər.
DİN-dən bildirilib ki, buna baxmayaraq, polis əməkdaşları təmkin nümayiş etdirmiş və karantin rejimini pozan həmin şəxs barəsində inzibati tədbir görmüşlər.<ins'>
Aparılan araşdırmalarla asayiş keşikçilərinin üstünə müxtəlif əşyalar atan 11 nəfərin də şəxsiyyəti müəyyən edilmiş və onlar saxlanılaraq müvafiq araşdırmalar aparılması üçün ərazi polis orqanına gətirilmişlər.
Hazırda onların törətdikləri əmələ hüquqi qiymət verilməsi üçün zəruri araşdırmalar davam etdirilir.
Ötən gün Bakının Yasamal rayonunda yaşayış məntəqəsində polisin başına zibil atanlar tutulub.
İyunun 7-də sərt karantin rejimi zamanı Bakının Yasamal rayonu, Dadaş Bünyadzadə küçəsində yaşayan sakinin saxlanılmasına etiraz olaraq bina sakinləri polisin üstünə zibil torbaları atıblar.
Keçirilən əməliyyat zamanı həmin əraziyə polis əməkdaşları cəlb olunub.
Onlar binaya daxil olaraq bir neçə nəfəri saxlayıblar. /baku.ws
Sosial şəbəkələrdə koronavirusa yoluxan xəstələrin görüntüləri yayılıb.
Oxu.az xəbər verir ki, yayılan görüntülərin koronavirus xəstələri üçün ayrılmış xəstəxanaların birinin reanimasiya şöbəsində lentə alındığı deyilir.
İddia edilir ki, xəstələr COVID-19-a yoluxanlardır.
Xəstələrin üzlərinin aydın görünməsi sosial şəbəkə istifadəçiləri tərəfindən birmənalı qarşılanmayıb.
Məsələ ilə bağlı Oxu.Az-ın sorğusunu cavablandıran TƏBİB-in mətbuat katibi Rəvanə Əliyeva bildirib ki, təmsil etdiyi qurum mövcud vəziyyətdən xəbərdardır.
R.Əliyeva bildirib ki, görüntülər, həqiqətən, pandemiya əleyhinə xəstəxanada çəkilib:
“Bəli, görüntülər koronavirusla mübarizə çərçivəsində ayrılan pandemiya xəstəxanalarından birində çəkilib. Videogörüntülərdəki xəstələr COVID-19-a yoluxan xəstələrdir. Təəssüf ki, xəstəxana işçilərindən kimsə vətəndaşların hüquqlarını tapdayaraq, bizim qoruduğumuz gizliliyi pozub. Bilirsiniz ki, COVID-19 xəstələrini nəinki çəkmək, hətta adlarının açıqlanmasına belə icazə yoxdur.
TƏBİB bu məsələni ciddi nəzarətə götürüb. Çox güman ki, görüntülər xəstəxana əməkdaşları tərəfindən lentə alınıb. Hazırda şəxs və ya şəxslərin kimliyinin müəyyənləşdirilməsi istiqamətində araşdırma aparılır.
Qanunvericilik çərçivəsində bu videonu çəkən şəxs barəsində cinayət işi başlanılacaq”.
.jpg)
Bakıda arvadını namus üstündə boğaraq qətlə yetirən Anar Yusifovun cinayət işi.
Hadisə Buzovna qəsəbəsində baş verib.
Salyan rayon sakini 1983-cü il təvəllüdlü Anar Yusifov Buzovna qəsəbəsində arvadı 1984-cü il təvəlldülü Kifayət Yusifovanı boğaraq qətlə yetirib.
Anar Yusifov arvadını boğaraq öldürdükdən sonra doğulduğu Salyan rayonuna apararaq orada qəbiristanlıqda basdırıb.
Qətlin üstü isə mərhum Kifayət Yusifovanı rəfiqəsinin polisə məlumat verməsi ilə açılıb. Belə ki, Buzovna qəsəbəsində kirayədə yaşayan qadın polisə zəng edərək rəfiqəsi Kifayətlə əlaqə saxlaya bilmədiyini deyib. Qadın polisə söyləyib ki, Kifayətin əri Anara zəng etdikdə ona rəfiqəsini öldürdüyünü deyib.
Məlumatla əlaqədar polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində Anar Yusifov saxlanılıb. O, ilkin ifadəsində arvadı Kifayəti yastıqla boğaraq qətlə yetirdiyini və meyitini Salyan şəhərinə aparıb oradakı qəbiristanlıqda dəfn etdiyini bildirib.
Meyit eksqumasiya edilib və ekspertizaya göndərilib. Anar Yusifova isə qəsdən adam öldürmə maddəsi ilə cinayət işi açılıb.
Elan olunmuş ittihamla Anar Yusifov özünü tam olaraq təqsirli bilib.
Anar Yusifov sərbəst ifadəsində əvvəlcə qətlə yetirdiyi xanımı ilə münasibətlərindən danışıb. O deyib ki, iki uşağının anası olan xanımını çox sevib, aralarında söz-söhbət, dava-dalaş olmayıb.
“Mən ailəmi həmişə hər şeydən üstün tutmuşam. Ətrafımızda olan hamı da bilir ki, mən Kifayəti necə sevmişəm. Hamı bizim ailəmizin xoşbəxtliyindən danışırdı. Belə hadisələrin baş verəcəyini gözləməzdim. Heç indi də inanmıram”- deyən Anar Yusifov daha sonra qətllə bitən hadisənin səbəblərini danışmağa başlayıb.
O bildirib ki, hər şey xanımının telefonuna gələn mesajla başlayıb. Xanımın özünü şübhəli aparması xəyanəti üzə çıxarıb.
Anar Yusifov deyib ki, hadisədən bir müddət əvvəl həmişə olduğu kimi işdən sonra evə gəlib və ailəsi ilə vaxt keçirib: “Uşaqlar da yanımda idi. Televizora baxırdıq. Sonra Kifayət uşaqları yatırmaq üçün otağa getdi. Bu zaman telefonu mən olan otaqda qaldı. Təxminən gecə saat 1 olardı. Gördüm ki, Kifayətin telefonuna mesaj gəldi. Aparıb özünə verdim. Soruşdum ki, mesaj yazan kimdi? Bu zaman qorxdu, özünü şübhəli apardı. Tələb elədim ki, telefonu mənə versin. Telefonun kodunu istədim. Yalvarmağa başladı. Dedi ki, əgər o mesajları oxusam, mənim üzümə baxa bilməz. Yalvardı ki, onun yanında oxumayım. Mənə dedi ki, icazə ver, gedim özümü öldürüm. Mən telefonu götürüb yan otağa keçdim ki, mesajlara baxım, yazanın kim olduğunu öyrənim. Yan otağa keçəndə telefonun kodu açılmadı. Geri qayıdıb kodu soruşmaq istədim. Otağın qapısı içəridən bağlanmışdı. Nə qədər döysəm də açmadı. Şüşəni əlimlə qırıb qapını açdım. Baxdım ki, Kifayət pəncərədən düşüb qaçıb. Onun arxasınca dəniz tərəfə qaçdım. Özünə qəsd edəcəyini düşündüm. Heç yerdə tapa bilmədim deyə polisə məlumat verdim”.
Anar Yusifov qeyd edib ki, bir neçə gün sonra xanımın rəfiqəsi ilə birlikdə olduğunu öyrənib: “Zəng edib onu tapdım. Xahiş elədim ki, bu məsələ aramızda qalacaq. Amma geri qayıtsın. Şərt qoydum ki, başqa bir ev tutub ayrı yaşasın. Uşaqları da görməyə apararam. Bu məqsədlə onunla bir neçə dəfə danışdıq. Əvvəlcə mənimlə görüşməyə qorxurdu. Bir dəfə gəlib evdən paltarlarını da götürdü. Mən ona heç nə etmək istəmirdim. Rəfiqəsigildə qaldığını bilirdim. Dəfələrlə görüntülü də danışırdıq. Amma bir gün hər şey tamamilə başqa cür oldu. Zəng edəndə mənimlə görüntülü danışmasını, harda olduğunu deməsini istədim. Amma açmadı. Mübahisə edəndə isə mənə “yaxşı edirəm” dedi. Mən də bircə dəfə ona dedim ki, sənin yaşamağa haqqın yoxdur”.
İfadəsinin davamında Yusifov xanımının mesajlarını oxuduğunu da söyləyib. Qeyd edib ki, həmin mesajlarda onlar arasında intim münasibətlərin olduğunu da öyrənib.
Yusifov bildirib ki, bu mübahisədən sonra arvadının yanına gedərək onu öldürüb. Daha sonra isə cəsədi Salyanda apararaq orada basdırıb.
Məhməkənin höküm ilə Anar Yusifov 13 il müddətinə azadlıqdan məhrum edilib.
Videonu təqdim edirik:
Bir neçə gün öncə Şirvanda qadını hər kəsin gözü önündə döyən şəxs polis əməkdaşları tərəfindən yaxalanıb.
1957-ci il təvəllüdlü Mirhüseyn Nağıyevi əvvəllər qeyri-rəsmi nikahda yaşadığı 1993-cü il təvəllüdlü Ayşən Məmmədlinin şikayəti əsasında saxlayıb.
Qadın şikayətində mayın 26-da Mirhüseyn Nağıyevin onun satıcı işlədiyi telefon mağazasına gələrək insanların gözü qarşısında vəhşicəsinə döyərək baş nahiyəsindən xəsarətlər yetirdiyini bildirib.<ins' style="padding: 0px; margin: 0px; box-sizing: border-box;">
Araşdırmalar zamanı məlum olub ki, Ayşən Məmmədli qeyri-rəsmi nikahda yaşadığı şəxsin həyat yoldaşının qardaşı qızıdır. redaktor.az
Daha ətraflı videodan izləyin:
Bir neçə gün öncə Şirvanda qadını hər kəsin gözü önündə döyən şəxs polis əməkdaşları tərəfindən yaxalanıb.
"Ölkə.Az" bldirir ki, 1957-ci il təvəllüdlü Mirhüseyn Nağıyevi əvvəllər qeyri-rəsmi nikahda yaşadığı 1993-cü il təvəllüdlü Ayşən Məmmədlinin şikayəti əsasında saxlayıb.
Qadın şikayətində mayın 26-da Mirhüseyn Nağıyevin onun satıcı işlədiyi telefon mağazasına gələrək insanların gözü qarşısında vəhşicəsinə döyərək baş nahiyəsindən xəsarətlər yetirdiyini bildirib.<ins' style="padding: 0px; margin: 0px; box-sizing: border-box;">
Araşdırmalar zamanı məlum olub ki, Ayşən Məmmədli qeyri-rəsmi nikahda yaşadığı şəxsin həyat yoldaşının qardaşı qızıdır. redaktor.az
Daha ətraflı videodan izləyin:
Dünən gecə saatlarında intihar edən qız Azərbaycan Dövlət Pedaqoji Universitetinin (ADPU) 3-cü kurs tələbəsi olub.
Bu barədə Qafqazinfo-ya məlumatı ADPU-nun rektor müşaviri Ümid Mehdiyev verib.
O bildirib ki, 21 yaşlı Nağıyeva Günel Bəhram qızı universitetdə ödənişsiz əsaslarla təhsil alırdı:
“Heç bir kəsiri yox idi, nümunəvi tələbə kimi xarakterizə olunurdu. Tələbə yoldaşlarının sözlərinə görə, istəmədiyi adamla ailə həyatı qurmağa məcbur edildiyi üçün təəssüf ki, çıxış yolunu bu addımda görüb”.
Qeyd edək ki, G.Nağıyeva özünü Ceyhun Hacıbəyli və Həsən Əliyev küçələrinin kəsişməsindəki binanın 18-ci mərtəbəsindən atıb. O, aldığı xəsarətlərdən hadisə yerində ölüb.
Faktla bağlı araşdırma aparılır.