 |
|
“Toyota Prado” markalı avtomobil “Mercedes”ə çırpılıb
Nərimanov rayonunda iki avtomobilin iştirakı ilə yol-nəqliyyat hadisəsi baş verib.
Qəza Koroğlu Rəhimov və Həsən Əliyev küçələrinin kəsişməsində qeydə alınıb. “Mercedes” markalı avtomobilin sürücüsü işıqforun yaşıl işığında keçərək sola dönmə əməliyyatı etmək istəyib. Lakin “yol ver” nişanının tələbini pozub və qarşıdan gələn nəqliyyat vasitəsini gözləməyib. Bu zaman “Toyota Prado” markalı avtomobil “Mercedes”ə çırpılıb.
Hadisə nəticəsində xəsarət alan olmasa da, avtomobillərə ciddi ziyan dəyib.
Əraziyə Nərimanov Rayon Polis İdarəsinin və DYP əməkdaşları cəlb edilib. Polis əməkdaşları başqa hadisənin baş verməməsi üçün yolda tənzimləmə işləri aparıb.
Faktla bağlı araşdırma aparılır.
Qəza zamanı “VAZ” tamamilə yararsız vəziyyətə düşüb
Gədəbəydə fevralın 22-də baş verən dəhşətli qəzanın görüntüləri yayılıb.
Yol-xeber.az Oxu.Az-a istinadən xəbər verir ki, hadisə zamanı rayonun Gərgər kəndi ərazisində “VAZ 2115” markalı avtomobil “KamAZ”a çırpılıb.
Qəza zamanı “VAZ” tamamilə yararsız vəziyyətə düşüb. Hadisə nəticəsində minik avtomobilinin sürücüsü ölüb.
Qəzanın səbəbləri məlum deyil.
Həmin görüntüləri təqdim edirik:
Sayrışan işıqları qoşulmayıb
Sosial şəbəkələrdə qayda pozaraq təhlükə yaradan yol patrul xidməti əməkdaşının görüntüləri yayılıb. Avtosfer.az xəbər verir ki, 1.1 xəttinin olduğu və ötmənin qadağan edildiyi ərazidə 99 YP 781 dövlət nömrə nişanlı, patrul avtomobilinin sürücüsü qaydaları pozaraq qarşı zolağa çıxır. Nəzərə alsaq ki, qarşıda iri qabaritli yük maşını gedir və YPX maşınının sayrışan işıqları qoşulmayıb hər an qəza baş verə bilər.
Qeyd edək ki, İnzibati Xətalar Məcəlləsinin 327.2-ci bəndinin tələblərinə uyğun olaraq polis əməkdaşı 60 manat və 3 bal cərimə olunmalıdır. Videonu təqdim edirik:
“Mercedes” markalı avtomobil dirəyə çırpıldıqdan sonra yanıb
Bakının Qaradağ rayonunda baş verən dəhşətli qəzada ölən şəxsin kimliyi müəyyənləşib.
Yol-xeber.az Oxu.Az-a istinadən məlumatına görə, həmin şəxs Şükürov Orxan Razin oğludur.
O, xəstəxanaya aparılan zaman yolda vəfat edib.
Qeyd edək ki, hadisə dünən axşam saatlarında baş verib.
“Mercedes” markalı avtomobil dirəyə çırpıldıqdan sonra yanıb.
Ölən şəxsin fotosunu təqdim edirik:
Digər şübhəlilərin axtarışları isə davam etdirilir
Türkiyənin İstanbul şəhərində 9 avtomobili yandıran qrup üzvlərindən ikisi yaxalanıb. Yol-xeber.az xəbər verir ki, insident fevralın 23-də gecə yarısı Fatih qəsəbəsinin Ayvansaray məhəlləsində qeydə alınıb. Bu barədə “DHA” agentliyi məlumat yayıb.
Məlumata görə, üzü maskalı şəxslər Mumhane küçəsində park vəziyyətində olan 9 nəqliyyat vasitəsinin üzərinə yanan maddə tökərək yandırıblar.
Maşınlar qısa müddət ərzində alovlanıb, şübhəlilər isə hadisə yerindən qaçıblar.
Məhəllə sakinlərinin xəbər verməsi ilə hadisə yerinə yanğınsöndürmə və polis əməkdaşları gəlib. Yanğın söndürülüb, polis isə ətrafdakı təhlükəsizlik kameralarını araşdıraraq əməliyyat-axtarış tədbirlərinə başlayıb.
Avtomobillərin yandığı müddətdə baş verən partlayışlar bəzi evlərin şüşələrinin sınmasına səbəb olub. Maşınlara dəyən ziyan isə səhər açılanda ortaya çıxıb.
Hüquq-mühafizə orqanları əməkdaşlarının apardıqları əməliyyat-axtarış tədbirləri nəticəsində hadisəni törətməkdə şübhəli bilinən 4 nəfərlik qrup üzvlərindən ikisi saxlanılıb.
Onların üzərindən yanacaq iyi gələn yanmış əlcək də aşkarlanıb.
Digər şübhəlilərin axtarışları isə davam etdirilir.
Türkiyənin İstanbul şəhərində 9 avtomobili yandıran qrup üzvlərindən ikisi yaxalanıb. Avtosfer.az xəbər verir ki, insident fevralın 23-də gecə yarısı Fatih qəsəbəsinin Ayvansaray məhəlləsində qeydə alınıb. Bu barədə “DHA” agentliyi məlumat yayıb.
Məlumata görə, üzü maskalı şəxslər Mumhane küçəsində park vəziyyətində olan 9 nəqliyyat vasitəsinin üzərinə yanan maddə tökərək yandırıblar.
Maşınlar qısa müddət ərzində alovlanıb, şübhəlilər isə hadisə yerindən qaçıblar.
Məhəllə sakinlərinin xəbər verməsi ilə hadisə yerinə yanğınsöndürmə və polis əməkdaşları gəlib. Yanğın söndürülüb, polis isə ətrafdakı təhlükəsizlik kameralarını araşdıraraq əməliyyat-axtarış tədbirlərinə başlayıb.
Avtomobillərin yandığı müddətdə baş verən partlayışlar bəzi evlərin şüşələrinin sınmasına səbəb olub. Maşınlara dəyən ziyan isə səhər açılanda ortaya çıxıb.
Hüquq-mühafizə orqanları əməkdaşlarının apardıqları əməliyyat-axtarış tədbirləri nəticəsində hadisəni törətməkdə şübhəli bilinən 4 nəfərlik qrup üzvlərindən ikisi saxlanılıb.
Onların üzərindən yanacaq iyi gələn yanmış əlcək də aşkarlanıb.
Digər şübhəlilərin axtarışları isə davam etdirilir.
Namiq Musayev
"Mercedes Sprinter" markalı sərnişin mikroavtobusu piyadanı vuraraq öldürüb
Bakı-Qazax yolunda ölümlə nəticələnən yol-nəqliyyat hadisəsi baş verib.
Yol-xeber.az APA -ya istinadən xəbər verir ki, hadisə Hacıqabul rayonunun Padarçöl kəndi ərazisində qeydə alınıb.
Gəncə-Bakı marşurutu üzrə hərəkət edən "Mercedes Sprinter" markalı sərnişin mikroavtobusu piyadanı vuraraq öldürüb.
Vaqif Əsədov: "Yolu keçərkən mütləq keçiddən istifadə etsinlər ki, həyatlarını itirməsinlər"
Bakıda baş verən dəhşətli piyadavurma anı kameraya düşüb. Avtosfer.az xəbər verir ki, hadisə Heydər Əliyev prospektində baş verib. Görüntülərdə iki nəfər təhlükəsizlik adacığında dayanıb. Bir nəfər isə qarşı tərəfdən əks istiqamətə keçmək istəyir. Yola çıxan zaman isə olduğu zolaqda avtomobillərin istiqamətinə deyil, hələ növbəti keçəcəyi zolağın istiqamətinə baxır. Nəticədə avtomobil onu vuraraq qarşı yola atır. Bu zaman isə ikini maşının sürücüsü qəfil manevr edərək piyadanı yenidən əzməkdən son anda xilas olur.
Bakı Şəhər Dövlət Yol Polisi İdarəsinin şöbə rəisi, polis polkovniki Vaqif Əsədov Avtosfer.az-a açıqlamasında bildirib ki, bu cür hadisələr daha çox piyada keçidləri olmayan ərazilərdə olur. "Piyadaların diqqətinə çatdırmaq istəyirik ki, görüntülərdə əks olunan ərazidə artıq yeraltı piyada keçidi var. Yolu keçərkən mütləq keçiddən istifadə etsinlər ki, həyatlarını itirməsinlər."
Ermənistan silahlı qüvvələrinin bölmələri Azərbaycan-Ermənistan dövlət sərhədindəki təmas xəttində növbəti dəfə atəşkəs rejimini kobud şəkildə pozmaqla təxribat törətmişdir.
Dövlət Sərhəd Xidmətindən verilən məlumata görə, 2020-ci ilin 24 fevral tarixində saat 07:00 radələrində ER silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Qazax rayonunun Quşçu Ayrım kəndi istiqamətindəki sərhəd döyüş məntəqəsinə diversiya cəhdinin qarşısı alınmış, ciddi itkilər verməyə məcbur olmuş düşmənin bir zabiti ağır yaralanmış, digər hərbi qulluqçusu öldürülmüşdür.
Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olmuşdur. /yeniavaz.com/
Dünən axşam saatlarında Bakının Qaradağ rayonunda “Mercedes” markalı avtomobil dirəyə çırpıldıqdan sonra yanıb.
Oxu.az xəbər verir ki, hadisə zamanı Orxan adlı sürücü avtomobildə yanaraq ölüb.
Qəza yerinə dərhal Fövqəladə Hallar Nazirliyinin yanğından mühafizə bölmələri cəlb olunub. Yanğın söndürülüb.
Hadisə yerindən çəkilən görüntüləri təqdim edirik:
Abşeronda güclü yanğın hadisəsi olub.
Report xəbər verir ki, hadisə Qobu qəsəbəsinə yaxın ərazidə qeydə alınıb.
İlkin məlumata görə, ərazidəki obyektlərdən birində yanğın başlayıb. Yanğın uzaq məsafədən də diqqəti cəlb edir.
Hadisənin hansı obyektdə baş verdiyi dəqiqləşdirilir.