 |
|
Sağa baxmadan yola çıxanda axırı belə olur
Bakıda baş vermiş qəza anı kameraya düşüb. Avtosfer.az xəbər verir ki, hadisə paytaxtda təmir olunan küçələrin birində baş verib. Belə ki, yolun bir təttrəfi bağlandığı üçün avtomobillər müvəqqəti olaraq qarşılıqlı hərəkət edirlər. "Mercedes 190" markalı taksi sürücüsü köməkçi yoldan çıxaraq sola getmək istəyir. Bu zaman soldan avtobus gəlir. Sağdan gələn maşını gözləməyən taksi sürücüsü yola çıxan kimi onunla toqquşur. Hadisələrin fonunda yolun ortasındakı arakəsmə səki ilə gedən piyada zərbənin gücündən qopmuş qəlpələr ona dəyir. Piyada son anda ağır xəsarət almaqdan canını qurtarır. Videonu təqdim edirik:
Faktla bağlı cinayət işi başlanılıb, istintaq aparılır
Şəmkir rayonunda ölümlə nəticələnən yol qəzası ilə bağlı cinayət işi başlanılıb. Yol-xeber.az-ın “Report”a istinadən xəbərinə görə, dekabrın 14-də saat 07:00 radələrində, Bakı-Qazax yolunun Şəmkir şəhər ərazisindən keçən hissəsində baş verib. Belə ki, rayon sakini, 1964-cü il təvəllüdlü Telman Firuddin oğlu Şıxməmmədov yolu keçmək istəyərkən naməlum avtomobil tərəfindən vurulub. Nəticədə yaralı aldığı bədən xəsarətlərindən hadisə yerində ölüb. Faktla bağlı Şəmkir Rayon Polis Şöbəsinin İstintaq bölməsi tərəfindən Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq aparılır.
“Beyləqan rayonunda həbs edilən ehtiyatda olan polkovnik Qadir Vəlişov prokurorluğun vəsatəti əsasında azadlığa buraxılıb!”
Bu barədə Qarabaz Qaziləri İctimai Birliyinin nümayəndəsi Rey Kərimoğlu bildirib.
O, Qadir Vəlişov haqqında açılan cinayət işinin şər-böhtan olduğunun aşkara çıxacağına ümid etdiyini bildirib.
“Aprel döyüşləri”nin iştirakçısı, polkovnik Qadir Vəlişov Beyləqan rayonunda 13 hektar torpaq sahəsi və ferma üstündə yaranmış mübahisəyə görə Cinayət Məcəlləsinin xuliqanlıq (221.3) maddəsi ilə həbs edilmişdi.
Daxili İşlər Nazirliyinin məlumatına görə, Q.Vəlişov Beyləqan rayonunun Kəbirli kənd sakini İrfanə Eminova və əri İbrahim Alıyevin şikayəti əsasında həbs edilib. DİN-in məlumatında bildirilib ki, Qadir Vəlişov onların evinə gələrək ictimai qaydanı kobud surətdə pozan, cəmiyyətə açıq hörmətsizlik ifadə edən və şəxslər üzərində zor tətbiq edilməsi ilə müşayiət olunan xuliqanlıq hərəkətləri edərək evin pəncərə şüşələrini, məişət əşyalarını sındırıb, İ.Alıyevi və İ. Eminovanı əlindəki çomaqla vuraraq onlara ağır dərəcəli bədən xəsarəti yetirib”.
Faktla əlaqədar Beyləqan RPŞ-də Cinayət Məcəlləsinin 221.3-cü (xuliqanlıq əməlinin silahdan və ya silah qismində istifadə olunan əşyalardan istifadə edilməklə törədilməsi, zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda ) maddəsi ilə cinayət işi başlanılıb. Rayon məhkəməsinin qərarı ilə Q.Vəlişov barəsində 3 ay müddətinə həbs qəti-imkan tədbiri seçilmişdi. Hazırda cinayət işi üzrə istintaq tədbirləri davam etdirilir.
Yaxınları isə bu həbsin sifarişli olduğunu deyərək, ölkənin hüquq-mühafizə orqanlarından ədalət tələb edib.
Q.Vəlişov Qarabağ müharibəsi başlayan ilk gündən Silahlı Qüvvələrimizdə xidmət keçib, 1994-cü ildə Füzuli istiqamətində ağır yaralanıb, 1 il müalicə alandan sonra yenidən xidmətə qayıdıb. 15 ilə yaxın hərbi hissə komandiri olan polkovnik 2016-cı il aprel döyüşlərində ağır yaralanıb. O, Azərbaycan bayrağını Lələtəpəyə sancan hərbçilərdən biri kimi tanınıb.
Bu əməliyyat zamanı yaralandıqdan 8 aydan sonra yenidən xidmətə qayıdaraq, N saylı korpusda Döyüş hazırlığı şöbəsinin rəisi olub.
Qadir Vəlişov “Aprel döyüşləri”ndən sonra Ali Baş Komandan tərəfindən qəbul edilib, mükafatlandırılan zabitlərdən biridir.
Q.Vəlişov Naxcıvanski adına Hərbi litseydə bir müddət rəis müavini vəzifəsin icra edib, 6 ay öncə Silahlı Qüvvələrdən tərxis olunub. (modern.az)
Hazırda cinayət işi üzrə istintaq tədbirləri davam etdirilir
Daxili İşlər Nazirliyi (DİN) polkovnik Qadir Vəlişovun həbsi ilə bağlı məlumat yayıb. Avtosfer.az DİN-ə istinadən xəbər verir ki, noyabrın 26-da Beyləqan rayonunun Kəbirli kənd sakini İrfanə Eminova və əri İbrahim Alıyev Beyləqan RPŞ-yə müraciət edərək Qadir Vəlişovun onların yaşadıqları evə gələrək heç bir ciddi əsas olmadan onları ölümlə hədələdiyini, evdən çıxmalarını tələb etdiyini bildiriblər. Aparılan ilkin araşdırmalarla müəyyən edilib ki, Qadir Vəlişov həqiqətən də onların evinə gələrək ictimai qaydanı kobud surətdə pozan, cəmiyyətə açıq hörmətsizlik ifadə edən və şəxslər üzərində zor tətbiq edilməsi ilə müşayiət olunan xuliqanlıq hərəkətləri edərək evin pəncərə şüşələrini, məişət əşyalarını sındırmış, İ.Alıyevi və İ. Eminovanı əlindəki çomaqla vuraraq onlara ağır dərəcəli bədən xəsarəti yetirib.
Faktla əlaqədar Beyləqan RPŞ-də Cinayət Məcəlləsinin 221.3-cü (xuliqanlıq əməlinin silahdan və ya silah qismində istifadə olunan əşyalardan istifadə edilməklə törədilməsi, zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi başlanılıb. Rayon məhkəməsinin qərarı ilə Q.Vəlişov barəsində 3 ay müddətinə həbs qəti-imkan tədbiri seçilib. Hazırda cinayət işi üzrə istintaq tədbirləri davam etdirilir.
Gənc həkimlərə epilepsiya xəstəsi olduğunu deyib
Bakı Metrosunda təhlükəli anlar yaşanıb.
20 yaşlı oğlan müvazinətini itirərək stansiya yoluna yıxılıb.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov faktı təsdiqləyib.
Qurum rəsmisi hadisə ilə bağlı Oxu.Az-a açıqlamasında bildirib ki, hadisə səhər saat 08:33 radələrində metronun “Azadlıq Prospekti” stansiyasında baş verib:
“1999-cu il təvəllüdlü O.E. adlı oğlan anidən stansiya yoluna yıxılıb. Dərhal xətlərdəki gərginlik dayandırılıb. Sərnişin stansiya yolundan çəxarılıb. Əməkdaşlar təcili tibbi yardım çağırıb. Gənc həkimlərə epilepsiya xəstəsi olduğunu deyib. İlkin yardım göstərildikdən sonra, gənc sərnişin özünü yaxşı hiss etdiyini deyib və yoluna davam edib”.
B.Məmmədov baş verən hadisənin qatarların intervalına təsir etmədiyini vurğulayıb.
Tovuz rayon sakininin idarə etdiyi “Daewoo" markalı minik avtomobili tərəfindən vurulmuşdu
Goranboyda bir neçə gün bundan əvvəl avtomobillə vurulan piyada, 2004-cü il təvəllüdlü Gülzarə Əhmədova Afiq qızı həkimlərin səyinə baxmayaraq, xəstəxanda dünyasını dəyişib.
APA-nın yerli bürosunun məlumatına görə, hadisə dekabrın 12-də axşam saatlarında Bakı-Qazax magistralının rayonunun Borsunlu kəndi ərazisindən keçən hissəsində baş verib.
Qeyd edək ki, 15 yaşlı G.Əhmədova Tovuz rayon sakininin idarə etdiyi “Daewoo" markalı minik avtomobili tərəfindən vurulmuşdu.
Yaralı çox sayda sınıq xəsarətləri ilə xəstəxanaya yerləşdirilib
Bakının Nərimanov rayonunda yol-nəqliyyat hadisəsi zamanı bir nəfər ağır xəsarət alıb.
Hadisə Tofiq Bəhrəmov adına stadionun yaxınlığında baş verib.
Belə ki, 1986-cı il təvəllüdlü Niftullayeva İlknur İntiqam qızını minik avtomobili vurub.
Yaralı çox sayda sınıq xəsarətləri ilə xəstəxanaya yerləşdirilib.
Baş vermiş qəza yerinə Post Patrul Xidmətinin əməkdaşları da cəlb edilib
Nəsimi rayonu ərazisində yol-nəqliyyat hadisəsi baş verib. İki gün öncə jurnalistləri təhqir edən sərnişin xanım bu dəfə özü qəza törədib.
APA TV-nin məlumatına görə, “Infiniti” markalı avtomobili idarə edən xanım sürücü 3-cü mikrorayon dairəsində “Opel” markalı avtomobilə çırpılıb. “Infiniti”yə ciddi ziyan dəyib. Ancaq buna baxmayaraq, xanım sürücü “Opel”in sahibi ilə mübahisə edib və çəkiliş qrupunun da işinə mane olmağa çalışıb.
Əraziyə Yol Patrul Xidmətinin əməkdaşları cəlb edilib. Xanım sürücü sənədlərini təqdim etməkdən boyun qaçırıb. Baş vermiş qəza yerinə Post Patrul Xidmətinin əməkdaşları da cəlb edilib. Sonda hər iki sürücünün izahatı alınıb.
Faktla bağlı araşdırma aparılır
İmişlidə yük maşını iribuynuzlu heyvanları vuraraq öldürüb.
Oxu.Az-ın bölgə müxbirinin məlumatına görə, hadisə Hacıqabul-Horadiz avtomobil yolunun 96-cı kilometrliyində İmişli rayonunun Məzrəli kəndi ərazisindən keçən hissəsində baş verib. Belə ki, Biləsuvar rayon sakini, 1961-ci il təvəllüdlü Əhmədov Musa Tapdıq oğlu idarə etdiyi “Kamaz” markalı yük maşını ilə hərəkətdə olarkən rayonun Məzrəli kənd sakinləri - 1971-ci il təvəllüdlü Mehdiyev Rəhman Əhliman oğlu və 1972-ci il təvəllüdlü Qasımov Zamir Arif oğluna məxsus iki baş iribuynuzlu heyvanı yolda vuraraq tələf edib.
Hadisə yerinə yol patrul xidmətinin əməkdaşları gələrək qəzanın başvermə səbəblərini araşdırmaq üçün protokol tərtib ediblər.
Faktla bağlı araşdırma aparılır.
Bir neçə gün əvvəl Bakıda təcili yardım avtomobilnə yol vermədiyi üçün geniş müzakirələrə səbəb olan 90 SJ 100 dövlət nömrə nişanlı, “Toyota Land Kruiser” markalı avtomobilin sürücüsü ötən gün Bakı şəhər Dövlət Yol Polisi İdarəsinin əməkdaşları tərəfindən saxlanılıb.
Həmin videogörüntülər yayılan gün yol polisi avtomobilin sürücüsünü aşkar edib və xanım sürücünü Bakı Şəhər Dövlət Yol Polisi İdarəsinə dəvət edib.
Lakin sürücü İdarəyə gəlmək əvəzinə avtomobili bir neçə gün gizlətməklə məsuliyyətdən yayınmağa çalışıb. Ona görə də yol polisi sürücünü saxlaya bilməyib. Lakin bu gün avtomobil hərəkətdə olarkən 99 YP 373 dövlət nömrə nişanlı patrul avtomobilində xidmət aparan inpektorlar tərəfindən aşkar edilib.
Yol polisi əməkdaşları sürücünü saxlayaraq ondan sənədləri tələb etsə də, xanım sürücü tabesizlik göstərərək sənədləri təqdim etməyib. Bu səbəbdən də nəqliyyat vasitəsi cərimə meydançasına aparılıb.
Avtosfer.az-ın əməkdaşı da cərimə meydançasında olub və məlum olub ki, xanım sürücü yenə tabesizlik göstərərək heç bir sənəd təqdim etmir. Cərimə meydançasında Bakı Şəhər Dövlət Yol Polisi İdarəsinin bölmə rəisi, polkovnik Vaqif Əsədov araşdırma məqsədilə xanım sürücüyə yaxınlaşdıqda aqressivlik nümayiş etdirərək sənədləri təqdim etməyib. Məsələ ilə bağlı Daxili İşlər Nazirliyinə müraciət etdiyini bildirib. Həmçinin əlavə edib ki, təcili yardım maşınının onun ardınca gəlməyə ixtiyarı yoxdur. Onun videosunu çəkib yaymaqla səhv ediblər.
Məsələ ilə bağlı yol polisi əməkdaşları raport yazıb və müvafiq olaraq sürücü barəsində tədbir görüləcək.