- Xəta
-
- Komponent yüklənərkən xəta: com_users, 1
 |
Qusarda bir neçə gündür itkin düşən 43 yaşlı Ramik Əhmədovun meyiti tapılıb.
“Qafqazinfo” xəbər verir ki, R.Əhmədovun üzərində zorakılıq əlamətləri olan meyiti rayonun Hil kəndində aşkar edilib. Onun odlu silahdan açılan atəşlə öldürüldüyü bildirilir.
Əldə etdiyimiz məlumata görə, Ramik Əhmədov FHN-in Dövlət Yanğından Mühafizə Xidmətinin Qusar Rayon Şöbəsində işləyib.
Faktla bağlı cinayət işi açılıb, əməliyyat-axtarış tədbirləri həyata keçirilir.
“Yaroslavl Broyler”in idarə heyətinin sədri Elman Əzizov özünə keçirdiyi qeyri-adi doğum günü etməsi xəbərləri ilə gündəmə gəlib.
Ölkə.Az xəbər verir ki, buna səbəb biznesmeninin doğum gününə qatılanların qədim Misir üslubunda geyinməsi olub.
Qonaqlıqda E.Əzizovun firon obrazında arabada olması və onun qullar kimi geyindirilmiş şəxslər tərəfindən daşınması birmənalı qarşılanmayıb.
Sosial şəbəkə istifadəçiləri fotolarda işçilərin heç xoşbəxt görünmədiyini, işini itirmək qoruxusu ilə heç nə deyə bilmədiklərini yazıblar.
Fotolardan birində divarda “Elman” adı və iş adamının atasının adının baş hərfi “N” (Nazifoviç) hərfi əks olunub.
Şirkət isə çoxsaylı tənqidlərə görə açıqlama verib. Fotoların “Yaroslav Broyler”də keçirilən “Müəssisəsə günü”nə aid olduğunu bildirib. Qeyd edilib ki, bu il müəssisənin yarandığı gün İdarə Heyətinin sədri Elman Nazifoviç Əzizovun doğum gününə təsadüf edib.
Sözügedən tədbirdə işçilərin öz təşəbbüsü ilə Elman Əzizova sürpriz hazırladığı bildirilib.
“İldə bir dəfə, hər il belə bir bayram hazırlayırıq. Fabrikdə çoxlu istedadlı insanlar var və onlar iştirak etməkdən və öz ideyalarını təklif etməkdən məmnundurlar. Ən əsası isə çalışırıq ki, təbrik hissəmiz Elman Nazifoviç üçün sürpriz olsun, ona görə də aylar boyu hazırlıq zamanı təbrikin bütün təfərrüatlarını gizli saxlayırıq. Və hər dəfə onun sürprizimizə reaksiyasını böyük həyəcanla gözləyirik. Bu il biz qədim Misir mövzusunu rənglərinə və təntənəsinə görə seçdik. Təbii ki, ad günü adamı həmişə bizim təşəbbüsümüzdə iştirak edir və bizim “qaydalarımızı” qəbul edir. Biz sözün əsl mənasında girişdə onun yolunu kəsdik, maşından düşməsini istədik, bayram temalı kostyum geyindik və təbrik hissəsinə teatr tamaşası ilə başladıq”.
Tənqidlərə görə şirkətin saytında daha əvvəl qeyd olunan müəssisə günündən fotolar da yerləşdirilib.
Qeyd edək ki, "Yaroslavl Broyler" Yaroslavl vilayətinin ən böyük kənd təsərrüfatı müəssisəsidir və Rusiyanın ən böyük 20 quş əti istehsalçısı arasındadır. Şirkətin idarə heyətinin sədri E.Əzizovun əslən azərbaycanlı olduğu bildirilir.
Avqustun 19-da saat 09:50 radələrində Ermənistan silahlı qüvvələrinə məxsus kvadrokopter Gorus rayonunun Brun yaşayış məntəqəsi istiqamətində yerləşən mövqelərindən Ordumuzun üzbəüz mövqeləri üzərində kəşfiyyat uçuşları həyata keçirməyə cəhd göstərib.
Bu barədə MN məlumat yayıb.
Bölmələrimizin sayıqlığı nəticəsində aşkar olunan pilotsuz uçuş aparatının fəaliyyətinə xüsusi texniki vasitələrlə müdaxilə edilib və ərazidən uzaqlaşdırılıb.
Avqustun 18-i saat 23:50 radələrində Ermənistan silahlı qüvvələrinin bölmələri Basarkeçər rayonunun Zərkənd yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Dəmirçidam yaşayış məntəqəsi istiqamətində yerləşən mövqelərini atıcı silahlardan atəşə tutub.
Bu barədə Müdafiə Nazirliyindən məlumat verilib.
Bildirilib ki, bölmələrimiz tərəfindən qeyd olunan istiqamətdə adekvat cavab tədbirləri görülüb.
Salyanda 44 yaşlı kişi bıçaqlanıb.
“Report”un Aran bürosunun məlumatına görə, hadisə şəhərin B.Talıblı küçəsində qeydə alınıb.
Belə ki, həmin ünvanda yaşayan 1980-ci il təvəllüdlü Əsgərov Yusif Adil oğlu kəsilmiş-deşilmiş bıçaq yaraları ilə Salyan Mərkəzi Rayon Xəstəxanasına yerləşdirilib.
Hadisənin kim tərəfindən törədildiyi hələlik məlum deyil.
Faktla bağlı araşdırma aparılır.
Xaçmazda qətl törədən şəxs tutulub.
Xaçmaz rayon Prokurorluğundan "Yol-xeber.az"a verilən xəbərə görə, avqustun 17-si gecə saat 2 radələrində Xaçmaz rayonu ərazisində 1 nəfərin ölməsi, 1 nəfərin isə xəsarətlər alması barədə rayon prokurorluğuna məlumat daxil olub.
"Araşdırma zamanı 1990-cı il təvəllüdlü Şəhram Manafzadənin rayonun Tel kəndi ərazisində şəxsi münasibətlər zəminində aralarında yaranmış mübahisə zamanı yetkinlik yaşına çatmayan şəxsə bıçaqla xəsarətlər yetirərək onu qəsdən öldürməsi, sonuncunun atası Nurlan Məmmədrəhimova isə xəsarət yetirməsinə şübhələr müəyyən edilib"-deyə məlumatda deyilir.
Faktla bağlı Xaçmaz rayon prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (iki şəxsi qəsdən öldürməyə cəhd) maddələrilə cinayət işi başlanıb. Şəhram Manafzadə iş üzrə şübhəli şəxs qismində tutulub.
İbtidai istintaq davam etdirilir.
Xaçmazda qətl törədilib.
“Qafqazinfo” Xaçmaz Rayon Prokurorluğuna istinadən xəbər verir ki, hadisə avqustun 17-si gecə saat 2 radələrində baş verib. Rayon ərazisində 1 nəfərin ölməsi, 1 nəfərin isə xəsarətlər alması barədə prokurorluğa məlumat daxil olub.
Araşdırma zamanı 1990-cı il təvəllüdlü Şəhram Manafzadənin rayonun Tel kəndi ərazisində şəxsi münasibətlər zəminində aralarında yaranmış mübahisə zamanı yetkinlik yaşına çatmayan şəxsə bıçaqla xəsarətlər yetirərək onu qəsdən öldürməsi, sonuncunun atası Nurlan Məmmədrəhimova isə xəsarət yetirməsinə şübhələr müəyyən edilib.
Faktla bağlı Xaçmaz Rayon Prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (iki şəxsi qəsdən öldürməyə cəhd) maddələrilə cinayət işi başlanıb. Şəhram Manafzadə iş üzrə şübhəli şəxs qismində tutulub.
İbtidai istintaq davam etdirilir.
Qeyd edək ki, qətlə yetirilən yeniyetmənin 15 yaşı var.
Sosial şəbəkələrdə 1 saylı Maştağa Psixiatriya Xəstəxanasında pasiyentin döyülməsi ilə bağlı görüntülərə aydınlıq gətirilib.
Daxili İşlər Nazirliyindən “Qafqazinfo”nun sorğusuna cavab olaraq bildirilib ki, sözügedən tibb müəssisəsində müalicə alan şəxsin xəsarətləri ilə bağlı araşdırmalar davam etdirilir.
“Ona həmin tibb müəssisəsindəki digər ruhi-əsəb xəstəsi tərəfindən xəsarət yetirilməsi müəyyən edilib. Xəsarətlərin dərəcəsini müəyyən etmək məqsədilə müvafiq ekspertiza təyin olunub. Faktla bağlı qanunvericiliyə uyğun olaraq tədbir görüləcək”, - açıqlamada vurğulanır.
Qeyd edək ki, həmin kadrları lentə alan xəstə yaxını atasının sözügedən tibb müəssisəsində şiddət gördüyünü iddia edirdi.
TƏBİB-dən verilən məlumata görə, ötən gün saat 19:00-dan başlayaraq Qəbələ Rayon Mərkəzi Xəstəxanasına ümumilikdə 55 nəfər (21 kişi, 34 qadın cinsli olmaqla) qida zəhərlənməsi şübhəsilə müraciət edib.
Onların hər birinə zəruri tibbi xidmətlər göstərilib. 51 nəfər ambulator müalicə üçün evə buraxılıb, hazırda 3 nəfərin (1 kişi, 2 qadın olmaqla) müalicəsi Yoluxucu xəstəliklər şöbəsində davam etdirilir, vəziyyətləri orta-ağır olaraq qiymətləndirilir.
1 nəfərin isə (qadın cinsli) müalicəsi Təcili yardım şöbəsində davam etdirilir və vəziyyəti stabil qiymətləndirilir.
***
Azərbaycan Qida Təhlükəsizliyi Agentliyindən bildirilib ki, baş verən hadisənin səbəbləri, həmçinin qida zəhərlənməsi olub-olmaması ilə bağlı Agentliyin mütəxəssisləri ilə müvafiq qurumların əməkdaşları tərəfindən araşdırmalara başlanılıb.
Araşdırmaların nəticələri ilə bağlı ictimaiyyətə məlumat veriləcək.
***
Qəbələ rayonunda kütləvi zəhərlənmə olub.
“Qafqazinfo”nun əldə etdiyi məlumata görə, gecə saatlarından etibarən rayonun müxtəlif kəndlərindən olan 40 nəfərə yaxın şəxs zəhərlənmə diaqnozu ilə tibbi xidmətə müraciət edib.
Onların hamısının dünən eyni şadlıq sarayında keçirilən toyda iştirak etdikləri məlum olub. Xəstəxanaya müraciət edənlər arasında azyaşlılar da var.
İlkin məlumata görə, sakinlər toyda yedikləri qidadan zəhərləniblər.
Hadisə ilə bağlı araşdırmalara başlanılıb.
Şəxsin partlayış nəticəsində ölməsi faktı ilə bağlı araşdırma aparılır.
Baş Prokurorluğun Mətbuat xidmətindən bildirilib ki, avqustun 16-da saat 11 radələrində 1958-ci il təvəllüdlü Truxin Sergey Valentinoviçin Sumqayıt şəhərində yaşadığı mənzildə əl qumbarasının partlaması nəticəsində almış olduğu xəsarətlərdən ölməsi faktı ilə bağlı Sumqayıt şəhər prokurorluğunda araşdırma aparılır.
***
Sumqayıt şəhərində mənzildə partlayış olub.
"Report"un yerli bürosunun xəbərinə görə, hadisə nəticəsində bir nəfər ölüb.
Hadisənin baş verdiyi əraziyə müvafiq qurumların əməkdaşları cəlb edilib.
Lent.az yazır ki, bir nəfərin əlində partlayıcının partladığı və həmin həmin şəxsin öldüyü bildirilir.
Faktla bağlı araşdırma aparılır.