 |
|
Koronavirusla Mübarizəyə Dəstək Fonduna köçürülən vəsaitin şəffaflığı və onlayn qaydada yenilənməsi Azərbaycan üçün ilk və olduqca mühüm addımdır.
Köçürmələr anbaan yenilənir və siyahıda maraqlı adlar və onların köçürdüyü məbləğlər də diqqəti cəlb edir.
Fiziki şəxslər sırasında köçürmə edən məşhurlar sırasında Prezident və Birinci vitse-prezidentdən sonra yüksək məbləğ köçürən tanınmışlardan biri də Mircəlal Hafiz oğlu Paşayevdir – 100 min.
Şamil Heydərov (Karqo Şamil) də 100 minlə ən çox ödəyənlər sırasındadır.
Qod Nisanovu artıq qeyd etmişdik – 2 milyon manat.
Məmurlarımızdan isə:
Əli Əsədov (Baş nazir) – 3.600 manat,
Şahin Mustafayev (Baş nazirin müavini) – 3090 manat,
Mədət Quliyev – Müdafiə Sənayesi naziri – 17,165 manat,
Ceyhun Bayramov (Təhsil naziri) – 10 min,
Elman Rüstəmov – 6800 manat,
Aftandil Babayev (Mərkəzi Bank sədrinin müavini) – 2,500 manat,
Əli Həsənov (Sabiq baş nazir müavini) – 5 min dollar,
Tahir Budaqov (Dövlət Statistika Komitəsinin sədri) – 10.460 manat,
Mübariz Qurbanlı (Dini İşlər üzrə Komitənin sədri) – 2500 manat,
Mübariz Əhmədzadə (Zaqatala Rayon İcra Hakimiyyətinin başçısı) – 2 min və s. köçürüblər.
Diqqəti çəkən ianə ödəyənlərdən biri də general Kərəm Mustafayevdir – 6686 manat.
Millət vəkilləri Ziyafət Əsgərov (4 min), Nizami Cəfərov (3.500), Qənirə Paşayeva (2.800), Zahid Oruc və Qüdrət Həsənquliyev (hərəsi 500) və s. də siyahıda ilk baxışdaca gözə dəyən tanınmış simalardır.
Sənət adamlarında Röya Ayxan 10 min, Mənsum İbrahimov isə min manatla siyahıya adlarını yazdırıblar.
Tanınmış aparıcı Zaur Baxşəliyev də 3 min manat ianə ilə koronavirusa qarşı mübarizəyə öz dəstəyini göstərib.
Ən maraqlı məqam isə keçmiş deputatlarla bağlıdır. Belə ki, Milli Məclisin 3-cü çağırış deputatı Çingiz Əsədullayev 10 min köçürübsə, sabiq deputat və ictimaiyyətdə kifayət qədər tanınan sima olan Nazim Bəydəmirli 1 (bir) manat ianə verib.
Daha bir diqqət çəkən ianə isə tanınmış yazıçı-publisist Yunus Oğuzla bağlıdır. Y.Oğuz 5 (beş) manat ianə verib.
Qeyd edək ki, kiçik məbləğlər ödəsələr belə, əslində, bu kampaniyaya qoşulduğunu nümayiş etdirən və dövlətimizin koronavirusla mübarizəsinə ictimai dəstək verən tanınmışlar da, sadə vətəndaşlarımız da kifayət qədərdir. (axar.az)
Martın 26-na gözlənilən hava şəraiti ilə bağlı məlumat açıqlanıb.
Milli Hidrometeorologiya Departamentindən verilən məlumata görə, martın 26-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Bəzi yerlərdə duman olacaq, mülayim şimal küləyi əsəcək. Havanın temperaturunun Abşeron yarımadasında gecə 5-8°, gündüz isə 12-16° isti olacağı bildirilir.
Bakıda gecə 6-8°, gündüz isə 14-16° isti olacaq.
Atmosfer təzyiqi normadan yüksək - 769 mm civə sütunu təşkil edəcək. Nisbi rütubət gecə 70-80 %, gündüz 50-55 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şərq küləyi əsəcək.
Havanın temperaturunun gecə 5-10°, gündüz isə 15-20° isti olacağı bildirilir. Dağlarda gecə 0-5°, gündüz isə 7-12° isti olacaq.
Qərbi Azərbaycan Əyalətinin Poldəşt şəhərində koronavirusa yoluxmuş qadın sağlam körpə dünyaya gətirib.
Bu barədə Poldəşt Səhiyyə İdarəsinin rəisi Aydın Rəhimzadə Cahandari "Araz səsi” saytına məlumat verib.
"Martın 23-də Poldəştin İmam Xəstəxanasında koronavirusa yoluxmuş bir ana sağlam uşaq dünyaya gətirib. Qadın xəstə olduğu üçün həkimlər və tibb bacıları ona xüsusi diqqət yetirib. Müayinə zamanı yeni doğulmuş uşaqda koronavirusa rast gəlinməyib.”- deyə o bildirib.
Yeni doğulan körpənin ailəsinə təhvil verdiyini bildirən Aydın Rəhimzadə Cahandar koronavirus daşıyıcısı olan ananın müalicə almaq üçün Xoy şəhərinə göndərildiyini qeyd edib.
Poldəşt Səhiyyə İdarəsinin rəisi hal-hazırda Poldəşt şəhərində 3 nəfərin koronavirusa yoluxduğunu diqqətə çatdırıb.
Nazirlər Kabineti yanında operativ qərargah tərəfindən ölkədə koronavirus infeksiyasının yayılmasının qarşısının alınması məqsədilə bir sıra qadağalar tətbiq olunur. Bunlardan biri 65 yaşdan yuxarı insanların küçəyə çıxmasına qoyulan qadağadır. Lakin ilk gündən yaşlı sakinlər küçə və parklara çıxırlar.
Baku.Tv-nin xəbərinə görə, küçələrdə qaydalara əməl etməyən kifayət qədər yaşlı insana rast gəlmək mümkündür.
Polis əməkdaşlarının müdaxiləsi belə onların küçəyə, parka çıxmalarına mane olmur.
“Niyə evdə qalmırsınız?” sualını isə yaşlı insanlar aqressiya ilə qarşılayırlar.
Bununla bağlı videomaterialı təqdim edirik:
Lənkəranın “Spring” hotelində saxlanılan koronavirus şübhəsi ilə karantinə alınan şəxslər polisi alqış yağışına tutublar.
Oxu.az xəbər verir ki, bununla bağlı görüntülər sosial şəbəkədə yayılıb.
Belə ki, vətəndaşlarımız hotelin qarşısında keşik çəkən polis əməkdaşlarını alqışlayaraq, “Ən böyük polis - bizim polis”, “Azərbaycan” şüarlarını səsləndiriblər.
Həmin görüntüləri təqdim edirik:
İctimai iaşə müəssisələrində dezinfeksiya edilməsi vacib olan sahə və səthlərin siyahısı açıqlanıb.
Bununla bağlı Azərbaycan Qida Təhlükəsizliyi İnstitutu məlumat yayıb.
Siyahını təqdim edirik:
- İctimai iaşə müəssisələrinin ərazisi;
- Binanın daxilində olan bölmələr;
- Masa və stulların səthləri;
- Pəncərələr və pəncərə altlıqları, tutacaqları;
- Döşəmə və divar səthləri;
- Qapılar və qapı tutacaqları;
- Mətbəx avadanlıqları;
- Təmizlik üçün istifadə olunan bölmələr.
İctimai iaşə müəssisələrində dezinfeksiya edilməsi vacib olan sahə və səthlərin siyahısı açıqlanıb.
"Ölkə.Az" bildirir ki, bununla bağlı Azərbaycan Qida Təhlükəsizliyi İnstitutu məlumat yayıb.
Siyahını təqdim edirik:
- İctimai iaşə müəssisələrinin ərazisi;
- Binanın daxilində olan bölmələr;
- Masa və stulların səthləri;
- Pəncərələr və pəncərə altlıqları, tutacaqları;
- Döşəmə və divar səthləri;
- Qapılar və qapı tutacaqları;
- Mətbəx avadanlıqları;
- Təmizlik üçün istifadə olunan bölmələr.
Türkiyənin Hacettepe Universiteti koronavirusla mübarizəyə diqqət çəkmək məqsədilə “koronavirus simptomları təqvimi” hazırlayıb.
Oxu-az xəbər verir ki, təqvimdə xəstəliyin hansı mərhələdə hansı simptomları göstərdiyi qeyd olunub:
1-3-cü günlər: soyuqdəymə və qripəbənzər simptomlar ortaya çıxır. Yüngül temperatur və boğaz ağrısı görülə bilər. Həzm sistemi zəifdirsə, ürəkbulanma müşahidə oluna bilər.
4-cü gün: boğaz ağrısı şiddətlənir, səs qalınlaşır. Yeyib-içməkdə çətinlik yaşanıla bilər. Yüngül baş ağrısı ilə birlikdə ishal başlayır.
5-ci gün: boğaz ağrısı şiddətlənir. Yeyib-içmək olduqca ağrılı hala çevrilir. Bədəni və bədən üzvlərini hərəkət etdirmək sancı verir. Oynaq ağrıları müşahidə edilir.
6-cı gün: quru öskürək başlayır. Danışarkən, udqunarkən boğaz ağrısı şiddətlənir. Şiddətli halsızlıq başlayır. Ürək bulanması artır. Bəzən nəfəs almaqda çətinlik yaşanır. İshal və qusma şiddətlənir.
7-ci gün: Temperatur 38 dərəcəyə yüksəlir. Öskürək və bəlğəm şiddətlənir. Baş və bədən ağrıları ilə birlikdə qusma da şiddətli hala çevrilir.
8-ci gün: Nəfəs almaq çox çətinləşir. Sinə hissəsi çox ağır hiss olunur. Öskürəklə birlikdə baş və oynaq ağrıları kəskin şəkildə artır. Bədən temperaturu 38 dərəcədən artıq olar.
9-cu gün: Bütün simptomlar şiddətlənir. Üz və dodaqlar da göyərir. Öskürək və bəlğəm şiddətlənir. Bədən və baş ağrıları ilə birlikdə qusma çox şiddətli hala çevrilir.
Bu simptomlara sahibsinizsə, dərhal tibbi yardıma müraciət etməlisiniz.
Artıq bir neçə gündür ki, koronavirus (COVİD-19) infeksiyasının yarada biləcəyi təhlükənin qarşısının alınması məqsədilə Nazirlər Kabineti yanında xüsusi Qərargahın tapşırıq və tövsiyələrinə uyğun olaraq Bakı Şəhər İcra Hakimiyyətinin tabeliyində olan kommunal xidmətlər tərəfindən xüsusi texnikalar vasitəsi ilə şəhərin küçələrinin yuyulması aparılır.
Bakı Şəhər İcra Hakimiyyətinin Mətbuat Xidmətindən "Report"a verilən məlumata görə, bu prosses gündəlik olaraq səhər saat 05:00-dan 08:00-dək, axşam saatlarında saat 21:00-dan 23:00-dək keçirilir.
Ötən gün axşam saatlarında paytaxtın Nizami, Xətai, Sabunçu, Suraxanı, Xəzər, Yasamal, Nəsimi rayonlarında keçirilən yuyulma işləri bu səhər yenidən Nizami, Xətai, Sabunçu, Suraxanı, Xəzər, Yasamal, Nəsimi və Səbail rayonlarında davam etdirilib. Bu prosses paytaxtın bütün rayonlarındakı əsas, köməkçi və ara küçə və yolları əhatə edir.
Bundan əlavə, gün ərzində yaşayış binalarının həyətlərində, giriş bloklarında, lift kabinlərində, pilləkən marşlarında, konteyner meydançalarında və sakinlərin daha çox istifadə etdiyi yerlərdə kommunal və digər aidiyyəti qurumlar tərəfindən dezinfeksiyaedici tədbirlər aparılır.
“Hazırda Azərbaycanda ahıl insanların sayı 720 min nəfərdir”.
Bunu modern.az-a Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Fazil Talıbov bildirib.
Onun sözlərinə görə, ahıl dedikdə 70 yaş və onun üzəri əhali nəzərdə tutulur:
“Amma məlum olduğu kimi, karantin dövründə 65 yaşdan yuxarı vətəndaşlara xidmət göstəriləcək.
Hazırda 65-70 yaş arası tənha yaşayanların ayrıca qeydiyyatı yoxdur. Bu səbəbdən də 24 martdan etibarən 65 yaşdan yuxarı olan və tənha yaşayan vətəndaşlar Əmək və Əhalinin Sosial Müdafiəsi Nazirliyinin (ƏƏSMN) 142 - Çağrı Mərkəzinə zəng edərək, qeydiyyata alınmalıdırlar”.
Şöbə müdiri qeyd edib ki, ümumilikdə 9500 tənha ahıla və əlilliyi olan şəxsə sosial xidmətlər göstərilir.
Azərbaycanda ictimai yerlərdə, o cümlədən, küçələrdə, bulvarlarda, parklarda və sair yerlərdə şəxslərin 10 nəfərdən artıq qruplarda cəmləşməsi qadağan olunub.
Bu barədə Nazirlər Kabineti yanında operativ qərargah qərar qəbul edib.