 |
|
Bu gün Azərbaycanın xarici işlər naziri Ceyhun Bayramov, onun ermənistanlı həmkarı Ararat Mirzoyan və ABŞ dövlət katibi Entoni Blinken arasında üçtərəfli görüş keçiriləcək.
Bu barədə Ermənistan Xarici İşlər Nazirliyinin mətbuat katibi Ani Badalyan məlumat yayıb.
Xatırladaq ki, Azərbaycan və Ermənistan XİN başçıları NATO-nun Vaşinqtonda keçirilən sammitində iştirak etmək üçün ABŞ-də səfərdədir.
Türk varlığı imperialistlərin, xaçlı dünyasının ən böyük qorxusu və düşmənidir. Hətta bu, onların ən məşhur eposları olan “Nibelunqlar haqqında nəğmə”də də öz əksini tapıb. Türk dünyasının birləşdiyini və bütün mənalarda güc mərkəzinə çevrildiyini təsəvvür edəndə az qala ağıllarını itirirlər. Ona görə də buna əngəl olmağın yollarını axtarırlar.Bu sözləri Axar.az-a AB-nin Macarıstan və Şimali Kipr Türk Cümhuriyyətinin TDT-nin Şuşada keçirilən qeyri-rəsmi sammitində iştirakını qınaması haqqında danışan istefada olan kəşfiyyat polkovniki Coşqun Başbuğ deyib.
Polkovnik Şimali Kipr Türk Cümhuriyyətinin Şuşadakı sammitə qatılmasına etiraz edənlərin öz keçmişlərinə nəzər yetirməli olduqlarını bildirib:
“Hadisələrin belə inkişafı onlar üçün böyük təhdiddir. Ona görə həm AB-nin baş diplomatı Jozep Borrell və AP-nin deputatı Natali Luazo belə reaksiya veriblər. Xüsusilə Luazonun Şimali Kipr Türk Cümhuriyyətinin sammitdə müşahidəçi statusu ilə Qarabağ şəhərində iştirakını “biabırçılıq” adlandırması hansı təfəkkürdə və əxlaqda insan olduqlarını gözlər önünə sərir. Qarabağ qədim türk yurdu və Azərbaycan torpağıdır. Azərbaycanın da öz suveren ərazisində sammitə ev sahibliyi etməsi ən təbii hüququdur. Kimi dəvət etməsi də öz səlahiyyətidir”.
Başbuğ türk dünyasının heç nədən çəkinmədən öz yoluna davam edəcəyini vurğulayıb:
“Təşkilata qarşı bu mövqe bizim bir olanda ortaya qoyduğumuz gücü göstərir. Cənab Ərsin Tatarın TDT-nin sammitinə dəvət olunması heç kimə sadə məsələ kimi gəlməsin. Bunu etməklə Türkiyə və Azərbaycan birlikdə dövlət qətiyyəti sərgiləyib, riskə gediblər. Yəni hazırda bu risklərə gedə biləcək gücümüz, qətiyyətimiz var. Proseslər qəhrəman oğullarımızın, Azərbaycan Ordumuzun Qarabağı düşmən tapdağından azad etməsi ilə sürətləndi. Sonra isə ortaq tariximizin ən önəmli müqavilələrindən biri olan Şuşa Bəyannaməsi imzalandı və digər qardaş ölkələrimiz Türkiyə ilə Azərbaycanın ətrafında birləşməyə başladı. İndi isə kimlərinsə açıqlamaları, qınamaları bizi yolumuzdan döndərə bilməz. Ox artıq yaydan çıxıb, geriyə yol yoxdur, nə olursa olsun, bir olmalı, güclənməliyik. Çünki gələcək dünyada var olmağımız, özümüzə layiq yer tutmağımız bundan asılıdır. Bu ailədən kənarda qalmaqla özünə hansısa yol tapacağını düşünmək isə xam xəyaldan başqa bir şey deyil. Cənab İlham Əliyevin də vurğuladığı kimi, kənarda heç kim bizi gözləmir və bunu aşkar şəkildə dilə gətirirlər. Ona görə də güclü olmaq üçün daha da yaxınlaşmalıyıq. Macarıstan və ŞKTR-in də etdiyi budur. Jozep Borrell və ya başqalarının açıqlaması isə buna əngəl ola bilməz. Çünki bizi birləşdirən yalnız iqtisadi maraqlar yox, həm də ortaq tariximiz və mənəvi dəyərlərimizdir. Bir də ortada qətiyyət, iradə və qarşımızda isə hamımızı gözəl gələcəyə aparan aydın hədəflərimiz var”.
Ermənistan parlamentinin spikeri Alen Simonyan noyabrda Cenevrədə Azərbaycan Milli Məclisinin sədri Sahibə Qafarova ilə görüşəcək.
Bu barədə Simonyanın köməkçisi Movses Arutyunyan bildirib.
Əvvəlki görüşdə əldə olunmuş ilkin razılığa əsasən, Alen Simonyan və Milli Məclisin sədri arasında növbəti görüş noyabrda Cenevrədə baş tutacaq.
Sosial Tədqiqatlar Mərkəzini departament rəhbəri Əziz Əlibəyli “Sherg.az”a söyləyib ki, sülh müqaviləsinin imzalanmasına yaxın bir tendensiya müşahidə edilir:
“Ermənistan tərəfi 1 ay müddətinə sülh danışıqlarında yekun nəticəyə gəlməyin mümkün olduğunu vurğulayırlar. Son zamanlar bununla bağlı Ermənistan tərəfindən irəliləyişlər var. Sadəcə olaraq bağlanacaq ratifikasiyası parlamentlər çərçivəsində həyata keçirildiyinə görə belə görüşlər olmalıdır. Onlar iki ölkə arasında razılaşdırılan sənədlərin rəsmiləşdirilmə mərasimini parlamentlər vasitəsilə həyata keçirəcəklər. Hansı sənədlərin olması isə bəlli deyil. İki tərəf arasındakı danışıqlardan doğan nəticə ola bilər. Ermənistan konstitusiyasının dəyişdirilməsi Paşinyan administrasiyası hakimiyyətinin müxtəlif qolları Azərbaycanla münasibətdə müsbət nəticəyə nail olması ilə fərqlənir”.
Azərbaycan Prezidenti İlham Əliyev Elektron Rəqabət İnformasiya Sisteminin yaradılması haqqında fərman imzalayıb.
“Fərmana əsasən, ölkədə Elektron Rəqabət İnformasiya Sistemi (ERİS) yaradılacaq.
ERİS rəqabət və istehlakçıların hüquqlarının müdafiəsi sahələrində istehlakçıların və bazar subyektlərinin müraciətlərinin qəbulunu, emalını, onlara əlavə edilməli olan sənədlərin və ya məlumatların real vaxt rejimində digər dövlət orqanlarından sorğu əsasında əldə olunmasını, həmin müraciətlərə dair qərarların və məlumatların elektron qaydada təqdim edilməsini, habelə qeyd olunan sahələrdə məlumatların istifadəçilər üçün əlçatanlığını təmin edəcək.
Ermənistanın baş naziri Nikol Paşinyan həm yaxın, həm də uzaq perspektivdə Rusiyadan uzaqlaşmağa çalışır. Yaxın perspektiv Ermənistanın Kollektiv Təhlükəsizlik Müqaviləsi Təşkilatını tərk etməsi və Avropa İttifaqına üzvlük üçün Brüsselə müraciət etməsidirsə, uzaq perspektiv ABŞ və Fransanı Ermənistanda mobil atom elektrik stansiyalarının tikintisinə təşviq etməkdir. Ermənistan Təhlükəsizlik Şurasının katibi Armen Qriqoryanın Vaşinqtondakı görüş və müzakirələrinin bir qismi məhz bu mövzuya həsr olunub. İrəvan Vaşinqtona təkliflərini verib. Vaşinqton Ermənistanın Rusiyanın enerji asılığından qurtulmasını istəyir. Ancaq bu o demək deyil ki, Vaşinqton yaxın müddətdə Ermənistan ərazisində atom elektrik stansiyasının tikintisinə başlamağa hazırdır. Nikol Paşinyan Vaşinqtonun yanındadır, ancaq bir gün onu devirsələr və ya hakimiyyətdən uzaqlaşdırsalar, yerinə gələn Rusiyanın adamı çıxsa necə olacaq? Vaşinqton Ermənistandan tam arxayın olmadığına görə bu ölkədə atom elektrik stansiyası tikməkdə qərarlı deyil.Elxan Şahinoğlu
Yol-xeber.az" xəbər verir ki, “Azərbaycan Dəmir Yolları” QSC-nin (ADY) rəhbərliyi 8 iyul tarixində Rusiya Federasiyasının Tında şəhərində Baykal-Amur Magistralı (BAM) layihəsinin 50 illiyi münasibətilə təşkil olunmuş təntənəli mərasimdə iştirak edib.
“Qafqazinfo” xəbər verir ki, tədbirdə Rusiya Federasiyası Prezidentinin köməkçisi İqor Levitin, “Rusiya Dəmir Yolları” ASC-nin baş direktoru Oleq Belozyorov, “BAM Birliyi” ictimai təşkilatının prezidenti Yefim Basin və digər MDB ölkələrinin dəmir yolları administrasiyalarının rəhbərləri də iştirak ediblər.
Tədbirdə çıxış edən ADY sədri Rövşən Rüstəmov BAM veteranlarını layihənin həyata vəsiqə qazanmasının 50 illiyi münasibətilə təbrik edib və Ulu Öndər Heydər Əliyevin BAM-ın inşasına verdiyi əvəzsiz töhfələri vurğulayıb. O bildirib ki, Heydər Əliyev layihənin ən çətin mərhələlərinin inşasına rəhbərlik edib və layihənin gedişatında dönüş nöqtəsi yaradıb:
“Nəqliyyat kuratoru olaraq onun rəhbərliyi ilə BAM-ın inşası qısa müddətdə sürətləndirildi, resurslar səmərəli şəkildə təchiz olundu və infrastrukturun inkişafına xüsusi diqqət yetirildi. BAM-ın inşasında Heydər Əliyevin rolu əvəzsizdir və hazırda Anqoya stansiyasının Ulu Öndərin adını daşıması onun misilsiz xidmətlərinə göstərilən diqqətin təzahürüdür”.
Rövşən Rüstəmov azərbaycanlı mütəxəssislərin Ulkan və Anqoya stansiyalarının tikintisində önəmli rolunu qeyd edib:
“Azərbaycanlı mühəndis və işçilər yüksək peşəkarlıq və fədakarlıq göstərərək bu stansiyaların inşasında mühüm rol oynayıblar. Onların əməyi sayəsində bu strateji obyektlərin tikintisi vaxtında və keyfiyyətlə başa çatdırılıb”.
Tədbir çərçivəsində çıxış edən digər qonaqlar da Ümummilli Lider Heydər Əliyevin layihənin inşasında xüsusi xidmətlərini vurğulayıblar.
Daha sonra tədbir iştirakçıları BAM muzeyini, “BAM-ın inşaatçıları” abidəsini, Tında şəhərində yerli mütəxəssislərin hazırlanması üçün nəzərdə tutulan İxtisasartırma Tədris Mərkəzini ziyarət edib və yeni texnologiyalarla tanış olublar.
Qeyd edək ki, BAM keçmiş SSRİ-nin ən böyük infrastruktur layihələrindən biri olmaqla Baykal gölü ilə Amur çayı arasında dəmir yolu nəqliyyatını təmin edən mühüm strateji layihədir.
Bu magistral şimal bölgəsinin inkişafını sürətləndirmək, iqtisadi əlaqələri gücləndirmək və yeni sənaye mərkəzlərinin yaradılmasını təmin etmək məqsədilə inşa edilib. BAM-ın ümumi uzunluğu təxminən 4324 kilometrdir və bu magistral Baykal gölündən başlayaraq Amur çayının sahillərinə qədər uzanır.
Layihə çərçivəsində 200 stansiya və çoxsaylı körpülər, tunellər tikilib. Layihənin inşasında keçmiş sovet respublikalarından on minlərlə işçi, o cümlədən yüzlərlə azərbaycanlı mütəxəssis iştirak edib
UEFA-nın Avstriya ilə oyunda bozqurd işarəsi göstərdiyinə görə Türkiyə yığmasının oyunçusu Merih Demirala iki oyunluq cəza verməsi ciddi müzakirələrə səbəb olub.
UEFA-nın bu qərarı türk dünyasında etirazla qarşılanıb.
Bir çox dövlətlərin bu cür simvolları olduğunu bildirən türkiyəlilər və digər türk milləti nümayəndələri belə bir qərarın verilməsini haqsızlıq və qorxaqlıq adlandırır.
Azərbaycanda da ciddi müzairələrə səbəb olan bu hadisəyə dövlət başçısı səviyyəsində reaksiya verilib. Prezident İlham Əliyev “X” hesabındakı paylaşımı ilə türkiyəli futbolçuya dəstəyini ifadə edib. Merihə qarşı tətbiq edilən cəzanın ədalətsiz olduğunu deyən Azərbaycan lideri bunu qətiyyətlə pisləyib.
Ötən gün isə "Azərbaycan Televiziya və Radio Verilişləri" Qapalı Səhmdar Cəmiyyətinin sədri Rövşən Məmmədov efirdə bozqurd işarəsi ilə bağlı təsirli çıxış edib.
Avropa ilə türk dünyasının dəyərlərini müqayisə edən sədr bu cəzanı Avropanın türk dünyasından qorxması ilə əsaslandırıb:
“Nə olub, cənablar, görəsən, niyə türk liderlərinin Şuşada toplanması və məhz Şuşadan verilən bəyanatlar sizi bu qədər narahat edir? Biz ki sülhdən, əməkdaşlıqdan, təhlükəsizlikdən danışırıq. Yəni sizin əsrlərdir deyib, amma etmədiyiniz, üzərində min bir oyun qurduğunuz dəyərlərdən, o zaman niyə narahatsınız? Deməli, məsələnin, yaxud narahatlığın kökü daha dərindir. Nədir? Bax, bu - əli ilə bozqurd işarəsi göstərir.
Bəli, bu gün Avropanı, yaxud bəlli dairələri narahat edən, qorxudan türk dünyasının güclənməsidir. Bu gün Avropa türk dünyasının güclənməsini stimullaşdıran nəinki tədbir, hətta adi işarədən belə qorxur. Bu qorxunu da ən müxtəlif platformalarda nümayiş etdirir.
Türk futbolçunun bozqurd işrəsini göstərdiyinə görə cəza alması hüquqi baxımdan tamamilə absurd, mənəvi baxımdan isə qorxudan başqa bir şey deyil. Hörmətli UEFA rəsmiləri, indi biz nə edək? Sizin rəmziniz bax, budur (xoruz), bizimki də bu (bozqurd).
Başqa formada desək, bu sizin dəyərləriniz (kişinin kişi ilə evlənməsi), bu da bizim (şəhid Xudayar Yusifzadə oxuyur, arxadakı əsgər bozqurd işarəsi göstərir).
Yəni hər kəs öz dəyərləri ilə yaşayır və xoşbəxtdir. Yəni bizim sizin xoruzunuzla işimiz yoxdur, siz də bizim canavara barmaq uzatmayın”, - deyə o əlavə edib.
Daha ətraflı videoda:
Xarici işlər naziri Ceyhun Bayramov ABŞ-yə işgüzar səfərə yola düşüb.
XİN-dən verilən məlumata görə, səfər çərçivəsində nazirin Vaşinqtonda keçirilən NATO Zirvə Görüşündə iştirakı, habelə bir sıra yüksəksəviyyəli ikitərəfli görüşlərinin keçirilməsi nəzərdə tutulub.
Macarıstan baş naziri Viktor Orban yalnız ABŞ-ın Bayden administrasiyasını deyil, həm də Rusiyaya sanksiyalar tətbiq edən və Ukrayna savaşının əsas maliyyə yükünü çəkən Avropa Birliyini də oyundan kənar vəziyyətə salmış kimi görünür... Macar baş nazirin Ukrayna savaşını dayandırmaq üçün müstəqil sülh təşəbbüsü ilə çıxış etməsi, bu prosesdə Rusiya-Çin-Trampın ofisi marşrutu ilə fəaliyyət göstərməsi həm Bayden administrasiyasını, həm də Avropa Birliyini olduqca qəzəbləndirib...
Ukrayna savaşı ətrafında yaranmış gərginlik artan xətt üzrə inkişaf edir. Belə ki, son vaxtlar Rusiyanın dərinliklərinə endirilən hərbi zərbələrə cavab olaraq, Kreml Ukrayna önəmli şəhərlərini hədəfə almağa başlayıb. Üstəlik, bu qarşılıqlı zərbələr hər iki tərəfə ağır itkilər hesabına başa gəlir. Və bu baxımdan, Ukrayna savaşında yeni mərhələnin başlandığını da iddia etmək olar.
Ancaq onu da qeyd etmək lazımdır ki, Ukrayna savaşının intensivləşməsi həm də sülh prosesinə hazırlığa paralellik təşkil edir. Hər halda, Rusiya prezidenti Vladimir Putin bir müddət öncə Ukraynanın rəsmi dairələri ilə sülh danışıqlarına hazır olduğunun açıq mesajını vermişdi. Üstəlik, Kreml sahibi Rusiyanın sülh şərtlərini də ümumi şəkildə gündəmə gətirmişdi. Və rəsmi Kiyev verdiyi ilkin reaksiya ilə sülh müzakirələrinə qarşı çıxmadığını dolayısı da olsa, sezdirmişdi.
Təbii ki, bütün bunlar Ukrayna savaşının davam etməsində maralı olan bəzi Qərb siyasi dairələrində ciddi narahatlığa yol açmışdı. Belə ki, sonrakı mərhələdə Ukrayna savaşının intensivləşməsi də Qərbdəki narahatlığın təzahürü sayıla bilər. Hər halda, Qərbdən gələn qeyri-rəsmi təlimatlarla Ukrayna ordusunun Rusiyanın dərinliklərinə zərbələri daha intensiv xarakter aldı.
Hətta adının çəkilməsini istəməyən bəzi Ukrayna rəsmiləri də Rusiyanın dərinliklərinə zərbələrin Qərbdən sifariş olunduğu etiraf etməyə başladılar. Bu, beynəlxalq savaş qruplaşmasının dərhal hərəkətə keçib, sülh cəhdlərini boşa çıxartmağa çalışdığını göstərir. Son vaxtlar isə Qərb siyasi dairələri Rusiya hava hücumundan müdafiə sistemlərinin vacib olduğunu daha tez-tez vurğulayırlar. Və bunu Ukraynaya veriləcək "F-16" döyüş təyyarələrini qorumaq məqsədi ilə izah edirlər.
Göründüyü kimi, Ukrayna savaşının sona çatmasına əngəl törədən beynəlxalq güclər artıq fəaliyyətə keçiblər. Eyni zamanda, Ukrayna savaşının ən qısa müddətdə dayandırılmasında maraqlı olan beynəlxalq dairələr də fəaliyyətdədir. Belə ki, hazırda intensiv sülh təşəbbüsləri də ön plana keçməyə başlayıb. Və bu baxımdan, hesab etmək olar ki, Ukrayna savaşı ətrafında həm də müharibə tərəfdarları ilə sülhə can atanlar arasında da kəskin qarşıdurma mövcuddur.
Maraqlıdır ki, hazırda Ukrayna savaşının dayandırılması prosesinə ABŞ prezidentliyinə namizəd Donald Trampın liderlik etdiyi barədə müəyyən mülahizələr mövcuddur. Ağ Evin keçmiş sahibi Donald Tramp hakimiyyətə gələcəyi təqdirdə, Ukrayna savaşını ən qısa zamanda dayandıracağını vəd edib. Üstəlik, seçkilərdə qalib gələrsə, müharibənin sona çatdırılması üçün prezident səlahiyyətlərinin icrasına başlamağı gözləmək niyyətində olmadığını da vurğulamışdı.
Keçmiş prezidentin sülh planı Rusiyanın siyasi qüruruna hörmət modeli üzərində qurulub. Çünki o, eyham vurub ki, Ukraynanın işğal olunmuş ərazilərinin Rusiyanın nəzarətində qalma ehtimalı istisna deyil. Rəsmi Kiyev buna razı olmasa da, Rusiya tamamilə məmnundur. Üstəlik, ABŞ-ın keçmiş prezidenti Ukrayna lideri Volodimir Zelenskinin sülh planını bütövlükdə açıqlamaq çağırışlarına müəmmalı şəkildə reaksiya verməkdən yayınır. Və bu, Donald Trampın rəsmi Kiyevin mövqeyinə, eləcə də, Ukraynanın maraqlarına əhəmiyyət verməyə həvəsli olmaması kimi də yozulur.
Digər tərəfdən, Donald Trampın sülh təşəbbüsünün artıq dərinləşməyə başladığı da müşahidə olunur. Belə ki, Kremlin hazırda Donald Trampla qeyri-rəsmi, səhnəarxası təmaslara başladığı barədə kifayət qədər ciddi məlumatlar mövcuddur. Hətta prezident Vladimir Putinin rus naziri Rusiyanı qane edən sülh şərtlərinin olduğu məxfi paketlə Donald Trampın yanına göndərdiyi bildirilir. Və bu, o deməkdir ki, hazırda Ukrayna savaşının dayandırılması ilə bağlı proses həm başlayıb, həm də Donald Tramp tərəfindən koordinasiya edilir.
Bunu qeyri-rəsmi şəkildə təsdiqləyən daha bir önəmli məqam da mövcuddur. Belə ki, Macarıstan Avropa Birliyinin Ukrayna savaşını maliyyələşdirilməsinə və Rusiyaya qarşı sanksiyaların əleyhinə çıxan azsaylı dövlətlərin sırasına daxildir. Macarıstanın baş naziri Viktor Orban isə bir müddət öncə ABŞ-a səfər etmişdi.
Ancaq baş nazir Viktor Orban Bayden administrasiyasının təmsilçiləri ilə görüşməyə ehtiyac duymamışdı. Macarıstan baş nazirinin ABŞ-da yalnız Donald Tramp ilə görüşüb, geri dönməsi isə təkcə Ağ Evdə deyil, Avropa Birliyi daxilində də ciddi çaşqınlıq yaratmışdı. Və indi bunun bəzi səbəbləri artıq müşahidə olunmağa başlayıb.
Məsələ ondadır ki, Macarıstan baş naziri Viktor Orban hazırda Donald Tramp tərəfindən koordinasiya olunan sülh prosesinin əsas aparıcı siması rolunda çıxış edir. Hər halda, macar baş nazirin əvvəlcə Rusiyaya, ardınca isə Çinə səfəri qətiyyən təsadüf deyil və Qərbdə böyük qıcıqla qarşılanıb. Kremldə baş nazir Viktor Orbanı çox diqqətlə dinləyərək, məmnun əhval-ruhiyyədə yola salıblar. Çində isə macar baş nazirin gözlənilməz səfərindən çaşqınlıq keçirilsə də, böyük hörmətlə qarşılanıb. Və baş nazir Viktor Orbanın Çin lideri ilə Ukrayna savaşının Rusiyanın da etiraz etmədiyi dayandırma planını müzakirə etdiyi iddia olunur.
Bəzi məlumatlara görə, Macarıstan baş naziri Viktor Orban Çindən sonra ABŞ-a səfər etmək niyyətindədir. Onun ABŞ prezidentliyinə namizəd və seçkilərdə qələbə şansı yüksək olan Donald Trampla növbəti dəfə görüşəcəyi bildirilir. Və böyük ehtimalla ABŞ-ın gələcək prezidenti ilə Ukrayna savaşının dayandırılması prosesində edilən cəhdlərin nəticələri müzakirə oluncaq.
Belə anlaşılır ki, hazırda Macarıstan baş naziri Viktor Orban Ukrayna savaşının dayandırılması prosesində əsas rəsmi təşəbbüskar rolunda çıxış edir. Bayden administrasiyası ilə anlaşma mümkün olmasa da, macar baş nazir ABŞ-ın gələcək prezidenti ilə ortaq fəaliyyətə nail olub. Bu isə o deməkdir ki, Donald Tramp və Viktor Orban ortaqlığı əslində, ABŞ-ın Bayden administrasiyasını oyundankənar vəziyyətə salıb. İndi bir qədər suallar doğurmuş olsa da, bir neçə aydan sonra Donald Tramp hakimiyyətə gələrsə, macar baş nazirin sülh prosesindəki bu uğuru həlledici faktora da çevrilə bilər.
Eyni zamanda, Macarıstan baş naziri Viktor Orban yalnız ABŞ-ın Bayden administrasiyasını deyil, həm də Rusiyaya sanksiyalar tətbiq edən və Ukrayna savaşının əsas maliyyə yükünü çəkən Avropa Birliyini də oyundan kənar vəziyyətə salmış kimi görünür. Hər halda, baş nazir Viktor Orban öz sülh təşəbbüsündə hazırda Macarıstanın sədrlik etdiyi Avropa Birliyini təmsil etmir. Baş nazir Viktor Orban yalnız Macarıstan adından çıxış edir. Və onun Ukrayna savaşının dayandırılması istiqamətində sülh təşəbbüsləri ilə həm Ağ Evi, həm də Avropa Birliyini kənara itələməyi bacarması Qərbdə yalnız narahatlıq deyil, üstəlik böyük qəzəb də doğurub.(Yeni Müsavat)
“Şuşada Türk Dövlətləri Təşkilatının dövlət başçılarının qeyri-rəsmi Zirvə görüşününü keçirilməsi və Qarabağ bəyannaməsinin imzalanması mühüm tarixi əhəmiyyətə malikdir. Bu toplantı və imzalanan sənəd türk birliyi tərəfindən dünyaya azad Qarabağdan verilən mesajdır”.
Bu sözləri "Cebheinfo.az"-a açıqlamasında “Yaşıl Dünya” Ekoloji Maarifləndirmə İctimai Birliyinin sədri Elman Cəfərli deyib.
Onun sözlərinə görə, olayın özəlliyi toplantının 2023-cü ildə “Türk dünyasının mədəniyyət paytaxtı” olmuş Şuşa şəhərində keçirilməsidir:
“Qarabağ, Şuşa 30 il işğalçı Ermənistanın işğalı altında qalmışdı. Qarabağ və Şərqi Zəngəzur iqtisadi regionlarında əsasən azərbaycanlıların yaşadığı kənd və qəsəbələr, şəhərlər Ermənistan tərəifndən darmadağın edilmişdi.
2020-ci ildə baş vermis və 44 gündə böyük zəfərlə başa çatmış Vətən müharibəsində Azərbaycan ordusu əziz şəhidlərimizin qanı bahasına, qazilərimizin qəhrəmanlığı sayəsində torpaqlarımızı işğaldan azad etdi. Son 4 ildə Azərbaycan bölgədə yeni geosiyasi reallıqlar yaradıb. Cəmi 4 il öncə xarabazara qalmış azad Qarabağ bu gün dirçəlir, əzəli və əbədi sakinlərini qəbul edir. Azərbaycan öz gücünə ədalətsiz dünyanın gözü qarşısında tar-mar edilmiş bir bölgəni bərpa edir. Qarabağda böyük tikinti quruculuq, bərpa işləri həyata keçirilir. “Böyük Qayıdış” Proqramının icrası çərçivəsində bu günə qədər 8 minə yaxın keçmiş məcburi köçkün Laçın, Füzuli, Şuşa, Xocalı şəhərlərinə və dörd kəndə qayıdıb. Bu ilin sonuna qədər 20 min insan azad edilmiş torpaqlara qayıdacaq. Türk Dövlətləri Təşkilatının Dövlət başçılarının qeyri-rəsmi Zirvə görüşünün Şuşada keçirilməsi qardaş və müttəfiq dövlətlərin erməni işğalının fəsadları, Ermənistanın ekoloji terroru ülə üz-üzə qalmış və bu zərəri təkbaşına aradan qaldıran Azərbaycana mənəvi dəstəyin ifadəsidir. Bu, azad Qarabağda əhalinin normal və təhlükəsiz həyatına təminatın yaradıl¬masının beynəlxalq səviyyədə nümayiş etdirilməsi deməkdir”.
QHT sədri hesab edir ki, bu cür beynəlxalq miqyaslı tədbirlər yaxın pers-pektivdə Azərbaycanın Qarabağ iqtisadi rayonuna həm siyasi, həm də iqtisadi di¬videndlər vəd edir.
Elman Cəfərli deyib ki, Türk Dövlətləri Təşkilatının artıq nüfuzli bir birliyə çevrilib:
“Türk Dövlətləri Təşkilatının qeyri-rəsmi Zirvə görüşündə Qazaxıstan prezidenti Kasım-Jomart Tokayev, Qırğız Respublikasının prezidenti Sadır Japarov, Özbəkistan prezidenti Şavkat Mirziyoyev, Türkiyənin Vitse-prezidenti Cevdet Yılmaz ilə yanaşı Macarıstanın Baş naziri Viktor Orban və Şimali Kipr Türk Cümhuriyyətinin prezidenti Ersin Tatarın da qatılması qurumun nüfuzlu beynəlxalq platformaya çevrildiyini göstərir. Belə bir nüfuzlu toplantının Şuşada – Türk dünyasının mədəniyyət paytaxtında keçirilməsi isə Türk coğrafi¬yasında inteqrasiyanın dərinləşməsinə, qardaşlıq bağlarının daha da möhkəm-lənməsinə təkan verəcək”.