 |
|
Asəf İsgəndərli “Bakı Metropoliteni” QSC-nin Maliyyə departamentinə rəis təyin edilib.
Bu barədə "Yol-xeber.az" QSC-yə istinadən xəbər verir.
A. İsgəndərli 1990-cı ildə anadan olub. 2008-2012-ci illərdə Qafqaz Universitetinin İqtisadiyyat və idarəetmə fakültəsində Maliyyə ixtisası üzrə bakalavr, 2013-2015-ci illərdə həmin fakültədə Maliyyə menecmenti ixtisası üzrə magistr təhsili alıb. 2013-2017-ci illərdə Qafqaz Universiteti və Bakı Mühəndislik Universitetində pedaqoji fəaliyyətlə məşğul olub, 2017-2025-ci illərdə “Veysəloğlu-Yaycılı Qardaşlar” MMC-də və “Azərsun Holdinq” MMC-də maliyyə sahəsində müxtəlif rəhbər vəzifələrdə çalışıb.
Həkim terapevt Abbasova Məlahət bildirdi ki, Ramazan ayında insanın ac qalmasının orqanizmə xeyirləri var: "Yəqin ki aclıqla müalicə eşitmisiniz. Ramazan bayramında da ac qalarkən bədənimizdə müəyyən proseslər gedir. Belə ki, bədənimizdəki artıq, orqanizmə ziyan verən maddələr xaric olunur, orqanizm özünü təmizləyir. Aclıq zamanı bədəndə baş verən reaksiyalarla köhnə hüceyrələr məhv olur və bədən hüceyrələri yenilənir. Onu da qeyd edim ki, Ramazan ayında tutulan oruc bəzi iltihabi, şəkərli diabet xəstliklərinin profilaktikasi kimi müsbət təsir göstərir".
Orucluq ayında gün boyu enerjili qalmaq istəyirsənsə...
Valyuta.az məlumatına görə, həkim terapevt deyir ki, enerji bitməsində insanın istəyindən çox nüans asıllıdır: "Ac qaldığımız müddətdə enerjinin daha çox düşməməsi üçün bəzi addımlar atmaq olar. Bu müddətdə tez hazırlanan qida məhsullarından istifadə etmək yanlış olardı. Enerjili qalmağın ən yaxşı üsullarından biri evdə hazırlanan yeməklərlə qidalanmaq, çoxlu meyvə- tərəvəzə üstünlük vermək olar. Səhər yumurta ilə qidalanmaq gün boyu tox tutmağa kömək edər və enerjimizi saxlayar. Axşamlar isə çox ağır olmayan ət xörəklərinə üstünlük verilməsi sağlamlıq və enerji baxımından çox əhəmiyyətlidir. Ən önəmlisi ilə insan orqanizmi mayedən əksik qalmamalıdır. Yəni orucu açdığınız müddətdə bol maye qəbul edin. Bəzi yaşlı insanlar, hamilə qadınlar, müalicə olunan insanlar oruc tutmaya bilər. Burada sağlamlıq faktoru da önəmli rol oynayır. Digər insanların Ramazan ayında oruc tutması sağlamlıq baxımından da məsləhətlidir".
Qış mövsümünün sərt hava şəraiti yolların təhlükəsizliyi və nəqliyyatın fasiləsiz hərəkəti üçün ciddi maneələr yaradır. Bu çətinliklərin qarşısının alınması məqsədilə 19 saylı Xüsusi Təyinatlı Yol İstismarı MMC-nin balansında olan Şamaxı rayonunun Nərimanov küçəsində operativ və genişmiqyaslı yol təmizləmə işləri görülür.
Bu proses çərçivəsində yolların qardan təmizlənməsi, sürüşmənin qarşısının alınması üçün xüsusi qum-duz qarışığının səpilməsi və nəqliyyat vasitələrinin maneəsiz hərəkətini təmin edəcək digər profilaktik tədbirlər həyata keçirilir. Yol istismar briqadaları gücləndirilmiş iş rejiminə keçərək, qısa müddət ərzində yolları qar və buzlanmadan təmizləyir, hərəkətin təhlükəsizliyini təmin edir.
Xüsusilə qeyd etmək lazımdır ki, qış aylarında yolların təmiz saxlanılması təkcə nəqliyyat vasitələri üçün deyil, həm də piyadalar üçün təhlükəsizlik baxımından mühüm əhəmiyyət kəsb edir. Aparılan təmizləmə və duz-qum qarışığı səpmə işləri nəticəsində həm piyadaların, həm də sürücülərin rahat və təhlükəsiz hərəkəti üçün lazımi şərait yaradılmışdır.
Görülən operativ və yüksək səviyyəli işlərə görə "Yol-xeber.az" saytının rəhbərliyi və kollektivi adından 19 saylı Xüsusi Təyinatlı Yol İstismarı MMC-nin əməkdaşlarına dərin minnətdarlığımızı bildiririk. Onların qış aylarında fədakarlıq göstərərək gecə-gündüz, yorulmadan çalışmaları, yolların təhlükəsizliyini təmin etmək istiqamətində gördükləri işlər yüksək qiymətləndirilməlidir.
Bu kimi operativ tədbirlərin davamlı olaraq həyata keçirilməsi həm vətəndaşların rahatlığını təmin edəcək, həm də qış aylarında yol-nəqliyyat hadisələrinin sayının azalmasına mühüm töhfə verəcəkdir. Şamaxı rayonunda aparılan bu uğurlu işlərə görə əməyi keçən hər kəsə təşəkkür edirik və onların bu fədakar fəaliyyətlərini alqışlayırıq!
.
Ramazan ayının başlama tarixi
Bu gün Ramazan ayı başlayıb.
Qafqaz Müsəlmanları İdarəsi Qazılar Şurasının Ramazan ayının başlaması münasibətilə fətvasında bildirilib ki, martın 1-i Ramazan ayının ilk günüdür.
Niyyət gecəsi nə vaxtdır?
Niyyət gecəsi fevralın 28-dən martın 1-ə keçən gecəyə təsadüf edir.
Ramazan və Novruzun üst-üstə düşməsi
Fətvada deyilir ki, builki Ramazan xalqımızın qədim bayramı Novruz günlərinə təsadüf edəcək, şəri baxımdan belə əlamətdar günlərin üst-üstə düşməsi cəmiyyətdə bir çətinlik yaratmır.
Fitrə zəkatının məbləği nə qədər olmalıdır?
Bu barədə Qafqaz Müsəlmanları İdarəsi sədrinin müavini Fuad Nurullayev APA-ya açıqlama verib: “Ən çox istifadə olunan ərzağın 3 kiloqramı dəyərində adambaşına fitrə zəkatı çıxarılmalıdır. Bunu maddi imkana görə yoxsullar və imkanlılar ayırmalıdır. Minimum məbləğ də düşünülə bilər. Ancaq maddi durumu yaxşı olan insanlar bunu minimum yox, orta və ya yuxarı məbləğdən götürsə, yaxşıdır”.
İlk Qədr gecəsinin vaxtı
Təqvimə əsasən, ilk Qədr gecəsi Ramazan ayının 18-dən 19-na keçən gecə, yəni martın 18-nə təsadüf edəcək.
Digər Qədr gecələrinin tarixləri
Bundan əlavə, Ramazan ayının 20-dən 21-nə keçən gecə (20 mart), Ramazan ayının 22-dən 23-nə keçən gecə (22 mart) və Ramazan ayının 26-dan 27-nə keçən gecə (26 mart) Qədr gecələri olacaq.
Ramazan ayının bitmə tarixi
Şəvval ayının 1-i, yəni martın 30-da Ramazan (Fitr) bayramı olacaq.
Bu il Novruz və Ramazan bayramları ilə əlaqədar 12 qeyri-iş günü olacaq
Qeyd edək ki, bu il Novruz və Ramazan bayramları ilə əlaqədar mart ayında ölkədə ardıcıl 12 qeyri-iş günü olacaq. Nazirlər Kabinetinin qərarına əsasən, iş və istirahət günlərinin ardıcıllığını təmin etmək məqsədilə 2025-ci il 27 və 28 mart iş günləri ilə müvafiq olaraq 10 mart və 1 aprel istirahət günlərinin yerləri dəyişdirilib. 8 Mart - Beynəlxalq Qadınlar günü şənbə gününə təsadüf etdiyindən Əmək Məcəlləsinə əsasən, 10 mart qeyri-iş günü olmalı idi. Bundan başqa, 30 mart Ramazan bayramı bazar gününə düşdüyündən 1 aprel qeyri-iş günü sayılmalıydı. Beləliklə, 29 və 30 mart tarixləri də şənbə və bazar günlərinə təsadüf etdiyindən, bu il Novruz və Ramazan bayramlarında 20, 21, 22, 23, 24, 25, 26, 27, 28, 29, 30 və 31 mart tarixləri qeyri-iş günü olacaq.
Rusiyada 2024-cü ilin daşınmaz əmlak “krallarının” reytinqi elan olunub və azərbaycanlı iş adamları siyahıya başçılıq edirlər.
reytinqi "Forbes"in rus versiyası elan edib.
Siyahı 2024-cü ilin nəticələrinə əsasən dərc edilib.
Buraya daşınmaz əmlakın kirayəsindən ən çox gəlir əldə edən iş adamları daxil edilib və Azərbaycan əsilli sahibkarlar ilk sıralardadırlar.
Reytinq cədvəlində ilk onluğa aşağıdakı iş adamları liderlik edir.
1. Əslən azərbaycanlı olan iş adamları Qod Nisanov və Zaxar İliyevə məxsus "Kiyevskaya ploşad”. İllik icarə gəliri: 2 milyard dollar;
2. Samvel Karapetyan, “Taşir” - 685 milyon dollar;
3. Mixail və Sait-Salam Qutseriyevs, “Safmar” - 490 milyon dollar;
4. Tara ailəsi, "Enka" - 335 milyon dollar;
5. Aleksandr Klyaçin, "Gleden İnvest" - 315 milyon dollar;
6. Pavel Vaşenko və Valeri Mixaylov, "Riverstretch Trading & Investments" - 295 milyon dollar.
7. Araz Ağalarov, “Crocus Group”- 245 milyon dollar;
8. Vladimir və Feliks Yevtuşenkov, AFK Sistema - 240 milyon dollar.
Qeyd edək ki, İliyev və Nisanovun şirkətinin 2 milyon 591 min kvadratmetr kommersiya daşınmaz əmlakı var. Bura 148 min kvadratmetr ofis sahəsi, 320 min kvadratmetr anbar sahəsi, 1550 nömrəli hotel, 1 milyon 39 min kvadratmetr sahəsi olan “Food City” ticarət mərkəzi və 180 min kvadratmetr sahəsi olan “Evropeysky” ticarət mərkəzi daxildir.
Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) 184 nömrəli müntəzəm marşrut xətti üzrə müsabiqə keçirib.
"Yol-xeber.az" agentliyə istinadən xəbər verir ki, müsabiqədə “General Auto Company” MMC qalib gəlib.
Sabahdan 184 nömrəli marşrut üzrə sərnişinlərin daşınması 13 müasir və komfortlu avtobusla yerinə yetiriləcək. Avtobusları Yeni Suraxanı qəsəbəsinin Dəmiryol stansiyasından başlamaqla yeni sxem üzrə fəaliyyət göstərəcək. Məqsəd vətəndaşların Yeni Suraxanı qəsəbəsindən “Koroğlu” və “Ulduz” metrostansiyaları istiqamətində gedişlərini asanlaşdırmaqdır.
Marşrut üzrə gediş haqqı 0,5 manat təşkil edir və ödənişlər nağdsız qaydada həyata keçiriləcək.
"Marşrut xətləri müvafiq qanunvericiliyin tələblərinə uyğun olaraq, AYNA tərəfindən mərhələli qaydada müsabiqəyə təqdim edilir. Məqsəd sərnişindaşıma sahəsində göstərilən xidmət keyfiyyətinin və əlçatanlığın artırılması, təhlükəsizliyin və marşrutların təhkim edilməsində şəffaflığın təmin olunmasıdır", - deyə AYNA bəyan edib.
Binəqədi rayonu, Biləcəri qəsəbəsi, Rəşid İsmayılov küçəsi, 11 A ünvanında yerləşən taksi dayanacağı, yol kənarında fəaliyyət göstərən obyekt sahibləri üçün ciddi problemlər yaradır.
Sahibkarlar bildirirlər ki, bu ərazidə "taksi dayanacağı" işarəsi yerləşdirildikdən sonra həmçinin yerdə parklanma xətləri olsa da, onlara və müştərilərə hər gün cərimələr tətbiq edilir.
Onların sözlərinə görə, həmin nişan 5 il əvvəl quraşdırılıb, amma bu yer taksi dayanacağı üçün uyğun deyil və burada heç vaxt taksinin dayanmasını görməyiblər. Müştəri gəldikdə isə dərhal 40 manat cərimə tətbiq olunur. Bu kimi hallar dəfələrlə təkrarlanıb. Sahibkarlar əlavə edirlər ki, bu səbəbdən nə sifariş qəbul edə bilirlər, nə də mal satışı həyata keçirə bilirlər.
Məsələ ilə bağlı AYNA-dan bildirildi ki, sözügedən məsələ ilə bağlı əraziyə baxış keçiriləcək.
Yerdə parklanma xətləri olduğu halda niyə görə yol boyu avtomobili park edənlərə cərimə yazılır?
Məsələ ilə bağlı BŞDYPİ-nin əməkdaşı Rüstəm Əhmədli qeyd edib ki, İnzibati Xətalar Məcəlləsinin 346.6-cı maddəsinə əsasən, taksi duracaqlarında taksi minik avtomobili olmayan nəqliyyat vasitəsinin dayanması və durması qadağandır. Bu kimi qaydaları pozan sürücülərə 40 manat cərimə nəzərdə tutulub. /Milli.Az
“Təhsil haqqında” və “Peşə təhsili haqqında” qanuna nəzərdə tutulan dəyişikliyə əsasən işğaldan azad olunan ərazilərdə məskunlaşanların təhsil haqqını dövlət ödəyəcək.
Bununla bağlı qanunun 14.8-1.9 maddəsinə dəyişiklik nəzərdə tutulur.
Qanuna təklif olunan dəyişikliyə əsasən işğaldan azad edilmiş ərazilərdə məskunlaşmış və 2025/2026, 2026/2027, 2027/2028-ci tədris illərində dövlət, bələdiyyə və özəl peşə təhsili müəssisələrinə qəbul olunmuş, habelə həmin təhsil müəssisələrində təhsil almaqda olan şəxslərin, eyni zamanda sosial müdafiəyə xüsusi ehtiyacı olan şəxslərin peşə təhsili müəssisələrində ödənişli əsaslarla təhsil aldıqları müddətdə təhsil haqlarının dövlət büdcəsinin vəsaiti hesabına ödənilməsi nəzərdə tutulur.
Bu qanun 2025-ci il sentyabrın 15-dən qüvvəyə minəcək.
Qanun birinci oxunuşda müzakirə olunaraq qəbul olunub.
“Ölkəmizdə, xüsusən də Bakı şəhərində ciddi sökünütülər aparılır və ya aparılacaq. Hər bir söküntüdən sonra onlarla narazı vətəndaş əmələ gəlir və bu narazılığın bir neçə səbəbləri var. Bəzilərinin yaşayış sahəsi kiçik oluğu üçün verilən kompensasiya ilə ev ala bilmir deyə narazılıq edir, bir qrup həmin ərazidə bazar qiymətləri ilə kompensasiya tələb edir, digər qrup isə iki-üç dəfə şişirdilmiş qiymətlərlə pul tələbi qoyur. Nəticə isə üç tərəfə - dövlət orqanlarına, vətəndaşlara və sahibkarlara - problem yaradır. Yüzlərlə narazılıq edən vətəndaşlar, sahibkarlar və qapısı döyülən dövlət orqanları var. Onların parlamentdən də gözləntiləri var”.
Bunu deputat Razi Nurullayev parlamentdə deyib.
O, köçürmələrin yaratdığı “ən böyük problem”dən danışıb. “Köçürülən insanlar aldıqları kompensasiya ilə şəhər kənarlarında bir və ya ailə üzvlərinin təlabatına görə bir neçə yerdə torpaq alıb ev tikir. Bu evlər də, əsasən zəbt edilmiş, sənədsiz və infrastrukturu olmayan ərazilərdə həyata keçirilir. Hansı mənzərə ilə üzləşirik? Bakıda söküntü aparıb onu abadlaşdırır, gözəlləşdirir, rahat infrastruktur yaradırıq, 5-10 kim kənarda isə ciddi problemlər yaradır və sanki minalar basdırılır. Qaz, su, işıq, yol, yağış-qar yağanda su altında qalmış evlər və dövlətdən kömək tələb edən vətəndaşlar”, - deputat qeyd edib.
Yaranmış vəziyyətdə həll yollarını təklif edən deputat bildirib ki, qanunvericilik səviyyəsində problemin həllinə töhfə verək: “Söküntü aparılan ərazilərdə heç bir kənar hüquqi müdaxilə və ya izaha yol açmayan birmənalı dəyişikliklərə gedək. İstər dövlət söksün, istər sahibkar, fərq etmədən söküntü aparılan ərazilərdə vətəndaşlara yalnız ev və kommersiya obyekti təklif edilsin. Əgər söküntü infrastruktur, park və digər dövlət məqsədəri üçün tikilirsə, elə həmin ərazidə vətəndaşlara ya ev tikilib təqdim olunsun, ya da onlara hazır evlər alınıb verilsin. Doğurdan da təqdim olunan kompensasiya ilə söküntü aparılan ərazilərdə və yaxın yerlərdə o qiymətlərə ev almaq mümkün olmur.
Bununla yanaşı, söküntü ərazilərində qanundankənar hərəkətlərə yol verən vətəndaşlar və sahibkarlarla bağlı icrası məcbur məhkəmə qərarları verilsin və bu sahədə məhkəmə çəkişmələrinin uzun müddətli olmasının qarşısını almaq üçün də lazımdırsa, qanunvericiliyə dəyişikliklər edək. Ümid edirəm ki, bu məsələ ilə bağlı ciddi müzakirələr apara və məsələnin ədalətli həll yolunun tapılmasına töhfə verə bilərik.
Ümumiyyətlə, kompensasiyaların verilməsi ilə bağlı müvafiq qanunvericilik aktlarına ya ayrıca bəndlər, ya da fəsil əlavə edə bilərik”.
Milli Məclis əlilliyi olan şəxslərə yeni güzəştlərin edilməsi ilə bağlı dəyişikliyi son oxunuşda qəbul edib.
Bununla bağlı parlamentin bugünkü plenar iclasında “Sosial sığorta haqqında” qanuna və Vergi Məcəlləsinə dəyişikliklər müzakirəyə çıxarılıb.
Layihəyə əsasən, əlilliyi olan şəxslərin vergi inzibatçılığının sadələşdirilməsi və onların özünüməşğulluq təşəbbüslərinin dəstəklənməsi üçün əl işlərinin satışından əldə olunan gəlirdən ödəmə mənbəyində 2 faiz vergi tutulacaq. Həmçinin onların əl işlərinin satışını həyata keçirilməsi üçün xüsusi elektron portal yaradılacaq, əlilliyi olan şəxslər orada qeydiyyatdan keçəcəklər.
Əl işlərinin satışından əldə olunan gəlirdən vergilər çıxıldıqdan sonra əlilliyi olan şəxs üçün açılmış bank hesabına köçürüləcək. Bununla bərabər, portalda qeydiyyatdan keçmiş əlilliyi olan şəxslər vergi orqanlarında qeydiyyatdan keçmək, vergi hesablamaq, vergi hesabatları tərtib etmək və vergi orqanına təqdim etmək kimi işlərdən azad olacaq, bu işlər portal vasitəsilə elektron qaydada onların əvəzinə həyata keçiriləcək.
Qanun layihəsinə görə, əl işlərinin satışından əldə olunan gəlirlər məcburi dövlət sosial sığorta haqqı hesablanmayan gəlir növlərinə aid ediləcək.
Dəyişikliklər səsverməyə çıxarılaraq üçüncü oxunuşda qəbul edilib.