 |
|
Azərbaycanın 44 günlük müharibədə zəfər qazanmasından bir il ötür. Ordumuzun sentyabrın 27-də erməni işğalçılarına qarşı başlatdığı əks-hücum əməliyyatı şanlı qələbəmizlə sona çatdı.44 gün davam edən hərbi əməliyyatlar nəticəsində şanlı ordumuz işğalçı ermənistan ordusunu darmadağın edərək böyük qazandı.
Şuşanın işğaldan azad edilməsiylə tam qələbəmizə yol açıldı. Düşmənin ağ bayraq qaldırmaqdan başqa yolu qalmadı. Vətən müharibəsində bütün dünya xalqımızın əzmini, ordumuzun döyüş qabiliyyətini gördü.
Bu müharibədə əsas güc əsgər və zabitlərimizin üzərinə düşdü. Həmin zabitlərdən biri də Daxili Qoşunların Xüsusi Təyinatlı Dəstəsinin kapitanı Nicat Bədəlovdur.
Ölkə.az xəbər verir ki, Vətən müharibəsi Qəhrəmanı Nicat Bədəlov özü haqqında bəzi məlumatları və müharibə ilə bağlı təəssüratlarını Trend-ə danışıb.
"Mən Bədəlov Nicat Mehman oğlu 12 dekabr 1989-cu ildə Qazax rayonunun Çaylı kəndində anadan olmuşam. Uşaqlıqdan hərbi sənətə marağım olub. On dörd ildir ki, hərbi xidmətdəyəm. Bunun on ili Xüsusi Təyinatlı Dəstə ilə bağlıdır. Hərbidə olduğum müddətdə arzum, istəyim torpaqları azad etmək, şəhidlərimizin qisasını almaq olub.
Nəhayət, 27 sentyabr həmin günün başlanğıcı oldu. İlk döyüşüm Murovdağ istiqamətində, daha sonra Cəbrayıl, Xocavənd, Füzuli və Şuşanın azad olunması uğrunda olub. Bütün bu istiqamətlərdə gedən döyüşlərdə ön dəstədə vuruşmuşam. Düşmənin xeyli sayda canlı qüvvəsini məhv etmişəm. Heç birimizin gözündə qorxu yox idi. Heç bir çətinlik bizi çəkindirmirdi. Bizim üçün ən sarsıdıcı anlar çiyin-çiyinə döyüşdüyümüz yoldaşlarımızın şəhid olması idi. Şükür ki, onların qanı yerdı qalmadı.
Vətən Müharibəsi Qəhrəmanı adı almağımı Laçın meşələrində eşitdim. Və bu, doğrudan da, gözlənilməz oldu.
Biz qalib idik. İllərlə həsrətində olduğumuz arzumuza çatmışdıq. Bu 44 gündə xalqımız vətən uğrunda bir yumruq kimi birləşdi. Gənclərə sözüm budur ki, öz torpaqlarını ürəkdən sevsinlər, millətinə, dövlətinə, rəhbərinə sadiq olsunlar."
Bakı Dövlət Universiteti bu ali təhsil müəssisəsinin qarşısında yaranmış sıxlığı ilk dərs günü ilə əlaqələndirib.
BDU-nun İctimaiyyətlə əlaqələr və informasiya şöbəsinin müdiri Günel Orucəliyeva açıqlamasında bildirib ki, Bakı Dövlət Universitetində tələbələrin sayının çoxluğu, həmçinin birinci kursların ilk dərs gününə valideynləri və yaxınları ilə gəlmələri binanın qarşısında izdihamın yaranmasına səbəb olub:
"Mühafizəçilərimizin universitet ərazisindən kənara nəzarət etməyi demək olar ki mümkün deyil. Amma hər bir korpusda və fakültələrdə tələbələrin vaksin pasportunun olub olmaması fərdi qaydada yoxlanılır, sosial məsafənin gözlənilməsinə riayət edilir" - açıqlamada bildirilib.
Qeyd edək ki, bu gündən ali və orta ixtisas təhsili müəssisələrində yeni dərs ili başlayıb.Universitet girişlərində hər bir tələbənin COVID pasportunun yoxlanılmasının universitet qarşısında izdihama səbəb olduğu bildirilir.
Azərbaycan Ordusunun 20 yaşlı kiçik giziri İbrahimli Elməddin Milli Ordunun Xüsusi Təyinatlı Qüvvələrində (XTQ) Vətənə xidmət edib. Ötən ilin sentyabrın 27-də Vətən müharibəsi başlayanda Füzuli uğrunda döyüşlərə qatılan Elməddin oktyabrın 17-də döyüş əməliyyatını yerinə yetirərkən sinayper atəşinə tuş gələrək şəhidlik zirvəsinə ucalıb.
Elməddin İbrahimli 1999-cu ilin noyabrın 19-da Cəlilabad rayonunun Hacıcavadlı kəndində doğulub. Həqiqi hərbi xidmətini başa vurduqdan sonra XTQ-yə qəbul olunan Elməddinin ən böyük arzusu Qarabağı azad görmək olub.
Elməddin evin tək oğlu, 3 bacının 1 qardaşı idi. Ona olan ümidləri heç zaman boşa çıxarmayan Elməddin Vətənin müdafiəsi uğrunda silaha sarılmağı ən böyük məsuliyyəti hesab edib, Hadrut və Füzuli istiqamətlərində düşmənlə əlbəyaxa döyüşlərə qatılıb.
Prezident İlham Əliyev demişdi ki, Füzulinin alınması dərsliklərə salınmalı, haqqında əsərlər yazılmalıdır. Çünki Füzulidə düşmənin qurduğu istehkamları dağıtmaq üçün, doğrudan da, həm peşəkarlıq, həm də milli ruha böyük ehtiyac var idi. Ali Baş Komandanın “Qəhrəman Azərbaycan əsgəri öz gücünü bütün dünyaya göstərəcək” sitatını Füzulidə təsdiqləyənlərdən biri də məhz Elməddin idi. Ən çətin istehkamları dağıtmaq, torpaqlarımızı azad etmək uğrunda düşmənlə əlbəyaxa döyüşmək üçün Elməddində həm döyüş bacarığı, həm də Vətənə sevgi, iradə və dözümlülük var idi.
Şəhidin anası Gülnarə İbrahimovanın dediyinə görə, Elməddin sonuncu dəfə hərbiyə yola düşəndə “anam da oradır, atam da” ifadəsini məhz Vətənin müdafiəsində durduğu soyuq səngərlər üçün demişdi.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq sərəncamları ilə Elməddin İbrahimli ölümündən sonra “Füzulinin azad olunmasına görə”, “Kəlbəcərin azad olunmasına görə”, “Vətən uğrunda” və “İgidliyə görə” medalları ilə təltif edilib.
Qeyd edək ki, Vətən müharibəsi qazilərinin və şəhid ailəsi üzvlərinin diqqətdə saxlanılması Prezident İlham Əliyev və Birinci vitse-prezident Mehriban Əliyevanın prioritet təyin etdiyi məsələlərdəndir. Prezident İlham Əliyevin 2021-ci il 25 yanvar tarixli “Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin və şəhid ailələrinin sosial-məişət şəraitinin yaxşılaşdırılması ilə bağlı bir sıra tədbirlər haqqında” Sərəncamı da həmin kateqoriyadan olan əhali qruplarına dövlət başçısının xüsusi qayğısının təsdiqidir.
Anım Günündə bir qadın başdan-ayağa qırmızı geyinərək Şəhidlər Xiyabanına gəlib.
Sosial şəbəkələrdə Anım Günü tədbirinə qırmızı geyimlə qatılan qadın müzakirələrə səbəb olub.
Ölkə.Az xəbər verir ki, bəzi sosial şəbəkələri sözügedən qadının Abşeron rayonu səhiyyə şöbəsinin müdiri Mehriban Qaralova olduğunu iddia edib.
Qadının tibbi maskasından ayqqabısına qədər qırmızı rəngdə geyinməsi şəhidlərin ruhuna hörmətsizlik hesab edilib.
Fotoları təqdim edirik:
Baş Dövlət Yol Polisi İdarəsi (BDYPİ) avtomobil nəqliyyatı ilə yük və sərnişin daşınması, o cümlədən taksi fəaliyyəti ilə məşğul olan şəxslərə xəbərdarlıq edib.
BDYPİ-dən "Yol-xeber.az"a daxil olan xəbərdarlıqda deyilir:
"Nazirlər Kabinetinin 2021-ci il 26 iyul tarixli 229 nömrəli Qərarına əlavədə işçilərinin COVID-19-a qarşı peyvənd olunması və ya immunitet sertifikatının tələb olunduğu iş və xidmət sahələrinin siyahısı göstərilmişdir. Qərara əsasən, avtomobil nəqliyyatı ilə yük və sərnişin daşınması, o cümlədən taksi fəaliyyəti ilə məşğul olan şəxslərdən də 1 sentyabr tarixindən COVID-19-a qarşı birinci doza, 1 oktyabr tarixindən etibarən isə ikinci doza peyvənd olunması və ya COVID-19-a qarşı immunitet sertifikatı tələb edilir.
Ölkəmizdə koronavirus pandemiyasının və onun törədə biləcəyi fəsadların qarşısının alınması üçün geniş miqyaslı vaksinasiya prosesinə başlanılıb. Lakin apardığımız müşahidələr nəticəsində məlum olub ki, görülən tədbirlərin fərqinə varmayan bəzi sürücülər müəyyən edilmiş qaydalara etinasız yanaşır, əhalinin sağlamlığını təhlükə altında qoyaraq peyvənd olunmadan fəaliyyət göstərəcəklərinə ümid bəsləyirlər".
"Baş Dövlət Yol Polisi İdarəsi bir daha xəbərdarlıq edir ki, avtomobil yollarında, eləcə də stasionar postlarda xidmət aparan yol-patrul xidməti əməkdaşları tərəfindən seçmə üsulu ilə avtomobil nəqliyyatı ilə yük və sərnişin daşınması, o cümlədən taksi fəaliyyəti ilə məşğul olan sürücülərin COVID-19 pasportu və ya COVID-19-a qarşı immunitet sertifikatının olub-olmaması yoxlanılacaq və bu tələblərə əməl etməyən şəxslər İnzibati Xətalar Məcəlləsinin 211.1-ci maddəsi ilə inzibati məsuliyyətə cəlb ediləcəklər", - DYP-nin məlumatında qeyd edilib.
Koronavirusa yoluxmuş tanınmış jurnalist Elnur Əşrəfoğlunun anası Zöhrə Hüseynova Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevaya müraciət edib.
Yol-xeber.az xəbər verir ki, müraciətdə deyilir:
“Çox hörmətli, Mehriban xanım!
Oğlum - Azərbaycanın tanınmış jurnalisti və teleşərhçisi, 25 ilə yaxın televiziyada çalışmış, Azərbaycan Olimpiya Hərəkatının, idman ailəsinin uğurlarını daim təbliğ etmiş Şükürov Elnur Əşrəf oğlu hazırda ağır xəstədir. 2021-ci il sentyabrın 2-də koronavirus infeksiyasına yoluxan oğlumun vəziyyəti ağırlaşdığından ayın 9-da o, müalicə üçün "Yeni Klinika"ya yerləşdirilmişdir.
Lakin həkimlərin bütün diqqət və qayğısına, Elnuru həyata qaytarmaq üçün etdikləri cəhdlərə baxmayaraq övladımın vəziyyətində irəliləyiş olmamış, əksinə, sentyabrın 19-da koma vəziyyətinə düşmüşdür. Hazırda övladıma həyatda qalması üçün EKMO aparatı vasitəsilə dəstək verilir. Elnurun bir böyrəyi 10 il əvvəl ağır xəstəlik səbəbindən götürüldüyündən hazırki durumda oğlumun səhhəti üçün əlavə problem yaradıb.
Əziz Mehriban xanım!
Bir ana olaraq, Sizə son ümid işığım kimi müraciət edirəm: Xahiş edirəm, övladımın müalicəsini öz diqqət və nəzarətinizə götürəsiniz. Bizim ailə üçün, Elnurun 2 azyaşlı övladı üçün son dərəcə kritik bu məqamda ümidimiz göydə Allaha, yerdə Sizin şəfqət və mərhəmətinizədir”.
Sabah - sentyabrın 29-da Azərbaycanda fəaliyyət göstərən orta məktəblərin yuxarı (V-XI) siniflərində, orta ixtisas, peşə təhsili müəssisələrində və universitetlərdə yeni dərs ili başlayır.
"Yol-xeber.az" xəbər verir ki, tədris bəzi istisnalar olmaqla əyani formada həyata keçiriləcək.
Tədris ilinin başlanması müddətləri nəzərə alınaraq, təhsil proqramlarının təhsilalanlar tərəfindən tam mənimsənilməsini təmin etmək məqsədilə ümumi təhsil pilləsinin ümumi orta və tam orta təhsil səviyyələri üzrə, eləcə də təhsil fəaliyyətini həyata keçirən digər müəssisələrdə payız tətili günlərindən 16-19 noyabr, qış tətili günlərindən 27, 28 və 31 yanvar tarixləri dərs günləri hesab ediləcək.
Qeyd edək ki, orta məktəblərin ibtidai (I-IV) siniflərində dərslər sentyabrın 22-də başlayıb.
Xatırladaq ki, 2021-2022-ci tədris ilində ölkənin ümumi təhsil müəssisələrində ümumilikdə 1 589 829 şagirdin təhsil alacağı proqnozlaşdırılır.
Hazırda paytaxtda müşahidə edilən yağıntılı hava şəraiti ilə əlaqədar Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib. Məqsəd, hərəkətin təhlükəsizliyini təmin etməkdir.
Bu barədə "Yol-xeber.az"a Bakı Nəlqiyyat Agentliyindən bildirlib.
"Bir daha hərəkət iştirakçılarına bu cür hava şəraitində ehtiyyatlı olmağı tövsiyə edirik. Sürücülərdən yollarda sürət həddinə əməl etmələrini, meteoroloji amilləri nəzərə almalarını və digər hərəkət iştirakçılarına qarşı anlayışla davranmalarını xahiş edirik.
Eyni zamanda, piyadalara yolun hərəkət hissəsinə çıxmamaq və yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir", - deyə qurum bəyan edib.
Səhər saatlarından etibarən paytaxta yağan intensiv yağış subasma ilə nəticələnib.
Yol-xeber.az xəbər verir ki, yağış əsasən, Biləcəri-Baksol yolu, Binəqədi yolu, Sabunçu-Koroğlu yolunda, Xırdalanda və digər ərazilərdə avtomobillərin hərəkətinə maneə yaradıb.
Paytaxtda müşahidə edilən yağıntılı hava şəraiti ilə əlaqədar Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib.
Vətən müharibəsi zamanı Azərbaycanın ərazi bütövlüyü uğrunda döyüşlərdə həlak olmuş əsgər və zabitlərimizə, qətlə yetirilən mülki vətəndaşlara və itkin düşmüş soydaşlarımıza ehtiram əlaməti olaraq sentyabrın 27-də - Anım Günündə Bakı şəhərində yürüş təşkil edilib.
"Yol-xeber.az" xəbər verir ki, Müzəffər Ali Baş Komandan, Prezident İlham Əliyev, birinci xanım Mehriban Əliyeva yürüşdə iştirak ediblər.
Sonra dövlət başçısı Vətən Müharibəsi Memorial Kompleksinin və Zəfər Muzeyinin təməlini qoyub.
Prezident İlham Əliyev və birinci xanım Mehriban Əliyeva Fəxri xiyabanda ulu öndər Heydər Əliyevin məzarını ziyarət ediblər.