 |
|
Kəlbəcər rayonunda Rusiya sülhməramlıları ilə Azərbaycan Silahlı Qüvvələrinin hərbçilərinin görüşü baş tutub.
Kəlbəcərin girişində baş tutan görüşə "RİA Novosti" xüsusi diqqət çəkib.
Yayılan kadrlardan göründüyü kimi, rus hərbçiləri Azərbaycan əsgərlərinə vəziyyətlə bağlı məlumat verir.
Qeyd edək ki, Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin noyabrın 10-da imzaladıqları üçtərəfli Bəyanata əsasən, Azərbaycan Ordusunun bölmələri 25 noyabrdan Kəlbəcər ərazisinə daxil olublar.
Bu tarix əvvəl 15 noyabr müəyyən edililmişdi. Ancaq Ermənistan tərəfinin xahişi, Rusiya tərəfinin vasitəçiliyi ilə bu tarix 10 gün geriyə çəkilib. Beləliklə, 25 noyabr saat 00:00-dan Azərbaycan Ordusunun bölmələri Kəlbəcərə daxil olub. (sonxeber.az)
Mərkəzi Gömrük Hospitalı pasiyent qəbulunu yenidən dayandırıb.
Bu barədə "Ölkə.Az"a Mərkəzi Gömrük Hospitalının Mətbuat xidmətindən məlumat verilib.
Bildirilib ki, hospital noyabrın 20-dən etibarən yenidən pandemiya xəstəxanası kimi fəaliyyət göstərir.
Hal-hazırda hospitalda yalnız COVID-19 infeksiyalı xəstələrə tibbi xidmət göstərilir.
Fransanın Türk dünyasına və müsəlman dünyasına qarşı düşmənçilik münasibəti bu gün deyil, uzun illərin nəticəsidir.
“Ölkə.Az” xəbər verir ki, bunu Milli Məclisin Sədr müavini Fəzail İbrahimli deyib.
Onun sözlərinə görə, Fransa keçmiş tarixi ləkəli olan, əli dünyanın bir çox bölgəsində qana batan ölkədir. “Ona görə də Fransa Senatının bu qərarı ümumiyyətlə Qərb demokratiyasına həqarət, hörmətsizlik, ayaqlar altına deməkdir”.
Millət vəkili əlavə edib ki, bu hadisələrdə ən çox diqqət çəkən məsələ xiristian ağuşuna sığınıb türk-islam dünyasına qarşı işğalçılıq, faşizm, terror siyasətini həyata keçirən ermənilər üzərində qələbəmizdir”.
Vitse-spiker əlavə edib ki, Azərbaycanla kağız dilində danışmaq olmaz: “Bu gün güvən yerimiz var, bu Türkiyə və bizi dəstəkləyən ölkələrdir. Ən vacibi bizim müdrik rəhbərimiz və xalqımız var”.
Son günlər Azərbaycanda koronavirusa yoluxan və dünyasının dəyişənlər araslnda kəskin artım müşahidə olunur.
Son məlumata görə, koronavirus infeksiyasına 3646 yeni yolub, analiz nümunələri müsbət çıxan daha 34 nəfər isə vəfat edib.
Bəs, bunun qarşısını almaq üçün hansı addımları atmaq lazımdır? Yenidən SMS icazənin tətbiqinə ehtiyac varmı?
Məsələ ilə bağlı redaktor.az-a açıqlama verən millət vəkili Aydın Mirzəzadə yoluxma sayının daha da artacağı təqdirdə SMS icazənin qaçılmaz olduğunu bildirib:
"Əlbəttə, əgər yoluxma sayı artım tempində gedərsə, yenidən bəzi sərt qadağalar, eləcədə SMS icazə tətbiq edilə bilər. Amma hər şeydən əvvəl gərək özümüz qadağalar tətbiq edək. Düzdür, artıq insanların bir çoxu küçədə də maskadan istifadə edir, amma bir nəfərin buna laqeyd yanaşması 10-larla insanın virusa yoluxmasına səbəb ola bilər. Hesab edirəm ki, əgər hamı bir nəfər kimi qaydalara əməl etsə, yenidən sərt rejimə keçməyə ehtiyac olmayacaq".
Millət vəkili ictimai nəqliyyatda olan sıxlığa da münasibət bildirib:
"Avtobuslarda həddindən artıq sıxlıq müşahidə olunur. Bunun qarşısını almaq üçün birincisi, Bakı Nəqliyyat Agentliyi ehtiyatında olan bütün avtobusları reysə buraxmalıdır.
İkincisi, bir sıra dövlət və özəl təşkilatlar var ki, onlar müəyyən avtobuslara sahibdir. Həmin şirkətlər metro açılana qədər sözügedən avtobusları ya reysə buraxmalıdır, ya da ən azından şirkətin (İdarənin) əkdaşlarının işə gedib-gəlməsi üçün ayırmalıdır. İstər bu avtobuslar ödənişli olsun, istər ödənişsiz, hər bir halda nəqliyyatdakı sıxlığı azaltmaq üçün mütləq nəsə etmək lazımdır".
“10 noyabr 2020-ci ildə münaqişə tərəflərinin və Rusiya Federasiyası prezidentinin imzaladığı Bəyanata uyğun olaraq Azərbaycan işğal altında olan ərazilərini azad edir və bununla da Dağlıq Qarabağ münaqişəsinə birdəfəlik son qoyulur.
Yaranmış yeni vəziyyətdə digər dövlətlərin, o cümlədən Fransanın münaqişə bölgəsindəki vəziyyətə müdaxilə etməsi bölgədə sülhün bərqərar edilməsinə yox, əksinə münaqişənin yenidən qızışdırılmasına xidmət edir. Fransa Senatında qəbul olunmuş qərar məhz belə bir kobud müdaxilədir və dözülməzdir”.
Bunu “Ölkə.Az”a açıqlamasında millət vəkili Cavanşir Feyziyev deyib.
Onun sözlərinə görə, Senatın qərarının heç bir hüquqi əhəmiyyətə malik deyil, tövsiyyə xarakteri daşıyır və yaxın günlərdə baxılmaq üçün Fransa hökümətinə təqdim olunacaq. Fransa höküməti öz növbətində məlum qərara münasibətini açıqlamalıdır. “Hökümətin bu qərara münasibətinin mənfi olacağına inanıram. Əks halda Fransa Respublikası Azərbaycanın ərazi bütövlüyünə, onun beynəlxalq səviyyədə tanınmış sərhədlərinin toxunulmazlığına qarşı hörmətsizlik ifadə etmiş olacaq. Belə bir qərarın hökümət tərəfindən dəstəklənməsi BMT Nizamnaməsinə, Fransanın üzv olduğu çoxsaylı beynəlxalq konvensiyalara, eləcə də Fransa Respublikası ilə Azərbaycan Respublikası arasında bağlanmış çoxsaylı əməkdaşlıq sazişlərinin ruhuna ziddir və Azərbaycan tərəfindən qəbuledilməzdir. Belə bir addım BMT Təhlükəsizlik Şurasının daimi üzvü kimi Fransanın imicinə ciddi xələl gətirməklə yanaşı həm də onun ATƏT-in Minsk Qrupundakı həmsədrlik statusundan irəli gələn vəzifələrinə və öhdəliklərinə ziddir. Belə bir qərarı dəstəkləyəcəyi halda Fransa dövlətinin Minsk Qrupunun həmsədri qismində münaqişənin həlli prosesində iştirakı mümkünsüz olacaq”-deputat qeyd edib.
O əlavə edib ki,10 noyabr tarixində qəbul olunmuş Bəyanatın əsasında Azərbaycan Respublikası özünün ərazi bütövlüyünü təmin edib və bu onun suveren hüququdur. İşğaldan azad olunmuş ərazilərdə yaşayacaq erməni əsilli vətəndaşların statusu ilə bağlı məsələ Azərbaycan dövlətinin daxili işidir və : “Azərbaycan Respublikasının Konstitusiyası dini, irqi və etnik mənsubiyyətindən asılı olmayaraq ərazisində yaşayan bütün vətəndaşların hüquq bərabərliyinə təminat verir. Nə Fransa Respublikası, nə də istənilən digər dövlət Azərbaycanın öz ərazisində suveren hüquqlarını həyata keçirməsinə mane ola bilməz. Fransa Senatı tərəfindən qəbul olunmuş hər hansı bir qərar və Fransa hökümətinin bu qərara istənilən münasibəti Azərbaycan Ordusunun 44 günlük savaşda əldə etdiyi nailiyyətlərə, eləcə də Azərbaycan diplomatiyasının uğurlarına kölgə sala bilməz. Qarabağ Azərbaycandır!”
Quba Rayon Polis Şöbəsinin əməkdaşları xüsusi karantin rejim qaydalarının təmin olunması istiqamətində inzibati ərazidə xidmət aparan zaman karantin rejiminə əməl etməyərək fəaliyyət göstərən avtomobil və təkər təmiri məntəqəsi aşkarlayıblar.
DİN-in Mətbuat Xidmətinin Quba regional qrupundan verilən məlumata görə, dərhal həmin obyektlərin fəaliyyətləri dayandırılıb.
Qaydaları pozan şəxslər barəsində İXM-nin müvafiq maddəsi ilə cərimə protokolları tərtib olunub.
Şuşa ətrafında döyüşlərdə yaralanan qəhramanlardan biri də Amin Musayevdir. Sosial şəbəkələrdə onun ermənilər tərəfindəmn əsir götürülməsi ilə bağlı videolar yayılmışdı. Videoda xarici jurnalistlərin ona “kömək etməsi” göstərilsə də, əsl həqiqət isə olduqca rəzalətdoğurucudur.
Qafqazinfo xəbər verir ki, “İctimai” televiziya Ağstafada Aminin ailəsində olub. Aminin anası Hicran Sadıqova bildirib ki, oğlu onunla danışanda hər şeyin yaxşı olduğunu, tezliklə xoş xəbərlərin olacağını deyirdi.
Amin Musayevin ailəsi Beynəlxaq Qızıl Xaç Komitəsinə müraciət edib. Və tezliklə ona qovuşacağına ümid edirlər.
Qeyd edək ki, Beynəlxalq Qızıl Xaç Komitəsi (BXQK) əlaqədar qurumlarla mümkün qədər tez bir zamanda Amin Musayev və başqa bir əsir düşmüş Bayram Kərimova baş çəkmək üçün dialoq apardığını bildirib.
Sözügedən reportajı təqdim edirik:
Noyabrın 26-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin axşama doğru bəzi yerlərdə yağış yağacağı gözlənilir.
Milli Hidrometeorologiya Xidmətindən verilən məlumata görə, sabah mülayim şimal-qərb küləyi əsəcək, gündüz cənub küləyi ilə əvəz olunacaq.
Havanın temperaturu Abşeron yarımadasında gecə 5-8, gündüz 10-12, Bakıda gecə 5-7, gündüz 10-12 dərəcə isti olacaq. Atmosfer təzyiqi 767 mm civə sütunu, nisbi rütubət 65-75 faiz təşkil edəcək.
Noyabrın 26-da Azərbaycanın rayonlarında hava şəraitinin əsasən yağmursuz keçəcəyi, lakin axşama doğru bəzi yerlərdə yağış, dağlıq ərazilərdə qar yağacağı, arabir duman olacağı gözlənilir. Şərq küləyi əsəcək. Havanın temperaturu gecə 1 dərəcə şaxtadan 4 dərəcəyədək isti, gündüz 9-13 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq.
Tibbi-meteoroloji proqnoz
Noyabrın 26-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.
“27 il sonra Kəlbəcərə qovuşduq! Evlərimizə qayıdacaq, dağılan yurdumuzun hər qarışını dirçəldəcəyik! Xoş gəldin, Kəlbəcər, artıq azadsan!”
Bunu Azərbaycan xarici işlər naziri Ceyhun Bayramov tvitterdə yazıb.
"Naxçıvan Muxtar Respublikasına gedən dəmir yolunun bərpası ilə əlaqədar artıq ilkin göstərişlər verilmişdir. Bərdə-Ağdam dəmir yolunun bərpası ilə əlaqədar artıq praktiki addımlar atılmışdır. Ağdam rayonunun bərpası və gələcəkdə orada yaşayacaq insanların rahatlığı üçün bu yol mütləq olmalıdır. Yəni, bütün bu işlər planlı şəkildə aparılacaq və Azərbaycan vətəndaşları görüləcək işlərlə bağlı müntəzəm olaraq məlumatlandırılacaqdır".
Bunu Azərbaycan Respublikasının Prezidenti İlham Əliyev xalqa müraciətində deyib.
"Bütün işləri biz planlı şəkildə etməliyik. Bir daha demək istəyirəm, ilk növbədə, dəymiş bütün ziyan beynəlxalq ekspertlərin iştirakı ilə hesablanacaq. Ondan sonra məhkəmə iddiaları. Ondan sonra şəhərlərimizin, kəndlərimizin baş plan əsasında yenidən qurulması, kənd təsərrüfatı, digər infrastruktur layihələri, su, işıq ilə əlaqədar lazımi tədbirlər. Ondan sonra yollar. Biz düşməni Şuşadan qovanda oraya gedən su xəttini sıradan çıxarıb. İndi Şuşada su yoxdur. Bax, budur bu düşmən", - dövlət başçısı əlavə edib..