 |
|
.jpg)
Vergi orqanlarının vəzifəli şəxsləri əsas məzuniyyətə çıxarkən onlara ildə bir dəfə bir aylıq vəzifə maaşı həcmində müavinət ödəniləcək.
Bununla bağlı "Dövlət vergi orqanlarında xidmət haqqında Əsasnamə”yə 69.1-ci maddənin əlavə edilməsi təklif olunur.
Sənədin 73-cü maddəsinə əsasən, vergi orqanlarının vəzifəli şəxslərinin vəzifə maaşlarına bu orqanlarda xidmət illərinə görə aşağıda göstərilən miqdarda əlavələr müəyyən edilir:
1 ildən 5 ilədək – 21 manat miqdarında, 5 ildən 10 ilədək – 24 manat miqdarında, 10 ildən 15 ilədək – 27 manat miqdarında, 15 ildən 20 ilədək – 30 manat miqdarında, 20 ildən 25 ilədək – 39 manat miqdarında, 25 ildən 30 ilədək – 45 manat miqdarında, 30 ildən yuxarı – 60 manat miqdarında.
Qanun layihəsində isə bildirilir ki, vergi orqanlarının vəzifəli şəxslərinə xidmətin ikinci ilindən başlayaraq, vergi orqanlarında xidmət illərinə görə hər ay aşağıda göstərilən məbləğdə əlavə haqq ödənilir:
1 ildən 5 ilədək - vəzifə maaşının 5 faizi məbləğində,
5 ildən 10 ilədək - vəzifə maaşının 10 faizi məbləğində
10 ildən 15 ilədək - vəzifə maaşının 20 faizi məbləğində;
15 ildən yuxarı - vəzifə maaşının 30 faizi məbləğində.
Qanun layihəsi Milli Məclisdə təsdiqlənəcəyi təqdirdə 2020-ci il yanvarın 1-dən hesablanmaqla tətbiq edilməyə başlanılacaq.
"Koronavirus pandemiyasının hələ nə qədər davam edəcəyi ilə bağlı heç bir məlumat verə bilmərik. Ona görə də bu barədə dəqiq fikir bildirmək düzgün deyil. Çünki virusun yaranma səbəbləri də hələlik bəlli deyil".
"Report" xəbər verir ki, bunu Ümumdünya Səhiyyə Təşkilatının Azərbaycandakı nümayəndələrinin rəhbəri Hande Harmancı REACT-C19 layihəsinin təqdimatında deyib.
O hesab edir ki, təxmini olaraq 1 il müddətinə bu virus gündəmdən çıxmayacaq: "Tədricən, zamanla problem öz həllini tapa bilər. Bu o demək deyil ki, 1 il boyunca evdən çıxmaq olmaz. Təbii ki, bu belə deyil".
ÜST rəsmisi əlavə edib ki, virus bu gün həm isti, həm də soyuq ölkələrdə yayılıb.
Koronavirusa görə Azərbaycanda elan olunmuş karantin rejminin bitməsinə bir neçə gün qalıb.
Bu gün hər kəsi Bakı Metropoliteninin fəaliyyətinə nə zaman başlayacağı sualı düşündürür.
"Bakı Metropoliteni"nin mətbuat xidməti vəzifəsini icra edən Bəxtiyar Məmmədov bilidirib ki, bununla bağlı hələlik heç nə deyilməyib:
"Operativ Qəragahla sıx işləyirik. Bu barədə bizə hər hansı bir qərar bildirilməyib. Metro ilə bağlı hər hansı bir qərar verilsə, onu Operativ Qərargah elan edəcək" //Sonxeber.az
Koronavirus (COVİD-19) infeksiyasının yayılmasının qarşısının alınması məqsədilə tətbiq edilən xüsusi karantin rejiminin pozulmasına görə 15.04.2020-ci il saat 00:00-dan 16.04.2020-ci il 00:00-dək olan müddət ərzində respublikanın avtomobil yollarında nəqliyyat vasitələri ilə hərəkətdə olan 2923 nəfər Azərbaycan Respublikası İnzibati Xətalar Məcəlləsinin 211-ci maddəsi ilə inzibati məsuliyyətə cəlb edilib.
Bu barədə Baş Dövlət Yol Polisi İdarəsindən (BDYPİ) məlumat verilib.
Ümumilikdə 01.04.2020-ci il tarixindən bu günədək respublikanın, o cümlədən paytaxtın avtomobil yollarında xüsusi karantin rejiminin pozulmasına görə 22859 hərəkət iştirakçısı inzibati məsuliyyətə cəlb edilib.
Ümumdünya Səhiyyə Təşkilatının təşəbbüsü, Heydər Əliyev Fondu, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyinin (TƏBİB) və Səhiyyə Nazirliyinin dəstəyi ilə Azərbaycanın regionlarındakı xəstəxanalarda COVID-19-a qarşı mübarizə tədbirləri ilə əlaqədar əsas bacarıqları gücləndirmək üçün REACT-C19 layihəsi ilə bağlı tədbir keçirilir.
Oxu.az xəbər verir ki, tədbirdə ÜST-ün Azərbaycan Nümayəndəliyinin rəhbəri Hande Harmancı, TƏBİB-in İdarə Heyətinin sədri Ramin Bayramlı, Heydər Əliyev Fondunun Beynəlxalq Əlaqələr departamentinin sədri Soltan Məmmədov, REACT-C19 layihəsinin sahə koordinatoru Hamza Zeytunoğlu iştirak edirlər.
Əmək və Əhalinin Sosial Müdafiəsi Nazirliyi işsiz kimi qeydiyyata alınan şəxslərdən daha 20 min nəfər üçün birdəfəlik vəsaiti bank filiallarına və poçt şöbələrinə köçürüb.
Nazirlikdən verilən məlumata görə, həmin şəxslərə işsiz kimi qeydiyyata alınmaq üçün müraciət edərkən qeyd etdikləri telefon nömrələrinə bu barədə SMS göndəriləcək.
Mesajı aldıqdan sonra evdən çıxmaq üçün müvafiq qaydada icazə almaqla, mesajda “Azərpoçt” MMC qeyd edilibsə - istənilən poçt şöbəsinə, bank göstərilibsə - həmin bankın istənilən filialına şəxsiyyət vəsiqəsi ilə müraciət edərək birdəfəlik ödəməni əldə edə bilərlər.
Qeyd edək ki, işsiz şəxslərin birdəfəlik ödəmə ilə təminatına aprelin 9-dan başlanılıb və ödəniş prosesi gündəlik davam edir.
Ötən 6 gündə Nazirlik tərəfindən artıq 120 min işsiz şəxs üçün birdəfəlik vəsaitin bank filiallarına və poçt şöbələrinə köçürülməsi təmin olunub.
Qeydiyyata alınan digər işsizlər də birdəfəlik ödənişlə təmin olunacaq.
Baş nazir Əli Əsədovun tapşırığı ilə ölkə ərazisində istilik mövsümü aprelin 25-dək uzadılıb.
Bu barədə “Azəristiliktəchizat”dan verilən məlumatda qeyd olunub.
Bildirilib ki, xüsusi karantin dövründə sosial təcrid tədbirləri ilə əlaqədar vətəndaşların evdə qaldıqları müddətdə vacib məsələlərdən biri də onların zəruri kommunal xidmətlərlə təmin edilməsindən ibarətdir.
Bununla əlaqədar Nazirlər Kabinetinin göstərişinə əsasən, Energetika Nazirliyi və “Azəristiliktəchizat” ASC-yə hava proqnozu ilə bağlı Ekologiya və Təbii Sərvətlər Nazirliyinin məlumatlarının təhlil edilərək, istilik mövsümünün müddəti ilə bağlı təkliflərin hazırlanması tapşırılıb, müvafiq araşdırmalar aparılaraq, Nazirlər Kabinetinə zəruri məlumatlar təqdim edilib.
Bununla bağlı Baş nazirin tapşırığı ilə ölkə ərazisində istilik mövsümü aprel ayının 25-dək uzadılması məqsədəuyğun hesab edilib.
Ekologiya və Təbii Sərvətlər Nazirliyində kadr dəyişikliyi olub.
Oxu.az" xəbər verir ki, bu barədə Prezident İlham Əliyev sərəncam imzalayıb.
Sərəncama əsasən, Vüqar Kərimov Ekologiya və Təbii Sərvətlər nazirinin müavini təyin edilib.
O, bundan əvvəl ETSN-nin Aparat rəhbəri vəzifəsində çalışıb.
Məlumatı qurumun mətbuat katibi İradə İbrahimova Oxu.Az-a təsdiqləyib.
Abşeron rayon İcra hakimiyyəti işə düzəlməkdə çətinlik çəkən şəxslərin məşğulluğunun təmin olunması üçün tədbirlər görüb.
İcra hakimiyyəti işsiz sakinlərə müraciət edərək elan paylaşıb:
"Abşeron rayonunda dezinfeksiya, təmizlik işlərinin görülməsi, 65 yaşdan yuxarı tənha şəxslərə sosial xidmətlərin göstərilməsi (ərzaq, dərman alınması və s.) və digər işlər üzrə aylıq əmək haqqı 250 manat olmaqla 2 ay müddətinə haqqı ödənilən ictimai iş yerləri yaradılmışdır.
İşə qəbulla bağlı Abşeron rayon İcra hakimiyyətində (012) 342 11 16 nömrəli qaynar xətt yaradılmışdır (məsul şəxs - baş məsləhətçi Fariz Əliyev).
Tələb olunan sənədlər:
1) Şəxsiyyət vəsiqəsinin surəti
2) Yaşayış yerindən arayış
3) Müvəqqəti 2 aylıq işlə təmin olunmaqla bağlı ərizə
İşləmək istəyənlər qeyd olunan sənədləri yaşadıqları ərazilər üzrə inzibati ərazi dairəsi üzrə nümayəndəliyə və ya Mənzil Təsərrüfatı İstehsalat İstismarı Təmiri Sahəsinə təqdim etsinlər".
Qeyd edək ki, qanunverilciliyə uyğun olaraq 190 manat birdəfəlik ödənişi əldə edə bilməyən vətəndaşlar da bu iş imkanlarından istifadə edə bilərlər.
.jpg)
Bu gün paytaxt rayonları xaric respublikanın digər rayonları, həmçinin dövlət qulluqçuları, hərbi və xüsusi rütbəli şəxslərə pensiya ödənişi həyata keçiriləcək.
Covid-19 pandemiyası ilə əlaqədar yaşı 65 və daha yuxarı olan şəxslərin evdən çıxması qadağan olunub.
Bu səbəbdən, həmin yaş qruplarında olan şəxslərə bank kartlarına köçürülmüş vəsaitlərini ailə üzvlərinin və ya 142 - Çağrı Mərkəzinə müraciət etməklə sosial xidmətçilərin yardımı ilə, tənha ahıllara isə bank kartına köçürülmüş sosial ödənişini sosial xidmətçinin yardımı ilə əldə etməsi tövsiyə olunur.
Eyni zamanda, xüsusi karantin rejimi müddətində pensiya, müavinət, təqaüd, kompensasiya, ünvanlı yardım kimi sosial ödənişlərinizi istənilən bankın bankomatından, eləcə də Azərpoçtun istənilən bankomat və ya posterminallarından hər hansı əlavə faiz tutulmadan əldə edə bilərsiniz.