 |
|
Təhsil Nazirliyi buraxılan dərs günləri ilə bağlı yayılan cədvələ münasibət bildirib.
Nazirliyin İctimaiyyətlə Əlaqələr Sektorunun müdiri Cəsarət Valehov yayılan məlumatların doğru olmadığını bildirib:
"Son saatlarda yayılan cədvəllər sadəcə özfəaliyyət növü hesab oluna bilər və heç bir həqiqi əsası yoxdur, deməli, doğru deyil. Ən mötəbər məlumatı Təhsil Nazirliyinin resurslarından alın".
Qeyd edək ki, yayılan cədvəldə göstərilir ki, buraxılan dərs günləri şənbə günləri ilə əvəz ediləcək:
Milli Məclisin Sədri, sədrin I müavini, sədr müavinləri, o cümlədən, parlamentin komitə sədrləri xidməti avtomobillərlə təmin ediləcək.
Report xidməti avtomobillə təmin olunacaq deputatların siyahısını təqdim edirik.
1. Milli Məclisin Sədri - Sahibə Qafarova;
2. Milli Məclis sədrinin I müavini – Əli Hüseynli;
3. Milli Məclis sədrinin müavini – Fəzail İbrahimli;
4. Milli Məclis sədrinin müavini - Аdil Əliyev;
5. Milli Məclisin Müdafiə, təhlükəsizlik və korrupsiya ilə mübarizə komitəsinin sədri – Ziyаfət Əsgərov;
6. Milli Məclisin Əmək və sosial siyasət komitəsinin sədri Musa Quliyev;
7. Milli Məclisin Aqrar siyasət komitəsinin sədri Tahir Rzayev;
8. Milli Məclisin İnsan hüquqları komitəsinin sədri Zahid Oruc;
9. Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov;
10. Milli Məclisin İqtisadi siyasət, sənaye və sahibkarlıq komitəsinin sədri – Tahir Mirkişili;
11. Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov;
12. Milli Məclisin Elm və təhsil komitəsinin sədri Bəxtiyar Əliyev;
13. Milli Məclisin Regional məsələlər komitəsinin sədri Siyavuş Novruzov;
14. Milli Məclisin Ailə, qadın və uşaq məsələləri komitəsinin sədri Hicran Hüseynovа;
15. Milli Məclisin Mədəniyyət komitəsinin sədri Qənirə Pаşayeva;
16. Milli Məclisin Səhiyyə komitəsinin sədri Əhliman Əmiraslanov.
Milli Məclisin 15 komitəsindən 3-nün sədrinə isə komitə sədri kimi xidməti avtomobil verilməyəcək. Buna səbəb onların parlamentdə daha yüksək vəzifə sahibi kimi avtomobillə təmin olunmasıdır.
Bundan əlavə, bəzi deputatların xidməti avtomobillərinin dəyişdiriləcəyi gözlənilir.
AzTV-nin efirində çıxış edən nazir müraciətində bu vəziyyətlə bağlı olaraq məlumatlara yalnız rəsmi mənbələrə istinad etməyi tövsiyə edib:
"Əfsuslar olsun ki, son zamanlar bu vəziyyətlə bağlı olaraq mənbəyi bəlli olmayan, xüsusilə sosial şəbəkələrdə bəzi məlumatlar yayımlanır. Ona görə də insanlara daha diqqətli olmağı və yalnız rəsmi mənbələrə istinad etməyi tövsiyə edirəm.
Əminəm ki, bu müddət uzun çəkməyəcək. Biz - bu müddət ərzində maksimum şəkildə hər kəs öz vəzifəsini düzgün yerinə yetirməklə ölkəmizdə vəziyyətin daha qısa müddət ərzində tam nəzarətə alınması və problemin tam həll olunması istiqamətində öz töhfəmizi verə bilərik".
Qeyd edək ki, Nazirlər Kabinetinin Sərəncamına əsasən, koronavirusa yoluxma hallarının qarşısının alınması və ölkə ərazisində yerləşən bütün təhsil müəssisələrində tibbi-profilaktik, dezinfeksiyaedici və digər qabaqlayıcı tədbirlərin davam etdirilməsi məqsədilə 2020-ci ilin mart ayının 10-dan 20-dək (ilk tədris günü mart ayının 27-si müəyyən edilir) bütün təhsil müəssisələrində tədris, təlim-tərbiyə prosesi dayandırılıb və bununla bağlı bütün tədbirlər təxirə salınıb.
“Son 16 il ərzində iqtisadi sahədə əldə edilmiş uğurların dünyada bərabəri yoxdur”.
Bu fikirləri Prezident İlham Əliyev martın 10-da altıncı çağırış Milli Məclisin ilk iclasındakı çıxışında bildirib.
“Əgər varsa, desinlər, götürsünlər statistikaya baxsınlar, hansı ölkə 16 il ərzində öz iqtisadiyyatını 3,4 dəfə artıra bilib. Ondan sonra yoxsulluq, 50 faizə yaxın idi, indi 4,8 faizdir və daha da aşağı düşəcək. Çünki maaşlar, pensiyalar artır və artırılacaq, müavinətlər də həmçinin. Xarici borc ümumi daxili məhsulun 17 faizinə bərabərdir. Bu, çox aşağı göstəricidir. İnkişaf etmiş bəzi ölkələrdə bu, 100 faizdən çoxdur. Amma ondan daha önəmli məsələ odur ki, valyuta ehtiyatlarımız xarici borcumuzdan altı dəfə çoxdur. Yəni, istəsək, xarici borcumuzu bir ay ərzində sıfırlaya bilərik. Xarici borcu ödəmək üçün gərək bəzi ölkələrin valyuta ehtiyatları indikindən 50 dəfə artıq olsun” – Prezident vurğulayıb.
Dəmir asqını da elə həmin sürücülər qırıblar
Paytaxtın Heydər Əliyev prospektində körpüdən asılan dəmir boru maneədəki təhlükə aradan qaldırılıb. Yol-xeber.az xəbər verir ki, bunu Trend-ə açıqlamasında Azərbaycan Avtomobil Yolları Dövlət Agentliyinin Mətbuat xidmətinin rəhbəri Anar Nəcəfli deyib. Onun sözlərinə görə, hadisə yerinə agentlik əməkdaşları cəlb edilib və problem aradan qaldırılıb: "Həmin dəmir borular ərazidən ona görə asılıb ki, ağır tonlu yük maşınları həmin ərazidən dönmə əməliyyatı aparmasın. Bəzi sürücülər isə özləri bilərəkdən dəmir borunun asqısını qıraraq borunu oradan götürməklə həmin ərazidən keçməyə cəhd edir. Dəmir asqını da elə həmin sürücülər qırıblar. Agentlik əməkdaşları həmin asqını yenidən bərpa ediblər. Hazırda ərazidə heç bir təhlükə yoxdur".
Xatırladaq ki, adı çəkilən ərazidə iri tonlu yük maşınlarının dönmə əməliyyatı aparmaması üçün körpüdən iki dəmir boru asılıb. Borulardan birinin asqısı isə qırılmışdı.
80 nişanı ya çıxarılmalı, ya da təkrarlanmalıdır
Paytaxtda sürəti bildirən yol nişanının olmaması sürücüləri çaşdırır. Yol-xeber.az xəbər verir ki, Moskva prospektindən üzü Sumqayıt istiqamətinə gedən yolda körpünün başlanğıcına sürət məhdudiyyətini bildirən 80 nişanı qoyulub. Lakin bu nişan 20 yanvar dairəsindən gəlib həmin yola qoşulan nəqliyyat vasitələri üçün quraşdırılmayıb. Həmin yolayrıcından sonra sürücülərin yarısı 80-lə, yarısı isə 60-la hərəkət edir. Bu isə sürücülər arasında çaşqınlıq yaradır. Bu çaşqınlığı yaratmamaq üçün ya 80 nişanı körpünün girişindən çıxarılmalı, ya da qeyd etdiyimiz birləşmədə nişan təkraralanmalıdır.
Yol hərəkəti təhlükəsizliyini təmin etmək üçün həmin 80 nişanı oradan çıxarılsa daha məqsədəuyğun hesab olunar. Çünki tunel təhlükəli yol sahəsi olduğu üçün sürət həddi aşağı endirilməlidir. Beynəlxalq təcrübədə də tunelə və digər bu kimi təhlükəli yol sahələrinin girişində sürət həddi aşağı endirilir.
Yola çirkab sularının axıdılması qadağandır
Paytaxtın Səbail rayonunda yaşayan sakinlər yola axıdılan çirkab suları ilə bağlı redaksiyamıza şikayət ünvanlayıb. Avtosfer.az xəbər verir ki, Salyan şossesində (20-ci sahəyə gedən yolda - Səbail rayon DYP Şöbəsinin qarşısından Jurnalistlər binasınadək) sakinlər hər gün eyni mənzərə ilə üzləşir. Belə ki, adıçəkilən yolda kanalizasiya və digər çirkab suları yolun hərəkət hissəsinə axıdılır. Bu isə həmin yoldan istifadə edən piyadaların və sürücülərin narahatlığına səbəb olur. Sürücülər qeyd edir ki, avtomobillərini yuduzdurub həmin yoldan istifadə edən kimi yenə də çirklənir. Piyadalar isə yolu çirkab sularının içi ilə keçməyə məcbur olurlar. Bu isə gigiyenik qaydalara da ziddir.
Su təhcizatı və tullantı suları haqqında qanunun 34-cü maddəsinin 1-ci hissəsinin s) bölməsində Azərsu ASC-nin öhdəlyinə düşən məsələlərdən biri də, "kanalizasiya sistemlərindən ətraf mühitə tullantı sularının sızmasını aradan qaldırmaq və əvvəlcədən qarşısını almaq üçün tədbirlərin görülməsi" düşür. Lakin görünən mənzərədən aydın olur ki, Azərsu ASC üçün bu qanunun tələbləri keçərli deyil.
İnzibati Xətalar Məcəlləsinin 352.0.10-cu maddəsində "suvarma, sənaye, çirkab və kanalizasiya sularının avtomobil yoluna və yağış sularının avtomobil yolundan kənarlaşdırılması üçün tikilmiş kanalizasiya sisteminə, suyu kənara axıdan qurğulara və yolboyu torpaq sahəsinə axıdılmasına, avtomobil yollarının təhkim və qorunma (mühafizə) zolaqlarının, yol örtüyünün çirkləndirilməsinə" görə fiziki şəxslər otuz manatdan əlli manatadək məbləğdə, vəzifəli şəxslər yüz əlli manatdan iki yüz manatadək məbləğdə, hüquqi şəxslər min beş yüz manatdan iki min manatadək məbləğdə cərimə nəzərdə tutulub.
Müxtəlif tarixlərdə çəkilən videogörüntüləri sizə təqdim edirik.
Gün ərzində 300-dən çox avtobus dezinfeksiya olunaraq reysə buraxılır
Bakı Beynəlxalq Avtovağzal Kompleksində koronavirus (Covid-19)infeksiyasının yarada biləcəyi təhlükənin qarşısının alınması məqsədilə təxirəsalınmaz tədbirlər və dezinfeksiya prosesi avtobuslarda, eləcə də bütün avtovağzal ərazisində hər gün səhər və axşam saatlarında mərhələli şəkildə davam edir. Yol-xeber.az xəbər verir ki, gün ərzində 300-dən çox avtobus dezinfeksiya olunaraq reysə buraxılır.
Son 10 gündə 2 min 628 reyslə 60 min 270 sərnişin avtovağzaldan yola salınıb.
175 reyslə 3 min 455 sərnişin beynəlxalq istiqamətlərdə (Gürcüstan, Rusiya, Türkiyə) gedişi təmin edilib.
Ən çox sərnişin 3 mart tarixində müşahidə olunub. Həmin gün 470 reyslə 13 minə yaxın sərnişin biletlə təmin olunub. Digər günlərdə isə sərnişin sayı gündəlik normaya uyğun olaraq 6-8 min arasında dəyişib.
Şəhərlərarası istiqamətlərdə Gəncə, Qırmızı Körpü, Mingəçevir və Şəki istiqamətinə, beynəlxalq reyslərdə isə Gürcüstan istiqamətinə gedən sərnişinlər üstünlük təşkil edib.
Mövcud vəziyyətlə əlaqədar olaraq (012) 406-01-58/59 nömrəli “Məlumat Mərkəzi” həftənin 7 günü 24 saat fəaliyyət göstərir.
Mövcud təhlükəsizlik tədbirlərini nəzərə alaraq sərnişinlərdən müntəzəm marşrut xətləri üzrə xidmətdə olan avtobuslarla səfər etmələri, avtovağzal ərazisindən çıxmayan nəqliyyat vasitələrindən istifadə etməmələri tövsiyyə olunur.
İşlər davam etdirilir
“Xaliq Faiqoğlu” şirkəti istismarında olan müntəzəm marşrut xətləri üzrə xidmət göstərən avtobusların dezinfeksiyasını davam etdirir. Yol-xeber.az xəbər verir ki, son günlərdə dünyada yayılmış kəskin respirator virusla əlaqədar qabaqlayıcı tədbirlərə diqqət daha da artırılıb və son 3 gün ərzində şirkət tərəfindən 250 avtobusun növbəti dəfə dezinfeksiyası həyata keçirilib. Beləliklə həftə ərzində şirkət tərəfindən ümumilikdə 250 avtobusun dezinfeksiyası təmin edilib. Belə ki, qeyri-iş günləri ərzində ixtisaslaşmış şirkət tərəfindən xüsusi məhlullardan istifadə olunmaqla nəqliyyat vasitələri qaraj şəraitində dezinfeksiya olunub. Qeyd edək ki, şirkət tərəfindən mobil qruplar da yaradılıb. Qrup üzvləri kəskin respirator virus təhlükəsinin mövcud olduğu müddət ərzində günün müxtəlif saatlarında sonuncu dayanacaqlarda avtobusların əl tutacaqlarını, oturacaqların təmas hissələrini, avtobusun salon turbalarını və sair hissələrini insan sağlamlığına ziyanlı olmayan dezinfeksiya vasitələri ilə silirlər.
Sağ zolaqda bir cərgə üzrə paralel parklanmaya icazə verilməlidir
Paytaxtın Neftçilər prospektinin demək olar ki, bütün hər yerində dayanma durma qadağan olunub. Dayanma durmanın qadağan olunmasına səbəb odur ki, günün pik saatlarında həmin yolda sıxlıq və tıxac yaranmasın. Lakin prospektin elə hissəsi var ki, həmin hissədə sağ zolaqda avtomobillər hərəkət etmir. Kukla Teatrının yanında yol 3 zolaqdan ibarətdir. Bir az qarşıya getdikdən sonra Muzey Mərkəzinə çatmamış yol genişlənərək 5 zolağa çevrilir. Yol genişlənən hissədə sürücülər sağ zolaqla hərəkət etmədiyi üçün həmin zolağı bir cərgədə paralel dayanma durma üçün ayırmaq olar. Bulvara gələn sakinlər və yaxud həmin ərazidə adam mindirib düşürmək istəyən sürücülər qanunları pozmadan dayanmaq üçün yer tapa bilmirlər.
Axşam saatlarında həmin ərazidə qanunsuz olaraq yolun sağ zolağında avtomobillər parklanır. Hətta sürücülər avtomobillərini səkiyə çəpəki park edərək qaydaları pozurlar. Yaxşı olardı ki, Bakı Nəqliyyat Agentliyi prospektin qeyd etdiyimiz hissəsində bir cərgədə səkiyə paralel parklanmasına icazə versin.