 |
|
«Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı»nın məqsədlərinə, eyni zamanda sərnişin daşıma sahəsində hərəkətin təhlükəsizliyinin təmin edilməsi ilə bağlı Daxili İşlər Nazirliyinin rəhbərliyinin bilavasitə göstərişlərinə uyğun olaraq, Baş Dövlət Yol Polisi İdarəsi tərəfindən qabaqlayıcı tədbirlərin, maarifləndirmə xarakterli görüşlərin keçirilməsinə diqqət daha da artırılmışdır.
DYP əməkdaşları bu dəfə Bakı Beynalxalq Avtovağzal Kompleksində Baş Dövlət Yol Polisi İdarəsi tərəfindən elektron və çap materialı formasında hazırlanmış tövsiyə xarakterli məlumatları sərnişinlərin diqqətinə çatdıraraq onları yolda üzləşə biləcəkləri təhlükələrdən xəbərdar etməyə çalışıblar.
Belə ki, məlumat xarakterli həmin materialda sərnişinlərə həyatlarını etibar etdikləri sürücülərin nəqliyyat vasitəsini idarə edərkən yol hərəkəti qaydalarına riayət etmələrinə diqqət yetirmələri, onların qanunazidd davranışlarına biganə qalmamaları tövsiyə edilmişdir.
Ələlxüsus sərnişinlərdən, nəqliyyat vasitələrində hərəkət zamanı sürücünün diqqətini yayındıra biləcək söhbətlər aparmamaq, belə söhbətlərdə iştirak edən sürücülərə etiraz etmək, nəqliyyat vasitəsini idarə edərkən mobil telefondan istifadə edən, yol hərəkəti qaydalarını pozan sürücülərə irad bildirmək, onları intizamlı olmağa dəvət etmək xahiş olunur.
Yol hərəkəti qaydalarını kobud şəkildə pozan sürücülər barəsində dərhal Baş Dövlət Yol Polisi İdarəsinin “902” Qaynar Xəttinə məlumat vermələri də sərnişinlərdən xahiş olunur.
Təsadüfi deyildir ki, bu səpkidə keçirilən maarifləndirmə tədbirləri və təqdim olunan təbliğat materialları sərnişinlər tərəfindən maraqla qarşılanmış, müsbət rəy almışdır.
Baş Dövlət Yol Polisi İdarəsi bir daha bütün hərəkət iştirakçılarına təhlükəsiz yol arzulayır və onlardan yol hərəkəti qaydalarına əməl etmələrini xahiş edir.
Cari ilin 3-4 oktyabr tarixlərində Bakı şəhərində Azərbaycan Respublikası Nəqliyyat, Rabitə və Yüksək Texnologiyalar Nazirliyi tərəfindən BMT-nin Asiya və Sakit okean üzrə İqtisadi və Sosial Komissiyası (UNESCAP) ilə birgə “Yol təhlükəsizliyi” mövzusunda regional seminar keçirilib.
Seminarda region ölkələrinin, UNESCAP katibliyinin, ABŞ və Yaponiya ekspertləri, o cümlədən DİN BDYPİ-nin əməkdaşları da iştirak etmişdir. Seminarın əsas məqsədi yollarda baş verən yol nəqliyyat hadisələrinin səbəblərini araşdırmaq və həlli yollarının tapılmasının müzakirəsi idi. Çıxış edənlər öz ölkələrində baş vermiş yol nəqliyyat hadisələrinin statistik göstəricilərini, daha çox baş vermə səbəblərini və həlli istiqamətində hansı işlər görüldüyünü göstərən prezentasiyalar təqdim etmiş və bu çıxışlar ətrafında geniş müzakirələr aparılmışdır.
Seminarın ikinci günündə ölkəmizə gələn nümayəndələr BDYPİ-nin təşkilatçılığı ilə Azərbaycanda DYP xidmətinin fəaliyyəti ilə yaxından tanış olmaları üçün DYP stasionar postuna aparılmış, orada YPX tərəfindən görülən işlər əyani göstərilmişdir. Daha sonra Bakı şəhər BPİ-nin DYP İdarəsinin yol hərəkətinin idarəetmə şöbəsində kameralar vasitəsilə nəqliyyatın anbaan izlənilməsi, baş vermiş yol nəqliyyat hadisələrinə dərhal reaksiya verilməsi və qeydə alınmış qayda pozuntularının mərkəzi informasiya sisteminə inteqrasiya olunması göstərilmişdir.
Azərbaycanda DYP-i üçün yaradılmış şərait, vətəndaşlara göstərilən xidmət səviyyəsi, patrul avtomobillərində yüksək texniki avadanlıqlarla təchiz olunması qonaqlar tərəfindən yüksək qiymətləndirilmişdir.
Günəşli havada sürət həddini aşmamaq və ara məsafəsini gözləmək tövsiyyə olunurBöyük Britaniya alimləri tədqiqatların aparılmasında rekordçu sayıla bilərlər. Avtosfer.az xəbər verir ki, Britaniya alimləri bu dəfə günəşə girişiblər. “Track Days” şirkətinin apardığı araşdırmalar nəticəsində günəş ucbatından baş verən yol nəqliyyat hadisələrinin sayının qarşıdan gələn avtomobillərin fənərlərinin gözü qamaşdırması və yaxud qar, yağış və duman səbəbindən pisləşən görüntü səbəbindən baş vermiş qəzalardan daha çox olduğunu aydınlaşdırıblar. Soyuq mövsümün başlaması ilə günəş səmada aşağı vəziyyətdə olur və avtomobiliçilərin gözlərini daha tez-tez qamaşdırır.Qeyd etmək gərəkdir ki, bu hal səhər və axşam pik saatlarında daha çox təhlükəlidir. Bu səbəbdən də ekspertlər alın şüşəsinin təmizliyinə diqqət yetirməyi, şüşəsilənlərin vəziyyətinə nəzarət etməyi və şüşəyuyan maye ehtiyatına malik olmağı məsləhət görürlər. Üstəlik, günəşli havada sürət həddini aşmamaq və ara məsafəsini gözləmək tövsiyyə olunur.
Qusar rayonunun Cibir–Həzrə–Mucuq–Sudur avtomobil yolunun tikintisi ilə bağlı tədbirlər haqqında Azərbaycan Respublikası Prezidentinin Sərəncamına uyğun olaraq, Azərbaycan Avtomobil Yolları Dövlət Agentliyi tərəfindən sözügedən yolda yenidənqurma işləri davam etdirilir. Cibir–Həzrə–Mucuq–Sudur marşrutu üzrə 14 yaşayış məntəqəsini əhatə edən yolun uzunluğu 46 km-dir.
Cibir–Həzrə–Mucuq–Sudur avtomobil yolu torpaq əsaslı və çınqıl örtüklü olmaqla 4-cü texniki dərəcəlidir.
Uzun müddət təmir olunmadan istismarı və təii faktorların təsiri nəticəsində yolda çökmələr, deformasiyalar əmələ gəlmişdi. Bu səbəbdən Azərbaycan Avtomobil Yolları Dövlət Agentliyi tərəfindən aparılan yolun yenidən qurulması işləri mövcud problemləri aradan qaldırır.
Layihəyə uyğun olaraq, yolun 36 km-i asfalt-beton, 10 km-i isə çınqıl örtüklü olmaqla yenidən qurulur. Bu çərçivədə sözügedən yol boyu deformasiyaya uğramış hissələr qazılaraq çıxarılır, əvəzinə yararlı material tökülərək kipləşdirilir, yolun torpaq yatağının təmiri və bərpası işləri aparılır, yolun normativ eninin alınması üçün torpaq yatağı genişləndirilir.
Texnoloji ardıcıllığa uyğun olaraq, bu işlərin ardınca yol əsasın alt və üst layının lazımi qalınlıqda karxana çınqılı və optimal-çınqıl qarışığı ilə tikintisi işləri görülür. İşlərin yekunlaşmasına uyğun olaraq, əlaqələndirici bitum səpilməklə iri və xırda dənəli olmaqla 2 laydan ibarət asfalt-beton örtüyünün döşənməsi işləri də həyata keçirilir. Yolun hərəkət hissəsinin eni 6 metr nəzərə alınmaqla bu işlər 220 min kv.m sahəni əhatə edir. Bundan başqa optimal çınqıl qarışığı ilə çiyin hissələrin bərkidilməsi, həmçinin giriş-çıxış yollarının təmiri də nəzərdə tutulur.
Yol boyu mövcud suötürücü borular sınmış və çökərək yararsız vəziyyətə düşdüyündən, yeni suötürücü dəmir-beton boruların quraşdırılmasına ehtiyac yaranmışdı. Bu səbəbdən 46 dairəvi dəmir-beton suötürücü boru, iki yerdə düzbucaqlı su keçidinin və 2 nöqtədə 1 aşırımlı dəmir-beton konstruksiyalı körpülərin tikintisi layihə üzrə aparılır.
Tikinti işlərinin sonuncu mərhələsində hərəkətin normal təşkili üçün yol boyu yol nişanları və məlumatverici lövhə, km göstəriciləri və siqnal dirəkləri quraşdırılacaq, yolcizgi və yolgöstərici xətlər çəkiləcək.
Qusar rayonunun Cibir–Həzrə–Mucuq–Sudur avtomobil yolunun tikintisi sakinlərin rahat gediş-gəlişini təmin edəcək, 8 min əhainin yaşadığı 14 yaşayış məntəqəsinin rayon mərkəzi ilə nəqliyyat əlaqəsinin yaxşılaşdırılması ilə yanaşı, bölgədə turizmin və kənd təsərrüfatının inkişafında da mühüm rol oynayacaq.
Sözügedən yolda yenidənqurma işlərinin 2020-ci il ərzində yekunlaşdırılması nəzərdə tutulur.
“Sürücülük vəsiqələrinin elektron formasının smartfonlara ötürülməsinə zərurət
Milli Məclisin deputatları Azərbaycanda sürücülük vəsiqəsinin elektron qaydada verilməsini təklif edib. Avtosfer.az xəbər verir ki, millət vəkilləri sürücülük vəsiqəsinin elektron qaydada verilməsi və smartfonlara yüklənməsi təklifi ilə çıxış edib. Məsələ ilə bağlı Baş Dövlət Yol Polisi İdarəsi açıqlama verib. İdarədən Yol-xeber.az-a daxil olan açıqlamada bildirilib ki, sürücülük vəsiqəsinin elektronlaşdırılmaqla şəxsin mobil telefonuna ötürülməsi ilə bağlı hörmətli millət vəkilləri tərəfindən irəli sürülən təkliflərə hörmətlə yanaşılır: “Eyni zamanda bildiririk ki, Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemində (MİS) nəqliyyat vasitəsinin qeydiyyat şəhadətnaməsi və etibarnamələrlə yanaşı Azərbaycan Respublikasında verilmiş sürücülük vəsiqələri barədə də məlumat mövcud olduğundan ölkə ərazisində sürücünün qeyd olunan sənədləri üzərində gəzdirməsinə, yaxud şəxsiyyətinin müəyyənləşdirilməsi üçün posport və ya şəxsiyyət vəsiqəsinin təqdim edilməsinə ehtiyac йохдур. Çünki şəxs haqqında məlumatlar sistemə daxil edilərkən təkcə vəsiqənin rekvizitlərini deyil, həm də sahibinin fotoşəklini görmək olur.
Məlumat üçün onu da qeyd edək ki, bu məsələ hələ bəzi ölkələrin gündəminə yeni daxil olsa da, bizdə artıq 2014-cü ildən tətbiq olunur. Belə ki, dövlət yol polisi əməkdaşı qayda pozuntusuna görə nəqliyyat vasitəsini saxlayarkən sürücünün üzərində nəqliyyat vasitəsini idarə etməyə əsas verən sənədlərdən hər hansı biri olmadıqda həmin sənədlərə dair məlumatları patrul avtomobilinə quraşdırılmış bort-kompyuter vasitəsilə yoxlayır və MİS-dəki məlumatlar əsasında qayda pozuntusunda yol vermiş şəxs haqqında sənədləşmə aparır. Digər tərəfdən, “Yol hərəkəti haqqında” Vyana Konvensiyasının 6-cı Əlavəsində milli sürücülük vəsiqələinin yalnız kağız və ya plastik materialdan hazırlanması qeyd olunduğu üçün elektron şəkildə smartfona ötürülmüş vəsiqə Konvensiyaya üzv olan dövlətlərdən heç birində tanınmayacaq. Belə olan halda bu elektron vəsiqə təkcə onun verildiyi ölkə ərazisində qüvvədə olacaqsa, o halda on ildən bir dəyişdirilməsi nəzərdə tutulan sürücülük vəsiqələrinin elektron formasının smartfonlara ötürülməsinə də elə bir zərurət qalmır”.qalmır”
Kompleks daxilində və avtobuslarda bilavasitə sərnişinlərin iştirakı ilə gerçəkləşib
«Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı»nda sərnişindaşıma fəaliyyətində təhlükəsizlik məsələləri ilə bağlı qarşıya qoyulmuş məqsədlərə, eyni zamanda bu sahədə aparılan tədbirlərin daha səmərəli təşkili ilə bağlı Daxili İşlər Nazirliyinin rəhbərliyinin göstərişlərinə uyğun olaraq, Baş Dövlət Yol Polisi İdarəsi tərəfindən qabaqlayıcı tədbirlərin, maarifləndirmə xarakterli görüşlərin keçirilməsinə diqqət daha da artırılıb.
Yol-xeber.az xəbər verir ki, bu qəbildən olan növbəti tədbir Bakı Beynəlxalq Avtovağzal Kompleksində baş tutub. Lakin bu dəfə DYP əməkdaşları sərnişin daşıyanları deyil, sərnişinlərin özlərinin maariflənməsini hədəf seçiblər.
Belə ki, Dövlət Avtomobil NəqliyyatıXidmətinin və Bakı Beynəlxalq Avtovağzal Kompleksinin təmsilçilərinin, eləcə də Avtosfer.az saytının rəhbərliyinin qatıldığı tədbir kompleks daxilində və avtobuslarda bilavasitə sərnişinlərin iştirakı ilə gerçəkləşib.
Baş Dövlət Yol Polisi İdarəsinin əməkdaşları elektron və çap materialı formasında hazırladıqları tövsiyə xarakterli posterin məzmununu barədə sərnişinlərə məlumat verərək onları yollarda üzləşə biləcəkləri təhlükələrdən xəbərdar edib və belə hallara qarşı birgə mübarizənin əhəmiyyətindən danışıblar.
Məlumat üçün qeyd edək ki, sözügedən posterdə sərnişinlərə xitab edilərək, onlara: həyatlarını etibar etdikləri sürücülər tərəfindən yol hərəkəti qaydalarının pozması hallarına biganə qalmamaq, nəqliyyat vasitələrində hərəkət zamanı sürücünün diqqətini yayındıra biləcək söhbətlərdən çəkinmək, belə söhbətlərdə iştirak edən sürücülərə etiraz etmək, nəqliyyat vasitəsini idarə edərkən mobil telefondan istifadə edən, ümumiyyətlə yol hərəkəti qaydalarını pozan sürücülərə irad bildirmək və onları intizamlı olmağa dəvət etmək tövsiyə edilir.
Bununla yanaşı posterdə, yol hərəkəti qaydalarını kobud şəkildə pozan sürücülər barəsində dərhal Baş Dövlət Yol Polisi İdarəsinin “902” Qaynar Xəttinə məlumat vermələri də sərnişinlərdən xahiş olunur.
Təsadüfi deyildir ki, bu səpkidə keçirilən maarifləndirmə tədbirləri və təqdim olunan təbliğat materialları sərnişinlər tərəfindən maraqla qarşılanmış və müsbət rəy alıb.
Baş Dövlət Yol Polisi İdarəsi bir daha bütün hərəkət iştirakçılarına təhlükəsiz yol arzulayır və onlardan yol hərəkəti qaydalarına əməl etmələrini xahiş edir.
"Bakı Kart" təmassız ödəniş kartlarının balansını onlayn qaydada artıra biləcəklər
Gələn ilin ilk yarısında Bakı şəhərinin sakinləri və qonaqları paytaxtın ictimai nəqliyyatında istifadə olunan "Bakı Kart" təmassız ödəniş kartlarının balansını onlayn qaydada artıra biləcəklər.
Yol-xeber.az APA-ya istinadən xəbər verir ki, bunu jurnalistlərə açıqlamasında Bakı Nəqliyyat Agentliyinin (BNA) mətbuat xidmətinin rəhbəri Mais Ağayev deyib.
Onun özlərinə görə, hazırda bununla bağlı texniki işlər aparılır."Kartın balansını ya mobil telefon, ya da fərdi kompüter vasitəsilə artırmaq mümkün olacağı da istisna deyil. Şəhərin ictimai nəqliyyatının tam olaraq kart sisteminə keçidi özü ilə digər bir yeniliyi gətirəcək – sərnişinlərə bütün avtobus marşrutlarının hərəkətini real vaxt rejimində izləyə biləcəklər. Bu gün “BakuBus”ın avtobuslarının hərəkətini internet səhifəsindən necə izləmək olursa, eləcə də digər marşrut avtobuslarının hərəkətini də görmək mümkün olacaq", - deyə M. Ağayev qeyd edib.
Məktəblilər maraqlı səhnəciklər göstərib
Şəki DYP -nin təbliğat və təşviqat üzrə inspektoru, polis baş leytenantı Tural Niftalıyev Diqqət,Uşaqlar!aylığı çərçivəsində təhsil müəssisələrində maarifləndirmə tədbirlərini davam etdirir. Növbəti tədbirlərdən biri də,09 oktyabr 2019-cu il tarixdə Şəki şəhəri 12 saylı tam orta məktəbdə keçirilib. Məktəblilərə küçə hərəkəti qaydaları öyrədilib,hər birinə piyadanın vəzifələri yazılmış vərəqələr paylanıb,onları maraqlandıran suallar DYP əməkdaşı tərəfindən ətraflı cavablandırılıb. Tural Niftalıyev bildirib ki, bu tədbirlər təhsil müəssisələrində uşaqların həyat və sağlamlığının qorunması,piyadaların intizamının artırılması və təhlükəsiz davranış vərdişlərinin aşılanması məqsədi ilə keçirilir. Yekunda şagirdlərin hazırladıqları Yol Hərəkəti Qaydaları barədə səhnəciklərə tamaşa edilib. Şəki DYP -nin təbliğat və təşviqat üzrə inspektoru Tural Niftalıyev,uşaqların belə maraqlı səhnələri hazırlamasında əməyi olan məktəbin tərbiyə işləri üzrə direktor müavini(təşkilatçı) Günel Rəhimzadəyə və uşaq birliyi təşkilatı rəhbəri İlhamə Abdulkərimov aya minnətdarlığını bildirib.
Baş DYP İdarəsi Bakı Beynəlxalg Avtovağzal ilə birgə BDYPİ tərəfindən hazırlanmış “YOL HƏRƏKƏTİ QAYDALARI UŞAQLARIN GÖZÜ İLƏ” mövzusunda rəsm bukletləri sürücülərə eləcədə sərnişinlərə təqdim edib.
Həmin bukletlərdəki rəsm işlərinin əsas mahiyyəti hərəkət iştirakçılarının maarifləndirilməsi ilə yanaşı yol hərəkəti qaydalarına riayət olunması, sürət rejiminə nəzarət edilməsi, sürücülərin, eyni zamanda sərnişinlərin təhlükəsizlik kəmərindən istifadə etməsi və digər müxtəlif tövsiyyələrdən ibarətdi.
Baş Dövlət Yol Polisi İdarəsi əməkdaşları bir daha bütün hərəkət iştirakçılarını Yol hərəkəti təhlükəsizliyinin təmin olunması və baş verə biləcək yol-nəqliyyat hadisələrinin qarşısının vaxtında alınması məqsədilə xahiş edir ki, hərəkət zamanı təhlükəsizlik kəmərlərinin təkcə sürücülər deyil, sərnişinlərin də bağlaması mütləqdir. Unutmayaq ki, təhlükəsizlik kəmərlərinin bağlanılmaması təkcə məsuliyyət yaratmır, həm də qəfil tormozlama və ya hər hansı toqquşma zamanı sürücü və sərnişinlərin həyat və sağlamlıqlarına təhlükə riskini artırır.
Rayonlararası magistral yollarda təhlükəsizliyin təmin olunması şərtlərindən biri də avtomobilin texniki imkanlarından asılı olmayaraq sürət rejiminə ciddi əməl etməkdir.
Özümüzün və yaxınlarımızın həyatına dəyər verək – yol hərəkəti qaydalarına riayət edək !
Bakıda Prezident yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə "Çağdaş aşıqlarımızın poetik yaradıcılığında vətənpərvərlik və qəhrəmanlıq mövzusu" adlı layihə çərçivəsində "Aşıq Şəmşir" Mədəniyyət Ocağı Ictimai Birliyi tərəfindən çap olunmuş "İndi hünər meydanıdır" adlı kitabın təqdimat mərasimi keçirilib.
"Report"un məlumatına görə, tədbirdə qeyd olunub ki, kitab bir neçə gün bundan əvvəl nəfis tərtibatla işıq üzü görüb.
Kitabda hazırda yaşayıb-yaradan aşıqlarımızın qəhrəmanlıq və vətənpərvərlik mövzusunda şeirlərindən seçmələrin yer aldığı vurğulanıb.
Kitabı nəşrə hazırlayan və redaktoru, Əməkdar mədəniyyət işçisi Musa Nəbioğlu layihənin aktuallığından və əhəmiyyətindən söz açıb, gənclərin hərbi vətənpərvərlik ruhunun yüksəldilməsi üçün bu kimi layihələrin gələcəkdə də keçirilməsinin vacibliyini vurğulayıb: "Aşıq Şəmşir Mədəniyyət Ocağı" İctimai Birliyi yarandığı gündən mədəniyyətin inkişafında çox mühüm uğurlara imza atıb. Bu birlik hər zaman aşıq sənətinə xüsusi diqqəti ilə seçilib. Bilirsiniz ki, aşıq sənəti daha qədim tarixi keçmişə malikdir. Bu sənət həmişə qəhrəmanlığı tərənnüm edib və hər kəsi qəhrəmanlığa, mübarizəyə səsləyib. İllərdir müharibə şəraitində yaşayan Azərbaycan xalqı üçün qəhrəmanlıqdan bəhs edən sənət əsərləri əhəmiyyət kəsb edir. Torpaqları işğal altında olan xalqımız böyük bir qəhrəmanlığa susayıb. Ona görə də bu gün təqdimatını keçirməkdə olduğumuz kitabın ərsəyə gəlməsi təqdirəlayiqdir. Bu kitabda bizim yaşadığımız hisslər tərənnüm olunub. Hesab edirəm ki, gənclər arasında da vətənpərvərlik hissini artırmaq lazımdır. Bu kitab həm də bu missiyaya xidmət edir".
“Aşıq Şəmşir Mədəniyyət Ocağı” İctimai Birliyinin sədr müavini Həbib Misirov bildirib ki, aşıq sənəti bu gün Azərbaycanda kifayət qədər inkişaf edib: "Dövlətimiz tərəfindən də aşıq sənətinə hər zaman diqqət və qayğı göstərilib. Bu gün ölkəmiz həm də beynəlxalq əhəmiyyətli mədəni tədbirlərin keçirildiyi bir məkana çevrilib. Bu da dövlət başçımızın Azərbaycanda mədəni sahəyə göstərdiyi diqqətin və qayğının nəticəsidir. Bizim bu kitabı çıxarmaqda məqsədimiz qəhrəmanlığa, vətənpərvərliyə diqqətin artırılmasıdır. Bilirsiniz ki, Azərbaycan ədəbiyyatında qəhrəmanlıq dastanları xüsusi yer tutur. Elə buna görə də bizim Ictimai Birlik mütəmadi olaraq aşıq sənətinin təbliği ilə məşğuldur".
Əməkdar jurnalist, filologiya üzrə fəlsəfə doktoru Adil Cəmil isə aşıq adının hər kəsə verilməsinin əleyhinə olduğunu qeyd edib. Onun sözlərinə görə, bu ad müqəddəs olduğu üçün hər yoldan ötənə aşıq deyilməməlidir: "Bu gün hər yetənə aşıq adı verilməsi düzgün deyil. Təsəvvür edin ki, Aşıq Ədalətlə yanaşı, filankəsin də aşıq olması qəbahətdir. Mən Aşıqlar Birliyinə müraciət edirəm ki, bu məsələ ilə ciddi şəkildə məşğul olsunlar".
Tədbirdə çıxış edən Atatürk Mərkəzinin şöbə müdiri, şair-publisist Əkbər Qoşalı “Aşıq Şəmşir Mədəniyyət Ocağı” İctimai Birliyinin sözügedən layihəsini təqdirəlayiq hesab edib.
Tədbirdə Əməkdar mədəniyyət işçisi, aşıq Gülarə Azaflı Azərbaycan xalqının xeyli sayda şəhid verdiyini xatırladıb. Vurğulayıb ki, xalqımız öz şəhidləri ilə fəxr etməlidir: "Xüsusən də, gənc nəslin nümayəndələri şəhidlərimizlə fəxr etməlidirlər. Bu gün təqdimatına toplaşdığımız kitabda da əsasən qəhrəmanləq tərənnüm olunub. Biz arzu edirik ki, gənclərimiz qəhrəmanlıq dastanlarından ruhlanıb torpaqlarımızı yağı düşmən işğalından geri alsınlar".
G.Azaflı "İndi hünər meydanıdır" adlı şeiri səsləndirib.
Daha sonra Ağamurad İsrafilov və digərləri çıxış edərək bu kitabın xüsusilə də gənc nəslin vətənpərlik ruhunda tərbiyəsində mühüm rol oynayacağını vurğulayıblar. Çıxışçılar qeyd ediblər ki, aşıq sənətinin mühüm tərkib hissəsi olan dastançılıq - dastan yaratmaq və söyləmək ənənəsi bu gün də yaşayıb günümüzün reallıqlarına uyğun olaraq yeni-yeni dastanlar yaranır.
Bildirilib ki, çağdaş aşıqlarımızın poetik yaradıcılığında vətənpərvərlik və qəhrəmanlıq mövzusu” adlı layihənin də əsas məqsədi həm də diqqəti hazırda fəaliyyət göstərən aşıqların yaradıcılığında yer almış vətənpərvərlik və qəhrəmanlıq mövzusunda yazılmış şeirlərə və dastanlara yönəltməkdir. Həmçinin qeyd olunub ki, “Aşıq Şəmşir Mədəniyyət Ocağı" İctimai Birliyinin son illərdə mədəniyyətimizin inkişafı, xüsusilə də aşıq sənətinin təbliği və inkişafı naminə çox mühüm layihələrə imza atır.
Tədbirin sonunda ustad aşıqlar müxtəlif aşıq havaları üstündə qəhrəmanlıq və vətənpərvərlik mövzusunda şeirlər oxuyublar.
Qeyd edək ki, layihənin rəhbəri “Aşıq Şəmşir Mədəniyyət ocağı” İctimai Birliyi sədrinin müavini Həbib Misirov, kitabı nəşrə hazırlayan və redaktoru Əməkdar mədəniyyət işçisi Musa Nəbioğlu, məsləhətçi "Aşıq Şəmşir Mədəniyyət Ocağı" İctimai Birliyinin sədri Qənbər Qurbanov, rəyçi Əməkdar elm xadimi, professor Məhərrəm Qasımlıdır. Günümüzün ustad aşıqları Prezident təqaüdçüsü, Əməkdar mədəniyyət işçisi Mahmud Məmmədov, Prezident təqaüdçüsü, Əməkdar mədəniyyət işçisi Ulduz Quliyeva, Əməkdar mədəniyyət işçiləri Əhliman Rəhimov, Gülarə Azaflı, Solmaz Kosayeva, Ağamurad İsrafilov, Fətulla Əliyev, Sərdar Məmmədovla yanaşı gənc aşıqların da poetik yaradıcılığına müraciət olunan kitabda çağdaş aşıqlarımızın qəhrəmanlıq və vətənpərvərlik, Qarabağ müharibəsi mövzusunda yazdıqları şeirlərlə yanaşı bu mövzuda yaratdıqları dastan da yer alıb.
