Təhsil Nazirliyi tərəfindən tədris-metodiki ədəbiyyatların çapı ilə məşğul olan nəşriyyatlara dərsliklərin çəkisinin yüngülləşdirilməsi ilə bağlı optimal yolların müəyyənləşdirilməsi üçün tapşırıqlar verilib.

Bunu Trend-ə Milli Məclisin Elm və təhsil komitəsinin sədri, akademik İsa Həbibbəyli deyib.

Onun sözlərinə görə, hazırda dərsliklərin çəkisinin yüngülləşdirilməsi üçün iş aparılır.

İ.Həbibbəyli keyfiyyətli dərsliklərin olması üçün hazırda əla növ kağızlardan istifadə edildiyini söyləyib:

"Adətən, dərsliklərin çapı üçün 70-80 qramlıq kağızlardan istifadə edilir. İndi isə belə təkliflər var ki, dərsliklərin çapı üçün daha yüngül kağızlardan istifadə edilsin".

İ.Həbibbəyli qeyd edib ki, hazırda dərsliklər əla növ kağızlardan istifadə edilməklə hazırlandığından, 4 il istifadə edilmək üçün nəzərdə tutulur. Amma təklif edilən yüngülçəkili kağızlardan istifadə edilsə, dərsliklərin istifadə müddəti 1 ildən də az olar. Bu isə iqtisadi baxımdan sərfəli olmaz:

"Dərsliklərin çapı üçün təklif edilən kağızların dözümü azdır. Onlar dərslik çapı üçün tam yararlı deyillər. Bədii kitabların çap olunduğu kağızlar da dərslik üçün yararlı deyil. Ona görə də dərsliklərin çəkisini yüngülləşdirmək üçün variantlar axtarılır. Təhsil Nazirliyi tərəfindən tədris-metodiki ədəbiyyatların çapı ilə məşğul olan nəşriyyatlara tapşırıq verilib ki, davamlılığı qorumaq şərtilə dərsliklərin çapı üçün mümkün optimal yollar müəyyən edilsin".

İ.Həbibbəyli Milli Məclisin deputatı Aydın Mirzəzadənin məktəb çantalarının yüngülləşdirilməsi məqsədilə dərsliklərin tədris ili üzrə deyil, rüb üzrə hazırlanması barədə səsləndirdiyi təklifi də iqtisadi baxımdan əlverişli saymayıb.

Onun sözlərinə görə, dərsliklər dövlət vəsaiti hesabına çap edildiyindən, hər rüb üzrə hazırlanması iqtisadi baxımdan çətinliklərə səbəb ola bilər.

Qurtuluş savaşı dönəmində modern Türkiyənin qurucusu Mustafa Kamal Atatürklə SSRİ lideri Vladimir Lenin güclərini necə birləşdirdisə, bu gün Türkiyə və Rusiya ümumi təhdidlərə qarşı beləcə əməkdaşlıq edir.

Axar.az xəbər verir ki, bu sözləri türkiyəli tarixçi, professor Məhməd Perinçək deyib.

“19 may - türk millətinin ən çətin anlarda belə müstəqilliyə olan sevgisinin gerçəkləşdiyi tarixdir. Bu tarix Rusiya-Türkiyə əlaqələrində də önəmli rol oynayıb. O dönəmdə keçmiş savaşlar dəftəri qapadılmış, yeni əməkdaşlıq yolu açılmışdı.

Türk millətinin bu önəmli tarixlərdə ortaya qoyduğu gücdən bu gün də Suriya və Şərqi Aralıqda ABŞ-ın fitnələrinə qarşı mübarizədə səfərbər olmaq üçün istifadə edirik. Düz 100 il əvvəlkitək Atatürk və Lenin ümumi təhdidlərə qarşı belə səfərbər olmuşdu”, - deyə Perinçek bildirib.

2019.05.19. 23:59

Axşam saatlarından başlayaraq Gəncə, Daşkəsən, Göygöl, Şəmkir, Samux və Gədəbəy rayonlarında güclü külək və yağışlı hava şəraiti müşahidə olunur.

Report-un məlumatına görə, Gəncə şəhəri, həmçinin Daşkəsən və Şəmkir rayonlarının bəzi hissələrində elektrik enerjisinin verilməsində fasilələr yaranıb.

Fırtına səbəbindən Daşkəsən şəhərində irigövlədi ağac kökündən çıxaraq yola aşıb.

Hava şəraitinin kəskin dəyişməsi səbəbindən bölgədə ciddi fəsadların yaranıb-yaranmaması ilə bağlı hələ ki, məlumat yoxdur.

"Azərişıq" ASC Qərb rayonlarında güclü külək və yağıntılar səbəbindən bir sıra qabaqlayıcı tədbirlər görüb. Baş verə biləcək qəza və hadisələrin qarşısını almaq üçün qurum əməkdaşları və texnikası hazır vəziyyətə gətirilib.

***

Gecə saatlarında respublikanın Zaqatala və Qax rayonlarına dolu yağıb.

Report-un məlumatına görə, dolu, əsasən Zaqatala şəhərinə və Qax rayonunun bəzi kəndlərinə daha çox düşüb.

Təqribən 15 dəqiqə davam edən və təqribən qoz iriliyində yağan dolu meyvə ağaclarına və bəzi minik avtomobillərinin şüşələrinə ziyan vurub.

Şimal-qərb bölgəsində hazırda güclü külək və yağış yağmaqda davam edir.

Bu gün Ramazan ayının 14-cü günüdür.

Axar.az xəbər verir ki, Qafqaz Müsəlmanları İdarəsinin açıqladığı Ramazan təqviminə əsasən, mayın 19-də Bakıda imsak saat 03:32, iftar isə saat 20:09-dədir.

Ramazan ayının 14-cü gününün duası:

"Allahummə la tuaxizni fihi bil-əsərat. Və əqilni fihi minəl-xətaya vəl-həfəvat. Və la təc-əlni fihi ğərəzən lil-bəlaya vəl-afat. Bi-izzətikə ya izzəl-muslimin".

Tərcüməsi:

"İlahi, bu gün səhvlərimə görə mənə qəzəblənmə! Bu gün xətalarıma göz yum! Məni bəla və afətlərə hədəf etmə! İzzətinə and verirəm, ey müsəlmanlara izzət verən Allah!"

Humanitar məsələlərdə bəzi inkişafın Qarabağın həllindəki digər çətin və vacib məsələlərin həllində hansısa inkişafa gətirib çıxaracağını demək yanlış olardı.

Axar.az xəbər verir ki, bunu “1in.am” saytına müsahibəsində ABŞ Mərkəzi Kəşfiyyat İdarəsinin keçmiş məsləhətçisi, ABŞ-ın keçmiş dövlət katibi Beykerin Sovet İttifaqı millətləri üzrə müşaviri Pol Qobl deyib. Onun sözlərinə görə, problemin həlliylə bağlı iki əsas məsələdə - İrəvan üçün xalqların öz müqəddəratının təyinatı, Bakı üçün isə sərhədlərin toxunulmazlığı məsələsində heç bir inkişaf yoxdur ki, indiki situasiyadan çıxış əldə etmək imkanı yaransın.

O, yaxın zamanlarda yaranmış çətin vəziyyətdən çıxışın tapılacağına inanmadığını deyib.

Qobl hazırda danışıqlar prosesindəki vasitəçilərdən heç birinin hər iki tərəfi razı salacaq təklifi olmadığını söyləyib.

Politoloq Paşinyanın Qarabağın danışıqlar prosesində iştirakı təklifinin qəbulunun Bakı üçün qəbuledilməz olduğunu söyləyib. Bununla belə o, digər ssenarinin – ikipilləli danışıqların da real ola biləcəyini deyib:

“Bunlardan birincisi ictimai xarakterli danışıqlardır ki, yalnız Bakı və İrəvanın iştirakıyla aprılacaq. Digər tərəfdən ictimailəşdirilməyən danışıqlar da aparıla bilər. Burada tərəflərdən hər biri Qarabağ ermənilərinin rəhbərləri ilə konsultasiyalar apara bilər. Bununla belə, indiki zamanda bu ssenarinin böyük perspektivləri yoxdur”.

O, Bakıyla İrəvanın bundan sonra da dialoqu davam etdirəcəyini bildirib.

Qobl böyük güclərin dialoqun davam etdirilməsində israrlı olduğunu, amma dialoqun real danışıqlar və ya hansısa həll olduğu anlamına gəlmədiyini qeyd edib.

Əgər bu gün Nazarbayev doğrudan da nüvə arsenalının formalaşdırılmasında ölkəsinin test ərəfəsində olduğunu deyirsə, bu çox sevindirici xəbərdir.

Bu sözləri Axar.az-a açıqlamasında politoloq Qabil Hüseynli Qazaxıstan Təhlükəsizlik Şurasının rəhbəri Nursultan Nazarbayevin ölkəsinin nüvə arsenalının formalaşdırılması ilə bağlı açıqlamasına münasibət bildirərkən deyib.

Ekspert Qazaxıstanın nüvə dövlətinə çevrilməsi üçün yetərli maddi-texniki bazaya sahib olduğunu bildirib:

“Nazarbayev çox ağıllı adamdır. Sovet İttifaqının nüvə arsenalı cəbbəxanası 3 yerdə - Rusiyada, Ukraynada və Qazaxıstanda saxlanılırdı. 1997-ci ildə ABŞ və İranın da təzyiqi ilə hollandlar Ukrayna ilə Qazaxıstana yalandan vəd etdilər ki, nüvə silahlarını Rusiyaya təhvil verin, nüvə silahı olmayan dövlət statusu qazanın, biz də sizin əbədi təhlükəsizliyiniz üçün zəmanət verək.

Ancaq bildiyiniz kimi, Ukraynanın ərazi bütövlüyünü onun təhlükəsizliyinə zəmanət verən ölkələrdən biri – Rusiya pozdu. ABŞ müəyyən qədər müqavimət göstərməyə çalışsa da, səmərəsiz oldu.

Şəxsən mən bunu ürəkdən alqışlayıram. Çünki keçmiş SSRİ-nin kosmik stansiyası Baykonurda idi. Deməli, SSRİ-dən Qazaxıstana nüvə silahı üçün lazım olan elmi biliklər qalıb. Bundan əlavə, Qazaxıstanda bu sahəni bilən alimlər də kifayət qədərdir. Ruslar silahları yığıb aparsalar da, maddi-texniki baza qalmaqdadır. Üstəlik Qazaxıstanda xeyli atom elektrik stansiyası var.

Yəni Qazaxıstanda nüvə silahı, hətta nüvə başlığı daşıya bilən ballistik raketlər yaratmaq üçün lazım olan potensial mövcuddur”.

Politoloqun fikrincə, Nazarbayev nüvə arsenalının formalaşdırılmasından danışırsa, deməli, bu vaxta qədər müvafiq araşdırmalar aparılıb:

“Söhbət nüvə silahlarından gedirsə, deməli, Qazaxıstan çoxdan nüvə silahının yaradılması, uranın saflaşdırılması istiqamətində təhqiqatlar aparıb. Bir sözlə, Qazaxıstan nüvə silahını təşkil edən bütün komponentlərə malikdir. Yəqin ki, silah da hazırdır, aparılan işlər də bunu sübut edir. Sınaq mərhələsində sadəcə olaraq atom silahlarının gücünün və digər elmi xarakterli məsələlərin müəyyənləşdirilməsi prosesi gedir”.

Q.Hüseynlinin sözlərinə görə, bu, nəinki Azərbaycan, eləcə də bütün türk dünyası üçün sevindirici xəbər hesab edilməlidir:

“Qazaxıstanın uğuru bizim də uğurumuzdur. Qazaxıstan əgər bu prosesi başa çatdırarsa və nüvə silahı istehsalına başlayarsa, nüvə dövləti olacaq. Bu gün heç kim ona bu işləri dayandırmaq barədə göstəriş verə bilməz. Qazaxıstan indi iqtisadi inkişaf tempinə görə dünyada ən qabaqda gedən ölkələrdən biridir. Hərbi nüvə arsenalını da yaratdıqdan sonra dünyanın sayılıb-seçilən dövlətlərindən biri olacaq.

Nazarbayev türkçülük ideologiyasını müdafiə edən şəxsdir, Qazaxıstanda türkçülük geniş yayılmaqdadır. Bütün bunları nəzərə alaraq sevinmək və nəticəni gözləmək lazımdır”.

Qeyd edək ki, Qazaxıstan TŞ sədri Nursultan Nazarbayev Türkiyənin “Milliyət” nəşrinə açıqlamasında ölkəsinin nüvə arsenalının formalaşdırıldığını və hazırda test mərhələsində olduqlarını söyləyib.

Bakı Metropoliteninin stansiyaları futbol üzrə UEFA Avropa liqasının final qarşılaşmasının keçiriləcəyi vaxt - mayın 29-da və 30-na keçən gecə gücləndirilmiş iş rejimində çalışacaq.

Bu barədə Axar.az-a açıqlamasında Bakı Metropoliteni QSC-nin mətbuat xidmətinin rəhbəri Bəxtiyar Məmmədov deyib.

Onun sözlərinə görə, həmin vaxt sərnişinlərin təhlükəsizliyi və rahatlığını təmin etmək məqsədilə əlavə işçi qüvvəsinin və texniki vasitələrin, o cümlədən ehtiyat qatarların ayrılması nəzərdə tutulub:

"Futbolu izləyən tamaşaçıların metropolitendən istifadəsini təmin etmək məqsədilə, zərurət yaranacağı təqdirdə, həmin gecə saat 04:00-a qədər sərnişinlərin metropolitenə daxil olması və müvafiq marşrutlar üzrə hərəkət etməsi təmin ediləcək. May ayının 27-dən turistlərin daha sıx istifadə edəcəyi stansiyalarda üzərində könüllülər əcnəbilərə bələdçilik edəcək".