 |
|
.jpg)
Bu vaxta kimi Şəbnəm Tovuzlunu verilişində çəkmisən?
Milli.az xəbər verir ki, bu sualla Tarix Əliyev (Tolik) "Tolik ilə səmimi" verilişində qonağı olan "ATV maqazin onlarla" verlişinin aparıcısı Afaq Gəncəliyə müraciət edib.
Xanım aparıcı "Kommersiya məqsədi ilə çəkmişəm. Pulunu ödəyib, pul müqabilində çəkmişəm" cavabını verib.
Prodüserin "Bəs Üzeyir sizin verilişinizdə olub, yoxsa yox?" sualına Afaqın etirafı təəccübləndirib:
"Üzeyir verilişimdə olub. Amma onu qeyd edim ki, Üzeyir özü verilişimdə çəkilmək istəmir. Biri var Üzeyir mənə desin ki, məni çək, mən deyim ki, "Yox, sən mənim formatıma uyğun deyilsən. Belə bir şey olmayıb. Mənim özümün təklifim olub ki, "Üzeyir, səni çəkək". Üzeyir kameralardan qaçan insandır. İldə, ayda bir dəfə layihəsi olar çəkərik, olmaz belə".
Xalq artisti Ağadadaş Ağayev Xəzər televiziyasında yayımlanan “Ay Zaur” verilişinin qonağı olub.
O, proqramda maraqlı açıqlamalar verib.
“O zaman tələbə vaxtında yeni il ərəfəsində, Bakı şəhərində maqazin vitrinlərində bayram atributlarının şəklini çəkib 2000-3000 rubl pul qazanırdım. O vaxt üçün bu böyük məbləğ idi. Atamdan pul almaqdan xoşum gəlmirdi”,- deyə o, bildirib.
Müğənni Manaf Ağayev karantin günlərində həmkarlarını və yaxın dostlarını başına toplayıb, iftar süfrəsi açıb.
Oxu.az xəbər verir ki, sənətçinin dəbdəbəli malikanəsinə dəvət etdiyi məşhurlar sırasında Əməkdar artistlər Vasif Məhərrəmli, Teymur Əmrah, Kikboksinq üzrə dünya çempionu Eduard Məmmədov da olub.
M.Ağayev iftar süfrəsi önündə qonaqları salamlayaraq, çıxışını belə davam edib: “Əziz qardaşlar hər zaman siz gələsiz. İstədim sizi bir yerə toplayıb iftar süfrəsi verim. Müəyyən səbəblərdən oruc tuta bilmirəm. İstədim ki,oruc tutan və tutmayan dostlarımı da bir yerə toplayım”.
Daha sonra Manaf sözü süfrə arxasında əyləşən Əməkdar artist Vasif Məhərrəmliyə verib.
“Manaf qardaşım sağ olsun Ramazan günündə bizim üçün iftar süfrəsi açıb. Bura (Manafın bağ evi - red.) öz evimiz kimidir. Hər zaman süfrən açıq olub, olacaq da. Sən Allahın sevimli bəndəsisən. Başın uca, süfrən ruzili, kisən bərəkətli olsun”, - deyə Vasif bildirib.
Xatırladaq ki, hazırda Azərbaycanda karantin rejimi davam edir. Dövlət tərəfindən tədbiq edilən karantin qaydalarına əsasən, bir yerdə beş nəfərdən artıq toplaşmaq, ara məsəfasi gözləməmək, maska və əlcəklərdən istifadə etməmək qadağandır.
Yuxarıda sadaladığımız bütün bəndlər isə müğənni Manaf Ağayevin lentə alaraq, sosial media hesabında paylaşdığı videoda pozulub.
"Yenə həkimin məsləhəti ilə kimya terapiya alacam. Məcburam. Artıq orqanizmim bu müalicələrə tab gətirə bilmir".
"Bizimləsən" verlişi xəbər verir ki, Əməkdar artist Tünzalə Əliyeva yenidən "Xərçəng" xəstəliyinə tutulduğunu bildirib.
"Təəssüf ki, yenidən xərçəng xəstəliyinə yoluxmuşam. Bu dəfə böyrək damarlarımda Xərçəng törəmələri çıxıb. Yenədə ayaq üstəyəm. Çalışıram ki, yaxşı olum. İki ilə yaxın limfalarda olan şişlərdən müalicə aldım. İstənilən nəticəyə gəlib çıxdıq. Yenə həkimin məsləhəti ilə kimya terapiya alacam. Məcburam. Artıq orqanizmim bu müalicələrə tab gətirə bilmir. Qanım da aşağıdır. 1 ay içində 150 iynə vuruldu. O qədər ağır hallar keçirirəm ki, orqanizmim tab gətirmir. Hall hazırda vəziyyətim yaxşı deyil", - deyə əməkdar artist bildirib.
Ötən gün Azərbaycanın milli aviaşirkəti tərəfindən İstanbuldan Bakıya iki çarter reysi həyata keçirilib.
AZAL-dan demokrat.az-a verilən məlumata görə, həmin reyslərlə 212 Azərbaycan vətəndaşı Bakıya gətirilib.
Məlumata görə, Bakıya gətirilən Azərbaycan vətəndaşları arasında Türkiyənin tanınmış müğənnisi Doğuş da olub.
Doğuş ölkəyə gələn digər sərnişinlər kimi mütləq qaydada karantinə yerləşdirilib.
İrəvan Dövlət Azərbaycan Dram Teatrının direktoru İvtixar Piriyevhazırda həbsdə olan İmişli rayonunun sabiq icra başçısı Vilyam Hacıyevə şeir həsr edibmiş.
Piriyev şeirdə V.Hacıyevin Samux və Göygöl rayonlarındakı fəaliyyətinə toxunub və onun hər iki rayonu zövqlə qurduğunu nəzmə çəkib. Növbəti bəndlərdə isə icra başçısının İmişlidə abadlıq-quruculuq işləri gördüyünə eyham edilir. Sözügedən şeirin bir neçə bəndini diqqətinizə çatdırırıq.
Qeyd edək ki, İvtixar Piriyev ötən gün siyahısı açıqlanan Prezident mükafatçılarından biridir.
Xatırladaq ki, V.Hacıyev DTX-nın 5 may tarixində keçirdiyi əməliyyat nəticəsində həbs edilib.
Qalmaqallı sözləri və yaxın günlərdə də karantin rejimini pozaraq qonaq-qaralı evlilik il dönümü qeyd etməsi ilə gündəmə gələn müğənni Nadir Qafarzadə bu dəfə də izləyicilərini təhqir edib.
"Ölkə.Az"ın məlumatına görə, müğənni instaqram hesabında izləyicilərinə kobud sözlər söyləyib, hətta qarğış da edib:
“Allah sizə heç rəhm etməsin…Bədbəxtsiniz siz! İstəməzdim bu Ramazanda belə danışım. Amma məcbur oldum. Allahın yazıq bəndəcikləri. Allahın yadından çıxmısız siz. Oturun instaqramda onun- bunun qazancını güdün. Kim hara getdi, kim nə qədər qazandı. Oturun ancaq qiybət qırın!”.
Nadirin bu kobud ifadələri işlətdiyi video qısa zamanda sosial şəbəkədə paylaşılıb. Videonu izləyənlər Nadiri dediklərinə görə tənqid ediblər. /konkret.az
60-cı illərin məşhur estrada müğənnisi Cavanşir Əliyev 75 yaşında dünyasını dəyişib.
Bu barədə “kulis.az”a sənətkarın yaxınları məlumat verib. 60-80-ci illərdə estrada janrının mahir ifaçısı, dövrünün bir çox müsabiqələrinin, festivallarının laureatı, qalibi, qastrolyor Cavanşir Əliyev 60-70-ci illərdə Tofiq Əhmədovun rəhbərlik etdiyi tele-radionun estrada orkestrinin, Rusiyada məhşur musiqiçi Anatoli Krollun orkestrinin solisti olub.
Yaddaşlarda Oqtay Kazıminin "Bakının qızları" mahnısı ilə qalmış Cavanşir Əliyev səhnədə çox az müddətdə parlayıb.
“İki yüz otuz üç manat təqaüd aldığım üçün 190 manat yardımı ala bimədim. Bundan başqa Əməkdar artist adıma görə 100 manat da mükafat alıram”.
Bu sözləri “Ölkə.Az”ın əməkdaşı ilə söhbətində 67 yaşlı Əməkdar artist Ədilə Əflaki deyib.
Bundan başqa o, mənzil şəraitinin çox pis vəziyyətdə olduğunu da deyib.
“Mənzil şəraitim çox pis vəziyyətdədir. Fiziki qüsurlu oğlumla 16 kvadrat metr sahəsi olan qəzalı mənzildə yaşayıram. Oğlumun 36 yaşı var, müavinət alır. 130 manat əlillik təqaüdü aldığı üçün ona da heç bir sosial yardım vermədilər”,- deyə Ə.Əflaki qeyd edib.
Əməkdaşımızın “Sənət dostlarınız bu günlərdə bir çox insana əl tutdular, yardım etdilər. Onlardan kimsə sizə yardım etdimi?” sualına Ədilə Əflaki belə cavab verib:
“Mən Bakı milyonçusu, dahi şəxsiyyət, xeyriyyəçi Ələkbər bəy Nəzərlinin nəvəsiyəm. Mənim babam o vaxtlar Bakının 60 faizinə yardım edirdi. Onları geyim və qida ilə təmin edirdi. Uzun illər Opera və Balet teatrında çalışıb. Onun adı milli ensiklopediyada və muğam ensiklopediyasında işıqlandırılıb. Mən sənət dostlarımdan heç bir yardım qəbul etmək istəmirəm. Özümü tərifləmək kimi çıxmasın, mən onlardan çox yüksəkdəyəm. O cür dahi bir şəxsiyyətin nəvəsiyəm”.
Əməkdar artist karantin zamanı ona yardım edənlərdən də söz açıb.
“Bu yaxınlarda millət vəkili, Milli Məclisin mədəniyyət komitəsinin sədri Qənirə Paşayeva və teleaparıcı Hacı Nuran Hüseynov mənə baş çəkməyə gəlmişdiər. Sağ olsunlar, mənə yardım gətirmişdilər. Onlar da mənim bu çətin yaşayış şəraitimi gördülər. Qənirə xanım, mənə söz verdi ki, əlindən gələn yardımı, köməkliyi mənə göstərəcək. Mən Prezident İlham Əliyevə və Birinci vitse-prezident Mehriban xanım Əliyevaya məktub ilə müraciət etmişəm. Sağ olsunlar, məktub ünvanına çatan kimi Prezident Administrasiyasından və Mədəniyyət Nazirliyindən zəng etdilər, maraqlandılar. İnşallah, hər şeyin gözəl olacağına inanıram”,- deyə, o, bildirib.
Müsahibəsinin sonunda Əməkdar artist incəsənətdə iz qoyan sənətkarları unutmayanlara da öz minnətdarlığını bildirib.
“Məni unutmadığınız üçün, sizə təşəkkür edirəm. Hazırda çoxlarının yadına düşmürük. Mənim fikrimcə, insan heç vaxt keçmişini unutmamalıdır”,- deyə Ədilə Əflaki fikrini tamamlayıb.
Müğənni Səidə Dadaşova atası Xalq artisti Rafael Dadaşovdan danışıb.
O, Arb televiziyasında yayımlanan ''Ona qalsa'' verilişinin qonağı olub. İfaçı atasının itkisinin onun üçün çox ağır olduğunu bildirib.
''Mən hələ də atamın ölümünə inana bilmirəm. Mənə elə gəlir ki, sanki o, bizi tərk edib, çox uzaqlarda yaşayır. Ancaq heç bir cavab da yoxdur. Axı, necə inana bilərəm? O, mənim ölməz atamdır. Onsuz mənə həqiqətən də çox çətindir. Mənim yanımda yoldaşım, ailəm olmasına baxmayaraq, yenə də atamın yanımda olmasını, mənə hər zamankı kimi dəstək olmasını istəyərdim'',- deyə, o, bildirib.
Qeyd edək ki, Xalq artisti Rafael Dadaşov 17 martda ürəyin işemik xəstəliyi, infarktdan sonrakı kardioskleroz və ağciyərlərin xroniki abstruktiv xəstəliyindən vəfat edib.