 |
|
İsrail ordusu Qəzza zolağında Əl-Tabain məktəbinə zərbələr endirdiyini bildirib.
İsrail ordusunun məlumatına görə, həmin məktbədə HƏMAS komandanlıq mərkəzində İsrail hərbçilərinə və dövlətinə qarşı hücumlar planlaşdırılıb.
“Zərbədən əvvəl mülki şəxslərə zərər vurma riskini azaltmaq üçün çoxlu tədbirlər, o cümlədən dəqiq döyüş sursatı, havadan müşahidə və kəşfiyyat vasitələrinin istifadəsi həyata keçirilib”, - deyə İsrail ordusunun Telegram kanalında bildirilir.
Fələstinin WAFA agentliyi və bir sıra digər KİV-in məlumatına görə, hücum nəticəsində ən azı 100 nəfər həlak olub, onlarla insan yaralanıb.
Qəzza zolağının mülki müdafiə agentliyinin nümayəndəsi Mahmud Basalın verdiyi məlumata görə, xilasedicilər ölənlərin cəsədlərini çıxarmaq və yaralıları xilas etmək üçün yanğına nəzarət etməyə çalışırlar.
Rusiya Federasiyasının Şərqi Avropa ölkələrinə potensial müdaxiləsinə baxmayaraq, bir sıra ölkələrin orduları gəncləri sıralarına cəlb etməkdə çətinlik çəkir.
Qaynarinfo "Euractiv"ə istinadən xəbər verir ki, Qərbi Avropa ölkələri Rusiya Federasiyasının hər hansı potensial hücumunu dəf etmək üçün lazım olan işçi qüvvəsi çatışmazlığı ilə üzləşdiklərini etiraf ediblər.
Xüsusilə, NATO ölkələrinə Rusiyadan müdafiə planlarını tam şəkildə həyata keçirmək üçün 35-dən 50-dək əlavə briqadaya ehtiyac olacaq.
Lakin, məsələn, Çexiya indi NATO-nun bir hissəsi olan keçmiş Sovet İttifaqının əksər peyk ölkələri kimi, illərdir hərbi personalın cəlb edilməsi üzrə müvafiq göstəricilərə çata bilmir. "Bu, ordu hissələrinin kifayət qədər kadr çatışmazlığına və döyüş qabiliyyətinə nail ola bilməməsinə gətirib çıxardı və Rusiyanın Ukraynaya müdaxiləsi regiona Moskvadan gələn potensial təhlükəni açıq şəkildə xatırlatdı", deyə "Euractiv" qeyd edir.
Nəşr bildirir ki, 80-ə yaxın çex lisey şagirdi hazırda yay tətilinin bir hissəsini ordu həyatını öyrənməklə keçirir. Bu, Praqadan 94 km qərbdə qapalı hərbi zonada keçirilən dörd həftəlik təlim proqramının bir hissəsi kimi baş verir.
"Əgər orduda kadr çatışmazlığı ilə bağlı heç nə etməsək, bu, sülhü qoruya bilməyəcəyimiz və potensial düşmənin qarşısını ala bilməyəcəyimiz anlamına gələ bilər. İnsanlarsız heç nə edə bilmərik, əgər avadanlıqları təkmilləşdirsək, lakin kifayət qədər səriştəli və motivasiyalı insanlar yoxdursa, bütün bunlar boş yerə atılan puldur", deyə Çexiya Silahlı Qüvvələrinin komandanı, general Karel Rehka bildirib.
Hazırda 85%-i insandan ibarət olan orduya insanları cəlb etmək üçün Çexiya hakimiyyəti rəqəmsal marketinq kampaniyalarına müraciət etdi, hərbi xidmətə qəbul üçün bonusları artırdı və hətta aktiv hərbi qulluqçular, ehtiyatda olanlar və çağırışçılar üçün tibbi tələbləri aşağı salıb. Lakin Şərqi Avropada işsizliyin aşağı olduğu bir şəraitdə əsas problem gəncləri özəl sektorda qazana bildiklərindən daha az pula xidmət etməyə inandırmaqdır.
"Çexlər tək deyil. Bütün Şərqi Avropa ölkələri - Polşa, Macarıstan, Rumıniya və Slovakiyanın Ukrayna ilə həmsərhəd olduğu bölgədə yeni əsgərlər cəlb etməkdə və təcrübəli əsgərləri saxlamaqda çətinlik çəkirlər", deyə nəşr yazır.
Ətraflı
Polşa Silahlı Qüvvələrinin Baş Qərargah rəisinin birinci müavini Karol Dimanovskinin qeyd etdiyi kimi, problemlər əmək bazarının çox rəqabətli olması ilə bağlıdır. Polşada rəsmilər 300 minlik ordu yaratmağa söz verirlər, lakin tənqidçilər məqsədə çatmağın reallığına şübhə ilə yanaşırlar.
"Şərqi Avropanın ən böyük ölkəsi də müdafiə xərclərini ÜDM-in təxminən 5%-nə qədər artırmağa çalışır və bu yaxınlarda 18-35 yaş arası vətəndaşlar üçün 28 günlük əsas hərbi təlimlər təmin edən "Ordu ilə məzuniyyət" adlı işə qəbul kampaniyasına başlayıb. Lakin nazirliyin müdafiə məlumatları göstərir ki, çağırışçıların sayı artsa da, 2023-cü ildə rekord sayda peşəkar hərbi qulluqçu xidməti tərk edib - 9 min", deyə qeyd edilir.
Polşa Baş Qərargahının Təşkilat və İşə Qəbul Departamentinin rəhbəri Bohdan Sov aizah edib ki, bu peşəkarların əhəmiyyətli bir hissəsi xidmətə başladıqdan cəmi bir neçə il sonra ordunu tərk edib.
"Biz yeni maliyyə stimulları yaradaraq, onlar üçün daha cəlbedici təkliflər hazırlamağa çalışırıq", deyə Sova bildirib.
Macarıstan Silahlı Qüvvələri mediada müvafiq kampaniyaya başlayıb, hətta 2024-cü ilin sonuna qədər yayımlanacaq hərbi mövzulu televiziya serialı da yaradıb.
"Rumıniyada Müdafiə Nazirliyinin son məlumatı zabit vəzifələrinin 43%-nin boş olduğunu, əsgərlərin isə 23%-nin olduğunu göstərdikdən sonra hökumət işə qəbul kampaniyasına başladı. Rumıniyada dörd "Patriot" raketdən müdafiə batareyası var, lakin onlardan yalnız ikisini özləri işlədir, hökumət bir neçə F-16 qırıcısı alıb, lakin kifayət qədər təlim keçmiş pilot yoxdur", deyə jurnalistlər qeyd ediblər.
Hazırda Rumıniya və digər ölkələr yeni nəsil əsgərlərə - həyatlarını hərbi xidmətlə bağlamaq istəyən gənc vətənpərvərlərə ümid edirlər.
Hindistanlı milyarder Mukeş Ambani ailəsinin sərvəti bütün Cənubi Asiya respublikasının ÜDM-nin demək olar ki, 10%-ni təşkil edir.
Qaynarinfo xəbər verir ki, bu barədə "Hindustan Times” "Barclays-Hurun India Bank”ın hesabatına istinadən yazıb.
Martın 20-nə olan məlumata görə, Ambani ailəsinin sərvəti 25,7 trilyon rupi və ya 385,5 milyard dollar səviyyəsində qiymətləndirilir.
Ambaninin biznes imperiyası "Reliance Industries" ölkədəki ən böyük şirkətlər qrupudur. O, enerji, telekommunikasiya və pərakəndə satış sektorlarını əhatə edir.
Hindistanın ən zəngin ailələri reytinqində ikinci yerdə 7,13 trilyon rupi kapitalı ilə milyarder Neeraj Bajajın ailəsi qərarlaşıb. İlk üçlüyü 5,39 trilyon rupi ilə Kumar Birla ailəsi tamamlayır.
Ümumilikdə Hindistanın üç ən böyük ailə biznesi Sinqapurun ÜDM-i ilə müqayisə oluna bilən 460 milyard dollarlıq aktivlərə malikdir.
Avropa Komissiyası Meksika hakimiyyətini Rusiya hökmdarı Vladimir Putin oktyabrın 1-də Meksikanın yeni seçilmiş prezidenti Klaudiya Şeynbaumun andiçmə mərasimində iştirak edəcəyi təqdirdə onu həbs etməyə çağırıb.
Bunu Avropa Komissiyasının xarici siyasət üzrə nümayəndəsi Piter Stano "Euractiv"-ə açıqlamasında deyib.
Stano bildirib ki, Meksika Beynəlxalq Cinayət Məhkəməsinin (BCM) Roma Statutunun tərəfi kimi ona qarşı həbs qərarı olan Putini Mexiko şəhərində keçiriləcək andiçmə mərasimində iştirak etmək üçün dəvəti qəbul edərsə, qanuni olaraq həbs etməyə borcludur.
"Buna görə də Meksikanın BCM-nin üzvü kimi öhdəliklərini yerinə yetirəcəyinə inanırıq", - o qeyd edib.
Qeyd edək ki, Meksikaya analoji çağırışla rəsmi Kiyev də çıxış edib.
Qətər, Misir və ABŞ İsrail və HƏMAS qrupunu Qəzza zolağında atəşkəs və israilli girovların azad edilməsi ilə bağlı danışıqları bərpa etməyə çağırıb.
İsrailə edilən çağırışda deyilir:
“Biz tərəfləri avqustun 15-də Doha və ya Qahirədə təcili və vaxt itirmədən əldə edilmiş razılıqları icra etmək üçün danışıqları bərpa etməyə çağırdıq”.
Vasitəçilər tərəfləri mayın sonunda Co Baydenin təklif etdiyi üç fazalı plan əsasında razılığa gəlməyə çağırır. Plan hərbi əməliyyatların dayandırılmasını, girovların azad edilməsini və İsrail qüvvələrinin Qəzzadan çıxarılmasını, həmçinin anklavın müharibədən sonra yenidən qurulmasını nəzərdə tutur.
İsrail tərəfi də bu çağırışa müsbət cavab verib.
“ABŞ və vasitəçilərin təklifinə uyğun olaraq, İsrail avqustun 15-də təfərrüatları yekunlaşdırmaq və çərçivə sazişini həyata keçirmək üçün müəyyən edilmiş yerə danışıqlarçılardan ibarət nümayəndə heyəti göndərəcək”, - İsrail baş nazirinin ofisinin X (Twitter)sosial şəbəkəsində deyilir.
Ankaranın Polatlı ərazisində İzmir-Ağrı istiqamətində hərəkət edən 04 AAV 951 nömrə nişanlı sərnişin avtobusu Olukpınar kəndi yaxınlığında naməlum səbəbdən yoldan çıxaraq körpünün dayaqlarına çırpılıb.
Avtobusun körpü dirəyinə çırpılması nəticəsində ikiyə bölünüb.
Qəza nəticəsində 11 nəfərin öldüyü, 24 nəfərin yaralandığı qeyd edilib.
İlkin ehtimallara görə, qəza sürücünün yatması nəticəsində baş verib.
"Ukrayna Silahlı Qüvvələrinin (USQ) Kursk vilayətinə hücumu arxasında Avropaya bütün qaz nəqlinin dayandırılmasının dayana bilər".
Ukrayna ordusunun əməliyyatının məqsədlərini "The Washington Post" (WP) açıqlayıb.
"Bəzi analitiklər təxmin edirlər ki, Kiyevin məqsədi təzyiq nöqtəsi kimi Rusiya qazının Avropaya bütün tədarüklərini dayandırmaq ola bilər. Cümə axşamı qaz hələ də boru kəmərinin əməliyyat yüklənmə nöqtəsi olan Sucadan (Avropaya) axırdı", - nəşr yazır.
Həmçinin, Ukrayna prezidentinin ofisi adının açıqlanmasını istəməyən müşavirinə istinadən bildirilib ki, ABŞ Kiyevin Kursk vilayətində əməliyyat keçirmək qərarını tənqid etməyib.
Xatırladaq ki, daha əvvəl USQ-nin Ali Baş Komandanı Aleksandr Sırski NATO-nun Avropadakı qüvvələrinin baş komandanı Kristofer Kavoliyə zəng edib. Ukraynalı general göstərilən köməyə görə alyansa təşəkkür edib və Kiyevin hərbi ehtiyaclarından danışıb.
Ukrayna Prezidenti Volodimir Zelenski Silahlı Qüvvələrinin Rusiyanın Kursk vilayətinə hücumu fonunda Rusiyanın da müharibəni hiss etməli olduğunu bildirib.
“Dövlət başçısı axşam videomüraciətində Ukrayna Silahlı Qüvvələrinin Kursk vilayətinə hücumunu birbaşa şərh etməsə də, Rusiyanın müharibəni Ukrayna torpağına gətirdiyini və “nə etdiyini hiss etməli” olduğunu deyib.
O həmçinin Ukrayna Silahlı Qüvvələrinin baş komandanı Aleksandr Sırskinin üç “səmərəli” məruzəsindən danışıb, ancaq təfərrüatları açıqlamayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri vurğulayıb.
Xatırladaq ki, avqustun 6-da Ukrayna Silahlı Qüvvələri Rusiyanın sərhəddəki müdafiə xəttini yararaq Kursk vilayətinə soxulub və bir neçə kəndi ələ keçirib. İndiyədək davam edən döyüşlərdə Rusiya ordusu qarşı tərəfi geriyə ata bilməyib. Bölgədə döyüş əməliyyatları zonasının 400 kvadrat kilometrdən artıq olduğu bildirilir.
Ukrayna Silahlı Qüvvələrinin Kursk vilayətinə hücumu narahatlıq doğurur, BMT mülki əhalinin müdafiəsinin təmin edilməsinə çağırır.
Bu sözləri brifinqdə BMT rəsmisi Farhan Haq deyib.
"Hadisələrin inkişafı həqiqətən narahatlıq doğurur. Biz bütün tərəfləri məsuliyyətlə hərəkət etməyə və mülki şəxslərin müdafiəsini təmin etməyə çağırırıq”, - o bildirib.
Xəbər verdiyimiz kimi, 2-3 avqust tarixlərində ABŞ-nin Rumıniya və Yaxın Şərqdəki hərbi bazalarından Ermənistanın Zvartnots hava limanına 2 hərbi təyyarə qalxıb. Ehtimallara görə, həmin təyyarələlə Ermənistana ABŞ istehsalı olan yeni nəsil silahlar – snayper tüfəngləri, gecəgörmə cihazları, xüsusi rabitə vasitələri və zirehli texnikalar gətirilib. Siyahıya xüsusi təyinatlılar üçün mini-hücum pilotsuz təyyarələri, kiçik ölçülü minalar və digər döyüş sursatları da daxildir.Maraqlıdır, Azərbaycanla sülh müqaviləsi imzalamaqda maraqlı olduğunu bəyan edən Ermənistanın silahlanması müharibə ehtimalını artırırmı?
Mövzu ilə bağlı KONKRET.az-a danışan hərbi məsələlər üzrə ekspert Şair Ramaldanov Ermənistanın sülhdən prosesindən uzaqlaşmaq siyasəti götürdüyünü deyir:
“Paşinyan administrasiyası hiyləgər mövqe tutub, sülhdən getdikcə uzaqlaşırlar. Sərhəddə vəziyyəti gərginləşdirmək cəhdləri də bununla bağlıdır. Ermənistan havadarlarına arxalanaraq yeni müharibə ocağı yaratmağa çalışır. Paşinyan, ABŞ və Fransanın diqtəsi ilə hərəkət edir və bütün olanlara görə məsuliyyəti də o daşıyacaq. Aydındır ki, Ordumuz tərəfindən təxribatlara ən sərt şəkildə cavab veriləcək. Azərbaycan illərdir davam edən separatizmə son qoyub, biz indi sülh istəyirik. Amma qarşı tərəf sakitləşmək istəmir, xain addımlarına davam edir”.
Ekspert ABŞ və Fransanın bölgə üçün təhlükəli oyunlar qurduğunu düşünür:
“Böyük layihələr Cənubi Qafqazdan keçir. Ermənistan da çalışır ki, ABŞ və Fransa kimi ölkələri bölgəyə cəlb etsin. Bu, region üçün heç də yaxşı şeylər vəd etmir. Amma unutmayaq ki, ABŞ və Fransanın əsas hədəfi Azərbaycan yox, Rusiyadır. Onlar şimal qonşumuzu bölgədən çıxarmağa çalışırlar. Lakin indiki məqamda bu mümkünsüz görünür. Gürcüstanda gedən proseslər çox şeydən xəbər verir. Azərbaycan müstəqil siyasət yürüdür. Ermənistanın isə birmənalı şəkildə Qərbə yönəlməsi Cənubi Qafqazda proseslərin təhlükəli məcraya girməsini şərtləndirir”.
Ş.Ramaldanov Paşinyan hakimiyyətinin Rusiyadan uzaqlaşmasının ciddi nəticələrə səbəb olacağını vurğulayıb:
“Fransa kimi ölkələr guya erməniləri bizdən qorumağa çalşırlar. Əslində isə onların müdaxiləsi olmasa, qısa müddət ərzində sülh müqaviləsi imzalana bilər. Sözügedən ölkələr bölgədə qalmaq üçün Ermənistanı təxribatlara çəkir. Lakin düşünürəm ki, rusların Ermənistana təsir imkanları həddindən artıq çoxdur. Paşinyan KTMT ilə bağlı məsələdə də ikili oynayır. O, çalışır ki, həm Rusiyadan, həm də Qərbdən dəstək alsın. Dediyim kimi, Rusiyanın Paşinyan rəhbərliyinə qarşı bir çox təsir vasitələri var. Bunların sonuncusu hərbi müdaxilədir. Ermənistan havadarlarının himayəsi altında atmamalı olduğu addımları atır. Vəziyyət belə davam edərsə, Rusiya Ermənistana müdaxilə edəcək və Paşinyan postundan salınacaq. Onun yerinə isə sülh istəyən, ikili oyun oynamayan biri gətiriləcək. Hazırda yeni təxribatların olacağı gözlənilir, eskolasiya riski çoxdur”.