 |
|
Rusiya danışıqlar nəticəsində bu gün Ukrayna əsirliyində olan 90 rus əsgərini geri qaytarıb.
Rusiyanın Müdafiə Nazirliyinin yaydığı məlumata görə bunun müqabilində 90 ukraynalı hərbi əsir Ukraynaya təhvil verilib.
Nazirlik həmçinin rus hərbçilərinin əsirlikdən qayıtması zamanı Birləşmiş Ərəb Əmirliklərinin humanitar xarakterli vasitəçilik etdiyini açıqlayıb.
ABŞ prezidentliyinə namizəd Donald Trampın iki əsas müşaviri ona Ukraynadakı münaqişəyə son qoymaq planını təqdim ediblər. Onların təklifinə görə, rəsmi Kiyev Moskva ilə danışıqlara başlasa, Vaşinqton Ukrayna Silahlı Qüvvələrinə (AFU) hərbi dəstəyi artıracaq.
ABŞ Rusiyaya da şərtlər qoya bilər. Planda Rusiyanın danışıqlardan qəti şəkildə imtina etməsinin Ukrayna Silahlı Qüvvələrinə hərbi yardımın artırılmasına səbəb olacağı nəzərdə tutulur.
Plana görə, sülh danışıqları zamanı üstünlük təşkil edən cəbhə xəttləri əsasında atəşkəs elan olunacaq. Ukraynanın mövcud cəbhə xətti əsasında keçirilməsi planlaşdırılan sülh danışıqlarından imtina etməsi, əksinə, ABŞ-dan istənilən dəstəyin dayandırılması demək olacaq.
Planı Trampın prezidentliyi dövründə ABŞ Milli Təhlükəsizlik Şurasının keçmiş icraçı katibləri olan Keyt Kelloq və Fred Fleytz hazırlayıb. Fleytzin sözlərinə görə, Tramp "hər sözlə mütləq razılaşmırdı, lakin o, xoş rəylər verdi".
Keçmiş prezidentin nümayəndəsi Stiven Çunq Fleiyts və Keytin sözlərini Trampın rəsmi mövqeyi hesab etməməyə çağırıb.
Qeyd edək ki, 2023-cü ilin iyulunda Tramp Fox News telekanalına müsahibəsində prezident seçiləcəyi təqdirdə Ukraynadakı münaqişəni 24 saat ərzində dayandıracağına söz vermişdi. O, dəfələrlə oxşar bəyanatlar verib.(musavat.com)
Dağıstanda baş verən terror aktından sonra Çeçenistan rəhbəri Ramzan Kadırov respublikanın təhlükəsizlik qüvvələrini terrorizm və dini ekstremizmin qarşısını almaq üçün səylərini gücləndirməyə çağırıb.
Bu barədə o, "Telegram" kanalında məlumat verib.
O, həmçinin çeçenlərə dini ekstremistlərin təsiri altına düşə biləcək qohum və dostlarının davranışlarına diqqət yetirmələrinin vacibliyi barədə xəbərdarlıq edib.
"Avropa ölkələrindən gələn radikal ideologiyaya qarşı mübarizəyə xüsusi diqqət yetirilməlidir", - Kadırov yazıb.
Onun sözlərinə görə, nəşr respublikanın hüquq-mühafizə orqanlarının rəhbərliyi ilə görüşdən dərhal sonra hazırlanıb.
"Biz ən yaxın qohumlarımızı terror ideologiyasının zərərli təsirindən qorumaq üçün onlara qarşı xüsusilə diqqətli olmalıyıq", - Çeçenistan lideri yekunlaşdırıb.
Terror aktından az sonra Çeçenistan lideri Dağıstandakı hücumları dinlər arasında ixtilaf salmaq cəhdi adlandırıb.
İyunun 23-də Dağıstanda silsilə terror aktları baş verib. Silahlılar ən azı 20 nəfəri qətlə yetiriblər. Dağıstanın rəhbəri Melikov Dağıstanda baş verən terror aktlarını “Krokus”a hücumla müqayisə edib .
Rusiya-Ukrayna müharibəsində son vaxtlar ATACMS taktiki ballistik raketlərdən istifadə intensivliyi artıb.
Sfera.az xəbər verir ki, 2024-cü ilin iyunun 23-də Ukrayna silahlı qüvvələrinin Krımdakı hədəflərə hücumu zamanı da bu növ raketlərdən istifadə edilib. Rusiya tərəfi hücum zamanı 5 nəfərin öldüyünü,152 nəfərin yaralandığını açıqlayıb.
Bu məlumata görə, Krıma 5 ədəd ATACMS raketi atılıb, onlardan dördü tam zərərsizləşdirilib, birini isə tam zərərsizləşdirmək mümkün olmayıb. Tam zərərləşdirilməyən raketin hissələri Sevastopol şəhərindəki çimərlik ərazisinə düşüb və burada çoxlu sayda insan xəsarət alıb.
Ukraynanın açıqlamasına görə, hücumda hədəf Krım yarımadasında yerləşən kosmik rabitə mərkəzi olub. Rəsmi Kiyev bildirir ki, hücum uğurlu alınıb və mərkəzə ciddi zərər vurulub.
Rusiya bu hücuma görə ABŞ-ni günahlandırıb. Rusiya tərəfi hesab edir ki, bu silahları Ukraynaya ABŞ verir, eləcə də həmin silahlardan istifadə edilməsində amerikalı mütəxəsislər iştirak edir. Rəsmi Moskva bildirib ki, son hadisə ABŞ-nin Rusiyaya qarşı hibrid müharibə aparmasının və faktiki olaraq münaqişə tərəfinə çevrilməsinin göstəricisidir.
Bəs Rusiya üçün ciddi problemlər yaratmağa başlayan ATACMS raketləri hansı imkanlara sahibdir?
ATACMS balistik raketləri ABŞ-nin “Lockheed Martin” şirkəti tərəfindən istehsal olunur. Bu raketlərdə bərk yanacaqdan istifadə edilir və 50 km-dən 300 km-ə qədər məsafədəki yerüstü hədəfləri vurmaq mümkündür. Hazırda raket sistemləri dörd növ ATACMS raketlərindən istifadə edə bilir. Bunlardan yalnız birində tək başlıq mövcud olur və yüksək dağıdıcılıq qabiliyyətinə sahibdir. Digər üç raketdə isə yüksək partlayıcı qabiliyyətə malik kaset tipli döyüş başlıqları və ya digər sursatlarla təchiz edilir.
Məsələn, MGM-140A raketinin çəkisi 560 kq olan döyüş başlığı var və 950 döyüş elementi daşıyır, MGM-164A isə ümumi çəkisi 268 kq olan cəmi 13 məhsulla təchiz edilib.
Ukraynaya ATACMS-lar 2023-cü ilin oktyabrında, yəni Rusiyanın hücumundan bir il səkkiz ay sonra çatdırılıb. Ukrayna ordusu cəmi 8 aydır ki, bu silahlardan istifadə edir. Ballistik raketlərin istifadəsi Rusiya ordusuna ciddi təhdid yaradıb. Raketlərin 300 km-ə qədər uçması daha dərində yerləşən hədəflərin vurulmasına imkan verir. Məhz bu raketlərin köməkliyi ilə Krımdakı Rusiyanın hava qüvvələrinin bazaları bir neçə dəfə hədəfə alınıb.
2024-cü il aprelin 17-də Rusiyanın nəzarəti altında olan Krımdakı hərbi hava qüvvələrinin bazasında altı partlayış baş verib. ATACMS raketlərində proqram təminatı ilə birlikdə çoxsaylı naviqasiya vasitələrindən istifadə edilir. Buna görə də adıçəkilən raketlərlə Rusiyanın uzaqda yerləşən hədəflərini daha dəqiq vurmaq olur. Raketlərin səmərəliliyini nəzərə alaraq ABŞ yeni yardım paketinə uyğun olaraq Ukraynaya daha bir neçə ATACMS raket komplekslərini verəcək. Ukraynada belə raket komplekslərinin sayının artması Rusiyanın müdafiə qabiliyyətini zəiflədəcək.
Türkiyə Prezidenti Rəcəb Tayyib Ərdoğan yaxın günlərdə Astanada rusiyalı həmkarı Vladimir Putinlə görüşməyi planlaşdırır.
APA xəbər verir ki, bu barədə Türkiyənin xarici işlər naziri Hakan Fidan “Habertürk” telekanalına açıqlamasında bildirib.
“Yaxın günlərdə prezidentimizlə Putinin Qazaxıstanda görüşü baş tuta bilər”, - nazir vurğulayıb.
"İsrail radikallar tərəfindən saxlanılan bütün girovları qaytarana və anklavda HƏMAS-ın hakimiyyətini aradan qaldırana qədər Qəzza zolağında müharibəyə son qoymayacaq".
Bu bəyanatla İsrailin Baş naziri Binyamin Netanyahu çıxış edib.
O bildirib ki, ölkəsi eyni zamanda, ABŞ Prezidenti Co Baydenin dəstəklədiyi atəşkəs təklifinə sadiq qalacaq.
"Birincisi, 120 girovu, ölü ya diri, geri qaytarana qədər müharibəni bitirməyəcəyik. İkincisi, HƏMAS-ı tamamilə məhv edənədək müharibəni bitirməyəcəyik. Biz ABŞ Prezidenti Co Baydenin də dəstəklədiyi atəşkəs təklifinə sadiqik. Bizim mövqeyimiz dəyişməyib", - Netanyahu bəyan edib.
Atəşkəs Naxçıvan istiqamətində pozulanda belə versiyalar səslənirdi ki, bu Ermənistandakı təxribatçı qüvvələrin Zəngəzur dəhlizinin reallaşması və Kərki kəndinin geri qaytarılması mümkünlüyü əleyhinə atılmış addımdır, gedişata mane olmaq istəyirlər. Atəşkəsin Kəlbəcər istiqamətində pozulmasının arxasında da Ermənistandakı revanşist qüvvələrin dayanması ehtimalı yüksəkdir. Bunun mexanimzi çox sadədir. Qarabağ klanı və ya digər radikal qüvvələr ordudakı tərəfdarlarından bir qrupuna mesaj göndərirlər ki, Azərbaycan tərəf atəş açın. Və ya radikal qüvvələrin nümayəndələrindən bir qrupu maşınla sərhəd kəndlərdən birinə yaxınlaşaraq Azərbaycan tərəfə atəş açırlar. Bu ilin fevral ayında qarşı tərəf atəş açaraq hərbçimizi yaraladıqda, baş nazir Nikol Paşinyan bunun təxribat olduğunu anlayaraq orduda bəzi yerdəyişmələr etdi. Ancaq bu prosesi ya sona çatdıra bilmədi, ya sona çatdırmağa risq etmədi. Bütün hallarda atəşkəsin pozulmasının intensiv hal alması gərginliyi artırır, bu isə öz növbəsində danışıqlar prosesinə mənfi təsir edir.Orxan TUNCƏR
İranın keçmiş prezidenti Həsən Ruhani 2020-ci ilin dekabrında parlamentdə təsdiqlənən və hökuməti nüvə fəaliyyətlərini sürətləndirməyə məcbur edən qanunun ölkənin 300 milyard dollar itirməsinə səbəb olduğunu etiraf edib.
Sabiq prezidentin iyunun 19-da hökumətinin kabinet üzvləri ilə görüşündə verdiyi bəyanatlar bu gün internet saytında dərc olunub.
İclasda 2020-ci ilin noyabrında iranlı alim Muhsin Fəxrizadənin öldürülməsindən dərhal sonra parlament tərəfindən təsdiqlənən və nüvə fəaliyyətlərinin sürətləndirilməsini məcbur edən “Strateji Fəaliyyət Qanunu” tənqid edilib.
Avropa İttifaqının (Aİ) vasitəçiliyi ilə İran və ABŞ arasında aparılan nüvə danışıqlarına işarə edən Ruhani, danışıqların 2021-ci ilin aprelində yekunlaşdığını, lakin Ali Milli Təhlükəsizlik Şurasında yalnız bir nəfərin buna qarşı çıxdığını və bu şəxsin hazırda prezidentliyə namizəd olduğunu bildirib.
O, eyni zamanda parlamentin təsdiq etdiyi qanuna görə razılaşmanın həyata keçirilə bilməyəcəyini iddia edib.
Əlavə edib ki, bu səbəbdən İran 300 milyard dollar itirib. "Parlamentin “Strateji Fəaliyyət Qanunu” İran tarixindəki ən pis qanundur. Bizim bundan daha pis qanunumuz olmayıb. Bu, 12-ci hökuməti uğursuzluğa düçar etmək üçün hazırlanmış sui-qəsddən başqa bir şey deyildi", - Ruhani bildirib.
Xaricdən gələn diktələrin xeyrinə suverenliyin itirilməsi Moldovanı silahlı münaqişələrə cəlb edə bilər.
Axar.az xəbər verir ki, bunu Moldovanın keçmiş prezidenti İqor Dodon deyib.
“Bu gün biz görürük ki, gərgin geosiyasi kontekstdə bəzi dövlətlər öz diktələrini Moldova siyasətinə tətbiq etməyə çalışırlar və biz moldovalıları regional strateji maraqları üçün rıçaq etmək istəyirlər. Bu şəraitdə suverenliyin və müstəqilliyin itirilməsi Moldovanın silahlı münaqişələrə cəlb olunmasına, son nəticədə ərazi itkilərinə və hətta dövlətçiliyin itirilməsinə səbəb ola bilər. Buna yol vermək olmaz”, - Dodon bildirib.
“Ermənistan xalqı artıq döyüşmək, əziyyət çəkmək və özünü qurban vermək istəmir, sadəcə yaşamaq istəyir”.
“Report” xəbər verir ki, bunu Ermənistanın Baş naziri Nikol Paşinyan deyib.
“Biz artıq döyüşmək, sağ qalmaq, əziyyət çəkmək, özümüzü qurban vermək istəmirik. Biz sadəcə yaşamaq istəyirik. Bu, xalqdan elitaya və hakim çoxluq olaraq bizə bir mesajdır”, - deyən Paşinyan bildirib.
Onun sözlərinə görə, xalq elitadan soruşur ki, onlar sadəcə yaşamağa, uşaqların xoşbəxt və firavan yaşamalarına şərait yarada biləcəklərmi? Siyasətçi vurğulayıb ki, bu suala yalnız dövlət cavab verə bilər.
Baş nazir əlavə edib ki, Ermənistanda son etiraz hərəkatı xalqın əsl Ermənistana üstünlük verdiyi üçün uğursuzluğa düçar olub. Onun fikrincə, həyat ideologiyasını dövlət ideologiyasına çevirmək, vətəndaşların yaxşı yaşamaq istəyinə azadlıq vermək lazımdır.